روايه نبض قلبي / دانة الحمادي

الجزء الواحد والثلاثين

في ملحق الرجال
هزاع بهمس: ماله حزين كذا؟
سالم بهمس: حسينا عليه يتسحب جنب الملحق يبي يتطمن عليها.. طلع له خالد وجره هو وسامي وجا عشان يشوفها
هزاع: حست عليه!!
سالم: لا نايمه ولا درت عنه
هزاع: وهو ليه حزين كذا؟
سالم: من شافها وهو متضايق.. كان يقول انه ما حافظ عليه.. وانه خليل اذاها.. وانه حاول يحميها من يد خليل وماقدر.. لو انه ماتركها بالمستشفى ورجع البيت حتى يجيب اغراض الولاده كانت بتكون بخير وبعيده عن الي هي فيه
هزاع: شكله يقطع القلب
سالم: وهو معاها.. بكاني ماقدرت امسك حالي.. منظره وهو يلوم نفسه يقطع القلب اكثر من كذا
بومشعل: مالك يبا في شي مضايقك حبيبي
مشعل: لا انا بخير.. اول مره اصلي الصبح.. حاسس براحه
عادل: ماتحس بشي يوجعك
مشعل: لا الحمدلله انا بخير.. محتاج انام بس مانمت البارح.. اعذروني انا رايح ارتاح
سامي: اقول مافي روحه.. اجلس مكانك.. قعدت الصبح هذي مافي منها.. ودامها اول صباح تصلي فيه.. بنخليه احلى صباح.. اقعد بتنبسط معانا.. شوف حنا كل صباح بعد الصلاة نجلس ونسولف.. ونتذكر احلى المواقف الي تذبح من الضحك.. عاد لا تفوتك هالجلسه
يحيى: انا رايح اشوف الشغالات يجهزو لنا شي ناكله.. بصراحه انا ماتعشيت كويس البارح وميت جوع
محمد: ايواااااااااااااا
فيصل: بجي معاك
يحيى: حياك
هزاع: بقول لكم على سالفه ماحد درا عنها من قبل.. بس عشان مشعل هنا باقولها
سامي: اعترافات الصباح قول
هزاع: هههههههههههههههه طيب.. كنت طالع الصبح رايح المسجد اصلي.. والدنيا طبعا ظلمه.. قلت اروح اقرا قرآن شوي لحد الاذان.. المهم وقفت السياره بالموقف ونزلت.. شفت عند باب المسجد عبايه سوده.. استغربت قلت حرمه جالسه عند باب المسجد ايش تعمل.. الصراحه كانت تخينه مره.. من جد شي ولا بالخيال.. وقفت شوي.. وظليت اناظر
خالد: هذا اكيد خوف
هزاع: طبعا خوف ايش تتوقع.. المهم شوي وشفتها تضعف.. التخن الي فيها هذا يختفي
محمد: بسم الله الرحمن الرحيم
بومشعل: هههههههههههههههههههه
هزاع: ايوا اضحك اصلك ماكنت معي.. المهم قربت خطوه.. والقالك العبايه تتحرك
خالد: اهلا ايوا.. وبعدين
يحيى: هههههههههههههه وكل هذا جوع
فيصل: لا من جد جوعان
يحيى: هو بقا شي ماطلبته
فيصل: عندنا مشعل اليوم اول يوم يفطر معانا عاد لازم ندلعه
محمد: سيبك من دلع مشعل وتعالو اسمعو قصة هزاع
يحيى: ايش هالقصه!!
سامي: يقول كان رايح لصلاة الفجر وشاف عبايه تخينه عند باب المسجد وكل ما قرب منها تضعف
فيصل فتح فمه: ها !!!!!!!!!!!!
سالم: ههههههههههههههههههه هذا منظرك بس يضحك.. كمل يا هزاع
هزاع: المهم وقفت اناظر تعوذت من ابليس.. وقلت بقترب اكثر.. والقالك العبايه تتحرك مره ثانيه.. وتضعف اكثر.. اكلني الخوف قلت برجع
بومشعل: افا ورجعت!!
هزاع: لا طبعا قلت برجع بس على قد الخوف ماذبحني على قد ما الفضول غلبني قلت ابي اعرف ايش قصة هالعبايه
سالم: وبعدين
هزاع: دنيت اكثر وسمعت اصوات عجيبه غريبه.. وقفت مره ثانيه.. وانا احاول اجمع قوتي وتركيزي.. قلت بهجم.. بعدين قلت لا عيب اذا طلعت حرمه ايش بيكون موقفي.
سامي: طيب واذا طلعت جني
هزاع: ساعتها هو بيهجم علي ياحلو
محمد: بسم الله الرحمن الرحيم
مشعل: هههههههههههههههه
يحيى: هههههههههههههه وايش يفكك منه ساعتها
هزاع: المهم دنيت اكثر.. واسمع لكم الصوت يزيد.. والرعب داخلي يزيد.. وبعد دنيت اكثر.. الا والعبايه تنفتح لي ويطلعو منها ثلاث اولاد يضحكو علي وعلى رعبي ضحك
مشعل: ههههههههههههههههههههه
بومشعل: ههههههههههههههه حلوه
هزاع: ركضت وراهم قلت بذبحهم.. طلع لي الامام وهو يضحك على وقالي ها عملهو فيك.. امس عملوها بي.. جلست اضحك من قلبي.. عيال بليس.. استخبو خمسه في العبايه وكل ما اقرب واحد منهم يطلع وينحاش
خالد: هههههههههههههه استغلو الظلام والله اذكيه
سامي: زين ما اذبحو الرجال
هزاع: قول انا صغير وقلبي يستحمل بس الامام قد جدي.. زين ما جابو اجله
بومشعل: تاكل غيرها ياحلو
محمد: انا الي صدقت.. لو اني مكانك كنت مت
فيصل: ههههههههههههههههههههه اتخيل المنظر
عذبي: الفطور جاهز عمي
بومشعل: ابوك وين ياعذبي
عذبي: جاي وراي عمي امرني
بومشعل: سلامتك قوله يجي يقعد معنا
عذبي: حاضر
يحيى: جيب الفطور هنا ياعذبي
عذبي: حاضر عمي
بوعذبي: صباح الخير على هالجمعه الحلوه
بومشعل: اسعد الله صباح الرجال الطيب
بوعذبي: مشعل يبا كيف حالك انشا الله بخير
مشعل: بخير الله يسلمك
يحيى: بقول لكم عن عذبي وهو صغير
بوعذبي: أي قصه!!

