روايه نبض قلبي / دانة الحمادي

الجزء التاسع

في شقة سعود ويحيى
سعود: مالك تناظر التلفون
يحيى: تصدق ما اتصلت علي
سعود: يعني ما اهتمت؟!!!
يحيى : لا
سعود: غريبه
يحيى: ايوا غريبه .. توقعت بتركض وراي حتى تعرف ايش ابى .. بس هذي ماعبرتني
سعود: معناها ماهي خايفه من شي
يحيى: صح .. نستبعد فكرت انها مضيعه شرفها وجايه تدور عليه
سعود: نستبعدها بس لا ننساها
يحيى: لا ما بننساها .. ممكن تكون هي المشكله الرئيسيه وحنا محنا منتبهين
سعود: ممكن
يحيى: وين الصور الجديده
سعود: هذا هي
يحيى: شوف هذي الصوره
سعود: مالها
يحيى: شوفها كيف تبعد جابر عنها .. شوف عيونها
سعود: ماني فاهم ايش تبى توصل له
يحيى: ابي اوصل للبضاعه ابي افهم الموضوع كله
سعود: احس اننا بعدنا كثير عن البضاعه ياخوي
يحيى: لا تقلق .. بنوصل لها
سعود: لازم نقلق.. البارح الجماعه دزو واحد من طرفهم .. يستعجلنا ولا مابيصير طيب
يحيى: خبرته بالي صار
سعود: ايوا .. وقال لي انه بيخبرهم بالي صار.. بس لازم نستعجل.. يقول.. خليل اذا طلع من الديره الان مابنقدر نلاقيه طول العمر .. وانت عارف الراس الكبيره يبي ينتقم منه باي طريقه
يحيى: عارف .. انا ماهو مهم عندي انتقامه.. المهم اني اخذ نصيبي وبس
سعود: ايش العمل الان
يحيى: انا بتصل عليها وبنشوف .. الو
سما: يحيى وبعدين
يحيى: حتى من غير السلام عليكم كيفك كيف احوالك اعتبريني اخوكي الي انقذك طيب
سما: يحيى انت تعرف انه هالشي ماهو صح
يحيى: كان عندي خبر بس ابي اوصله لك
سما: خير
يحيى: جابر ادفنوه اليوم الصباح
سما: بس!!
يحيى: ايوا بس
سما: طيب
يحيى: اشوفك ما تأثرتي
سما: وليه اتأثر
يحيى: يعني انا افتكرت انه يقرب لك .. قلت اقولك عن اخباره اذا تهمك
سما: لا مايقرب لي .. ولا يهمني في شي
يحيى: غريبه
سما: اقدر اسكر الان؟
يحيى: سما انا ابي اتطمن عليكي بس
سما: قلت لك تطمن انا بخير
يحيى: طيب انا عندي خبر ثاني عنه
سما: يحيى انا قلت لك انه مايهميني .. يحيى انا الشخص هذا ما اعرفه
يحيى: غريبه.. بس الصور الي عندي تقول غير كذا
سما: أي صور؟!! ..
يحيى: صور يحاول يحضنك فيها وحضنك غصب عليك .. عيونه بالصور تقول انه يعرفك
سما: انا قلت لك ما اعرفه ومالي علاقه فيه .. بغيت تصدق كيفك مابغيت براحتك
يحيى: سما
سما: انا مطره اسكر ياخوي اسمحلي
يحيى بحده: سما
سما: نعم
يحيى: كلميني عدل ياسما .. وردي على اسألتي
سما: يحيى ممكن ما تتصل علي مره ثانيه لو سمحت
يحيى: ممكن اكيد.. بس ردي على اسألتي وانا افكك من اتصالاتي
سما: ماعندي أي جواب لاسألتك ياخوي المشكله الي انا فيها اكبر من الي براسك
يحيى: ثقي فيني .. وانا انشا الله .. احلها لك
سما: ههههههههههه والله ضحكتني ..
