روايه نبض قلبي / دانة الحمادي

الجزء السابع والعشرين

في شقة الرائد حمد
حمد: مالك متوتر كذا
جابر: ها.. لا انا بخير
حمد: انا جبت شوية سندويشات.. ابيك تاكل.. انت ما تاكل ابد
جابر: شكرا.. ماني حاس بجوع
حمد: ياخوي انت منت....................
جابر مسغرب: ياخوي!!!!!!!!!
حمد: ومالك مستغرب.. ايوا انت اخوي.. مافيها شي كلنا اخوان
جابر: ايوا بس انا في نظركم مجرم.. المفروض اني محبوس.. او اني استجوب على الاقل
حمد: من قال.. انت متعاون مع الشرطه من غير لا تعرف
جابر: شرطه؟.. انا بحياتي ما تعاملت معاهم
حمد: تذكر يحيى
جابر بشك: لا ما اذكره
حمد: لا تذكره زين.. هو رائد بالشرطه.. وانت كنت تتعامل معاه بصوره مباشره.. وشهادته شفعت لك وغيرت نظرت التحقيق بالنسبه لمجريات التهم.. وبالنسبه للظروف الي رمتك على عصابه مثل عصابة خليل.. تم تبراة حضرتك وانت الان حر طليق.. ماتحمل أي مسؤليه.. قدام القضاء
جابر: ظروف رمتني على عصابة خليل.. هذا ابوي.. كيف ظروف رمتني عليه مافهمت.. لا يكون انت تقصد احد ثاني.. تراني جابر ولد خليل
حمد: استنى افتح الباب
جابر: خذ راحتك
وكيل النيابه: السلام عليكم
حمد: وعليكم السلام سيدي
وكيل النيابه: ايش اخبار الولد
حمد: بخير.. بس ماهو راضي ياكل
وكيل النيابه: ليه يبا.. ليه منت راضي تاكل
جابر: ها !!!!!
حمد: جابر هذا وكيل النيابه.. المسؤول عن قضيتك من سنين
جابر: قضيتي انا.. من سنين؟
وكيل النيابه: تعال سلم علي على الاقل
جابر: ها !!!!! اه ايوا اهلا
وكيل النيابه: ماهو كذا.. تعال بحضني.. خلني ارتاح انك هنا يبا
جابر يدفعه عنه: انتو اكيد غلطانين.. منين تعرفني حتى تسلم علي بهالحراره هذي
وكيل النيابه: يحيى وين يا حمد
حمد: جاي بالطريق سيدي
وكيل النيابه: اسمي سلطان.. صاحب ابوك.. عارف انك ماتعرفني.. بس انا اعرفك من كان عمرك 7 سنين
جابر: ابوي خليل صاحبه وكيل نيابه !!!!!!!!!!!!
سلطان: ابوك ماهو خليل.. ابوك خالد العبدالله.. وانت ولده.. مشعل
مشعل بحده: تستهبلو انتو.. أي خالد واي عبدالله.. انتو جايين تلعبو علي ولا ايش.. قولو ايش تبون مني وخلوني في حالي
سلطان: ابيك تهدى الان.. وبقولك على الحكايه كلها.. الاول لازم انتظر يحيى يجي.. لانه معاه شريط تسجيل واعتراف كامل من نجمه.. على الي صار لك من تحت يدهم
جابر: امي !!!!
سلطان: ماهي امك.. هذي مربيتك.. سرقتك من حضن امك وابوك وخلتك مكان ولدها الي انقتل.. بس فيه شي ماني فاهمه ابيك توضحه لي
جابر: كيف ماهي امي وكيف ماهو ابوي ايش جالس تقول انت
سلطان: ابيك تركز معاي.. جيب مويه يا حمد
حمد: عصير لعيون مشعل
جابر بحده: انا جااااااااااااااااااابر.. اسمع انت وياه.. اللعبه هذي ابيها تنتهي الان.. انا ما اعرف احد اسمه يحيى.. وما اعرف احد اسمه خالد العبدالله اذا كان ابوي لاعب او سارق على هالناس.. فانا مالي دخل فيهم.. ماراح تاخذو مني أي شي يساعدكم.. ان.........
حمد: مشعل اهدى شوي
جابر بعصبيه شديده: جاااااااااااااااااااااااااابر قلت جاااااااااااااااااااااااااااابر
سلطان: افتح الباب يا حمد هذا اكيد يحيى
جابر: يحيى !!!!
سلطان: ايوا يحيى.. الرائد يحيى.. انت تعرفه زين.. اجلس واهدى حتى تسمع الحقيقه مننا
يحيى: سلام عليكم
سلطان: هلا يحيى
يحيى: اهلا سيدي
جابر: سيدي؟
يحيى وعيونه مليانه دموع: جابر.. كيف حالك
جابر: ابي افهم
يحيى: اجلس حتى افهمك ايش صار
حمد: العصير لعيون احلى مشعل
يحيى: امسك الكاس واشرب.. ابيك تاكل.. ابيك تآمن طول منت معاي.. ماقلت لك من قبل آمن طول منت معاي
جابر: انت رائد من جد
يحيى: ايوا من جد
جابر: وسعود؟
يحيى: لا.. سعود فرد عصابه.. عملنا خطه ودخلت بوسط عصابتهم حتى اعرف كيف امسك خليل
جابر: ابوي؟
سلطان: ماقلت لي يا مشعل.. اذا خليل ابوك.. ليه اوراقك الرسميه مكتوبه باسم جابر منصور
يحيى: من منصور ذا يا مشعل
جابر: هذا الاسم الرسمي لابوي.. يقدر يسافر ويرجع من غير ماحد يعرفه
حمد: عشان كذا ما كنا نقدر نمسكه بسهوله
سلطان: الموضوع فيه تزوير؟
جابر: ........................
يحيى: مشعل
جابر بحده: نادوني جابر راسي يلف من تنادوني مشعل
يحيى: حاضر.. اهدى طيب
سلطان: ماقلت لي يا جابر.. الاوراق مزوره؟ كيف مرت على التدقيق كيف ما انكشفت انها مزوره؟
جابر: الاوراق ماهي مزوره.. الاوراق سليمه
سلطان: كيف سليمه.. هذا يعني انه على علاقه باسم قوي حتى عمل هالاجراءات
جابر: الاسم لشخص بسيط.. بس يقدر يعمل اشيا كثيره
حمد: نبي اسماء ومواقع
جابر: حاضر.. بس عندي شرط
سلطان: عيوني لك يبا
جابر: ابي اتطمن على زوجتي وعيالي
يحيى: لا تقلق.. كلهم بخير.. وتحت عيوني.. وساكنين عندي حتى تتطمن اكثر
جابر يمسكه من ياقته بكل قوته: ايش تقصد يا خسيس
سلطان يمسكه: اجلس حتى تفهم.. بنقولك على كل شي
جابر: ماراح اتركه حتى يقول لي ايش يقصد انه زوجتي عنده
يحيى: زوجتك اخت زوجتي
جابر: ها !!!!!!!!!!!
سلطان: اجلس يبا.. ارتاح يا حبيبي واسمع القصه