**************************

في غرفة يحيى وسما
سما: وينك تأخرت
يحيى: مع الرجال
سما: ايش صار مع مشعل
يحيى: دخل وشافها ومن شافها وشاف حالتها وهو متكدر ويلوم حاله
سما: الحمدلله الي ماشافها اول ماجات ايش بيقول
يحيى: يحبها يا سما يحبها.. كان وده يلمسها بس
سما: هو قالك؟
يحيى: لا سامي.. يقول كان وده يلمس أي شي فيها.. بس منع روحه.. خايف منها تحس عليه
سما: الله يعين.. وكل هذا قاعد معاه
يحيى: لا.. كنا كلنا جالسين مع بعض.. كان وده يقعد لحاله بعد الصلاة بس سامي انقذنا كلنا.. قال له اننا متعودين نجتمع بعد الصلاة سوالف وضحك.. والمسكين صدق
سما: وهو بخير الان؟
يحيى: دخل بجو الضحك شوي.. عارفه لو دخل الملحق وهو بهذيك الحاله.. اول من بيجرا عليه شي هو ابوي.. من جد شكله يقطع القلب.. سالم يقول بكا على حاله وهو مع سماح
سما: الله يعين.. فطرت ياروحي
يحيى: ايوا الكل فطر معاه
سما: الحمد لله

**********************

في الصاله
سما: مالك ياعمري.. ليه جالسه وحاطه يدك على خدك
ام مشعل: سلامتك يما انا بخير
سما: وحشك؟
ام مشعل: حتى وهو جنبي واحشني.. الحمدلله دامه حي.. وقدام عيني انا بخير
سما: تلعبي على مين.. قومي معاي
ام معشل: وين يما؟
سما: تروحي له
ام مشعل: لا لا.. خليه يما لسا بدري على شوفتي
منال: مالها الحلوه قاعده كذا
سما: مشتاقه له ومانعه روحها عنه
ساره: لا تستعجلي عليها.. انا فاهمتها.. خليني اروح اتطمن عليه.. ونشوف اذا وده يشوفها ولا لا
سما: ايوا بس..............
منال: لا تدخلي نفسك بينهم هم ادري ايش يعملو

***********************

في الملحق مع مشعل
لينا: صح النوم.. كيف حبيبي
مشعل: لينا.. هلا حبيبتي
لينا: وااااااااااااااااي من قدي اول مره اسمع منك كلمة حبيبتي.. مشعل من جد تحبني
مشعل: ههههههههههههههه اكيد احبك
لينا: ياربي يامشعل الله يخليك لا تضحك وانا جنبك.. والله تذبحني
مشعل: بنت انتي ماتستحي
لينا: لا طبعا وليه استحي ما قاعده اقول شي غلط.. اخوي واتغزل فيه
مشعل: عن طول اللسان.. انا ما احب كذا
لينا بدلع: بس انا اموت على كذا.. اسمع.. انا جبت لك ملابس امي اختارتهم لك بنفسها.. تقول انشا الله يعجبك ذوقها
مشعل: اه.. هي كيفها؟
لينا: كويسه.. تبي تشوفها
مشعل بحده: لا.. اقصد ماهو الان.. كلميني عنها.. هي طيبه؟
لينا: ييييييييييييييييي هي الطيبه كلها.. لوتعرف قد ايش هي حنونه.. كل الي هنا يناديها يما
مشعل: يابختكم بها
لينا: ويابختك انت بها هي امك لحالك ماحد يشاركك فيها.. تحسب ان غلاتك عندها زينا
مشعل: كيف يعني؟
لينا: يعني ياحبيبي.. تقرر من نفسك وتقوم كذا وتقول نادي امي ابي اقعد معاها.. وانت تشوف بنفسك بتجيك تطير مابتمشي بس
مشعل: ماهو الان خليها بعدين
ساره: لينا ماهو الان خليها بعدين.. لينا خلينا مع بعض شويه.. ابس اتكلم معاه
لينا: تبي شي حبيبي
مشعل: لا حبيبتي.. بس ابي كاسة مويه
لينا: من عيوني الان اجيبها لك
مشعل: لينا
لينا: ياعيوني
مشعل: ابيها مع ثلج واذا قدرتي خلي معاها قطعة ليمون صغيره
لينا باستغراب: ها !!!!!!!
مشعل: مالك بلمتي كذا قلت شي غلط
ساره: ما قلت شي غلط ياروحي.. روحي انتي يالينا
لينا: حاضر
مشعل: ايش صار.. مالها بلمت كذا
ساره: عشان ابوي اذا كان متضايق مايشرب المويه غير كذا.. مع ثلج وقطعة ليمون صغيره
مشعل: استغرب من حالي انا ليه ما اذكركم.. مع اني على حسب الي قالوه لي كنت 6 او 7 سنين يعني المفروض تكون لي ذاكره
ساره: انت شاك انك منت ولدنا؟
مشعل: تبين الصدق
ساره: ياريت.
مشعل: ايوه.. ماني حاس اني منكم
ساره: اجل تطمن فيه صوره لابوي وهو صغير.. انت تشبهه كثير
مشعل: من صدقك!! ابي اشوفها
ساره: ايوا بس ماهي هنا هي ببيتنا
مشعل: اه..
ساره: بقول ليحيى اذا قدر بيجيبها لك.. المهم عندي بالك يرتاح
مشعل: ياريت
ساره: انت ماشفت سن ابوي
مشعل: مافهمت
ساره: ابوي اذا ابتسم له سن بارز صحيح ماهو زيك.. بس الشبه واضح.. هو صحيح كبر بالسن وشكله تغير.. بس الملامح تقول انك ولده
مشعل: يمكن الشكل بس عقلي رافض هالشي
ساره: عشان كذا ماتبي تشوف امي
مشعل: اخاف مااطلع ولدها.. المسكينه يجرا عليها شي.. انتو قلتو لي انها فقدت النطق من صار الحادث
ساره: ورجعت تكلمت من شافت راشد.. وهي من نفسها سمته مشعل
مشعل: ايوا قلتو لي
ساره: لا تبخل عليها ياخوي هي تتمنى تشوفك بس.. هذي ام وتبي تشبع من ولدها

********************************

المغرب
عند اسبطل الخيول
هلا: وانت مستعجل ليه؟
سالم: ماني فاهم
هلا: ما ادري.. سالم اعمل الي تبيه.. انا رايحه اشوف امي
سالم يمسك يدها: منتي طبيعيه هاليومين
هلا: سلامتك.. انا بخير
سالم: لا منتي بخير.. مالك
هلا: سلامتك.. عندي شغل وبالي مشغول عند امي.. لحالها بالمطبخ
سالم يناظرها: تكلمي اسمعك
هلا: مافي شي لا تزعج حالك
سالم: في.. وابي اسمع
هلا: سالم مافي شي.. قلت لك عندي شغل وبالي مع امي
سالم: اكلمك عن زوجنا وتقولي بالك مشغول مع امك.. ليه ماودك نتزوج.
هلا: براحتك شوف الي يريحك
سالم: منتي صاحيه ابد.. بحياتك ماكنتي معاي كذا
هلا: بحياتي؟ ليه هو انا لي حياة معاك.
سالم: نعم!!!!
هلا: انا اسفه.. ابي اروح اشوف شغلي.. زي ماقلت لك اعم......................
سالم: ايش مزعل حبيبي
هلا: حبيبك؟
سالم: وليه مستغربه.. حبيبي وعمري.. وكل حياتي
هلا: ........................
سالم: قولي لي مالك.. ايش مضايقك.. في احد غلط عليكي؟
هلا: لا الكل يحبني
سالم: الحمدلله.. هذا لان حبيبي ينحب
هلا: اه يمكن
سالم بحد: وبعدين معاكي تكلمي عدل زي الناس.
هلا: سالم.. ما ابيك تعصب علي.. انا متضايقه من جد.. وانت الي مضايقني.. طلبت اني امشي ومنت راضي.. لا تجرني بالكلام حتى ما انفجر عليك.. خلي بخاطري ال...............
سالم: شكلك مليانه وانا ماني داري
هلا: لا.. لا تقول كذا.. هو ضيق بس ويروح لحاله.. خلني امشي
سالم: مابتمشي قبل ماتكلميني.. واطيب خاطرك.. مايهون علي زعلك كذا
هلا تداري دموعها: سالم الله يخليك.. انا بخير اتركني امشي الان.. بعدين اتكلم معاك
سالم: يجرها لحضنه: تمشي كذا من غير لا اعرف ايش مالك
هلا: تحاول تبتعد عنه: سالم ايش ذا.. استحي.. ايش بيقولو عني اذا احد شافني معاك كذا
سالم: ايش بيقولو حرمه وزوجها.
هلا بعصبيه: حرمه وزوجها بغرفتهم ماهو هنا.
سالم: ايوااااااااااااااا الان عرفت.. متضايقه لاننا طولنا
هلا بحده: لا.. بالعكس سعيده ومبسوطه وبطير من الفرح.. لاننا طولنا
سالم: عن العصبيه
هلا: اسفه
سالم: لا تتأسفي كثير كذا.. هلا انتي..............
هلا: يووووووووووووه يا سالم.. ابي امشي فكني حتى امشي عاد