يحيى: وليه ضحكتك
سما: الجمله هذي سمعتها من قبل
يحيى: انا غير .. جربيني وانتي تشوفي
سما: الكل غير ياخوي
يحيى: ابي تعذرين تدخلي ياسما .. انا يمكن ازودها معك شوي .. بس صدقيني ذا في مصلحتك خلي كلامي ذا براسك .. اوعي تنسيه .. سما انا بكون جنبك على طول برضاكي او غصب عنك .. اذا رضيتي بتريحي نفسك من مشاكل جديده تدخل عليكي واذا رفضتي مالي غير اني استخدم العنف معاكي حتى اوصل للي ابيه
سما: مافهمت
يحيى: انا ابي اوصل لخليل
سما: بس انا ما اعرف مكانه ياخوي والله ما اعرف مكانه
يحيى: بتعرفين يا سما انتي الخيط الوحيد الي عندي الي بيوصلني لخليل
سما: يحيى انت كذا بتعرضني لمشاكل انا غنيه عنها بالله
يحيى: قولي لي ايش حاصل معك وانا اقرر ابتعد عنك او استمر
سما: يحيى انت بتبتعد .. انا عارفه انك رجال وقد كلمتك .. اعتبرني عرضك خاف علي وابتعد عني
يحيى: انا فعلا حاسس انك عرضي .. وصدقيني خايف عليكي .. وابي اساعدك ماهو اكثر
سما: اعذرني ما اقدر اقولك شي .. هذي اشياء شخصيه تخص عيلتي بكبرها .. اعذرني
يحيى: سما انا قلت لك .. لا تعارضيني بتلقي الي مايسرك
سما: سوي الي تبيه اذا هذا يرضيك .. انا ماضريتك بشي .. وانت بتبهدلني معاك
يحيى: والله مابرضا بالبهدله لك انتي...........
سما بحده: بس عاد سمعت هالكلام كثير ماعدت اصدقه .. كفايه عاد كفايه .. ابتعد عني
يحيى: الو .. الو
سعود: ها
يحيى: سكرت الخط
سعود: وبعدين
يحيى: ننتظر شوي .. ونتصل .. وكل ماضغطنا عليها بتنهار وبتتكلم
سعود: واذا ما نهارت
يحيى: بتنهار.. هالبنت رقيقه كثير مابتستحمل الي بسويه فيها
سعود: وايش ناوي تسوي فيها
يحيى: استنى شوي ..
سعود: ماردت؟؟
يحيى: لا
سعود: اتصل مره ثانيه
يحيى: لا.. بدز مسج .. ولا اقولك .. بدز لها صوره حلوه مع جابر
سعود: هههههههههههههههههههههه بتموت من خوفها والله
يحيى: اجل ادز مسج احسن ما ودي انها تموت الان.. بدري .. خليني اعرف خليل وين وبعدين تموت براحتها
سعود: ايش تكتب
يحيى: " سما ماكان ودي استخدم العنف معاك بس انتي اظطريتيني .. دقي علي وكلميني الان احسن ما ادز لا هلك صورك "
سعود: تتوقعها تدق
يحيى: هذا هي دقت .. الو
سما: ...............................
