حنشر بارتين افضل نكمل بسرعه
تناديني سيدي البارت ال 14
شهد المحمد
مرت الايام بعد هذي الحادثه وحمزه… ظل مايجي للبيت الا من يريد يبدل ملابسه قبل جانت رنا تغسلهن وتظربهن ..وتنظف غرفته ظل يقفل الغرفه من يطلع ومايفتحه الا من يرجع حتى ماتتقربلها رنا وملابسه يخليهن بعلاكه ويدزهن للبخار.. اتجاهل وجود رنا كولش حتى وجبات الاكل كان مياكل بالبيت ..يجي يسلم ع امه ويطلع رنا حست بفراغ جبير ..وظاجت من اللي سوته..
من اللي سوته ..هي تحب حمزه وماتكدر ع فراقه وتجاهله الها ..بحيث اتمر ايام ماتشوفه وهم ابيت واحد.. اتمنت ترجع هذيج الايام من جانت اتقدمله الاكل ويمدحهه لو تنظف غرفته ويسمعه كلمه حلوه لو نظرات اللي كانت تخترق حجب القلب..
وبيوم اجه حمزه.. جان عنده موظوع وي امه..
بقى نص ساعه وطلع
الام صاحتلي تعالي يمه ..هالايام حمزه مشغول بالدوام حتى خفاراتهم صارت يوميه ..فهو وصاني ابلغج شي
رنا اني فرحت.. اتفظلي خاله
الام… صار مرتين الدكتور اجوارينه يطلب ايدج منه
رنا صارت عدهه صدمه الدكتور
الام اي يمه الدكتور تره همه خوش ناس والولد خوش ولد
رنا بقت ساكته
الام هَـ (⊙﹏⊙) ــاآ خاله شدكولين
رنا.. خاله اذا انتم مثاقلين مني اني ارجع البيتي
الام ليش يمه هيج تحجين هي مجرد خطبه والجواب يمج اموافقه لو لا ..
رنا لا
الام ليش يمه الولد ميتعوض دكتور وحالته زينه
رنا خاله اني مالي علاقه بحالته ..بس اني اريد اكمل دراستي..
الام انحاجيه ونخليج اتكملين دراستج يمه
رنا خاله مو شغله دراسه اني مااريده
الام بكيفج يمه ..
كامت رنا من يم ام حمزه
ام حمزه بينها وبين نفسهه فرحت اهواي وعرفت رنا اتحب حمزه ..مثلما حمزه ايحبها
رنا اتنظف بالمطبخ وعينها ع الشباك بلكي تلمح ظل حمزه..
وحمزه ماكو مره اليوم والثاني والثالث . .وبيوم دخل رجال للبيت مااعرفه بس شكله هيبه..
باوع عليه بنظرة شبه احتقار وسألني.. وين ام حمزه
اشرتلها ع الغرفه ..
طبعا عرفته بسرعه هذا خال حمزه ..عقيد محسن
واووو اشوف حمزه طالع حلو.. ثلثين الولد ع خاله.. بس هذا يخلف وعنده كومه ولد لو حمزه طالع عليه واولاده تارسين البيت..
بقي يم اخته فتره قدمتله جاي طبعا ماشرب اكيد عباله بيه شي… هم المخابرات عدهم شك حتي بالهوا
من طلع اني جنت بالمطبخ..
حظرتك بنت اخ كامل مووو
رنا نعم
عقيد محسن.. سمعيني اي شي يصير بهذا البيت الكفج لو تصيرين بسابع سما..
رنا بقيت ساكته
الخال.. وهسه سمعي اللي احجيه حمزه صار وياه حادث وهسه هو بالمستشفى.. اختي ماتدري بشي ولا اريدهه تعرف اي شي ..
رنا ..حادث خو ماعليه شي..رنا ..حادث خو ماعليه شي..
رنا انتبهت ع روحهه بعدين حاولت اتحافظ ع توازنها كدام الخال..
الخال عنده كسر برجله ..باجر احتمال يطلع..