***************************

على المسا
بغرفة فهد وساره
فهد: بعد مافهمت
ساره: ايش تبيني افهمك يعني.. اقولك ملكة خالد وجمايل تحددت.. سالم وهلا لسا
فهد: ايوا وايش يعني
ساره: فهد لا تعملهم علي عاد
فهد: من جد ماني فاهمك ايش تبي تقولي
ساره: هلا متضايقه.. وملكتها طولت.. وماحد متحرك في موضوعها.. لحد متى بنسكت
فهد: تسكتي على ايش!!
ساره بحده: فهد لا تجنني عاد.. ماني ناقصه.. سالم مهمل هلا كثير كثير.. من وصلنا هنا ما اشوفه يكلمها ابد.. غير لحظات بسيطه.. والبنت ساكته وماتكلمت.. انا حاسه فيها تحاول تتفاعل مع البنات.. بس الزعل باين لي بعيونها
فهد: وايش تطلبي مني.. اروح اقول لسالم يلا زوجتك تعبانه وتبيك تعجل بزواجك منها
ساره: ماهي بهالصوره يا اخي.. بصوره ثانيه.. كيف اوصل لسالم يعني من غير لا تساعدني
فهد: وسما وينها عن ذا كله
ساره بحده كبيره: وانت تشوفها فاضيه ولا ماعندها شغل.. هذا هي زي النحله تدور على الكل.. هي حياتها مع زوجها ماهي عارفه تعيشها.. يا اخي ماهو كل شي بترميه على راسها المسكينه.. ايش بتتحمل حتى تتحمل.. حرام عليكم عاد.. مره من نفسكم اعتمدو على نفسكم.. سما من حقها تعيش بعد.. من حقها ترتاح.. همومكم ومشاكلكم على راسها لحالها.. مافي واحد منكم تبرع من نفسه وقال بشيل شي من حمولها.. ادري عودتكم على انها تهتم بكم من كنتو صغار.. بس عاد الان خلاص كل واحد فيكم كبر.. خلو يدكم معاها شوي.. ماهو بكل شي بتقولو سما وينها عن ذا.. هذا حتى هزاع وعادل عندهم نفس الجمله.. وسما وينها عن ذا.. والله قهرتني
فهد: حيلك حيلك.. مالك هبيتي فيني
ساره: عارف انا نازله.. برودك بيقتلني

*****************************

في المطبخ
نور: تنرفزت منه وتركته زنزلت
منال: وانا الي عندي يقول وسما وينها عن ذا.. قلت له انا نازله اشرب.. تركته وجيت.. حاسه روحي بشب نار من بروده
نور: هي عودتهم على كذا
منال: طيب لحد متى عاد.. هي ماهي فاضيه لحالها
ساره: وانتو بعد عندكم هالموضوع شاغلكم؟
منال: وشاغلك انتي بعد؟
ساره: شاغلني كثير.. تخانقت مع فهد زعقت من قلبي.. تركت له الغرفه ونزلت
نور: وانا بعد مع سامي
ساره: بروده بيقتلني من جد
منال: على كذا لا تتعبو نفسكم.. مافي احد فيهم بيتحرك
نور: كلمي هزاع
منال: انا؟!!!
ساره: لا امي.. كلميه.. هو مسؤول عنها.. هو يكلم سالم
منال: ايش تبين اقوله.. هلا متضايقه لانه زوجها هاملها
ساره: وليه لا.. قولي هالشي
نور: لا تقوليه بهالاسلوب.. بيني انها متضايقه.. هو بيعرف من نفسه
منال: لا طبعا فشله بيفهمها.. وبعدين ممكن يروح ويكلم امها بهالشي.. الموضوع بيكبر
نور: وانتي محسبه ان امها ماهي ماخذه بالها يعني
ساره: ودي اصارخ بس.. مابي شي ثاني.. يمكن اني ارتاح شوي
منال: هذا موضوع هلا ومضايقك كذا.. اجل ايش تعمل الي براسها هموم الدنيا
نور: الله يعينها المسكينه.
ساره: ودي اعمل شي.. من جد
منال: في النهايه بتلاقي تفسك رايحه وتكلميها وهي الي بتتصرف
ساره: ماني مصدقه انها غافله عن موضوع هلا وسالم
منال: ومن قالك انها غافله.. هي كلمت سالم اكثر من مره.. وهو يقول لها ماهو الان
نور: اجل متى حضرته.. البنت ماتشوفه ماتقعد معاه.. فالح يوجع راسنا عشان بس يملك عليها.. وهذا هي حليلته ايش الان
منال: طيب ننتظر ملكة خالد بجمايل وبعدها نشوف يمكن سما مخططه لهلا وسالم
نور: والبنت بتظل بضيقها لحد ما سما تقرر
ساره: حرام
يحيى: يابنات
نور: لحظه ياخوي استنى شوي
منال: خلاص انا ماشيه.. شوفوه.. جاكم الفرج.. كلمو يحيى وشوفوه ايش يقول
نور بهمس: ويه والله فشله.. يحيى ماله دخل
منال: اعتمدي على ساره هي تجيبها
ساره: وانتي وين رايحه؟
منال: رايحه للبارد الي عندي.. بحاول معاه ثاني
ساره: الله كريم
منال: حياك اخوي يحيى انا كنت طالعه خلاص
يحيى: اعذريني اختي ام محمد.. انا كنت بس ابي اتأكد البنات ليه مانامو لسا.. اجلسي اختي كملي سوالف معاهم انا جيت اتطمن بس
منال: لا ياخوي انا تاركه العيال مع عادل لحالهم.. انا خلصت خلاص.. تصبحو على خير
ساره: وانتي من اهله.. تعال ياروحي
نور: مالك ياقلبي.. ليه مانمت لسا
يحيى: كنت مع مشعل اسولف معه.. ونسيت حالي
ساره: هو كويس؟
يحيى: يحاول يكون كويس
نور: انا بعد شايفه انه يحاول يكون كويس
يحيى: ماقلتو لي ايش عندكم جالسين بالمطبخ وسوالف.. اكيد عندكم شي منتو خاليين
ساره: انا بقولك بس ابي عونك
يحيى: عند وجهك.. بالي تامرين عليه
نور: حلو.. نبي زواج سالم وهلا بعد اسبوع من ملكة خالد
يحيى: خلاص.. بعدهم باسبوع.. ايش تامرون بعد
ساره: تكلم لوح الثلج الي اسمه سالم.. وتخليه يهتم بزوجته شوي
يحيى بحده: بنت
نور: مافي بنت.. ماهو وقت عصبيه الان.. نبيك تتحرك معانا بهالشي.
يحيى: كيف يعني.. اقوله عن حرمته؟!! وانا ايش دخلني بينهم.. اقلها بيقول لي اني منتبه على حرمته اكثر منه.. ترضوها علي
ساره: قول له اننا قلنا لك هالشي
يحيى: وانتو قلتو لي بمناسبة ايش.. تنقلو اخبار زوجته لي
نور: متقفله.. قالتها منال.. بالنهايه بنلاقي نفسنا نقول لسما وهي الي بتتصرف