يحيى: ليه ساكته ردي
سما: المطلوب
يحيي: ابي اعرف خليل وين
سما: والله ما اعرف .. من البارح وانا انتظره يتصل ولسا مادق علي
يحيى: ايش الي بينك وبينه
سما: انت تبي خليل صح
يحيى: بالضبط
سما: اذا دق علي بتصل فيك وبقولك .. أي اوامر ثانيه
يحيى: ماجاوبتي على سؤالي
سما: ما اقدر اجاوب على سؤالك لازم اثق فيك الاول
يحيى: تحبي تثقي فيني غصب عليكي
سما: لا طبعا احب اني اتعامل معاك بكل احترام .. اذا قدرت اثق فيك اقولك.. الان لا
يحيى: وليه الان لا
سما: لانك مهددني .. وتخوفني
يحيى: كنت ابي اسألك.. انتي كيف تركتي بيتكم بساعه زي ذي وجيتي لمكان مشبوه
سما: اجابة السؤال ذا تتطلب مني اشياء كثيره اقولها لك
يحيى: وليه ماتقولي
سما: وانا خايفه منك ما اقدر
يحيى: بفضحك
سما: حتى لو فضحتني .. المهم عندي اني اثق فيك واحس انك تبي تساعدني من جد .. ماهو بس كلام
يحيى: والله اني بساعدك والله
سما: بتساعدني اذا بتعدت عني
يحيى بعصبه: سماااااااااااااااااااااااااااااااا
سما: يحيى انا مابي اعصبك انا اتكلم معاك من جد تبي تعرف مكان خليل حاضر من عيوني .. بس مشكلتي محد بيقدر يساعدني فيها
يحيى: جربيني
سما: جربت غيرك وخذلني .. مابي اعيد التجربه
يحيى: انا غير .. اذا غيري خذلك فانا رجال الزم ماعلي اوفي بكلمتي قدام الحرمه الي الجأت لي وبتشوفي
سما: عطني فرصه اثق فيك .. واقول لاهلي عنك
يحيى: ايش؟؟؟؟
سما: وليه مستغرب
يحيى: تبين تقولي لاهلك عني؟.. كيف!!!!!!!
سما: اكيد بقولهم عنك تظن اني اخبي عنهم شي
يحيى: ههههههههههههههههههه خبريهم وبعدين طمنيني اذا وافقو ولا لا
سما: حاضر.. اقدر امشي الان
يحيى: بتصل عليكي بعدين واياكي ماتردي علي
سما: اليومين هذول بكون مشغوله كثير اذا مارديت عليك وقتها اكيد بدق عليك وقت ثاني
يحيى: نشوف
فهد: سما
سما: اتركك الان عهود .. بتصل فيكي بعدين
يحيى: طيب ناطر اتصالك من جد.. سامعه
سما: طيب ياروحي سلام
سعود: يحيى .. يحيى
يحيى: خير اسمعك
سعود: مالك
يحيى: ولا شي
سعود: ايش قالت
يحيى: المشكله كبيره .. وتخص عيلتها كلها
سعود: عيلتها؟.. مين يعني
يحيى: ماقالت.. لازم اعرف كل شي
سعود: سما ماهي مهمه وانا اخوك المهم البضاعه
يحيى: ها .. ايوا البضاعه .. صح
سعود: والله انت شكلك بعالم ثاني
~ ايوا بعالم ثاني .. انا من شفتها وانا بعالم ثاني .. عيونها .. ذبحتني عيونها .. ادبها .. رقتها .. اشغلتني كثير.. حاجه غير.. غير عن البشر .. احسها ملاك .. انا ماشفت شكلها .. اجل اذا شفت وجهها ايش راح يجرا علي .. اش هالمشكله الي تقول عنها .. كيف اخليكي تقولي لي عنها .. لازم اخليكي تثقي بي .. يمكن هالبنت ذكيه واخدعتني بموضوع مشكلتها .. بس هي تنتظر خليل يدق عليها .. يعني فيه شي .. وتخص عيلتها بعد .. واذا تخص عيلتها كيف تتجرأ وتطلع الليل وتجي لمكان مثل هذا وحدها من غير لا يكون معها رجال .. ابي اعرف كل حاجه عنها .. كل شي .. المهم الان عندي .. راشد الراشد ~

******************************

بغرفة نور وساره
سما: ايوا فهد
فهد: حبيبتي حنا رحنا لبيت ام حسام
سما: واخذو الفلوس؟
فهد: لا .. مارضو .. البنت الي طلعت لنا قالت .. سلمو على سما وقولو لها حنا بخير وماناقصنا شي .. وقولو لها انو امي تقول لاتحمل نفسها ذنب بموت حسام .. هذا يومه
سما: والله.؟!!
فهد: هذا الي صار ..بس
سما: بس ايش
فهد: سالم اخذ الفلوس واشترا فيها .. مونه للبيت واغراض وحاجيات لوازم الحرمتين .. ورجعنا لهم مره ثانيه
سما: رجال عرف يتصرف
فهد: وخلا باقي المبلغ بوحده من الخرايط .. وقال للبنت .. سما تقول الاغراض هذي ماترجع واذا رجعت ماراح تجيكم بكره
سما: حبيب قلبي اخوي .. واقبلتهم البنت؟!!
