ميحانه .ها ليش ما كاعد تحجي شنو اخرسيت
غسان .هي هي على كيفج اني شسويت على مود اكل كل هل رزايل
ميحانه. لالا ما سويت شي بس انقذتني
غسان .اي وانتي لازم تشكريني
ميحانه. شنو لا ما سمعت اشكرك اصلا مال هسه اخنكك مو اشكرك انته ليش هيج سويت ليش انقذتني موجنت راح اموت واخلص من هاي الدنيا
غسان .لهدرجه كارهه الدنيه
ميحانه. اي
غسان. شنو اسبب
ميحانه سكتت ما حجت اي شي
غسان. ادري ما تكدرين اتكولين
ومشى السياره وكانو كل الوقت ساكتين
حب غسان يكسر حاجز السكوت
غسان. على فكره اعيونج حلوه من اصيرين عصبيه
يمكن راح اضل استفزج على مود اصيرين عصبيه
ميحانه. استغفر الله يا ربي ...باع انته مالك شغله باي شي اني اسوي كل شي وعود اذا سالوك كول اني سويت
غسان .ماشي اصلا اني راح تستمتع لان راح اضل كاعد
وصلنه للقاعه ودخلنه
ميحانه. لا مو حلوه
طلعنه ورحنه على قاعه اخرى
ميحانه .لا لا ابد ما حلوه لاضويه رايحه وحته التصاميم
محلوه
غسان.مبين اني اليوم ما راح ارتاح ابد
رحنه وفترينه نص قاعات بغداد واخيرا لكينه قاعه عجبت الخانم
ميحانه. اي هاي خلوه بس تصميم الكوشه ما عجبني اني راح اصممهه
العامل .براحتج
اجرناهه ورحنه ركبنه بالسياره
غسان. ها نروح للبيت
ميحانه. لا لا ويت للبيت هسه راح انروح لمحل الاقمشه وبعدين لمحل الورد وبعدين لمحل الكيك
غسان شنووو..وشوكت انلحك على هذا كله
ميحانه. انته مالك شغل اني الحك
غسان.براحتج
ميحانه. لعد قابل براحتك
رحنه لمحل الاقمشه واخيرا بعد عناء طويل اختارينه لو لابيض والفضي
وبعدها اتجهنه لمحل الورود واخذنه ميتين ورد جوري وتوليب بلون لابيض
وبعدين لمحل الكيك وهنا الشغله طاح حضهه لان ولا تصميم للكيك عجبهه
ميحانه. يعني محل بهل كبر ما بي ولا تصميم كيك يعجب
العامل .انسه اني انطيتك كل التصاميم وانتي ما عحبج ولا واحد
اني جنت بوكتهه واكف ومنتجي على الحائط
ميحانه. عندك ورقه وقلم
العامل .اي انسه عندي
ميحانه .انطيني
اخذت ميحانه الورقه والقلم وكعدت ترسم اني كتلني الفضول شدسوي
غسان.شدسوين
ميحانه .دا ارسم تصاميم الكيك لان ةلا واحد من التصاميم يعجب
غسان.انتي كل عقلج
ميحانه .لا نصه
اني سكتت وكعجت اباوع عليهه هيه وترسم كانت كلش حلوه خصوصا بؤبؤ عينهه من يتحرك اويلي يابه شنو هلجمال الشايلته هاي لبنيه
واني كاعد اباوع عليهه واتمعن بملامحهه صاحت من يمهه كملت حتى فززتني جنت عايش بجو هادء ورومانسي اخذتني لغير عالم
غسان .ها شو خل اشوف التصاميم
ميحانه. شوف
انطتني الاوراق وشفت التصاميم كانن يجنن اول مره اشوف هيج تصاميم وإبداعات حتى اشتهيت اكل الاوراق
ميحانه.ها حلوات
غسان .ماشي حالهن ..بس احسن من الماكو
ميحانه. صدك ماشي حالهن ...حتى اني ما عجبني هلكد ...ما ادري....اليوم ايدي ما دا تاخذ علرسم ...
يمكن راح اخلي يسوون تصاميم منهم واذب ذني
ا