***************************

في الملحق مع سماح
سماح: خالد
خالد: ياروحي
سماح: صاحي
خالد: ايوا ياعمري
سماح: كم الساعه الان
خالد: 4:30 الصباح
سماح: بدري.. اول مره اصحى بهالوقت
خالد: عشان جسمك اخذ وضعه الطبيعي
سماح: ودي اطلع اتمشى
خالد: من عيوني
سماح: سالم وين؟
خالد: هذا هو نايم هنا
سماح: ياعمري.. الله يخليكم لي
خالد: جعانه؟
سماح بحيا: شويه
خالد: يلا خلينا نروح المطبخ وانا الي بطبخ لك بعد ايش تبين
سماح: هههههههههههههههههه اجل بتبهدل الدنيا على كذا
خالد: ياه من قال.. انا طباخ ممتاز
سماح: يلا يا ممتاز ورينا ايش بتعمل
خالد: قومي واوريكي.. مواهبي
سماح: ههههههههههههههههههه
سالم صحى من نومه: ايش في!!
خالد: سلامتك.. اختك صحت.. شبعت نوم.. وجعانه
سالم: هههههههههههه يسعد لي هالصباح الحلو الي فيه ضحكك
سماح: يسعد لي صباحك
سالم: بدق على هلا تقوم تعمل لنا الفطور
سماح: لا خالد يبي يوريني مواهبه
سالم: لااااااااااااااااااا الا مواهب خالد بالطبخ.. تراها مو للاكل.. للعبه بس
سماح: هههههههههههههههههه
خالد: كذا.. انت ايش عرفك بالطبخ
سالم: والله انا معلوماتي قد معلوماتك بالطبخ تمام صفففففففففففففففففففففففر
خالد: قومي طيب ماعليكي منه.. بذوقك من ايدي وانتي احكمي
سالم: استريح اقول.. الو
هلا: نعم
سالم: غريبه صاحيه؟
هلا: ..................
سالم: هلا
هلا: معاك.. اسمعك
سالم: هلا حبيبي.. سماح لسا صاحيه.. وجعانه.. ممكن تنزلي تعملي لها الفطور
هلا: ........................
سالم: هلا
هلا بحده: انت متصل الان حتى تقول لي انزل اعمل الفطور بس
سالم: شكلك لسا متضايقه
هلا: لا متضايقه ولا شي.. انا نازله
سالم: هلا انا.. الو.. الو.. سكرت؟!!!!

*************************

في المطبخ
سماح: هههههههههههههههههه
خالد: صدقيني
سماح: واكلوه!!!
خالد: طبعا اكلوه بس غصب عنهم
سماح: ههههههههههههه بس انا ماراح اكل شي غصب عني انا اقولك من الان
خالد: طيب ايش تحبي تاكلي
سماح: انا احب العجه
خالد: سهله.. وكيف تتعمل
سماح: ههههههههههههههه وكيف سهله
سالم: وانتي لسا مصدقه انه يعرف يطبخ
سماح: تبي الصارحه ايوا لسا مصدقه
خالد: وينك تأخرت؟
سالم: سلامتك كلمت هلا
سماح: حرام عليك كنت تركتها نايمه.. ليه صحيتها
سالم: هي صاحيه.. وكا...............
هلا: صباح الخير
سماح: صباح النور.. اسفه والله ياروحي هذا سالم صحاكي غصب عني.. ماكان له داعي انك تنزلي
هلا: لا عادي انا اصاحيه اساسا.. وبعدين انا كم سماح عندي
خالد: يعني مستغنيه عن خدماتي
سماح: لا بالعكس.. انا مصره اني اذوق الاكل من ايدك
هلا: خالد الله يخليك.. اتركلي مجال اتحرك فيه.. المسكينه جعانه
خالد: اه انا اسف تفضلي
سماح: من جد هلا انا مصره اكل من ايد خالد
خالد بهمس: مالها
سالم: بهمس: ما ادري
خالد: خذها وروح تكلم معاها انت ما تتكلم معاها غير نادر
سالم: ماهي ماعطتني وجه.. شوفها كيف متنرفزه.. وز............
خالد: سالم منت صغير.. تقول انها معصبه تبيها هي الي تجيك وتقول لك تعال كلمني
سماح بهمس: مالك
هلا بهمس: سلامتك.. قل نوم
سماح: على يا هلا
هلا: حبيبتي انتي مافي شي من جد.. اكيد واهمه
سماح: مبين بعيونك ياهلا.. مالك
هلا: الي مبين بعيوني.. تعب قل النوم ماهو اكثر.. نفطر واروح انام
سماح: فيكي شي مع سالم
هلا: سلامتك.. حنا بخير.. ليه هو قايل لك شي
سماح: ابد طول عمره يشكر فيكي
هلا: الله يخليه لي
سماح: ويخليكي له
خالد بهمس: فيه حركه برا
سالم بهمس: اكيد مشعل.. اكيد جاي يشوفها
خالد: ايش بنعمل الان
سالم: تسألني!!!
خالد: خذ زوجتك واطلع معاها جاتني فكره
سالم: حاضر
هلا: ماقلتي ايش ودك تاكلي.. ولا افطرك على مزاجي
خالد: انا مصر اني اعمل الفطور.. روحي انتي عند زوجك وانتظرو اخر صرعات اكلي
سماح: هههههههههههههههههه صرعه عاد
خالد: مافي صرعات موضه.. انا بسويها اكل بعد
سالم: دامك انت الي بتعمله اكيد انه صرعه
خالد: لو سمحتي هلا خذي لك كرسي واجلسي عليه خليني ابتدي
سالم: لا انا بتمشى مع زوجتي لحد ماتكمل تنادي علينا
خالد: احسن بعد.. خلوني مع القمر لحالي
سماح: هههههههههههههه يلا فارجونا.. خلونا مع بعض لحالنا.. حتى ماينحرج من الاخطاء الي بيرتكبها بحق الطماطم والبيض
سالم: ههههههههههههههههه يلا ياروحي
هلا بهمس: انا تعبانه ومانمت.. اعذرني.. طالعه ابي انام
سالم يجرها معاه: تعالي معاي
خالد: يلا قولي الطريقه
سماح: طريقة ايش؟
خالد: طريقة العجه
سماح: ههه ما ادري
خالد: وايش هالابتسامه الصفره ذي.. ماتعرفي قولي ما اعرف عادي
سماح: تصدق عاد من جد ما اعرف.. كان الطبق يجيني جاهز
خالد: مين ان شا الله يجيبه لك
سماح: .......................
خالد: شكله كان يدلعك كثير
سماح: .......................
خالد: عارف انك تكرهيه.. بس هذا مايمنع انه كان يدلعك.. هذا شكله يموت بالتراب الي تمشي عليه
سماح: ما ابي اتكلم عنه
خالد: ماشي.. بس قولي لي كيف كان يعمل العجه
سماح: ما ادري بس عارف.. طعمها مره حلو.. كان يحط بوسطها.. طماطم وبصل.. ويغرقها جبن.. ويقليها.. طعمها مره مره حلو
خالد: شهيتيني عليها
سماح: هذا هو عندك وخليه يعملها لك
خالد: صح فكره حلوه.. شوفي انتي استخبي هنا بالمخزن.. وانا طالع اناديه.. يجي يعملها ويروح.. ونجلس ناكلها انا معاكي وننادي سالم وهلا واقول لهم اني انا الي عاملها ايش رايك؟
سماح: هههههههههههههههه لا طبعا
خالد بترجي: وليه لا عشاني سماح.. والله اشتهيتها
سماح: قلت لا
خالد: انتي ماتبين تشوفيه.. خلاص بخبيكي.. لحد مايطلع وبعدين تجي تاكلي براحتك
سماح: لا
خالد: هذي عجه.. غرقانه جبن.. مقليه ومقرمشه.. وطعمها مره عجيييييييييييييييييييب
سماح: هههههههههههههه انت تشهيني يعني
خالد بدلع: والله العضيم من جد اشتهيتها.. وغلاة خالد لا تقولي لا.. عشاني عشاني
سماح: وانت جالس تتدلع
خالد: مايلوق يعني.. خلاص بطلنا مانبي لا نتدلع.. ولا ابي اكل عجتك الي شهيتيني عليها
سماح: هههههههههههههههههه خلاص ماتهون علي.. روح نادي عليه
خالد: طيران
سماح: بقولك
خالد: امريني
سماح: قوله يعمل منها كميه كبيره
خالد: مشتهيتها وتعاندي نفسك.. امرك غريب
سماح بحزن: ما ابي اشوفه