فهد: ايوا اقبلتهم بس بعد ماشاورت امها.. وقالت والله حنا محنا محتاجين .. واذا على سما انا بكلمها بكره .. وانتو جزاكم الله خير .. عذبناكم معانا رايحين وجايين
سما: هالبنت من شفتها دخلت قلبي
فهد: ودخلت قلب ناس ثانين بعد
سما: من جدك
فهد: ايوا من جدي
سما: ليه ايش قال
فهد: ظل طول الطريق ساكت .. اكلمه ومايرد .. ازعق عليه ويقولي اتركني الان يا فهد
سما: ههههههههههههه اخيرا هالولد عشق
فهد: انا اقول يمكن .. هو ما قال شي لحد الان
سما: فهودي الله يخليك اوصف لي شكله
فهد: هههههههههههههه طيب عشانك بس اقولك .. بس ها .. اذا درا عني ترا والله يذبحني
سما: لا مابعلم بس قول
فهد: لما كنا نطاول البنت الاغراض .. هو الي وقف قدامي يطاولها .. بس انا شفت وقت مايده المست ايدها بالغلط
سما: هااااااااااا اكيد بالغلط؟
فهد: ايوا ايوا بالغلط لا تخافي .. سالم ماعنده الشي ذا انتي عارفه
سما: حبيب قلبي والله عارفته .. وبعدين
فهد: احسه تلعثم بكلامه معاها .. بالاول كان جاد معاها .. بس بعدين صار حنون عليها واجد
سما: بعد قلبي هو طول عمره حنون
فهد: اشوفك موافقه
سما: على ايش
فهد: يعني .. اذا قال يبيها بترضي؟
سما: اذا هو يبيها ليه امانع
فهد: ايوا بس هذول وين وحنا وين
سما: فهوووووووووووووود ووجع من متى تتكلم بهالكلام هاااااااااا
فهد: لا تعصبي انا اسأل
سما: لا تسأل .. اذا البنت وحده عدله وماتتعيب ممكن تربي عياله وتريحه وتعيشه بسعاده .. ليه ارفض.. ها.. عشان ماهي من مستوانا
فهد: ايوا
سما: ايوا؟.. وجع ببليسك .. انا من متى معلمتك هالكلام .. حنا من متى نحكم على الناس من مستواهم يافهد
فهد: عني انا ماني راضي .. هذا نسب ياسما ماهو لعبه يوم ولا يومين وتنتهي
سما: طيب انت قصدك نناسب ناس من مستوانا صح
فهد: المنطق يقول كذا ..
سما: ايش يقول المنطق
فهد: بنت في مستوا سالم المادي والثقافي .. بتفهمه اكثر من أي وحد مستواها عادي
سما: طيب .. يعني اخت حسام ماتناسبه صح
فهد: انا اشوف ..لا
سما: طيب وحده مثل مرام تناسبه
فهد: اعوذو بالله .. ايش قاعده تقولي ياسما
سما: هذا الي ابيه يوصل دماغك .. انا مهم عندي سمعة البنت وادبها وسنعها .. سوا كانت فقيره ولا غنيه .. المهم السنع .. واذا كنت تفضل الغنيه على القفيره عندك بنت عمك مرام اكبر مثال .. مال وجمال وقليلة حيا .. من تفضل
فهد: يعني مابقا من الناس غير مرام
سما: لسا منت فاهمني .. اسمع لو مابقا بالعالم كله غير مرام واخت حسام مين تختار لك انت
فهد: ......................
