البارت ٢٠
تناديني سيدي ..
شهد المحمد
بمرور الايام عاش حمزه بين الاثنين رنا بالخطفات وبحجه يزور امه ..ورجاء ..يومين يمهه ويومين بالدوام.. يتسوك اهنا ويتسوك اهناك ..
رجاء هي هي مشاكل ولسان طويل والبيت بالكوه اتنظفه..
ورنا البيت النظيف والهدوء والجمال والكمال.. حمزه يبقى يمها ساعه يحس براحه ..ورجاء ابد ممهتمتله حتى المعاشره وياهه صارت بالكوه ..ودايما من يمارس وياهه يتخيل رنا.. يالله يكدر يكمل وياهه..
مرت ثلاث اشهر ع الزواج ..
رنا اتغيرت ذبلت وضعفت وبده يصير عدهه لعبان نفس
ودوخه.. حمزه انتبه الحالتهه بينه وبين نفسه حسباله رنا اتغار وتظم بگلبهه.. وهذا سبب تغييرهه..
رجاء ظاجت.. من الحياه اللي اهناا ..وحبت ترجع يم اهلها كم يوم ..طبعا حمزه فرح بالموضوع.. اتفقو ياخذه لاهلها وويبقيهه ويرجع..
حمزه اخذ زوجته واهناك التقى بصديق عمره ياسر اخوهه الرجاء وهمين ابن عمه.. واخذولهم يومين طلعات وونسه ومطاعم ..
حمزه مشكور ياسر عن جد اتونست وغيرت جو
ياسر شالقصه ابن عمي اني بالخدمه اشوكت متضوج تعال غير جو كم يوم وارجع وباجر عازمك ع مسرحيه اتخبل..
حمزه لا ياسر اليوم راح اطلع بالليل حتى باجر الصبح اوصل ..لان عندي دوام
ياسر مو حلوه منك ابن عمي
حمزه ان شالله ع الجايات..
حمزه رجع دخل للبيت لگاهم نايمين دخل للحمام سبح وطلع ورنا نايمه ..هاي اول اسافر وارجع وافوت للبيت ورنا متستقبلني .
نمت بصفهه ..وهمستلها ..رناوي ..حبي انتبهت رنا
هلاو بيك حمزه حمدلله ع سلامتك اشوكت اجيت
حمزه هههههههه صارلي سَـآعــهْْ
رنا راحت عليه نومه خل اكوم احظر ريوك الك والخالتي..
حمزه اوكفي.. لا ترحين مشتاقلج وربي
رنا خل نتريك وبعدين ..نلتقي
حمزه بده يراقب زوجته
حمزه ..رنا اشو مااحسج طبيعيه.. بيج شي
رنا حمزه كلش متخربطه اموري قطعت الاكل والشرب واتمنى بس انام والزم المخده..
حمزه يمكن عندج ظعف
رنا يمكن ..
حمزه حظري روحج العصر اخذج للطبيب
رنا لا ميحتاج
حمزه اشلون ميحتاج حبي ..اصلن اني ع بالي هالموضوع بس وجود رجاء عطلني ..ماجنت اريدهه اتشوفنه سوا وهسه رجاء يم اهلها..
صار العصر حمزه اخذ زوجته للطبيبه.. حجزلها وبقو ينتظرون بره..
حمزه احس بيج تعبانه كولش
رنا حمزه ريحة العياده مو طيبه ..
حمزه رنا اشبيج مابيهه ريحه
رنا لا حمزه والله دا اشم ريحه قويه
حمزه خل نطلع اشويه بالهوا.. علما يصيحون بأسمج
اشويه وصاحو بأسمهه ودخلت ع الدكتوره…
الدكتوره سوتلها تحاليل دم وادرار.. وطلعت النتيجه رنا حامل.. بالشهر الثالث
رنا ماصدكت وفرحت بشكل.. قررت مدكول الحمزه هسه بالعياده.. هيج خبر لازم بالبيت ويم خالتي حتى تصير الفرحه جماعيه..
