طبعًا متل ما بتتزكروا قلنا هالكتاب مو كله أسئلة وألعاب ، حيكون فيه نصائح ونقاشات و..إلخ
لذلك اليوم رح نحكي بشكل بسيط عن كيف تحبّي نفسك ، و تمنحي نفسك الطاقة الإيجابية..حلو ؟!
طيب ، حأتكلم معكم بشكل عام عن كيف مثلًا أنا كـ بنت زيي زيكم بمنح نفسي طاقة إيجابية ومحبّة من أول اليوم لأخره !
نبدأ من الصُبح ، أغلبية إلي أعرفهم ما يحبّوا فترة الصبح.. ليه ياترى ؟
خلبنا نرجع للأسباب شوي !!
أولًا يمكن ما بنام منيح و نحتاج للراحة ، وشغلة نصحى الصبح بكير ومُرهقين والفراش الوثير مُغري لنرجع ننام !!
ثانيًا الطريقة الي بنصحى فيها ، نحنا بننقسم لتلت أنواع بشكل عام :
إلي يستيقظ من وحده لإنّه تعود يصحى بوقت معين ، أو من كابوس ، أو تزكر شي مهم لازم يعمله .
الي يصحوه أهله أو أصدقائه أو كذا ، بعض الأشخاص لما يصحوك يببوا الطاقة السبية بالطريقة الي يخلوك تصحى فيها ، والبعض لا .
الي يصحى ع منبه ، وهون بيجي دورنا يا عسولااتي !! بدل ما تُحطي منبه مُزعج أو صوته عالي وفيه ضجيج وتصحي مصدعة ومزاجك سيء ، حطي شي خفيف لطيف يخليكِ تصحي مروقة !!
قرآن ، نغمة لطيفة ، تسجيل تحبيه ، أو حتى اغنية متلي !
أنا مثلا بستخدم هدول :
١. اضحكي - أحمد جمال
٢. صباح الخير - أحمد المنصوري
٣. ابتسم - أحمد دعسان
٤. You & I - one Direction
٥. this town - niall horan
ننتقل لمرحلة ما بعد الاستيقاظ وانت تصحي ع كلمات حلوة مروقة ومبتسمة وتغتسلي وتقومي بروتينك اليومي .. وتقولي لنفسك كم كلمة مُشجِعة .
تحضري لنفسك وجبة افطار خفيفة ؟ مو لشي
بس حسسي نفسك بإنّك مهمة لنفسك ، واهتمي بصحتك ، و عودي نفسك ع شي لطيف ..؟!
أغلبنا طالبات مدرسة أو جامعة ، نحنا دوبنا نلحق ولله الحمد.
بصير تحضري لنفسك مثلا | لفة ، سندويشة ، عروسة | ما بعرف شو بسميها الكل بكل الدول ،و كاسة عصير أو حليب أو قهوة أو نسكافيه ، وبأيّام العطل تعمليلك فطور مرتب !!
حاولي من الصبح تلقي السلام وتصبحي ع الكل ، تحافظي ع ابتسامتك ، و تسألي الآخرين عن صحتهم ، لتبدي صباحك المدرسي بشي لطيف .
بعيدًا عن انهاك الحصص ، بوقت الفُسحة القصير بكون حلو إنّك تضمني لنفسك تقضيه مع صديقة أو أكتر بتحبيهم ومع أكل خفيف وكلام لطيف لتروحوا عن أنفسكم ..؟!
وبتروحي من الدوام تعبانة وهلكانة ، اغتسلي وغيري تيابك ونامي ساعة ، واصحي هيك شوي متلاشي كمية من تعبك وكلي شي خفيف وادرسي ، بس احرصي كمان ما تطمسي نفسك بالكتاب !
حلو تخلي لنفسك أوقات راحة وانت بتدرسي تسوي شي خفيف يخليك فرحانة ، تجهزي لنفسك مكافآت صغيرة ازا درستي منيح .. وحاولي ما تكون علاقتك سيئة بحدا لتتجنبي حدا يوجعلك راسك بكلامه أو أفعاله ، عارفة هالشي شبه مستحيل ، لكنه ممكن ولو مؤقتًا .
وبعد ما تخلصي دراسة تعملي شي يسليك ويعبي وقت فراغك بس ما يئذيك ، تجنبي الأشياء الي تزعجك .
بنهاية الّيوم جيبي دفتر صغير خاص فيك ، أكتبي الشغلات المنيحة الي عملتيهم اليوم شو ما كانوا صغار ولو كان ع مستوى ساعدتي مامتك بالبيت ، أو خليتي حدا يبتسم ، أو جاولتي منيح بالحصة ، إلخ .
أقرأيهم أكتر من مرة بتمعن و قوي ثقتك بنفسك ، قبل لا تيجي تنامي ردّدي هالكلمات أو أي كلمات بخلوكِ سعيدة ، ولا تنسي الأذكار 💜🌸
"أنا جميلة ، أنا جيدة ، أنا أحبّ نفسي ، أنا كان يومي رائِعاً ، أنا قدمتُ الأفضل ، وإن لم أقَدِم سأفعلُ غداً ، أنا أثِقُ بنفسي ، أنا قادرة ، أنا أُنثى ، أنا أستحِق 💜🌸🎶 "
وبصير توفري من مصروفك مثلًا بأخر الأسبوع أو الشهر تكافئي نفسك بإنّك تشتري لنفسك شي بتحبّيه .
حبّي نفسك ، أمني فيها ، ما بهم شي حتّى لو فيكِ سلبيات ، أحكيلك شو ؟ ما بهم لو كلك ع بعضك هيك أكوام مُكدسة من السلبيات ، ربّنا ما خلقك عبث ولا خلقك لتشقي بهالدنيا ، حبّي نفسك واجعلي منها أفضل ، مو مهم لو النّاس ما حبّوا شخصيتك ، المُهم انتِ تحبّيها وربّنا يحبّها ، بنفس الوقت ما فينا نكون سعيدين بلا ما نأدي واجباتنا تجاه ربّنا من صلاة وصيام وذكر وزكاة ونصح وغيرها وغيرها .. وكمان مو تنهكِ نفسك بالدين لإن ترى الدين يسر مو عسر ، خلي العلاقة بينك وبين ربّنا علاقة محبّة مو خوف .. وعيشي .. ودللي نفسك وربّنا من عنده حيسعدك ، مش حترافقك السعادة طوال الوقت ، لإن ربنا بختبرنا ولإن الحياة عادلة ، متل ما بتفرحك هي بتحزنك وبتبتليك وانت وصبرك وتصرفاتك هاا ..!
و لا تنسي تاخدي قسط وافر من النوم ✋🙊
حلو كمان تعملي احتفال صغير لنفسك لما تحققي انجاز !!
تعتني بشعرك و أظافرك وملابسك وغيره .. إلخ .
شاركينا رأيك :
كيف بتددلي نفسك :
هل حتعملي شي من الي فوق ؟
عن شو بتحبّوا نتناقش او نحكي المرة القادمة ؟
الفقرة التشجيعية 💜🎶
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