سما: ليه ماتجاوب.. مين تختار
فهد: مادري
سما: لو تفكر فيها شوي انا متأكده انك بتختار اخت حسام
فهد: يعني ايش موافقه عليها
سما: وانت شفته جا وكلمني
فهد: لا بس انا اسأل
سما: ايش ورا هالسؤال
فهد: اقول يعني يمكن تزوجيه معانا في نفس اليوم
سما: هههههههههههههههههههههه لا مو بهالسرعه عاد .. المسأله يبغا لها شوية تفكير
فهد: شفتي دامك بتفكري معناها بتجبري نفسك انك توافقي دام اخوكي يبيها ماتبغي تكسري بخاطره اكيد
سما: لا ياحبيبي اذا اختار وحده ماهي عدله الا بكسر خاطره وبذبحه بعد .. بس اذا هو يبي هالبنت فلازم اعرفها عدل حتى اتأكد من انها وحده عدله ممكن تجيب عيال يشيلو اسم ابوي
فهد: سوي الي تبينه .. بس ما اوصيك .. لا تجيبي له خبر اني قلت لك
سما: تطمن .. ماقلت لي شي
فهد: سما
سما: ياروح سما
فهد: تراني بعرس
سما: والله؟!! مادريت محد قالي
فهد: من جد اكلمك
سما: ههههههههه ادري انك بتعرس ايش الجديد
فهد: انا بحياتي مراح احب زوجتي زي ما احبك
سما: فهودي ايش هالكلام ..والله لو تدري ساره عنك لتذبحك
فهد: قايل لها
سما: ايش قايل لها؟!!!
فهد: قلت لها .. سما عندي بالدنيا كلها .. لاتتوقعي اني بيوم ممكن اشتري خاطرك وابيع خاطر اختي حتى لو كانت هي الي غلطانه
سما: الله يقطع بليسك هذا كلام ينقال ذا .. وهي اكيد زعلت
فهد: بالعكس .. قالت لي اذا جا يوم ودريت اني زعلت سما اذبحني مو بس تبيع خاطري
سما: الله يخليكم لي انت وياها ولايحرمني منك ابد .. انتو الي عندي بالدنيا كلها
فهد: ويخليكي ويرجع سماح لحضننا
سما: ياااااااااااااااااااربي امين .. فهد
فهد: ياروحي
سما: ما ابي تقول الكلام الي قلته لي عن المستوي المادي وكذا يعني قدام سالم
فهد: سما بس هذا رايي
سما: فهد طلبتك اذا سالم حس بالحب والسعاده جواه لا تكدر خاطره عشان خاطري
فهد: انتي تامريني وتتدللي علي بعد .. اذا تبيني اروح اخطبها له واجيبها له الان ماعندي مانع
سما: ابي هالشي عشان اخوك وسعادته ماهو عشاني بس
فهد: خلاص عشان اخوي وسعادته ولا يهمك .. انا من لي غيركم الله يخلكم لي
خالد: اشوف قاعده تدلعيه لحاله
فهد: وانا ابد من اقعد معاها شاركتوني قعدتي
محمد: اقول ايش عندك معاها
فهد: انت بعد ايش دخلك
محمد: سما .. قولي له ايش دخلي
سما: شوفو عاد الا محمد هذا روحي
محمد: تسلم لي روحك
سما: تعال حبيبي .. وحشتني كثير
محمد: اقول فهد
فهد: خير
محمد: جا وقت دلالي .. بس عن اذنك قوم من مكانك خلني اقعد فيه
فهد: والمكان هذا كله ماهو مالي عينك
محمد: لا .. مكاني هنا جنب سما
خالد: اقول قوم تراك منت قده
فهد: بعد!!!!!!!!!! اقول وريني ايش تقدر تسوي
محمد: بروح انادي ساره واقولها فهودي يقول مايبيكي وتورط بزواجك
فهد: لا لا تعال حمود ووجع تعال
سما: وجع ببليس .. لا تدعي عليه
فهد: محمد يالشيخ تعال هذاني تركت المكان
خالد: قايل لك ما سمعت الكلام
فهد: وانا داري عنه يعني
محمد: ههههههههههههههههههههههه تخاف ها
سما: عاد فاتكم الكلام الي قاله من شوي .. ههههههههههههههه طلع على الفاضي يا فهد ههههههههههههههههه
فهد: كذا ياسما.. خليه ينفعك محمد بن راشد
سما: تفداه روحي محمد بن راشد .. انا كم محمد عندي
سامي: وكم سامي عندك
فهد: هذا عاد خليه بكف لحاله
محمد: ههههههههههههههههههههه هذا ايش فيه اليوم غيور
خالد: ههههههههههههههههههههههه عارف انه بيتزوج خلاص والدلع بيصير لنا
فهد: لا عاد الا هذي .. اياك ياسما تراني فهودي
سما: ايش فيكم انتو الان جيتو على فهودي .. يلا عاد وخرو عنه
محمد: طيب طيب خلاص
سما: سالم وين؟
محمد: طلع مع فيصل
سما: وين؟
محمد: يقول سالم يبي يطلع شوي
سما: اه طيب اتركوه ..