********************************

في المطبخ
هلا: مالك متضايقه
جمايل: هو ليه عصب علي كذا
هلا: هههههههههههههههه يبيكي تردي عليه
جمايل: لا طبعا يحلم بهالشي
هلا: انتي تصرفك صح .. كذا بيتعلق فيكي اكثر
جمايل: اشوفك تشجعيني
هلا: وليه ما اشجعك .. ودي والله تاخذيه ونعيش كلنا ببيت واحد
جمايل: حنا عايشين ياهلا
هلا: تبين الصدق .. انا مالي خوات .. لو تعرفي شعوري كيف ما ابي اخسر وحده فيكم
جمايل: مبسوطه بنور وساره؟
هلا: سما ونور وساره .. طلعوني من حالة اكتئاب كانت بتذبحني .. ما انكر وجود سالم رد لي جزء كبير من روحي .. بس بعد البنات لهم في قلبي الشي الكبير .. من اول يوم شفتهم فيه وهم محسسيني اني وحده منهم
جمايل تمسح دموعها: نفس الاحساس الله يعلم
ساره: وحنا بعد الله يعلم
نور: وانتو لازم تقلبوها غم .. مانعرف نعيش مبسوطين .. لازم هالدموع بعيون احد
جمايل: الحمدلله .. الحمدلله كنا وين وصرنا وين .. الحمدلله
ساره: ايوا كذا خلكم متفائلين .. كل مانروح مكان هذا مكتئب وهذا يبكي وهذا مدمعه عيونه خلاص عاد .. عندنا ثنتين نبي ننسيهم الهم وانتو مهمومين مايصير كذا
جمايل: تركتو طيف لحالها؟
نور: تعشت .. والمسكينه نامت على طول
جمايل: هلا انا رايحه لها .. خلاص مابي عشا
ساره: وين رايحه
جمايل: ما ابي تنام لحالها
نور: رجوه معاها تقول بوعذبي محرص عليها
جمايل: الحمدلله
ام حسام: ها يما ايش عملتو
هلا: كل الخير يما
ام مشعل: الله الله ايش هالروايح الحلوه ذي
هلا: هذا طباخ جمايل
ام حسام: ما شا الله يما هذي الريحه حلوه كذا اجل الطعم كيف
ام مشعل: يلا يما جهزوه خلاص اشوف العيال جاعو .. سالم وخالد جالسين ياكلون سندويشات
هلا: هههههههههه لسا من شوي جايين .. وانا عامله لهم
ساره: ههههههههههههههه خالد بعد جا .. اقول يابختك يالي ببالي
نور بهمس: بس لا تفضحينا
ساره بهمس: وليه عاد
نور بهمس: هو لسا ماقال يبيها .. لا تخليها تتعلق فيه وبعدين يصدمها
ساره بهمس: ويقولو فيصل لوح ثلح .. والله انا ماشفت غير خالد هو الثلج
ام حسام: ايش عندكم انتي وياها تتهامسو
ساره: ياربي هذي ماتغفل عن شي
هلا: اذكري الله عليها ياساره والله ان صار عليها شي لاوريكي
ساره: انتي شوفيها ماهي عاتقتني .. عيونها علي مكان ما اروح
ام حسام: انا عيوني على الكل
ام مشعل بحده: وانا كم مره قلت لك لا تتكلمي كذا مع خالتك
ساره: يما امزح بس
ام مشعل: ولو لا تمزحي كذا معاها .. سامعه ولا اعيد الكلام
نور: مالك يا ام مشعل مو من عادتك تهبي بالبنت كذا
ام مشعل: وجعت قلبي يما .. عاد انا بجلس اعيد هالكلام عليها كل شوي
نور: هدي اعصابك يما ماصار شي
ام حسام: مالك ياختي انا معاها نمزح بس
ام مشعل: والله ما ادري ياختي ضيق
ساره: ماعاش الضيق يما وهذا راس خالتي ابوسه .. سامحيني خالتي
ام حسام: ماصار شي يما حنا نمزح بس
ام مشعل: انا بخليكم .. حطو العشا يما العيال جياع
نور: انشا الله يما

