أخدت تنبيه ورقي من المدرسة ، أول تنبيه أخده بحياتي 😎
تم تلويث سجلي المدرسي بنجاح ✔
شوفوا 👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
ما وقعت ع التعهد أصلاتن 😝
طبعًا أكيد بتتساءلوا ليه ؟!
احم احم البارحة كان جدولنا سادسة ، اليوم الوحيد بالأسبوع الي نروح فيه سادسة الله وكيلكم بسبب مس وفاء 😝😝
المهمز مس وفاء بتضلها تطلع حصص من اللامكان !!
طلعتلنا حصة انجليزي تانية ، وحطتها لنا السابعة 😞
ختفوووو
المهم ، بعد السادسة بصراحة ما كنت ناوية أهرب بالضبط ، بس الكل روحوا تقريبًا و أنا روحت وإجى باصي ورحت البيت وكل شي تمام 🙂
بعدين أتاري بقي ٣ بنات بالصف و وحدة عند العلمي وجاية معلمة الانجليزي قبل لا يطلعوا والمس وفاء جامعة كل البنات الي كانوا بالساحة وقدام المدرسة لياخدوا الحصة ونحنا الي ما كنا موجودات 😎
تم اليوم قدام المدرسة كلها ابقاءنا بالساحة والباقيين طلعوا ع صفوفهم ، أكلنا كم بهدلة ، اصلاتن مس وفاء حاقدة علينا من زمان 😋
وتم إعطاءنا تنبيهات ورقية والبعض انذارات 🙂
المشكلة إنّه أنا كنت مخططة أخد تنبيه ع الأول ثانوي بس اشي محرز مو هيك شي 😝😝
بكرا رح يعلنوا أسماءنا والتهمة والعقاب ع الإذاعة ..فضيحة 😷
تففففف انا رزان خبرتني من البارحة وخبرت ماما شو صار ، اليوم من جبت التنبيه للبيت اخواني كانوا يضحكوا وبقولوا عادي احنا اخدنا كتير
وبابا بهدلني واعطاني هديك النظرة الي تخليك تتمنى ما تنولد بالأصل بس الحياة حلوة ✌
ترا أنا من اجتنا الصف تعطينا التنبيهات الورقية بالاسم ، ورحت اخد ورقتي ، اخدتها من هون ولفيت وحششت ضحك 😷
والمس وفاء : اضحكوا يا أدبي ، اضحكوا لنشوف
أساس أنا سائلة ✌
المهمز أنا زينت ورقة التنبيه وحأخليها ذكرى لآخر يوم بحياتي وكتبتلها فديتني فوق بأعلى الورقة ✌
ما عاد إلي سمعة كويسة اظن ؟ اتس اوكي ✌
الكل اتفاجأوا ، لا و أنا ماشية بالمدرسة كلها ورافعيتها بابتسامة وأراويها للكل !
و فديتنييييي !
اكتر شي غاظني بعض بنات بكوا !
يا عالم عيشوا اللحظة ! والله لأحتفظ فيها مع أغراضي الثمينة وهيييه 😝😝
