اكرم: من شحال هادي معمتي الواليده ههه
العقروشه: راني توحشت البحر اولدي بنتي مريم يلاه شدي ليا فيدي
مريم: هيا اللوله الحاجه
انا بديت كنخنزر فديك الخائنه ديال مريم و بدات كتعوج ليا فوجها زعما خلي هاد الخرجه دوز بخير.. دخلنا لبحر و عمنا تا شبعنا الالا و اكرم سلت على ماماه و مريم و جا عندي .. كنت كنسورفي انا و ماريوس دايرين عومت الكلب جا ليا من اللور و جر ليا رجلي و انا نعطيه للنيف نيشان السيد بدا كيرعف
اكرم معصب: او او او ابشويا ا القرده جينا نضحكو معاك هجرتيه لينا
نهيله: سمح ليا راه مقصدتش (غوبشت وجهي) و زايدون نتا لي جبدتي
اكرم: واش هاديك عندك رجل و لا مطرقه ها العار ؟
نهيله بدات كتضحك: هاديك مطرقه علاش كتسول
اكرم: و انا كنحماق على المطارق خصوصا منين كينزلو عليا
ماريوس: اكرم اكرم شوف الواليده ديالك كتغرق
درنا و حنا لقاوها كتخبط فالما مشا اكرم و ماريوس يعتقوها و انا مشيت عند مريم لقيتها متعجبه
نهيله: مريم مالك ؟
مريم: قبيلا جا عندنا واحد الراجل قالينا منمشيوش تما حيت فيه حفره معرفتها واش مسطيا و لا مسمعاتش
نهيله: اميته غرقات
مريم: كنا كنشوفو فيكم مجيت فين ندور تا سمعت غواتها
نهيله: تا هاديك راها مغياره و مسمومه غار شافتني انا و اكرم و بغات تخسرها
مريم: داكشي لي بان ليا ههههه عگوزتك صعيبه ا نهيله
نهيله: عندك الحق خصني نتهنا منها آآآ بلاتي شناهوا؟ و شكون قاليك هاديك العقروشه غتكون عگوزتي؟؟ مريم: ههههه باينا للعما
جا اكرم و هاز مو صحا سلام فحال ايلا مطرا ليها والو
اكرم: يلاه الواليده نرجعو لدار مبقا عندنا منديرو هنا مازال
الشارفه: لا اوادي خلي البنات اتمتعوا مبغيتش نخسر ليهم الخروجه (ربي ربي ا الحاجه تفو باقي ليها شبر لقبر و كتنافق)
اكرم: يلاه البنات نمشيو
أنت تقرأ
كونطرا رونات حياتي
Teen Fictionسلااااام🎉🎉🎉 جيت و جبت ليكم قصة مختلفة جدا ... تجمع بين دراما رومنسية و الحزن والكوميدية👍🏻✌🏻 واااووو في قمة الروعة💯✅ أنا بعدا #حمقاااااتني✌🏻✌🏻 يلااااااه 🙀😍 تفااااااعلو 🏻......#اصلييييييية_واول_مرة_تنشر..يلااااااه ⬅ العنوان : *******#كونط...