*****************************

بغرفة يحيى وسما
يحيى: مالك؟
سما: غريبه اني بحضنك؟
يحيى: الغريب الخوف الي ساكنك
سما: تشوف ماله داعي
يحيى: ما ادري
سما: انت باين فرحت بانه مشعل حي بس ما حسبت حساب اشيا كثيره يا يحيى
يحيى: حساب زي ايش
سما: زي سماح ماتبيه مثلا
يحيى: سماح لسا ماعرفت بالموضوع
سما: حتى لو عرفت.. هي ماتبيه
يحيى: انا اقصد قصة مشعل الي صار جابر
سما: وتظن انها بترق اذا عرفت قصته الحقيقيه.. تبي توهم نفسك
يحيى: احاول اوجد حلول
سما: الحلول ماراح تجي على كيفك بالشي الي يبسطك انت بس
يحيى بخوف: مافهمت قصدك
سما: انت مافكرت انه سماح ممكن ترفض وجوده.. وممكن تكون هنا مشكله كبيره اساسها سماح ومشعل.. وبعدين لا تنسى مشعل وين عاش وايش صار.. هذا مجرم.. كيف بآمن على الي هنا منه
يحيى: بس الي هنا اهله
سما تناظره: حبيبي ماهو عشان انك متعلق فيه بتنسى الحقيقه الي هو عليها الان.. حنا اهله ما اختلفنا.. بس ماهو مشعل الي المفروض يكون.. هذا تربى على انه جابر.. ولد خليل فاهمني
يحيى: كنتي راضيه اني ادخل بهالعيله وانا محبوب نسيتي
سما: مانسيت.. بس الي انت عمتله معاي يختلف كثير عن الي عمله مشعل مع سماح.. الشخصيات مختلفه.
يحيى: بس الاجرام واحد.. كنتي راضيه اني ادخل عليكم .. وكنتي واثقه انك تقدري تغيريني من مجرم لشخص سوي.. صح ولا لا
سما: صح
يحيى: عطي مشعل فرصه يكون انسان سوي.. الرجال تبهدل وانظلم على شي محنا عارفين ايش هو.. لا تجين الان وتظلميه زياده.. حرام يا سما
سما: انا ماقلت اني بظلمه او اني بخفيه عن الارض.. انا اقول اني خايفه من وجوده.. من حقي
يحيى: ولو نترك له فرصه انه يعيش معانا.. اذا شفنا منه الخير ياهلا ويا مرحبا.. واذا شفنا الشر.. بيصير تصرف ثاني
سما: تصرف مثل ايش
يحيى: ما اعرف الان ايش بيصير حتى اقرر
سما: خايفه على امي
يحيى: امي الله يعينها اذا درت.
سما: اذا درت انه حي مقدور عليها.. بس اذا صار ميت وهو حي قدام عيونها
يحيى: ليه تقولي كذا.. حنا تعاملنا مع جابر وهو كان في منتهى الاخلاق.. صحيح وقتها انا كنت حاس انه يمثل.. وانه مجرم بارع وممتاز.. بس الحقيقه تقول انه رجال كان الخوف ماليه على زوجته وعياله.. لا تنسي انه جاب العيال لحد عندكم من غير لا يعمل أي مشاكل.. هو مأمن انه سماح رجعت لحضن ابوها.. وماعمل أي شي يثير أي مشاكل تضرها
سما: بس كان متفق معاك انك تهربه مع زوجته وعياله.. صح
يحيى: اكيد صح.. فكري انه يدور على الامان لهم.. كان يبي يلاقي لهم منطقة امان.. مافيه مجرم يعملها.. هذا متعلق بحرمته وعياله كثير.. من حقه هالشي.. لا تحسبي الموضوع لصالحك بس وتنسي مشعل
سما: انت تفكر في اخوك وانا افكر في اختي.. الله اعلم الطريق بينهم ايش بيصير
يحيى: اتركيها على الله
سما: تاركتها من زمان عليه.. هو لي احد غيره
يحيى: الله يحنن القلوب
سما: ما ابي ابتعد عن حضنك
يحيى: تعالي ياروحي
سما: ابي انسى
يحيى: وانا بعد
سما: عقلي ماهو راضي يوقف تفكير.. ايش بنعمل
يحيى: الموضوع معقد كثير
سما: وهزاع والي قاله عن سماح
يحيى: مانقدر نخلي هزاع يبتعد لانه هذا المكان الوحيد الي بامن على حياته فيه
سما: لا لاتفكر في كذا ابد .. سماح تقول ماردت الا عشانه.. تبيها تموت
يحيى: وزوجها
سما: ماتحبه
يحيى: ومشعل .. وامي وابوي
سما: ما ابي اكون انانيه واقولك اختي .. بس هذي اختي وانا يهمني راحتها
يحيى: بس انا فهمت من هزاع انه ماهو ميال لسماح
سما: من صدقك!!
يحيى: ايوا
سما: ياعيني عليكي ياسماح
يحيى: ومشعل .. فكرتي بسماح والي مرت فيه ونسيتي مشعل
سما: مانسيته .. بس انا خايفه على اختي .. ماهو بعد مالقيتها اخليها فريسه للامراض والانهيارات
يحيى: ومن قال كذا
سما: الي حنا فيه يقول كذا .. عاشت طول هالسنين مع واحد كارهه وجودها معاه .. شوف كم طفل ذبحته حتى ماترتبط فيه .. عاشت في خيالها مع واحد الان ماهو ميال لها .. ايش تتوقع يعني
يحيى: معاكي حق .. بس انا قريت الرساله الي تركها مشعل مع العيال كل جمله فيها تقول انه يحبها ..
سما: وكل جمله فيها تقول انه كان يعذبها وهي ماهي طايقه تعيش معاه
يحيى: هي حتى العيال ماهي طايقه تقعد معاهم
سما: هذا انت تقول .. تعرف
يحيى: ايش
سما: ماني قادره اصدق انها رافضه عيالها
يحيى: الله اعلم بالي عاشت فيه .. يمكن هو الي مخليها ترفض عيالها
سما: متى بتجيبه
يحيى: باسرع وقت
سما: وسماح
يحيى: والله ما ادري .. ايش رايك اجيبه واخليه بوحده من الملاحق الفاضيه لحد مانخبرها
سما: وامي .. بتصبر على هالشي
يحيى: شوفي لا تقولين لي اني اكلم امي .. هزاع اقوي مني مع امي .. انا ما اقدر احط عيني بعيونهم بعد الي صار
سما: ليه محسس نفسك بالذنب كذا
يحيى: لا تفتحي هالموضوع سما الله يخليكي .. ماني عارف كيف بتعامل مع مشعل اذا رجع
سما: يحيى .. مشعل حي وهذا الي انت تبيه
يحيى: الي ابيه شي والي هو عاش فيه شي ثاني
سما: لاتزعل نفسك كذا .. الله بيحلها
يحيى: ودي اجي بحضنك
سما: هههههههههههه طيب دروك الان تعال
يحيى: انا عارف انه راحتك بحضني.. بس الي منتي عارفته.. انه حضنك هو راحتي انا.. سعادتي المحروم منها سنين.. اتوقع مشعل عنده نفس الاحساس
سما: لا تصدق نفسك عاد.. انا واختي توائم بس.. ماهو انت واخوك بعد
يحيى: سبحان الله.. كيف تعرفت على اخوي وعشت معاه.. وانا ماني عارف انه اخوي.. وكيف تعلقت بوحده شدتني لها من اول ماشفتها.. واطلعت اخت زوجت اخوي.. الموضوع على قد ماهو معقد على قد ماهو حلو.. الحمدلله.. ياربي لك الحمد

****************************

في غرفة بومشعل وام مشعل
بومشعل: مالك
ام مشعل: قلبي مقبوض
بومشعل: اعوذو بالله من ايش
ام مشعل: اقول لك وتصدقني
بومشعل: عمري ماكذبتك
ام مشعل: حاسه بولدي
بومشعل: ايش حاسه فيه
ام مشعل: تبي تعرف
بومشعل: اكيد ابي اعرف
ام مشعل: غريبه
بومشعل: وايش الغريب في الموضوع
ام مشعل: من هذاك اليوم وانت ماتخليني اتكلم عنه
بومشعل: حتى ماتزيدي الوجع بقلبك
ام مشعل: وليه اليوم غير
بومشعل: عشان حتى انا ابي اتكلم معاك عنه
ام مشعل: قول الي عندك
بومشعل: بقولك الي عندي بس ابيكي تسمعيني .. انا لسا ماعندي شي اكيد
ام مشعل: بس قبل لا تقول ابيك تصدقني في شي
بومشعل: بتقولين لي انه عايش صح
ام مشعل: صح
بومشعل: ماني عارف.. اصدق احساسك ولا الجثه الي دفنتها
ام مشعل: ماهي جثة ولدي .. صدقني
بومشعل: كيف يعني
ام مشعل: ما ادري كيف بس ماهي جثة ولدي .. انت حتى ماشفته في كفنه يارجال
بومشعل: ما قدرت .. ماقدرت
ام مشعل: اجل صدق انه ماهو ولدي
بومشعل: بصدق لانه الي عندي يقول كذا
ام مشعل: قول الي عندك
بومشعل: لما كنا ببيتنا .. يوم الي شفت نور وسامي بالمطبخ ليلة الي خطبها
ام مشعل: ايوا تذكرت
بومشعل: قال لسما انه حلم براشد .. وراشد وصاه وقاله انه يخلي العيال عندنا انا وياكي نربيهم .. حنا لنا فيهم بعد .. وقال له انهم عيالي انا بعد
ام مشعل: يعني ايش؟
بومشعل: من يومها وانا حاس انو جابر هو مشعل
ام مشعل: يعني هذول عيال ولدي !!!
بومشعل: يمكن
ام مشعل: وكيف سما وسامي ما انتبهو لهالشي
بومشعل: ما ادري .. الي حنا فيه يشتت العقل
ام مشعل: بس انا حاسه من زمان انه حي
بومشعل: اتمنى انه الي افكر فيه صح
ام مشعل: يا الله .. ياربي ياحبيبي تستجيب دعائي وولدي يكون حي
بومشعل: يا الله
ام مشعل: يا الله ترده لحضني مثل مارديت يوسف لحضن ابوه
بومشعل: يا الله
ام مشعل: يا الله ترده سالم غانم صاحي معافى
بومشعل: يا الله
ام مشعل: احس بالضيق راح من كلمتك
بومشعل: الحمدلله .. بس خلي ببالك اننا ماعندنا شي لسا
ام مشعل: ارمي حمولك على الله.. بكره الله يبرد قلوبنا بشوفته
بومشعل: انشا الله

