Every Inch Of You (Sharing In One Series #1)

Chapter Three

Chapter Three.

Buti nalang talaga at 10 am pa ang klase ko at dalawang subject lang kaya okay lang nung nalate ako nang uwi dahil sa pag o-overtime.

Naabutan ko si Matthew na gumagawa ng kanyang projects.

"Kumain na kayo?" Tanong ko habang umuunat.

"Oo Ate.." Sagot ni Matthew habang nag susulat pa din.

Tumango ako at pumunta na sa lamesa para kumain ng almusal.

"I want to study!"

Nilingon ko ang bunso kong kapatid na nakadungaw na sa ginagawa ni Matthew.

"Next school year.." Sagot naman ni Matthew.

"Mas maganda hindi ka maaga mag-aral.." Sagot ni Dj na nakaupo sa single sofa habang may binabasa naman.

"I know how to read and write naman na eh!" Nagcross arms pa ang bunso namin.

"Mag-aaral ka Isivan maybe next year.." Sabi ko sakanya pero lalong sumimangot.

"I want to study now!" Maktol niya.

"You can study naman kahit dito sa bahay eh.." sagot ko sakanya, "Tsaka, managalog ka ayaw ng mga girls na ingleserong lalaki.."

"Whatever, Ate!" Sagot niya at inirapan ako. Sumalapak siya sa sahig at ginawa ng busy ang sarili sa pag do-drawing.

Ako naman ay gulat pa din. Hindi ko talaga alam kung saan niya nakukuha ang mga ganoong salita at kilos. Narinig kong humagikgik si Dj at Matt-Matt at nakatingin sa'kin.

Nagpatuloy na ako sa pagkain. Pagkatapos ay kinuha ko na ang tuwalya at damit ko sa kwarto ko at pumunta na sa banyo para makaligo.

30 minutes din ang tinagal ko sa pag-aayos ng sarili. Pagkatapos ay lumabas na ako ng kwarto at naabutan si Matthew na naglilinis ng sala.

Buti nalang every thursday ay wala siyang pasok kaya siya na ang nagbabantay sa dalawa kong kapatid.

"Alis na ako.." Paalam ko at nilapitan ang tatlo para mahalikan sa ulo except kay Matthew na mas matangkad sakin.

"Ingat, Ate.." Sabi nila.

"May karne pa naman dyan sa ref, yun nalang lutuin niyo para sa tanghalian." Bilin ko tsaka umalis.

Mabilis ang naging byahe ko papuntang school. Pagkadating ko sa room ay nakita ko na agad si Mhia na nakangiti habang nagcecellphone.

"Huy!" Tawag ko dito.

"Hi Riley Sheen!" Bati niya sakin at nagpatuloy na uli sa pagbutingting ng kanyang cellphone.

Umupo na ako sa tabi niya at dinungaw ang kanyang cellphone. May katext siya. "Sino yan?" Tanong ko.

"Si JB at MB ko hihi.." Sagot niya sakin sabay hagikgik.

Nakita ko nga na Jb at Mb lang ang nakalagay na name sa dalawa niyang katext.

"Pogi?" Tanong ko.

Tumango ito, "At hot pati!" Sabay impit na tili, "Grabe I can still feel their touch.. Oh my god!"

Ano kaya ibig sabihin niya sa 'Touch' na yun?

Nagkibit balikat nalang ako at siya naman ay nagpatuloy sa pagtetext. Pumalumbaba ako at naghintay nalang sa pagdating ng prof namin.

"Nandyan nanaman sila!" tili ng isa sa mga kaklase ko kaya napatili na din ang iba.

Si Mhia ay napatigil pero bumalik uli sa pagbutingting sa cellphone niya.