سامي: ليه ايش ماله؟
سما: سلامتك .. اكيد زهق
سامي: طيب
خالد: ودي اسالك
سما: خير
خالد: في شي قاصر ماقلتيه لنا؟
سما: شي مثل ايش
خالد: انتي تقولي
سما: ماني فاهمه
خالد: معقوله دخلتي على جابر من غير مايتكلم عنك اقصد عن سماح والعيال
سما: اه .. اكيد تكلم .. وسأل عني اقصد سماح والعيال .. بس من الواضح انه مايعرف شي عن سماح من جد لانه باين عليه اول مادخلت كان مستغرب من وجودي
خالد: وغيره
سما: وضح كلامك
خالد: يعني جابر متزوج من سماح يعني .. اكيد .. حاول
سما: .......................
سامي: سما وين سرحتي
سما: افكر بجابر
سامي: كيف يعني
سما: ما ادري .. ما ادري
سامي: سما .. صار شي
سما: لا طبعا .. هالشي ماصار
سامي: طيب في ايش سرحتي
سما: جابر كان حنون مره باسلوبه .. بعكس الرساله الي قريناها
سامي: مافهمت
سما: انا شايفه جابر قبل كذا
خالد: وين
سما: ما ادري
فهد: اكيد اذا انك شايفته .. حنا بعد شايفينه
سما: ما ادري احساس وداخلي .. انا اعرف هالرجال
سامي: حاسبي لا يكون احساس سماح هو الي داخلك
سما: يمكن
محمد: سما انا ماني فاهم كيف تحسي بيها
سما: وانا مادري بعد .. بس احس بالم في جسدي .. احس بخوف داخلي .. احس بجوع رهيب .. احس اني ابي انام .. كله مجرد احاسيس
محمد: توقعت انك ممكن تشوفيها بخيالك .. يعني كنا نروح لها مكان ماكانت
فهد: اقول لا تأثر عليك الافلام الي تشوفها بس
سامي: وبس
سما: ههههههههههههههه ويس
سامي: انتي في شي شاغلك .. وحنا ملاحظين هالشي
سما: انا شفت رجال يذبح ابنه .. تتوقع انو المنظر يروح من بالي بسهوله يا سامي
خالد: انا حاس انو فيه شي ثاني مخبيته
سما: مافيه

******************************

في بيت عادل
عادل: ايوا ياهزاع .. مالك مترد يا اخي
هزاع: عادل
عادل: ابي اشوفك الان .. تجيني ولا اجيك
هزاع: لا هذا ولا ذاك
عادل: كيف يعني .. اقولك ابي اكلمك
هزاع: عارف ايش تبي تقول
عادل: انت عارف ؟!!! .. والله انت لو عارف ماكنت تعمل الي عملته .. اقولك ياتجيني ولا اجيك .. ابي اقعد اتكلم معاك يا هزاع هذا مو اسلوبك ابد
هزاع: عادل .. انا داق عليك اقولك شي قررته
عادل: ما ابي اسمع أي قرار تقوله لي.. الاول اقعد معاك وتسمعني .. وبعدين تقولي قرارك
هزاع: عادل .. ماني واحد من عيالك .. انا اخوك الكبير .. بتسمعني كويس
عادل: اول مره بخالفك ياهزاع .. ماراح اسمع أي شي منك .. اذا بغيت تسمعني واذا ما بغيت سوي الي تبيه .. انت منت صغير ولا انت واحد من عيالي .. انت اخوي الكبير .. انت العقل والحكمه .. انت اخوي الي اتباها فيه ..انت عارف قدرك عندي .. بس المره هذي .. لا
هزاع: لا.. ياعادل
عادل: لا ياهزاع
هزاع: طيب ماهو ضروري .. انا بغيت اقولك اني بخطب
عادل: والله؟!! .. الان انت هزاع الي اعرفه .. ايوه كذا ياخوي فرحت قلبي .. واترك سما علي انا ومنال .. ايِِِِِِِِِِِِِِِِشششششششششششششششش؟!!!!!!!!!!!!