****************************

في الملحق مع سماح
خالد: صباح الخير على الحلوين
سماح: هلا حبيبي
سامي: وانا ماني حبيبك يعني
سماح: انتو نايمين عندي من البارح
خالد: تقدري تقولي كذا
سماح: والله فشله
سامي: وفشله ليه انشا الله
سماح: اقلقت راحتكم
خالد: انا عن نفسي مرتاح دامي اشوف هالابتسامه
سامي: وانا مرتاح دامي اصبح على هالعيون الحلوه هذي
سماح: هههههههههههههه سما وين
خالد: تجهز احلى فطور للحلوه الي لسا صاحيه
سماح: ليه استعجلت .. ليه ما انتظرت لحد ما اصحى
سامي: تبين الصدق .. قالت لي اصحيكي .. وانا قلبي ماطاوعني اقلق راحتك
خالد: يلا ياحلو ..قومي تروشي .. وصحصحي حتى اختك ماتجي وتشوفنا ندلع فيكي .. وتفضحنا عشان ماصحيناكي من بدري
سماح: ههههههههههه ماتقدر انا وراك
خالد: ياقلبييييييييييييييييي اموت عليكي احبك
سامي: ههههههههههههههههه الله لايحرمني من هالضحك قومي ياروحي .. البارح ماتعشيتي اكيد جعانه
سماح: ياربي مايحرمني منكم .. الحياة معاكم غير
خالد: طيب قومي لا تجي اختك وتسود حياتنا
سما بحده: ايشششششش ذا انت لسا صاحيه
خالد: انا ماني هنا
سماح: ههههههههههههههههه
سما: كذا يا سامي اقولك صحيها حتى تفطر تخليها نايمه لحد الان
سامي: ...................
سما: وانتي ياروحي يلا قومي تروشي وصحصحي البارح ماتعشيتي .. انا موصيه الحلوين الي يبردون القلب يصحونك من بدري .. بس ايش اعمل .. المفروض ما اعتمد عليهم .. عارفتهم بيدلعو فيكي
سماح: ولا معطينك وجه
سما: خليهم انا اوريك فيهم .. يلا انت وياه خلو البنت تتروش وتغير ملابسها .. ولا بتوقفو تشاهدوها يعني
سامي: ياه هو انا واضح كذا .. اختك تشوفني ياخالد
خالد: ههههههههههههه وليه انت كنت مختفي
سامي: كنت لابس طاقية الاخفى
سما: ياثقل دمك والله .. يلا وروني عرض اكتافكم
سماح: لاتقسي عليهم كذا عاد .. والله وجعو قلبي
سما: هههههههههههههه لا يكذبو عليكي ياروحي .. هذول التمثيل عندهم سهل .. شوفي شوفي نظرات هالبرئ
سماح: هههههههههههههههه خالد من جدك انت
خالد: هههههههههه قالت لك تمثيل
سما: يلا طيب قومي
سماح: قمنا خلاص

****************************

في الصالة
يحيى: ياحلو هالصباح والله
طيف: تحلى ايامك ياربي
يحيى: متى صحيتي
طيف: من بدري
يحيى: فطرتي
نور: مارضت قالت افطرمع الكل
يحيى: وليه عاد .. كذا انا ازعل
طيف: والله القعده معاهم تفتح النفس
يحيى: مبسوطه معاهم ياروحي
طيف: فوق ماتتخيل
يحيى بهمس: انت بخير بعد الطيحه
طيف باحراج: هااااا
يحيى: ههههههههههه مالك وجهك تلون كذا هزاع قالي
طيف: هذا قليل حيا
يحيى: ماصار شي .. تبينه يتركك يعني
طيف بتوتر: والله انا ماكان قصدي والله انو سماح كانت................
يحيى: حيلك حيلك .. مالك توترتي .. قلت لك ماصار شي .. ليه خايفه كذا
ساره: احلى صباح .. على احلى حلوين
يحيى: هلا وغلا
ساره: هلا بك وبالغلا الي جنك .. كيف صباحها اليوم
طيف: الحمدلله
نور: يلا يا حلوين الفطور جاهز
يحيى: سماح صحت
نور: ايوا وجايه مع سما بالطريق
يحيى: اخليكم واروح افطر مع الرجال

