البارت الرابع بقلمي
ريتاج الكعبه
مرت الأيام ثقيلة وحزينه عمتي ما بطلت بجي على محمد بس تحجي عليه وتكول انتي فكرتي ابني ويمكن تتصور اني فكرت كل الشباب الي راحو ويمكن تتصور اني السبب بهاي الحرب
ابني كبر صار عمره5 سنوات وبتني4سنوات
وأمير هم كبر وصار عمره 11سنه
اني ما الي طلعه غير كل فتره اروح للنجف اريح كلبي يم محمد اشكيله من اروح ازور قبره احسه يمي ويسمعني
كل ما نشتاقله ياخذنه عمي ونروح لو بل المناسبات
أمير كبر وكام يروح ويه عمي للمحل من يرجع من المدرسه يريد يعلمه عمي على الشغل
وطلع راتب محمد بيني وبين عمتي كل وحده اله نص من راتبه
يمر اليوم مثل أمس ويجي باجر مثل اليوم نفس الشي
اكعد من الصبح اسوي ريوك لعمي وعمتي واحضر ملابس أمير بين مايتريكون واريكه ويروح للمدرسه بعدين اكعد جهالي اريكم واتريك وياهم
ارجع اعجن واغسل الماعين ارفع الفراشات
ابدي انظف البيت كنس ومسح وترتيب
بعدين أحضر الغده وأخبز يكون عمي رجع وقت الصلاة وأمير رجع من مدرسته اصب الهم غده وانظف المطبخ واروح اسبح جهالي واغسل ملابس يجي العصر أحضر العشه واعشهم وره ما انضف المطبخ ولبيت لأن بي اطفال كل شويه موصخين شي أو مطشرين شي وافرشلهم اذا رادو ينامون لكن من اجي اريد انام احس حيلي منهد
من كان محد عايش كنت من اخلص شغلي واريد انام ابتسم وافرح وما احس بتعب لأن هذا يوم خلص من حسابي الي احسبه شكد بعد ويجي محمد مجاز
بس من استشهد محمد واروح لفراشي وأول ما اخلي راسي على المخده أظل ابجي لأن احس
مالي أحد واحس بفراغ وحنين لحضنه من كان يحضني كل تعبي يروح😢
زوجة اخويه انقطعت أخباره آخر شي عرفته راحت الى اهله وأهله زوجوه وابن اخوي بعد ما شفته لأن ما اعرف مكان اهلهه وعنوانهم وهم اني امري مو بيدي وهمي ومشاكلنه ومسؤولية البيت وأطفال ومشغال الحياة شغلتني
كنت اتمنى يجي يوم واشوف ابن اخوية وين صار بس كان امري بيد عمتي مو بيدي هي الأمر الناهي
عمي ماله احجايه بعد حجايته خوف أو حب بيه ما اعرف بعد
