.
تناديني سيدي..
البارت ال١٢
حمزه يووم شدكولين اذا اخطبهه اتوافق
الام اكيد يمه وين تلكه مثلك
حمزه يوووم وسالفه الخلفه وسالفه زوجتي الاولى رجاء..
الام يمه انت مو اول ولا اخر واحد يحب ويتزوج ع مرته
حمزه يعني افاتحهه بالموظوع
الام فاتحه يمه واذا متكدر اني احجي..
حمزه ..اخاف متقبل اخاف اتريد اطفال.. وهذا حقهه..
الام احجي وجرب..
حمزه طلعت من امي وقررت احجي وي رنا لكيتهه جاي تتطبخ
حمزه ..رنا
رنا نعم سيدي
حمزه اريدج بموظوع
رنا اكمل اللي بيدي واجيك
حمزه اني صاعد الغرفتي ومنتظرج
رنا ان شالله
حمزه اشويه ودخلت رناا عليه ..رنا
حمزه رنا ردت اخذ رايج بموضوع كلفني بيه ولد صديقي..
رنا اتفظل..
حمزه ..اكو ولد صديقي متزوج ويحب ابنيه وناوي يرتبط بيهه ..يتزوجهه يعني.. حط عينه بعينها تتوقعين تقبل لو لا
رنا بكل براءه اذا تحبه تقبل..
حمزه هو مايعرف بيهه اتحبه او ماتحبه
رنا يسالها
حمزه يعني عادي يسالها
رنا اي طبعا ..
حمزه ظل ساكت بعدين اجه مقابيل رناا
وكالها.. رنا اني احبج..
رنا ظلت كلها ترجف ..كمل حمزه اموت عليج
انتي بالنسبه الي هذا الهوى اللي يصعد وينزل
اشتاقلج بكل لحظه..
وانا بالدوام و انا بالبيت اشتاقلج
هذاك اليوم من ردتي اتباتين ابيت خالتي گلبي ظل يوجعني.. ماتحمل افراكج ليله وحده.. رنا انتي ماحسيتي بييه نظراتي الج واهتمامي بيج ماكلولج اني اشكد احبج.. تعرفين فكرة ارتباطي بيج شكد صعبه عليه.. ولو الحكومه اتشم خبر گبل فصل ومحاكمه عسكريه.. بس اني مستعد اتحمل كولشي لخاطر هاي العيون ..اني صحيح عقيم ..بس صدكيني راح اصيرلج اب وابن ..واوعدج نتبنى طفل من مراكز الايتام..
عقمي مو بيدي.. هذا الشي من الله ..كرهت الدنيا بسبب هذا الموضوع وصار العالم بوجهي اسود بس من شفتج بدت السحب اللي بكلبي تنجلي..
والله اوفرلج احسن عيشه ..اعيشج ملكه وانتي صدك ملكه ..ملكه قَلبـ♡ــيے
رنا هو يحجي واني ساكته..
حمزه هَـ (⊙﹏⊙) ــاآ شدكولين
رنا انطيني مهله افكر وارجعلك الجواب
البارت ١٣
تناديني سيدي..
رنا بقت الليل سهرانه.. اتفكر.. طبعا اتفكر بحمزه
بيه محاسن بيه مساوئ..
محاسنه طيب واخلاقه عاليه وياهه وكريم ومثقف ومحدث ناجح . بأكثر من مناقشه اتشوف عنده لباقه بالكلام.. واخيرا شهم.. وعنده غيره
اما المساوئ.. متزوج.. عقيم.. ظابط استخبارات.. نفسهم الجماعه اللي خفو عمها.. واللي قتلو ابوهه
رنا قررت تنطي الاجابه باجر
حمزه صارت جياته للبيت قليله ..جان يريد رنا تاخذ قرارهه بدون ظغط.. عليها من اي جهه.. وايضا مرادهه تحرج من اتشوفه كدامهه.. حمزه رجع بالليل بدل ملابسه وبقى كاعد بغرفته..
طرقت رنا الباب.. سمعت صوت حمزه.. اتفظلي..
رنا لاول مره اشوف حمزه مرتبك..
حمزه اتفظلي رناا
رنا اني جايه بخصوص الموضوع اللي كتلي بيه
حمزه.. اي وشنو ردج
رنا.. انا مموافقه .
حمزه اكدر اعرف ليش.
رنا اكو اهواي اسباب. من ظمنهه اريد اكمل دراستي
حمزه هذا مو عذر انتي موافقتي لان اني عقيم
رنا لا مو هذا السبب هاي ارزاق والارزاق بيد الله
حمزه احجي اليوم مطلعين من الغرفه اله تحجيلي اسبابج كولها..
رنا انت متزوج وبأي لحظه ترجع زوجتك اني شنو موقفي انركن ع الرف.. هذا شي.. والشي الثاني انت
انت ضابط مخابرات..
حمزه واذا ظابط مخابرات
رنا عبالك اني ناسيه منظر غرفتك اللي كلها دم والضرب اللي ضربته العموو
حمزه هذا التحقيق مالتنه هيجي يكون. .قابل ظربته عداوه ..عمج متهم سياسي.. واكو ادله وفيديوات اني مااكدر احجيلج شي..
رنا.. اتريد تتزوجني.. طلع عمو من السجن
حمزه بعصبيه انتي اتخبلتي.. عمج نقلو الملف مالته للشعبه الخامسه ابغداد.. ومجرد سؤالي عنه شبهه الي..
رنا وزواجك من بتهم مو شبهه
حمزه زواجنه بالسر
رنا وبعد همين بالسر
حمزه اي مؤقت ..احنا الظباط،ميصير نجي ونتزوج لازم الموافقه تتطلع من بغداد.. لازم ايشوفون ماضي عائله الزوجه..
رنا اشلون يعني
حمزه يعني تحريات تستمر اكثر من 3 اشهر يالله تجي الموافقه
رنا تحريات عن شنوو
حمزه يعني اذا ارهابي عدهم او فراري من الجيش او جاسوس ..بسرعه يجي كتاب عدم موافقه.. ماشالله وانتم تاريخكم حافل بالدوله
رنا خلاص ممجبور ترتبط بوحده عدهم سجل بالدوله
حمزه.. رنا اني احبج..
رنا اعذرني سيدي.. اني مااحبك .
رنا طلعت من الغرفه وعافت حمزه
..
أنت تقرأ
#تناديني سيدي
Romanceلقصه تحجي عن فتاه مات اباها وبعدها امها وعاشت ويه خالتها وبعدها اخذها عمها لوحيد وووو..........تعرفون لباقي بعدين هههه