****************************

بعد الفطور
مع سماح بحديقة الورد
سما: ودي اتكلم معاكي الان باشيا كثيره
سماح: مثل ايش
سما: ابيكي تسأليني
سماح: عن ايش
سما: أي شي انتي تبين تعرفي عنه
سماح: الي ابيه عرفته .. ما ابي اعرف اي شي ثاني
سما: وايش هو الي عرفتيه
سماح: انكم تحبوني كثير اكثر مما كنت اتخيل .. اكثر ما كنت ابيكم تحبوني .. تعرفي
سما: ايش
سماح: ماكنت مصدقتك لما قلتي انه اخواني يحبوني وممكن يغلوني على نفسهم وحياتهم
سما: والان
سماح: احسهم روحي الي كانت ضايعه مني
سما: ولقيتي روحك معاهم
سماح: اكيد
سما: ...........................
سماح: مالك سكتي
سما: اشوفك مشغوله بالورد
سماح: الورد كانت تسليتي الوحيده وانا مع....................
سما: مع جابر؟
سماح: مع الزفت
سما: تكرهيه
سماح: كثير
سما: ودي اقولك ايش عمل عشانك
سماح: اكثر من ضربه لي ماعمل .. اكثر من ذلي وكسر خاطري ما عمل
سما: قلت لك من قبل عطي فرصه لكل شي .. دوري على الحقيقه تراها ماهي ببعيده عنك .. ودي اقولك عنه .. ودي اقولك عن قصة مشعل .. تذكريه
سماح: مشعل؟ ولد عمي
سما: ايوا ولد عمك
سماح: هو له قصه
سما: زي قصتك بالضبط
سماح: بالضبط؟ هههههههههههه انا مافي احد زي قصتي ابد
سما: مشعل .. لما تعرفي قصته .. بيوجع قلبك الي جرا عليه
سماح: وانا ما اوجع قلبك يعني
سما: كنتي .. لما كنتي بعيده عننا .. الان لا
سماح: تظنيني قويه ياسما
سما: اكيد .. دامك مع اخوانك انتي قويه بقوتهم
سماح: صدقتي .. الان احساسي بنفسي غير .. عارفه احس اني لو اشوف جابر من جديد .. بذبحه بيدي
سما: تذبحيه مره وحده عاد .. تعوذي من ابليس بس
سماح: خفتي مني؟
سما: اخاف من روحي؟
سماح: ايش رايك بهالباقه؟
سما: حلوه مره
سماح: هذي لامي
سما: ماقلتي لي
سماح: ايش
سما: ما جا يوم حسيتي انه جابر ممكن يخسر حياته عشان يفديكي
سماح: كثير
سما: يعني الرجال كان فيه خصله زينه
سماح: تقدري تقولي كذا .. بس اذا بغيتي الحق
سما: ايش
سماح: اكرهه
سما: لانك عيشتي نفسك بحب خيالي
سماح: هااا .. ماني عارفه عن ايش تتكلمي
سما: انا توئمك ياروحي .. وروحي تحس بروحك .. تتوقعي اني ما اعرف
سماح: ماني عارفه ايش تقصدي
سما: انتي عارفه كويس .. انا ايش اقصد .. اذا ماودك تتكلمي بصراحه انا ممكن امشي واتركك لحالك اذا حبيتي
سماح بخوف: لحالي .. بتتركيني لحالي
سما: لا طبعا .. بنادي احد من اخوانك يكون معاكي
سماح: ابيكي انتي
سما: وانا ابيكي تتكلمي .. انا سرك ماحد بيسمعك زيي .. ماحد بيخاف عليكي زيي .. ودي افهمم كل شي
سماح: ايش تبين تفهمي
سما: ليه شعورك مع جابر جاف كذا
سماح: لاني احب هزاع .. ارتحتي الان
سما: انا عارفه هالشي
سماح: منين عارفه
سما: قلت لك اننا توائم
سماح: خلاص عرفتي وخلاص ممكن ماتفتح السيره هذي
سما: السيره هذا اساسا ماهي موجوده حتى تتفتح
سماح: مافهمت
سما: هزاع بكل المقاييس مايناسبك .. هزاع مايفضى .. وانتي محتاجه احد يفضى لك .. هزاع مسافر على طول شغله يجبره انه يغيب بالشهور .. انتي ماراح تقدري على هالشي .. انا عارفه نفسي وعارفه انك شبهي .. حنا نبي الي يزد باهتمامه علينا
سماح: يعني بيهملني
سما: ماهو اهمال قد ماهو انشغال .. هالشي مابيسعدك ابد .. بتظلي وحيده .. تبين تكوني كذا؟
سماح: لا طبعا .. بس انا متعلقه فيه كثير .. ذكراه الي مخيلتني اعيش ياسما
سما: ماقلنا لا .. هزاع والنعم فيه .. بس اذا جينا لشخصيته .. تلاقيه عكس الي انت متصورته .. هزاع عصبي مره .. شديد في تعامله حتى مع اهله .. بقولك عن كل شي عنه .. وانتي بنفسك احكمي
سماح: انتي تكرهني فيه
سما: غلطانه .. انا ابين لك الشي الي منتي شايفته بهزاع
سماح: احس اني دايم ابي...................
سما: وهم .. ماهو حقيقه .. هذ الشعور اقدر اسميه ثوب وانتي خطتيه بخيالك .. بس للاسف مقاسه مايناسب هزاع ابد
سماح: تتكلمي عنه كأنك عشتي معاه
سما: ماهو شرط اعيش معاه حتى اعرفه .. هو ولد عمتنها .. وطبيعي اعرف عنه اشياء كثيره
سماح: تبين تذبحي قلبي
سما: انا ماذبحته .. انا ابين لك الصوره حتى لا يجي يوم .. وتلاقي قلبك مذبوح من غير لا احد يقصد ذبحه
سماح: لما اشوفه يتعامل معاي بجفا .. يتعبني هالشي كثير كثير
سما: هو كذا على طول .. انتي بنفسك شفتي .. انا ماقلت شي ماهو فيه
سماح: تفضلي اني ارجع لجابر الحرامي .. مروج المخدرات .. ولد العصابات
سما: هههههههههههه عشان كذا تكرهيه
سماح: عشان كذا انا خايفه من عيالي .. شايلين اسم حرامي مروج مخدرات بكره اذا كبرو ايش بقول لهم عن ابوهم .. ماني طايقه ماني طايقهه
سما: خايفه منهم؟
سماح: ماراح يقدرو الي مريت فيه من عذاب.. نظراتهم بتذبحني احسهم دايم بيسألوني ليه هذا ابونا
سما: ليه تتوقعي الاسوء
سماح: لانه جابر سيء.. بكل معاني الكلمه
سما: اذا هو سيء.. عيالك مالهم ذنب بهالشي.. هذول حياتك.. روحك.. هذول اطلعومن جسدك.. المفروض علاقتك بهم تكون اكبر من كذا بكثير
سماح: الخوف الي داخلي اكبر من حبي لهم
سما: لانك منتي راضيه تخرجي نفسك من الخوف الي عشتي فيه
سماح: ماهو راضي يتركني.. احسه وراي بكل مكان.. يتبعني حتى وانا بعيده.. تعودت اني ما انام من خوفي منه.. سرق مني الامان.. الا ستقرار.. سرق مني الشعور والاحساس حتى بالرغبه
سما: حاولي تنسين.. حياتك الي جايه فيها الاحلى اكيد
سماح: هذا اكيد بس من غير جابر
سما: انتي قلتي انه فيه خصل كثيره زينه
سماح: وخصل السوء فيه اكثر
سما: يعني هو زي خليل باجرامه
سماح: لا لا.. ما يوصل لانه يكون زي ابوه.. خليل هذا معدوم الانسانيه.. جابر يفرق عنه كثير.. صحيح فيه من الحنيه بس قاسي.. شديد.. خشن في تعامله معاي
سما: لو ظل بالعالم جابر وخليل.. من تختاري تعيشي معاه
سماح بحده: ولا واحد
سما: افهميني بس.. حاولي تركزي معاي.. عيشي الي اقولك عليه
سماح: ما ابي افكر فيهم.. ليه منتي حاسه فيني
سما: بالعكس انا الوحيده الي حاسه بوجعك.. بس ودي انك تاخذيني على قد عقلي.. حتى اوصل معاكي للي ابيكي تعرفيه
سماح: قولي ايش تبي تعرفي
سما: مين تختاري.. خليل ولا جابر
سماح: جابر
سما: اجل اسمعي قصة مشعل

****************************

عند الجسر
يحيى: انت متأكد من الي تقوله
هزاع: اكيد لا تقلق
يحيى: هزاع .. هذا بيعتمد على جفاك معاها .. ياخوي هي مع سما الان
هزاع: مالك قلق كذا .. هي بنت عمتي واختي قبل لاتكون اخت زوجتك .. وبعدين مشعل واهله يهموني .. لا تخاف انا ما بقلبي شي لسماح .. انسى الي قلته لك انسى
يحيى: يعز علي ياخوي اقولك هالكلام .. عارف الي يحب ايش يحس فيه
هزاع: يا خوي ايش الي تقوله .. وبعدين هي عندها حياتها خلاص وعيالها محتاجين ابوهم .. حتى لو كنت احبها .. حبي ماراح يعوض العيال عن ابوهم
يحيى: الله يرزقك وحده تعوضك ياخوي
هزاع: امين .. خلني اروح الملحق مابيها تتوتر بشوفتي
يحيى: وبتظل مستخبي منها كذا لحد متى
هزاع: معلش ياخوي .. اصبر علي شوي .. انا انسان ماني جماد
يحيى: الله يعينك ياخوي
هزاع: ماقلت لي كلمت بومشعل عن ولده
يحيى: ايوه كلمته قبل الفطور .. وبشرني عن امي بعد
هزاع: الله يبشرك بالخير .. هذي عاد الي كنت خايف يجرا عليها شي
يحيى: الحمدلله .. ربك رحيم بعباده
هزاع: وخواتك كلمتهم
يحيى: ابوي قال بيكلمهم لحالهم
هزاع: احسن بعد .. خلهم مع امهم وابوهم احسن
يحيى: اشوف ابوي ايش يامر عليه وانشا الله خير
هزاع: انشا الله .. الا ماقلت لي
يحيى: خير
هزاع: كل ماسألتك عن بيت عادل الي فجروه تتهرب مني .. قولي
يحيى: صدقني حتى لو خبيت عليك العمر كله .. اكيد بيجي يوم تعرف
هزاع: خير
يحيى: ناصر ورا التفجير
هزاع بحده: الكلب
يحيى: يبي ينتقم لبنته
هزاع: يذبح عيله كامله عشان ينتقم لوحده وسخه مثل بنته
يحيى: ايش تنتظر من واحد عايش بعالم الاجرام.. اكيد الوساخه الي بنته فيها عادي عنده
عذبي: عمي
يحيى: خير
عذبي: الدكتور عبدالكريم وصل
يحيى: دخله الملحق .. جايين وراك .. ارسل لعمك عادل خبر
عذبي: حاضر