****************************

في الملحق مع مشعل
خالد يدق الباب: مشعل انت نايم؟
مشعل: ......................
خالد: انا عارف انك صاحي.. حسيت عليك وانت جنب المطبخ.. افتح الباب ابي اقول على شي
مشعل: ........................
خالد: مشعل.. سماح تقول انك تعمل عجه تشهي
مشعل يفتح الباب: من جد هي قالت لك!!
خالد: ايوا من جد هي قالت لي.. ومشتهيه تاكل منها الان
مشعل بفرح: من جد يعني تبي تشوفني؟
خالد: لا طبعا.. اسمع انا بقولك على فكره.. هي مستخبيه بالمخزن الي في المطبخ.. انت بتجي معاي على اساس انها ماهي موجوده.. بقولك كم جمله عنها.. وانت تكمل الباقي.. حاول الي بتقوله تخليه يحنن قلبها عليك
مشعل: ماهو مهم.. المهم انها تبي تاكل من يدي
خالد: ههههههههههههه يلا طيب تراها لسا صاحيه وجعانه
مشعل: من عيوني.. جاي يلا
خالد: كل هذا عشق.. كل هذا تحبها.. كيف خليتها تكرهك يارجال

**********************************

عند الجسر
سالم: بتظلي ساكته كذا كثير
هلا: ماعندي شي اقوله
سالم: ابد
هلا: ابد
سالم: وليه مبعده عيونك عني.. ليه ماتناظريني
هلا: وليه مهم عندك يعني
سالم: اكيد مهم
هلا: لا ماهو مهم.. ولا يعني لك شي
سالم: كيف عاد.. عيون حبيبتي لما تناظرني ماهي مهمه؟
هلا: لا ماهي مهمه
سالم: مين قال لك
هلا: تصرفاتك تقول
سالم: انا عارف انك متضايقه.. اكيد لاننا طولنا وحنا محن..............
هلا: لا ماهو ذا السبب.
سالم: اجل ايش؟
هلا: سلامتك مافي شي
سالم: كلميني.. انا سالم.. حبيبك.. اذا ماقلتي لي لمين بتقولي.. عارف انك ماتحبي تقولي على الي بقلبك لاحد.. بس انا غير
هلا: انت غير في ايش!!
سالم: ها!!!
هلا: انت غير في ايش؟
سالم: انا زوجك
هلا: وزوجي غير في ايش؟
سالم: مافهمت
هلا: انت تزوجتني ليه؟
سالم متفاجأ: ليه!!!!
هلا: ايوا.. تزوجتني ليه.. سألت نفسي كثير هالسؤال.. ومالقيت اجابه ممكن تجاوبني
سالم: لاني احبك
هلا: والي يحب.. كيف يقول للي يحبه انه يحبه
سالم: يمسك ايد حبيبته كذا.. ويقربها منه ويبوسها.. ويوشوش حبيته في اذنها زي كذا ويقول لها احبك
هلا: ايوا.. وهالشي مايصير الا بالطريقه هذي بس؟
سالم: لا طبعا في طرق كثيره
هلا: وانت تعرفها كلها؟
سالم: طبعا
هلا: طيب الرجال الي ما يعمل هالطرق الكثيره الي تقولها مع حرمته معناها انه مايحبها صح
سالم يناظرها بشك: لحد فين تبين توصلي
هلا: اذا هذا كله ومافهمت انا لحد فين ابي اوصل له تبقى.. خلاص
سالم: خلاص ايش؟
هلا: ماتحبني.
سالم: انا !!!!!!!!! انجنيتي انتي
هلا: لا ما انجنيت.. انت هاملني.. تاركني.. بعيد عني.. قولي من ملكنا كم مره قعدت معاي لحالنا
سالم: ما اعر................
هلا: لا تكمل.. هي 5 او 6 مرات.. كم مره جاني منك تلفون تتكلم معاي فيه.. ولا مره
سالم: انا ادق عليكي
هلا: ايوا تدق علي.. هلا نادي سما.. هلا شوفي امي.. هلا نادي نور.. نادي ساره.. هلا جعان.. هلا الاكل جهز ولا لسا.. هلا شوفي يحيى صحا ولا لسا.. هلا اصحي واعملي الفطور لسماح
سالم: انا ما اقصدت اني اضايقك بس الوضع الي حنا فيه..................
هلا: الوضع الي حنا فيه ما منع سامي عن زوجته.. ولا فهد عن زوجته.. ولا يحيى بعد.. كلهم مهتمين بحريمهم ويدارونهم.. ويسألو عنهم.. ويقعدو معاهم.. انا لا.. انا لا
سالم: انا كنت فاهم انك
هلا: اني ايش.. ها
سالم: انا فعلا اهملتك.. ماكنت منتبه لهالشي
هلا بحده: ماكنت منتبه!!.. انا انسانه قدامك رايحه جايه.. انا زوجتك.. ما كنت منتبه لايش.. ماكنت منتبه لوجودي.. هذا معناه اني مالي اهميه عندك.. مالي كيان.. انت مهتم للي هنا اكثر مني.. لو تنتبه انه كل وحده هنا لها رجال مسؤل عنها الا انا.. انا وين بحياة زوجي.. ولا شي
سالم: حبيبتي انا ما قصدت اني اهملك.. انا.. والله ماني عارف ايش اقول
هلا: الافضل انك ماتقول.. انا ماشيه.
سالم: ماتمشي وانتي زعلانه كذا.. الاول ترضي علي وبعدين
هلا: تعرف فات وقت بعدين.. يمكن اكون طيبه.. يمكن اكون حنونه.. بس لي طاقه .. وطاقتي لحد هنا انتهت.
سالم بخوف: يعني ايش؟
هلا: يعني ابي ارجع لدراستي.. وحياتي.
سالم: وانا؟
هلا ماشيه عنه: انت تلاقي لك زوجه ثانيه.. يمكن تخليك تحس فيها.. وتهتم لامرها
سالم: هلا والله العضيم انا ماني مصدق الي قاعده تقوليه.. لفيتي دماغي.. انتي متضايقه هذا الي اعرفه بس انك تتركيني لا.. انسي هالشي
هلا: ماراح انساه.. انت الي نسيت وجودي.. لا تنتظر مني اني اتمسك فيك.. طاقتي خلاص انتهت
سالم: لا تجلسي تكرري هالكلام علي.. انت تعرفي قد ايش احبك
هلا: لا ما اعرف.. ما اعرف ياسالم.. محتاجه اني اعرف.. محتاجه انت تقول لي.. اقول لك انا ايش حاسه حالي
سالم: قولي ياروحي
هلا: حاسه اني شغاله.. ذبحني هالشعور.. هلا اعملي.. هلا نادي.. هلا اطبخي.. هلا قولي.. هلا ايش قالو.. هلا ايش عملو.. هلا شوفي ايش الوضع وقولي لي.. بذمتك.. متى قلت لي احبك.. متى قلت لي اني غاليه عندك.. متى جلست معي.. تتوقع لحد متى بصبر ياسالم.. اكثر من ثلاث شهور مرت.. اشوفك فيهم زي ما اشوف اخوي.. انا ايش مستفيده من وجودي معاك.. ولا شي.. الحاجه الوحيده المستفيده منها انه صار لي خوات ممكن اقعد معاهم وانسى همي بسوالفي معاهم لكن اني احس اني زوجه.. لا.. هالاحساس مالقيته.. ولا خليتني اعيش فيه.. ولا حتى حاولت انك تحسسني فيه
سالم يجرها لحضنه: احبك.. انتي روحي.
هلا تبتعد عنه: فات الوقت لهالشي.. ابي ارجع لدراستي.. دراستي الي ماسألت عنها.. ولا حتى فكرت فيها.. ولا اهتميت اذا اني مستمره ولا الجامعه وقفت مستقبلي عشان غيابي عنها
سالم: هلا
هلا: عارفه انه ماعندك حكي تقوله.. وعارفه انك بتركض على سما حتى تلحقك.. وعارفه انك مابتحرك ساكن.. والي اعرفه اكثر انك مابتعرف كيف تراضيني.
سالم: هلا الله يخليكي هذا كله ممكن يتصلح.. بس لا تتركيني.. هلا انتي ماتعرفي..............
هلا: ما اعرف ولا ابي اعرف.. لانك ما هتميت انك تعرف
سالم يجرها لحضنه: هلا لاتتركيني.. لا تتركيني
هلا: طاقتي خلصت.. مابقى فيني قوه على الصبر.. ابي اطلع من هنا وارجع لجامعتي وحياتي.