مثلما وصيتج مااريد امه تدري بشي ..اشويه وطلع طبعا جان عنده حمايه بالباب
رنا بقيت ساعات ابجي بالخفيه حتى لاتشوفني امه اويلي ع عمري كله مني لو مااني قاهرته مجان سوه حادث.. كعدت الصبح نظفت البيت وكاعده اتباوع للباب بلكي الله ويدخل عليه…
وللعصر دخل حمزه ووياه صديقه والايد الثانيه لازم عكازه..
البارت ال١٥
شفت العكازه روحي انمردت مرد عليه اشلون هيج صارت وظعيته وانوب الوجه اصفر ولافين راسه همين
فتحت باب الاستقبال وطفرت بسرعه دخل حمزه هو وصديقه ..اني ماكلت الخالتي ..
طلع صديق حمزه وبقي الوحده بالاستقبال
اتقربت منه وكتله الحمدلله ع سلامتك متشوف شر تنذكر ومتنعاد
حمزه ابرود الله يسلمج ..امي وين
رنا خالتي متعرف بشي اني امس يالله عرفت بالموظوع.
حمزه اتجاهل كلامي ..وخله العكاز مالته وراد يوكف ماكدر اتقربت منه ..بعدني بأيده ..شكرا مااريد اتعبج
رنا نزلت ادموعهه ..حمزه فدوه خليني اساعدك
حمزه دار عليها.. سيدي حمزه لاتنسين هذا الشي واخذ العكاز مالته وگام بالگوه..
رنا كعدت تبجي ..كله مني اني اللي بديت بالجرح ولازم اتحمل اللي جاي يصير ..
طبعا خالتي من شافت ابنها وكعت وانا ركضت عليها انطيتهه ابر للسكر مالتها.. وبقت تبجي فتره وهو كالها اني زين مابيه شي.. مجرد كسر كم يوم ويطيب..
نقلت سرير حمزه جوه للغرفه الثانيه وبقيت ادخل انطيه العلاج والحليب ..طبعا متجاهلني كلش..
وجان الدكتور يجي يشوفه ..طبعا نفس الدكتور اللي خطبني بس اني اختفي بسرعه… ماريد ااذي حمزه اكثر وفد مره اجه الدكتور ودخلت سلمت عليه خالتي وسالته عن حمزه اشلون صار كالها لازين وضعه تمام
بعدين الدكتور كمل كلامه.. خاله اني قبل فترة فتحت موظوع وي استاذ حمزه عن البنت اقاربكم ..
رنا جانت بره ..قررت تتدخل جوه ..دخلت رنا وسلمت ع الدكتور وكالتله..
بصراحه دكتور اني ماالكه احسن منك انت مثال للزوج الصالح ..الكل ظل صافن عليها وحمزه بعيونه خوف ونار ..بس اني مخطوبه وقريب اتزوج وباوعت الحمزه..
الدكتور.. اشو مكالي حمزه..
حمزه ..ظل ساكت
رنا الموظوع صار بسرعه…
الدكتور اني اسف بصراحه ماجنت اعرف
حمزه اني اعتذر دكتور ..كلشي قسمه ونصيب
طلع الدكتور.. وام حمزه سألتني ..المن مخطوبه خاله
رنا بقت ساكته ومدنكه
حمزه يووووم طلعي اشويه ..تعالي اتقربي ..
اتقربت رنا منه ..سالها المن مخطوبه رنا..
جاوبت رنا… الفد واحد رجله مكسوره لو يطيب بسرعه نتزوج
حمزه بفررررح هذا اني اكيد
رنا هيء،مو انته
حمزه اويلي انوب تتغندج وتتمضيگ.. يابه خفي عليه مابيه اطفر عليج..
رنا.. مشكلتك وبقت يمك اشوكت مااطيب نعقد
حمزه اعتبريني طبت ..باجر نعقد.. لا هسه بيش الساعه
رنا ب٨ونص بالليل ..هسه راح اخابر ولد شيخ صديقي يعقدلنه
رنا لا خليهه ع باجر
حمزه شنو فرق اليوم وباجر ..لتخافين مااتقربلج ..هيج سطحي
رنا .◦° ههههههههه سطحي شنو
حمزه بعدين اكولج …
أنت تقرأ
#تناديني سيدي
Romanceلقصه تحجي عن فتاه مات اباها وبعدها امها وعاشت ويه خالتها وبعدها اخذها عمها لوحيد وووو..........تعرفون لباقي بعدين هههه