****************************

في ملحق الرجال
بومشعل: انا شايب؟ انا شايب؟ يازين الشعر الاسود الي بوجهك والله .. صبغ يا الشباب
عبدالكريم: عني انا شباب من زمان .. قوم شوف وجهك كيف عامل كأنك رجل الكهف
خالد: هههههههههههههههههههه
بومشعل بحده: وتضحك من قلب انت بعد لقيت الي يعينك علي ها
عبدالكربم: اقول نادي بوعذبي بس وقوله يصبغ شعرك .. تراك عامل زي جدي
بومشعل بحده: انا؟ انا؟ انا زي جدك يالمتصابي
عادل: عصبته يادكتور .. والله ماني قاصر يجرا عليه شي
عبدالكريم: لا تقلق عليه .. عافيته قويه
عادل: ماشا الله .. الله اكبر .. والله ماحد راح يتغربل غيري
سامي: هههههههههههههههههه دكتور عاد ما ارضى على ابوي
عبدالكريم: بذمتك شوفني وشوفه مين اكبر من الثاني
خالد: ههههههههههههه انا اجاوب
بومشعل بحده: انت انكتم
خالد: هههههههههههههههههه
عادل: اسكت انت بعد لا تعصبه اكثر
عبدالكريم: وانت معصب ليه الان .. انا ماقلت شي ماهو فيك .. هذا يحيى وصل تعال يا يحيى قول لنا
يحيى: السلام عليكم
عبدالكريم: وعليكم السلام اخلص .. قولنا انا وابوك بنفس العمر تقريبا .. بس بذمتك مين مبين اكبر من الثاني
محمد: ايواااااااااااااااااا هذا يحيى وقف يفكر
بومشعل: كذا يا يحيى انت بعد في صفهم
يحيى: لا انا في صفهم ولا شي .. انا جيت بشوف هالضحك والصراخ على ايش .. الاقيه على السن
بومشعل: شوفه مخليني زي جده يقول لي
يحيى: جده؟ جد مين .. دكتور لا تخليني اقولهم على سنك الحقيقي تراني كاشفك
عبدالكريم بحده: بس ياولد .. اسكت عن الفضايح
بومشعل: ههههههههههههههه الان فضايح .. لو اعرف انه يحيى بيسكتك كنت ناديته من بدري
هزاع: الا ماقلت لنا يا دكتور كم سنك
عبدالكريم: شوف انا صغير .. بس الله يقطع شر الكاتب يوم وثق سني زادني عشر سنين بالغلط
خالد: ههههههههههههههههههه
سامي: ههههههههههههه دلني عليه وانا اوريك فيه .. كذا يزيد سنك عشر سنين مره وحده
بومشعل: هذا اذا ماهي عشرين سنه .. داري عنه بيقعد يصغر في سنه لحد ماينادي محمد ياجدي
محمد: مين ذا الي يناديني جده
عبدالكريم: انا ياجدي
هزاع: هههههههههههههههههههههه
بومشعل: اخلص فطرت ولا لسا
عبدالكريم: والله اذا عندك بنت صغيره اتزوجها بدل الفطور ماعندي مانع
محمد: ههههههههههههه زوجه لينا ياعمي وخليها تناديه ياجدي
فيصل: هههههههههههههههههههههه
فهد: زين كذا .. تضحكو عليكم العيال
فيصل: محنا عيال
فهد: اسكت بس .. خلكم عيال محمد من شوي كان جده
محمد: ههههههههههههههه
بومشعل: ماقلت لي ايش عندك من العيال
عبدالكريم: عندي الله يحفظهم عارف وشوقي وبنت وحده
بومشعل: الله يحفظهم .. ويبارك لك فيهم
عبدالكريم: زوجتهم وارتحت منهم
بومشعل: الحمدلله .. وامهم؟
عبدالكريم: امهم توفت من زمان
بومشعل: عايش وحيد؟
عبدالكريم: أي والله وحيد .. بس الشغل ماهو محسسني بالوحده ابد
بومشعل: الله يزيدك من خيره
عبدالكريم: الله يسلمك
عذبي: عمي
يحيى: حياك .. ضايف الدكتور
عبدالكريم: كيف حال الوالد ياعذبي
عذبي: طيب طاب حالك .. شوي وجايك
عبدالكريم: أي والله ترا القعده بدونه ماتحلى
عذبي: بيده شغله يخلصها ويجيك
عبدالكريم: ايش هاشغله هذي
عذبي: يجهز لك احلى تشكيلة ايس كريم
عبدالكريم: ههههههههههههههههههههه عاد هذا الي جا بوقته والله .. اجل قوله يعجل
عذبي: من عيوني