****************************

في المطبخ
خالد: ههههههههههههههههههههههه
مشعل: تضحك انت ووجهك
خالد: سكر بدل الملح عاد
مشعل: والمسكينه اكلت.. يا حبي لها والله
خالد: ياعمري ياختي والله.. اكلتها عجه بالسكر
مشعل: لا توجع قلبي.. انا كل ما اذكر هالقصه اموت ندم
خالد: تحبها؟
مشعل: انا عايش عشانها.. كان نفسي اسعدها.. دايما اخرب الامور بيني وبينها.. كنت ابي اعيشها بسعاده.. بس هي بعيده عني على طول.. قبل هالشي يثير جنوني.. كنت اعصب عليها بسرعه.. لاني ابيها لي.. هي كانت عايشه معاكم.. في عالم خاص لها لحالها.. حاولت اني اشاركها بهالعالم.. كانت ترفض
خالد: ما سألتها ليه ترفض؟
مشعل: لانه في بطل بخيالها غيري
خالد: مافهمت!!
مشعل: ماهو ضروري تفهم.. المهم اني افهمها.. انا فاهم زوجتي كويس.. اكثر ماهي فاهمه روحها.. الي هي ماتعرفه.. اني عارف هالبطل
خالد: اكيد لانها ماهي حاسه بالامان معاك.. فاوجدت في خيالها بطل بمواصفات ثانيه.. عادي تحصل كثير.. اذا انك قدرت تحلل حالة الخوف الي هي فيه اكيد بتستوعب هالشي
مشعل: ...............................
خالد: وين سرحت؟
مشعل: تعرف.. اذا جات وقالت لي انها تبي تروح له ماعندي مانع.. اذا هالشي بيوفر لها السعاده الي هي تدور عليها.. راح اوافق انها تروح له.. المهم عندي اني اشوفها تضحك وسعيده
خالد: لهالدرجه تحبها.. مستعد تتنازل عنها حتى بس تشوفها سعيده
مشعل: انا فديتها بعمري.. كان بيني وبين الموت شعره.. ماكنت حاس انه حياتي مهمه.. كان المهم عندي انها تعيش.. الان تبيني اعرف انه سعادته قريبه منها وانا العائق الي بينها وبين سعادتها وتبيني اوقف في وجهها.. والله مايكون
خالد: لا تحلف يارجال
مشعل: والله ما يكون.. هذي سما ياخالد.. هذي روحي
خالد: بحياتي ما شفت رجال يحب زوجته كذا.. بحياتي.. وبعدين لا تنسى اسمها سماححححححح
مشعل: انا بحياتي مالقيت الي يحبني.. حاولت اني اخلي سما تحبني ماقدرت.. عارف اني قاسي معاها.. عارف اني عذبتها بغيرتي وعصبيتي وحدتي وصراخي.. عارف هالشي زين.. بس الي هي ماتعرفه.. اني اغير وقت الي اسمعها وهي نايمه تناديه.
خالد: تنادي من يارجال.. هذا خيال
مشعل: اه ايوا.. خيال.. تعرف احس اني ماني من النوع الي انحب.. احس اني من النوع الي ينخاف منه بس.. عشان كذا خايف اقابل الحرمه الي تقول انها امي.. خايف عليها من نفسي.. وعصبيتي.. خايف انها تكرهني.. انا سعيد اني اسمع انها تحبني.. لقيت احد يحبني.. واخاف اني اخسر هالحب.. انا متأكد انها بتكرهني وقت الي بتشوفني معصب وثاير
خالد: ايش الي تقوله يارجال.. هذي وساوس شيطان.. اترك عنك.. هذي امك روحها فيك.. لا تعمل بحالك وبحالها كذا.. هي محتاجه لك مثل ما انت محتاج لها.. يمكن اذا رضت امك عليك تنحل مشكلتك مع سماح.. تعوذ من ابليس وقابل امك اجلس بحضنها وخليها تعوضك عن هالسنين الي راحت.. هي امانك الي تدور عليه يامشعل.. حضن امك هو الامان الي عندك ارتاح فيه وبعدين اقلق على راحتك مع اني متأكد انك بتنسى القلق
مشعل: اذا زوجتي ما ارتاحت معاي وحبتني.. تظن امي بتحبني.. ما اعتقد
خالد: اقول لك اترك عنك هالافكار.. عيش حياتك.. لا تقيس تجربه فاشله في عمرك الي راح وتبني عليها عمرك الي جاي.. يامشعل انت رجال ماعليك قصور.. افتح عينك وبتلاقي الدنيا حلوه وانت فيها.. حنا كلنا مالنا حياة بدونك.. ماتشوف كيف الاستقرار رجع للكل.. الان بس عرفنا للراحه طريق يارجال.
مشعل: الحمدلله
خالد: ايواااااااااااااا احبك تقول الحمدلله على طول.. والان يلا ايش الي انت تعمله لحد الان ماهي عجه الي تبي تعملها.. ذبحتني جوع الصارحه
مشعل: يلا طيب.. ولع الفرن
خالد: ها !!!
مشعل: ايش ها.. ماتعرف حتى تولع الفرن
خالد: هههههههههههههههههه بصراحه لا

