في صباح اليوم التالي
ميحانه
كعدت قبل الكل لان وراي شغل وسبحت وتريكت وانتضرت غسان يجي شويه واجه غسان طبعا اني اتفقت وياهن انو ما روح للصولون لان عندي شغل هواي ورحنه للقاعه على مود التحضيرات طبعا اني اشتغل والاستاذ غسان كاعد ويلعب بالفون واني والعمال ما ملحكين علشغل
ميحانه. حضرت جنابك كاعد ما اتكول اكوم اساعدهم اشويه
غسان .انتي كلتي مالك شغله
ميحانه .واني هسه اسحب كلامي يله كوم
غسان .هسه كايم ولو تدللين ميمي
ميحانه .شنو ميمي
غسان . حبيت ادلعج لتن اسمج ثكيل شويه
ميحانه. رجاءا اني اسمي ميحانه وبس
غسان .ميخالف ...ميحانه وبس
ميحانه .صبرني يا رب
كملنه شغل واجن ماما وعماتي وخالاتي والمعازيم كامو يجون شوي شوي بس غسان ديسوي شي غريب ما اعرفه بس اني ما اهتميت ورحت اتاكد من الاكل ولكيت ماما بالمطبخ مال قاعه
ام ميحانه . حبيبتي روحي للبيت بدلي راح يجن العرايس
ميحانه .ماما بس اشويه اطمن عللل..قاطعتني امي .
ام ميحانه .ماما روحي اني هنا
ميحانه .بس
ام ميحانه .لا بس ولا شي يله روحي
ميحانه .ماشي
ام ميحانه .حبيبتي روحي ويه غسان الان ملابسه يمنه بلبيت
ميحانه .افففف ماشي ماشي
رحنه اني وغسان للبيت
في مكان اخر
علي .وين رايح
محمد .لعرس صديقي
علي .منو
محمد .مالك شغل
علي .اجي وياك
محمد .لا انته اصغير
علي .انجب اصلن اني راح اطلع ويه اصدقائي احسن من ما كابل وجهك
محمد .انجب ومشي اطلع من الغرفه
علي .ما اطلع كاعد بغرفه اخويه قابل غرفه اخوك
محمد .لا غرفتي امشي ولي يله
وطرده من الغرفه
علي .اني اعلمك اشوف منو يجي بغرفتي
محمد .ديله ولي
''منو اذكر علاوي الي ما اذكره يرجع للبارت الخامس''
محمد ..
بدلت ورحت للعرس لان وسام اصر عليه اجي وصلت لكيتهم وباركتلهم بس جان العرس بعد ما بادي
محمد .يمعود شكو كتلي اجي من هسه
وسام.خاف تحتاجك بشغله
محمد .مصلحجي
وسام.ههههههه
في مكان اخر
سوزان .زينب خابرتي على وسام على مود يجي ياخذنه من الصولون
زينب.هياني دا دك بس ما دا يفتح خط ...
هاا هيانه فتح
وسام .الو
زينب .الو وسام ما تجي تاخذنه
وسام .لا ما اكدر المعازيم كامو يصلون وما اكدر اعوفهم راح ادز واحد من الولد يجي ياخذجن
زينب .هاا منو راح يجي غسان لو سالم
وسام . لا غسان ولا سالم راح يجي محمد
زينب. منو محمد
وسام .شبيج محمد صديقي الي اجيتي ويا
زينب .شنووووو لا لا ادزه احنه راح نجي تكسيات
وسام .دنجبي هسه راح يجي بايي
زينب .استغفر الله
جهان .ها منو راح يجينه
زينب .محمد
جهان .بس لا هاذه الي جابج ذاك اليوم
زينب . ما ناسيته
جهان .اويلي ...هوه ينسي
سوزان.ولجن منو هاذا الي دا تحجن علي
جهان.ولج هاذا محمد الي جاب زينب ذاك اليوم
شلون صاك ...يخبل يمكن اذا شفتي تعوفين وسام وتكولين زوجونيا
زينب .شكد تبالغين
سوزان .حمستوني اشوفه
ريحانه.ولجن كافي لغوه اريد هدوء