****************************

في حديقة الورد
سما: الو ايوا ياروحي .. تعال حنا بحديقة الورد
سماح: مين ذا
سما: خالد
سماح: ماله
سما: يجي ونعرف
سماح: طيب
سما: ماقلتي لي
سماح: عن ايش
سما: عن مشعل
سماح: عادي
سما: يعني ايش عادي
سماح: قلت عادي ..سما
سما: ياروحي
سماح: انتي قلتي انه ابوي كان بيفديني بمبلغ كبير
سما: 300 مليون
سماح: 300 مليون؟ بس هذا كثير واجد فوق الخيال
سما: ولو اطلبو اكثر من كذا ماكان تأخر عنك
سماح: يعني ابوي عنده هالمبلغ
سما: عنده اكثر من كذا كمان.. وهم عارفين انه يقدر يدفع لهم اكثر من كذا
سماح: مافهمت
سما: انتي لحد فين تبين توصلي
سماح بتردد: لا .. ولا شي
سما: لا .. ليه ماتصارحيني انا اختك .. تبين فلوس؟
سماح بتردد: ها!! لا لا
سما: ناظريني ياسماح
سماح: لا
سما: الغريب اني اقرا افكارك ياسماح .. ماني حاسه انك تقري افكاري
سماح: لاني ماحاولت
سما: وليه ماحاولتي .. انا اختك
سماح: ماعندي رد
سما: بايش تفكري
سماح: ابي اخذ عيالي واروح بعيد
سما: عيالك؟ وتروحو بعيد؟
سماح: وليه مستغربه
سما: عشان منتي طايقه العيال .. الان تبين تاخذيهم؟ وبعيد؟
سماح: هذا الي ابيه
سما: تبين تاخذيهم عن ابوهم؟
سماح: ايوا
سما: تتوقعي كذا بتحرقي قلبه عليهم؟
سماح: ايوا
سما: وبعد كذا بترتاحي اذا عملتي كذ؟ا
سماح: يمكن
سما: تكرهيه؟
سماح: ماني طايقته
سما: بس هذا لازم يعيش هنا فتره لحد الي حنا فيه ماينتهي
سماح: يعيش مايهمني .. بس لازم يعرف اني ما ابيه .. وما ابي يقرب مني نهائي .. ولا يفكر اني برجع له .. اقولك .. اذا جا قولو له اني طالبه الطلاق
سما: طلاق؟
سماح: اكيد طلاق .. ايش فاكره اني استمر معاه؟ .. باحلامه هالشي ماراح يصير ابد انتي فاهمه ابد
سما: سماح .. انا مقدر امنعك من قرارك .. هذا قرارك وانتي تقدري تتخذيه .. بس قبل أي خطوه بتخطيها لازم تدرسي ايش بيصير بعد هذا القرار
سماح: وهذا الي قاعده افكر فيه
سما: شوفي انا مقدر اخلي نفسي بمكانك واقرر او اساعدك بقرارك .. بس الي علي اني اقولك انا ايش شفت وايش حسيت
سماح: مافهمت
سما: وقت الي كنت رايحه اعطي خليل الفلوس عشان اخلصك قالي اني استناه ببيت جابر .. وقالي انو جابر مايعرف اني سما اختك
سماح: يعني ايش؟
سما: يعرف اني سما زوجته
سماح بعصبيه: وبعدين
سما: وانتي ليه معصبه كذا
سماح بحده: اختي ورايحه لزوجي على انها انا .. كيف تبيني ارد عليكي يعني
سما: ولا شي معاك حق .. المهم .. دخلت عليه وكان في منتهى الاحترام اذا هذا الي تبين توصلي له
سماح: هههههههههه المشكله اني انسى اني اتعامل مع توئمي
سما: كان ملهوف انه يعرف عنك كل شي بس مانع روحه من انه يقترب منك
سماح: تقصدي منك .. اكيد حاس انك منتي انا
سما: ولا كان عنده ذرة شك انو انا اختك .. الشكل غلبه
سماح: مستحيل
سما: عارفه فكرت بهالشي كثير .. قلت يمكن من حبه لك يبي يصدق انك قدامه
سماح: مايهمني هالشي وبعدين
سما: لما حس انو خليل وصل .. انا استخبيت ودخل خليل عليه وجلس يضرب فيه حتى يقوله انا وين .. تخيلي انه ما قال
سماح: ........................
سما: تخيلي انه قال لخليل اني رجعت مكان ماجيت .. هذا يعني انه حبه لك ماله حدود .. ياسماح خليل ضربه ضرب لو واحد غيره كان اعترف وفك نفسه .. بس هذا حماكي من خليل بروحه
سماح: ولو مابتحنني قلبي عليه
سما: ماهو ضروري يحن قلبك عليه .. المهم انك تعرفي انو هالشي صار وانه خليل اطلق عليه رصاص
سماح: رصاص؟ خليل اطلق عليه رصاص
سما: ايوا .. وهو الان يتعالج من هالشي .. الرجال زين مامات وهو يحميكي
سماح: انتي متأكده انه ماحاول............ يعني .. اقصد اول ما دخلتي معقوله كان...........
سما: حاول انه يضمني بعد فتره وانا كنت اشوف المكان الي عشتي فيه .. حاول انه يبوسني كمان
سماح بحده: وباسك؟
سما: قلت لك حاول .. بس كنت احسه يمنع نفسه لاتزعلي
سماح: بس حضنك .. صح
سما: انتي غيرانه؟
سماح: طبعا لا .. بس ابي اتطمن عليكي
سما: اجل تطمني .. اختك بخير
سماح: طيب اوصفي لي
سما: اوصف ايش
سماح: لا خلاص .. انسي
سما: ودي انك تفتحي قلبك وتقولي ايش فيكي.. سماح لاتترددي باسألتك اسألي الي تبيه
سماح: ...........................
سما: طيب كيف عشتي معاه كيف كان يعاملك كيف كانت حياتك
سماح: .........................
سما بعصبيه: سماااااااااااااااح اتركي الورد من ايدك وكلميني .. لا تتجاهليني .. انتي قاعده تحددي مصيرك ومصير عيالك .. لا تاخذي قرار قبل مانتشاور عليه كلنا
سماح: هذي حياتي انا وعيالي .. اتشاور مع الكل عليها ليه
سما: عشان حنا اخوانك .. وما بنرضى تعيشي بعيد عن عيوننا ابد .. كفايه السنين الي راحت .. تبين تبتعدي عننا كمان
سماح: بي او بدوني انتو عايشين
سما مصدومه: هذا كلام تقولينه !!!
سماح: ماعندي غيره
سما: اذا ابتعدتي عني انا اموت .. انتي فاهمه
سماح: ماراح تموتي ولا شي .. عندك زوجك وبكره تجيكي عيال وتنشغلي بهم .. بتكون لك حياتك الخاصه ياسما .. لا تزعجي نفسك بي بعرف اصرف اموري
سما: وكيف بتصرفيها انشا الله
سماح: اسمعيني زين ..انا جيت هنا وكنت معزمه انه ماتكون لي علاقه بك او بخوانك .. انا جيت هنا وانتو اساسا ماتهموني.. انا احب هزاع .. روحي متعلقه فيه .. لا تظني انه الكلمتين الي سمعتيني ياهم عنه بيغيرو شي من الي بقلبي ناحيته .. هزاع روحي وعمري الي راح .. انا ابي هزاع فهمتي .. جابر او مشعل هذا انا ما ابيه فاهمه .. لا تتصوري اني بعيش معاه او برجع لحضنه ثاني ابد .. الي شفته منه ماهو قليل .. وخليه يعرف مثل ماعذبني وجبرني اني اكون معاه بعذبه وانا ابتعد عنه
سما: حياتك وانتي تقريرها .. قلت لك انا مالي أي حق اني اكون المتحكمه بحياتك .. حتى ما يجي يوم وتقولي لي انو انا الغلطانه .. احب انك تتحملي مسؤليه نفسك بنفسك .. ماحد بيجبرك على شي انتي ماتبيه
سماح: انتي تعرفي قد ايش انا احبك انا.......................
سما بحده: لا تكملي.. ما ابي اعرف.. بعد الي سمعته ما اعتقد انك تحبي نفسك حتى.. شوفي ابوي ترك وصيه .. وصى لك بربع الورثه لك لحالك.. كان يبي يعوضك عن الي شفتيه
سماح: الربع؟!!!!!!!!!!!!
سما: وانا واخوانك قررنا اننا نخلي في حسابك 100 مليون فديتك .. لانه 200 ملك عمي بومشعل الي كان يبي يفديك هو كمان.. انتي تستاهلي الخير ياليت.. الفلوس بس الي تسألي عنها تعوضك عننا
سماح: انا ؟ انا تركتو لي 100مليون .. وانتو ايش بقا لكم
سما: حنا بنبقا لبعض .. عمرها الفلوس مابتعوضني عن شعره من شعر واحد من اخواني .. بعزتهم انا عزيزه وبقوتهم انا قويه .. وكل ماراح احبهم اكثر .. بيحبوني اكثر واكثر .. والله لو اجيب من العيال الف ماراح استغني عن اخواني
سماح: انا اسفه يمكن ماعرفت اعبر بس.................
سما بحده: ماله داعي تقولين .. عادي لا تقلقي غلاتك مانقصت عندي .. الا زادت
سماح: بس انتي..................
سما: الو
خالد: معلش تأخرت انا جاي الان
سما: اسمع انا استناك عند الجسر سماح تبي تضل لحالها
خالد: حاضر الي تشوفيه
سما: قول للرجال اننا برا
خالد: حاضر
سما: لا تتأخر انا رايحه الجسر.. باي
سماح: بس انا ما قلت ابي اضل لحالي انا........................
سما بحده: اتوقع انك قلتي اننا مانهمك .. حتى الي خالد بيقوله ماراح يهمك .. لا تقلقي انا ببعدك عن الي يضايقك ويزعجك.. بقولك عن كل شي يهمك والي مايهمك صدقيني بتلاقي نفسك بعيده عنه
سماح: سما انا..................
سما بحده: اذا انك فاهمه انو هزاع هو الامان الي لك تكوني غلطانه .. انا عارفه انه هالشي بيضايقك بس ضروري اقوله حتى اكون ما خبيت عليكي شي
خالد: انتي لساتك هنا ؟
سما: يلا حبيبي هذا انا جيت
سماح: وليه ماتظلو معاي
سما بهمس: عشان هالشي مايهمك
خالد: سما مالك خليني اقولكم على الي ابيه مع بعض
سما: اختك تعبانه يا خالد
سماح: انا بخير حبيبي تعال
سما بهمس: حبيبك؟ جالسه تمثلي انتي؟
سماح: والله لا .. انا احبكم
خالد: وحنا كمان روحنا فيكي .. تعرفي انا ماقررت اني اتكلم الا عشان انتي بيننا وابي ابسطك
سماح: الله لا يحرمني منك قول ايش عندك
سما بهمس: بس لاحظي انك انتي الي بتحرمي نفسك مننا
سماح: ماراح يعوضني احد عنكم
سما: اتمنى
خالد: تعالي وين رايحه
سما: رايحه اشوف العيال .. خلك مع اختك قولها الي تبيه.. بعدين بجلس معاك
خالد: من صدقك انتي سما بس.....................
سماح: لحقوني .. سما ..سمـ................
سما: امسكها لا تطيح
خالد: مسكتها لا تخافي
سماح: اااااااااااااااااااااااااااااااه
سما: بنادي عادل
سماح: اااااااااااااااااااااااااااااااااااااااااااااااه