************************

عند الجسر
سامي: يعني ايش!!!!
سالم: ما ادري
سامي: قالت انها تبي تنفصل يعني
سالم: ايوا
سامي بحده: هلا قالت هالشي!!!!
سالم: قالته واشوفها قويه فيه
سامي: انت ماكنت تجلس معاها؟
سالم: لا
سامي: ماتتكلم معاها؟
سالم: لا
سامي بحده: كيف لا
سالم: ما ادري
سامي بحده: ماتدري !!.. انت تبي تجنني.. كيف ما تدري.. ماتدري عن زوجتك.. ماكنت تسأل عنها .. ماكنت تشوفها.. ماتقعد معاها هذا لو جبل كان انهد.. غصب عليها تطلب تنفصل.. انت غبي ولا ماتعرف كيف تتعامل مع زوجتك
سالم: من جد ما انتبهت.. من جد هي قدامي على طول.. اتطمن لما اشوفها تبتسم ولا تضحك لي من بعيد.. انشغلت عنها بسماح ورجعتها.. من جد نسيتها.. كيف ما انتبهت
سامي: ما انتبهت يوم يومين عشره.. ماهو من ثلاث شهور.. اذا هزاع عرف ايش بنقول له
سالم: ماهو مهم عندي هزاع.. المهم هي
سامي: كنت تقول هالكلام لنفسك من زمان.. الان جاي تقول المهم هي.. كنت اهتميت يا اخي
سالم: انسى اني انفصل عنها انت سامع
سامي: انا سامع المهم هي تسمع.. دق عليها خليها تجيك الان
سالم: وبعدين
سامي: وبعدين عاد خلها عليك وعلى تعاملك معاها
سالم: ماكنت عارف ايش اقول لها كل كلمه كانت تقولها احسها سكين تنغرس بجسمي.. كيف اني انسى اهتم بها او اسأل عنها.. والله ماني مستوعب.. كانت سعيده.. او كنت اشوفها سعيده.. مادريت انها تكتم في نفسها.. كأني اول مره اتعرف عليها.. ماني مصدق اني قدام زوجتي.. تصدق اني ما اعرفها
سامي: والله اني انا الي بنشل منك.. انت عارف الي يعمل الي عملته ايش يطلع
سالم: ماهو رجال عارف
سامي: يافرحتي فيك وانت فاتح عيونك وكانه ماي بارد مرشوش عليك.. تعرف وانا اخوك.. والله اسعدتني
سالم: ابي اقعد معاها لحالي
سامي: وايش الي مانعك
سالم: وين اقعد.. ماعندي مكان
سامي: بخليك تقعد بغرفتي
سالم: ياريت.. والله ياريت ياخوي
سامي: انتظر .. الو ..انتي وين؟
نور: انا هنا بالصاله
سامي: قولي لهلا انك تبين تكلميها وخليها تسبقك لغرفتنا.. بخلي سالم بروح لها هناك.. لا تبيني لها هالشي
نور بخوف: صاير شي؟
سامي: صاير.. وشي كبير بعد.. اعملي الي قلت لك عليه ولا تخلي احد يحس عليكي وانتي تكلميها.. لا تجيبي اسم سالم على لسانك معاها
نور: حاضر حاضر
سامي: لا تخلي احد يحس عليكي وانتي تكلميها.. ما ابي احد ينتبه.. انشا الله هالثور الي عندي يعرف يتصرف.. سلام
سالم: ثور وحمار بعد
سامي بحده: تعرف اذا ماراضيتها ايش بعمل فيك.. والله لابهدلك قدام الكل انت سامع

********************

في الصاله
نور بهمس: انا في بالي فكره لجمايل ايش رايك تنفذيها معاي
هلا بهمس: اكيد معاكي
طيف: ايش عندكو تتهامسو
نور: ماعندنا شي.. انتي لا تدخلي حالك بيننا
طيف: هلا ما تخبي علي شي.. هلا قولي لي
هلا: امممممممممممم هالمره لا الموضوع يخص نور.. ما اقدر اقول
نور: ههههههههههههههههه قلت لك اهتمي بامورك
طيف: منتي ناويه اني افششك صح
ساره: خافي منها هذي عافيتها ردت.. وصارت اقوى من قبل
جمايل: اذكري الله عليها
هلا: انتي ينخاف منك.. بصراحه عيونك اخاف منها
ساره: انا اذكر الله.. وبعدين انا امزح لا تعقدوني بحياتي انتي وياها
هلا بحده: انتي تاركه الناس تاخذ هالفكره عنك.. والله انك ماتمسكي لسانك
ساره: وانتي مالك هبيتي فيني كذا
هلا تنتبه لحالها: لا.. عادي انا امزح معك
نور: طيب قومي الحقيني على غرفتي بجيب الاغراض وانا جايه
هلا: اغراض ايش؟
نور: شوية هدايه
هلا: خليني اجيبهم معاكي
نور: لا ما ابيهم يحسو علينا.. قومي انت وانا جايه
هلا: طيب اسبقيني انتي وانا جايه وراكي.. فشله ادخل غرفتك وانتي منتي فيها.. ايش اعمل اذا شفت زوجك هناك ولا اذا دخل علي
نور: ياربي سنعه.. لا تخافي انا قايله له اني بروح مع وحده من البنات.. ماراح يجي غير بعد المسا.. يلا تحركي انا رايحه للشغاله اقول لها تجيب الاغراض
هلا: امري لله

**********************

في الملحق مع سماح
سما: مالك؟
سماح: سلامتك
سما تناظر خالد: مالها؟
خالد: هذا هي عندك وسألتيها وجاوبتك.. تسأليني انا ليه؟
سما بحده: لانك الي لازق فيها اليوم
سماح: وانتي ليه معصبه كذا
سما: شكلك مايسر وهذا جالس بارد ويوزع ابتسامات
سماح: ههههههههههههههه حبيب قلبي والله خليه يوزع ابتسامات اليوم ملكته
خالد: ههههههههههههههه قلبي انتي والله اكيد شكلك مايسر خايفه انو جمايل تاخذني منك
سماح: تصدق عاد.. ماتقدر جمايل تاخذك مني.. انت حبيبي
سما باستغراب: ومن متى هالكلام؟
سماح: من الان في شي زاعجك
سما: ابدا الله يديم المحبه
خالد: امين يارب
سما: انا رايحه للبنات بتجين معاي ولا بتلزقي في حبيب القلب
سماح تحرها: بلزق فيه.. وبلزق فيه واذا ماهو عاجبك اشتكي
سما: سموح لا تتحديني.. تراني بغلبك
سماح: اتحادك
سما: سموح
سماح تزعق: اتحداااااااااااااااااااااااااااااااااااااااااااااا اك
سما: امسكها ياخالد خليني ادغدغها
خالد: مايدخلني بينكم.. تعالي وامسكيها لحالك ولا تطلبي مني اعمل لكم شي.. حبيباتي انتو الداخل بينكم مفقود
سماح: هههههههههههههههههه هذا هو تخلى عنك ايش بتعملي الان
سما بحده: استحملي الي يجيك
سماح تجري منها: ماتقدري تعملي شي ابد ابددددددددددددددددددد
سما تزعق: اقول وقفي وانتي تشوفي ايش اقدر اعمل فيكي.. لا تهربي ياحلوه وتعالي واجهيني
سماح: لاااااااااااااااااا لااااااااااااااااااااااااا
سما: سموح وقفي خليني اضربك
سماح: هههههههههههههههه باحلامك
سما تمسكها: سموووووووووووووووووووووح
سماح: اااااه توجعيني.. سموووووووووو شوي شوي.. اااااااااااااااااااه
مشعل بحده: يدك عنها.. شيلي ايدك عنهاااااااااااااااااااااااااا
سما بخوف: خالد الحقني
مشعل يحضن سماح: انتي بخير حبيبتي انتي بخير؟
سماح بحده: بعد عني.. جابر بعد عني
مشعل بهمس: وحشتيني موت.. موت سما
سماح: اطلع برا