منال: ايش.. ايش فيه .. عادل ليه فقلت الخط .. هزاع ماله .. ايش فيه
عادل: هزاع خطب
منال: خطب؟!!!!!!! خطب مين؟!!!!!
عادل بحده: مرام
منال بحده: مرااااااااااااااااااااااااااااام!!!!!!!!!!!!!!!!!! !!
عادل: انجن هذا.. اكيد انجن
منال بحده: جيب التلفون انا بكلمه
عادل: سيبك منه
منال بحده: اقولك بكلمه .. جيب التلفون ... الو .. هزااااع
هزاع: ايوا منال
منال بحده: انا ام محمد .. اسمي لا عاد تجيبه على لسانك انت تفهم
هزاع: منال
منال بحده: اسمع يكون في علمك هذا اكبر غلط انت تسويه.. وغلاة عيالي .. لا تجي يوم تبكي بدل الدموع دم ياهزاع
هزاع: منال
منال بحده: شوف يكون بعلمك ان اخذت الكلبه الي اسمها مرام .. لاتفكر تجيبها بيتي وانت بعد مابيك تدخل بيتي ابد
عادل: مو كذا يامنال
منال بحده: تترك سما الادب والسنع وتاخذ قليلة الحيا مرام هذي تكون زوجة هزاع بن محمد .. هذا قدرك .. تبدل سما بالوسخه مرام اقول بارك الله فيك وبعقلك .. والله انك طحت من عيني
هزاع: منال
منال بحده: انت واحد ماتسوى .. تبي الصراحه .. انت ماتسوى سما ابد .. تعرف.. تناسبك الوسخه مرام صدقني تناسبك تمام .. يمكن بكره اذا عرفتها كويس تقول ام محمد كان معاها حق يوم مسمتها وسخه
هزاع: منال
منال: اسمع انا اعرف مرام اكثر منك.. وماراح اقولك عن سواياها .. بخليك انت تعرف هالشي بنفسك
هزاع: منال ..
منال: قلت اسمي ام محمد
هزاع: ام محمد
منال بحده: نعم .. قول ولا تكثر تراني مني طايقه اسمع صوتك ابد .. ابد ياهزاع
هزاع: شفتي سما
منال بحده: ايش اقول بس البنت متحطمه حتى اني مقدر ادعي عليك .. انت ماقصرت فيها يا اخي ماقصرت .. وجاي تسأل عنها الان والله فيك الخير ياهزاع
هزاع: هذا الي هي تبيه
منال: انا بحياتي معرفت افهمك .. صدقت سما لما قالت انت رجال بكل شي الا بحبها
هزاع بعصبيه: منااااااااااااااااااال
منال: والله انك منت رجال معاها ياهزاع اعجبك كلامي ولا لا.. بس اوعدك انك تندم على تصرف هذا .. بتندم كثير .. وتوقع اني اشمت فيك بعد
هزاع بحده: بتشمتي في انا يا منال
منال: ايوا يا هزاع بشمت فيك .. وبذكرك .. اختيارك سيء جدا جدا
هزاع: هذا وانا قلت انك انتي بتروحي تخطبيها لي
منال: تحلم .. هزاع.. تحلم اني اسعى لك بهالزواج .. انا ما ابيع سما واكسر خاطرها عشان ارضيك .. انت غلطان .. لو اني اشوف انها غلطت بحقك بوافقك وبروح اخطب لك بس بعد مش مرام .. مرام اوسخ البنات ماهي هذي الي تشيل اسمك ياهزاع
هزاع: يعني اروح بروحي
منال: تروح بروحك مايهمني .. صدقني ماراح يمانعو .. بالعكس بيرحبو بيك لحالك ماهم محتاجين لعزوتك تيجي معاك هم بيون يزوجو بنتهم باي طريقه .. وانت بالنسبه لهم احلى فرصه ماراح يردوك هذا اذا ما عطوك اجابتهم من اول دقيقه .. وتذكرني عاد .. لا تنسى ياهزاع