************************************

في المسا
في غرفة يحيى وسما
يحيى: ادورك ليه ماقلتي لاحد انك هنا .. قلقت عليكي
سما: انا اسفه
يحيى: مالك
سما: سلامتك
يحيى: مين مزعل حبيبتي
سما: لا عادي .. ما قلت لي ليه تدور علي
يحيى: حبيبتي واشتقت لها حرام يعني
سما: لا ماهو حرام
يحيى: تعالي بحضني طيب
سما: يحيى
يحيى: ياروحه
سما: قبل كنت بسألك سؤال وكنت متردده لانه عيب اسأله
يحيى: ولحد الان عيب انك تسأليه؟
سما: لا طبعا انت زوجي
يحيى: اسألي سامعك
سما: انت تحبني؟
يحيى: ههههههههههههههههه تذكرت الان .. يوم اول بوسه صح
سما: صح
يحيى: تعرفي عاد .. على قد ماكنت قاسي عليكي .. تراني كنت اخبي اعجابي بك
سما: يعني تبي تفهمني انه الكف الي جاني منك كان عشان تخبي اعجابك بي
يحيى: سما هذيك الليله كانت اول مره اشوفك .. اشوف وجهك .. بهرني جمالك وذبحني الحزن الي بعيونك
سما: يعني الكف الي جاني كان عشان ماتبي تكشف حالك
يحيى: ما عرفت كيف اتصرف.. كان لازم اعمل شي شكلك كان جميل مره ابي اشغل نفسي عنك .. عن شوفتك .. عيونك نظرتك زلزلو كياني .. انا ماحسيت بنفسي وقت الي بستك .. حسيتك تضربيني حسيتك قرفتي من حركتي .. بس ماقدرت امنع نفسي عنك .. انتي تشكري الله اني ماتهورت اكثر
سما: ايش كنت بتعمل يعني
يحيى: شي مايعجبك .. بس ماهو انا الي اعمل كذا .. انتي عرضي
سما: وانت حبيبي
يحيى: من جد !!
سما: وليه منت مصدق روحك
يحيى: صرت احسك تقوليها براحه
سما: يحيى انا بحياتي ما حبيت.. صحيح اهلي يحبوني واخواني يهتمون بي كثير .. بس اهتمامك بي غير .. كنت محتاجه لك بدنيتي .. وجودك جنبي خلى الدنيا بعيني غير .. يحيى .. هو عيب لما الحرمه تقول لرجلها انها تموت على الارض الي هو يمشي عليها
يحيى: لا ياروحي ماهو عيب
سما: يحيى انا احبك كثير .. اكثر منت تتخيل .. صدقني حتى لو مكتوب علي اني ابتعد عنك .. انت الرجال الوحيد الي ملك قلبي وعاطفتي .. انت نبض قلبي يايحيى
يحيى: ايش هاكلام مالك اليوم
سما: ابي تعرف هالشي .. يمكن تجد امور بوجود مشعل هنا .. انا حاسه انه في اشيا كثيره راح تتغير فينا .. قلت اقولك على الي بخاطري قبل لا اخسرك
يحيى: وتخسريني ليه .. ليه تقولي كذا
سما: خذني بحضنك .. انت عارف حضنك المكان الوحيد الي احس فيه بالامان .. سنين وانا عايشه بخوف .. بحضنك راحتي واماني
يحيى: احبك يابنت.. ماكنت عارف انه الله بيعوضني عن ايامي القاسيه بوجودك.. عارفه ودي اسافر انا وياكي لحالنا ماحد يعرف حنا وين.. ودي اطير معاكي لحالنا.. ودي اخليكي بحضني اسجنك فيه.. لحد ماتقولي يحيى خلاص فكني.
سما بدلع: ما ارح اقول فكني.. كنت دايم اقول رجلي غير .. غيييييييييييييييييير .. احبك
يحيى: تعرفي دلالك ذا يذوبني .. لاتعملي فيني كذا
سما: بدلع: يعني ممنوع اتدلع على رجلي
يحيى: .............................
سما: احضني اكثر خبيني بين ضلوعك
يحيى: ياروحي ياسما .. احبك .. مالك اليوم .. ليه خايفه كذا
سما: سماح تبي تتطلق
يحيى: وهذا الي مخوفك
سما: انت عارف يعني ايش هذا.. انا وانت.. سامي ونور.. ساره وفهد كلنا في كفه وحده كلنا ماهو بس سماح ومشعل
يحيى: عارف
سما: يحيى .. ما ابي ابتعد عنك
يحيى: ومين قالك اني ببتعد عنك او بتركك .. حبيبتي ناظريني
سما: لا
يحيى: ارفعي راسك وناظريني
سما: الخوف بيذبحني
يحيى: لا تخافي ويحيى معاكي .. اشوف وريني ابتسامتك يلا بلا دلع.. ايوا كذا.. غمضي عيونك ياروحي ونامي