**********************

في غرفة سامي ونور
هلا: ايش ذا؟
سالم: ايش؟
هلا بحده: ايش تعمل هنا.. انت اكيد انجنيت
سالم: ما انجنيت اهدي انا جاي اتكلم معاكي
هلا بحده: هنا.!!!. جاي هنا !!.. نور بتجي الان ايش بتقول اذا شافتني معاك بغرفتها.. والله منت صاحي.. اطلع الان
سالم: هلا
هلا بحده: انت ماتسمع اقولك اطلع برا.. والله عيب الي تعمله
سالم: ممكن تسكتي نور وسامي يعرفو اني بشوفك هنا.. مالقيت مكان اقعد فيه معاكي براحتي اتكلم معاكي
هلا: ومالقيت غير غرفة اخوك تجي هنا؟ ايش بيقولو عني لو يشوفوني معاك خارجين من هنا.. انت ماتفكر فيني ولا بشكلي قدام الناس
سالم: كفايه تجريح فيني انا ساكت لحد الان
هلا: حتى لو تكلمت كلامك ماراح يفيد الان.. ابيك توخر عني عشان انزل.. ما ابي نور تضن اني مستغله غرفتها في شي م.........
سالم يقرب منها: في ايش؟
هلا: لا تقرب مني.. ابي اطلع من هنا.. وخر عني خلني انزل
سالم: ماتلاحظي اننا لازم نتكلم في موضوع مهم.. هذا متعلق بمستقبلنا وحياتنا مع بعض
هلا: هالموضوع ماصار يهمني.. ولا كان يهمك من قبل.. الان انت مهتم!!.. انا اشوف ماله داعي
سالم يقرب اكثر: احبك
هلا: تصدق ماني حاسه بلذة الكلمه عارف ليه؟
سالم: ليه؟
هلا: لاني انا نبهتك لها.. الرجال الي ماينطقها من نفسه.. هذا يعني انه مايحس فيها.. الرجال الي ينتظر زوجته تذكره فيها.. ويجي بعدين ويقولها.. تصير ماسخه.. مالها داعي مالها معنى.. مالها طعم
سالم: احبك من قلبي.. هالمره قلبي الي يقولها
هلا: وانا ماني حاسه بها
سالم يقترب اكثر: اعشق كل شي فيكي.. حتى قوتك.. عارف انك اقوي مني.. انتي عارفه اني ضعيف قدامك.
هلا: تصدق عاد والله ماكنت اعرف.. كيف اعرف وانا ما اشوفك.. انت غريب عني الشي الوحيد الي يجمعني بك.. هي ورقه.. الورقه بس تقول انك زوجي
سالم: الشي الوحيد الي يجمعني فيكي هو قلبي.. قلبي الي حبك من اول ماشافك
هلا: سالم لا تصعب الامور.. الي ابيه ماهو معاك.. ولا تقدر تعطيني ياه.. ياريت.................
سالم بحده: انتي اكيد تستهبلي.. لا تعندي معاي انا تاركك من الصبح تقولي الي تبينه.. بس اياكي تجيبي للانفصال طاري مفهوم
هلا: هذي حياتي ياسالم.. انا اقرر ايش ابي فيها.. انا ماني مرتاحه معاك.. من حقي اني اشوف حياتي.
سالم: انتي تبين تكوني بعيد عني
هلا: انا عمري ماكنت معاك.. من عرفتك وانا بعيده عنك ياسالم.. مافي شي بيتغير
سالم: انا اسف اني خليتك بهالوضع بس وغلاة دموعك.. عمري مابقصر معاكي.. من جد انا اهملتك.. مالي عذر بالي عملته مالي وجه حتى اشوفك او اعتذر منك.. انتي قدرك عندي غالي واجد ماهو زي ماقلتي شغاله.. انتي اميرتي انا.. حياتي انا.. ماهو انا الي يفرط فيكي.. ويتنازل عنك.. هلا انا عارف انه أي كلمه بقولها يمكن تزيد النار الي بقلبك وعارف اني اذا سكت بزيد من نارك.. هلا انا ماتعودت اني اكون كثير كلام.. تعودت اني اكون رجال بفعل
هلا تبكي: حتى الفعل ياسالم ماشفته منك.. لا الحكي ولا الفعل.. عارف.. انا كل الي ابيه.. اني اروح عنك وما يكون بيننا أي مشاكل.. انا كنت سعيده هنا.. صحيح داخلي ما حد درا عنه.. حتى امي المشغوله بهموم غيري.. بس انا عند كلمتي ماراح اغيرها.. ابي اطلع من هنا ابي ارجع لحياتي ودراستي.. دراستي كانت تخفف كثير من همومي الي مادريت عنها ولا سألتني عنها.. سالم انا.............
سالم يحضنها: قلت لك لا تجيبي للانفصال طاري.. هالشي انسيه.. اذا عندي غلط في اسلوبي تقدري تصلحيه.. انا ماني ملاك ولا معصوم من الغلط.. انا انسان محتاج الي يذكرني ويوجهني لتصرفاتي.. احبك
هلا: ابتعد عني
سالم: ماراح ابتعد عن حياتي واخربها بايدي.. اوعدك تلاقي الي يرضيكي.. وعد يا هلا.. واذا لقيتي عكس هالشي من حقك تطلبي الي تبينه بعدين
هلا تفكر: لا.. ماني موافقه.. مابغير كلمتي
سالم يزيد بقوة حضنه: زواجك بعد اسبوع من اليوم.. جهزي حالك.. ماراح احرم نفسي منك.. اعملي الي تبين تعمليه.. الي تبين تقولي له قولي له.. ماحد بيوقف بوجهي.. ولا حد بيمنعني عن زوجتي
هلا: يعني جالس تعاند بس
سالم: لا والله.. جالس احافظ على زوجتي.. ماهو عشان اتحداها.. عشان احبها ومن كل قلبي.. واتمنى انها تسامحني.. هلا الله يخليكي سامحيني
هلا تحاول تبتعد عنه: لا
سالم: الله يخليكي سامحيني
هلا: لا.. اتركني
سالم يبوسها: اميرتي.. حياتي.. هلا ياعمري كله.. قولي سامحتك حبيبي
هلا: .........................
سالم: بظل حاضنك واعتذر منك لحد ماتقولي سامحتك حبيبي