وصلت رناا للبيت وهي طايره من الفرح.. لزمت خاله وباستهه.. فات حمزه
حمزه رنا اشبيج..
رنا حمزاوي حبيبي اتحقق حلمي وحلمك
حمزه رنا احجي شتقصدين
رنا صرخت بصوت عالي حمزه اني حاااااامممممل
بالشهر الثالث..
حمزه ظل صافن وصاح بيهه كافي شقا ..
رنا والله والله مجاي اتشاقه والله والله احجي الصدك وهاي تحاليلي..
وهاي تحاليلي..
حمزه انگلب وجهه.. رنا منين حامل
رنا ضحكت منك حبيبي هذا اللي ابطني الك
حمزه بس اني عقيم ونسبتي صفر
رنا حمزه تحليلك غلط انا حامل
حمزه سحب رنا من ايدهه وراح الغرفه امه وطلع الها اوراق وتقارير..
حمزه شوفي هذا التقرير من الاردن النسبه صفر
وهذا التقرير من سوريا
وهاي اربع تقارير من بغداد
وهاي تقريرين من البصره.. كلها غلط وانتي صح
البارت ٢١
تناديني سيدي
شهد المحمد
حمزه لزم شعر رنا وظربهه ع الحايط وطلع الدم منها احجي هذا منين الطفل..
رنا تبجي والله منك والله منك
ام حمزه ظلت تصرخ عوف البنيه راح اتموت بيدك
خل نفتهم منـِْهـ♡̨̐ـِْا
رنا ركضت صارت وره خالتها
رنا خاله الله عليج احجي وياه انتي تعرفيني وتعرفين اخلاقي
ام حمزه تبجي ..
رنا خاله ليش ساكته فدوه العينج احجي
حمزه طلع اسلاحه ..وخلاه ع راسي ..كولي اللي ابطنج منين..
رنا دخليك حمزه فدوه حمزه لاتتهور والله منك
حمزه سحب اقسام…
هذا ابن الدكتور مووو… جنت اهواي ايام اعوفج الوحدج اسافر البغداد ..وابقي بالدوام كم يوم يالله ارجع ..امي تنطيهه الحبوب وتنام ..متدري بالدنياا
وانتي تاخذين راحتج.. حمزه حط السلاح راد يقتلها كولش وصلت عنده بعدين شمر السلاح وظل يظرب راسه بالحايط.. اني جبان اني خنيث ..زوجتي اتخوني واني مااكدر اقتلها..
رنا حمزه لتسوي هيج بروحك ..والله مخاينتك ماكو احد رفع ثوبي ولمسني غيرك..
حمزه اششش ماريد اسمع صوتج… شوفي رنا الج بس سواد الليل باجر اكعد الصبح مالكاج ابيتي ..
ام حمزه يمه هدي اشويه وين اتروح..
حمزه اتروح للساقط اللي حملت منه..
حمزه طلع من الغرفه.. ووظليت ادك ع وجهي وابجي
واحجي وي ام حمزه خاله والله ابن حمزه والله خاله ابنكم اللي ابطني.. ام حمزه تبجي وياي بس عندي احساس ممصدكتني..
ظليت كاعده ابجي.. لحدما صارت ب5الفجر ..قررت اطلع من البيت.. كولش.. وارجع البيتي اللي بالشمال
بس قبل لا اطلع قررت اخذ عقد زواجنه وعندي جنسيه استنستاخ الحمزه ..همين اخذتهه وكلشي مااخذت وياي حتى ملابسي عفتهن وحتى الذهب اللي مشتريه الي عفته اله.. باوعت للغرفه اللي ياما ضحكت بيهه وجانت بالنسبه الي جنه ..صرت اشوفهه هسه قبر..
طلعت رنا من البيت وتجر بذيالها جر.. والدموع بعيونهه ..طلعت رنا من بيت حمزه وهي مكسوره القلب والخاطر..
أنت تقرأ
#تناديني سيدي
Romanceلقصه تحجي عن فتاه مات اباها وبعدها امها وعاشت ويه خالتها وبعدها اخذها عمها لوحيد وووو..........تعرفون لباقي بعدين هههه