هزاع: منال
منال: مثل ماقلت لك .. اذا حصل واخذتها ما ابيكم تدخلو بيتي .. اذا اخوك بغاك يجيلك المكان الي انت فيه .. اما هنا انسى انك تعتبه ومرام على ذمتك
عادل: هاتي التلفون .. هزاع
هزاع: زوجتك تقولي ما ادخل بيتك يا عادل
عادل: بودي اتكلم معاك واشرح لك ظروف البنت
هزاع بحده: كلام عن سما مابي اسمع .. ومابي أي احد يدافع عنها قدامي ابد
عادل: انت ماتبي تسمع لاحد يا هزاع .. وهذا غلط كبير .. والقرار الي اخذته غلط كبير كثير.. كثير ياخوي .. اقعد مع منال واسألها عن مرام .. البنت ماهي كويسه
هزاع: حتى لو قعدت مع منال .. اكيد بتذم بمرام عشان خاطر سما .. وانا مابي.................
عادل: انا ما ابي اضيع وقتك اذا تظن اننا بنلفق لمرام شي ماهو فيها .. تكون غلطان.. هالشي ماهو فينا وانا اخوك .. اذا انت ماعرفت اخوك طول هالسنين ليه تاخذ رايي ياهزاع
هزاع: عادل
عادل: الي تبيه سوه .. بس خلي ببالك عيال عمتي ياهزاع .. بحياتهم ماضرونا حتى نضرهم كذا
هزاع: انا اخوك تفضل علي عيال عمتي
عادل: لا نك غلطان هالمره .. تسرعك بيورطك هالمره يا هزاع .. واسمك الي تعبت عليه سنين عمرك بتروحه بزواجك من مرام
هزاع: انا خذت قراري خلاص
عادل: لا تتو قع اني بروح معاك بيت ناصر ذا
هزاع: على راحتك .. انا رايح لوحدي .. شكرا على وقفتك مع اخوك يا عادل
عادل: بذمتك انت راضي عن قرارك ذا .. ولا تعاند نفسك
هزاع: يكفيني انها ما تطلع من البيت الا ابوها وامها معاها .. مش فالته مثل سما
عادل: ولا كلمه .. ولا كلمه زياده عن سما .. انت عارف انها اشرف من الي تقوله
هزاع: عادل ما ابي اخسرك انا.............
عادل: انت خسرت الكل ياخوي .. خسرت الكل .. خلي بالك من نفسك
هزاع: كذا يا خوي
عادل: ايوا ياخوي ايوا
هزاع: بنت مثل سما تفرق بيننا
عادل: لا .. لا .. لا بنت مثل مرام هيا الي تفرقنا .. ماهو مهم انك تترك سما .. خذ غيرها .. اختار غيرها .. بس مرام لا لا
هزاع: انا رايح بكره لبيت ناصر .. اذا غيرت راييك وحبيت تجي...............
عادل: مع السلامه يا هزاع .. يا خسارتك ياخوي
منال: ماني مصدقه
عادل: مرام عاد .. مرام
منال: ساب البنات ذي كلها .. ومالقا غير مرام
عادل: ههه مالقى غير مرام
منال: خلاص ياعادل خلاص يعمل الي يبه .. مالنا دخل بيه
عادل: هذا اخوي يوم مالله يهديه ويقول يازواج ..ما اكون معاه
منال: اذا ودك تروح معاه روح ياعادل .. ولا انو الندم يذبحك على هالشي
عادل: انا ؟!! انا ادخل بيت ناصر واطلب مرام ؟!! .. ولمين لهزاع.؟!!
منال: ايش بنقول لسما