السادس..
ضلت عمتي تضغط عليه بكل تصرفاته وعمي ساكت وفد يوم طلعت عمتي وشفت بس عمي بالبيت استغليت الفرصه كلت خلي احجي وياه
زينب. .. عمي انته قابل على تصرف عمتي والي جاي تفكر بي
عمي..أي قابل وهي شرايده غير تجمعهم بل الحلال وتحافظ على جهال ابنه وانتي وجهالج تبقين يمنه
زينب ..عمي أمير خطيه بعده زغيره مو مال زواج
عمي ..يكبر ويفتهم وهو مو صغير وانتي مو جبيره بعدج بعز شبابابج شنو يعني عشر اسنين
الرسول صل الله عليه وسلم اتزوج السيده خديجه وهي أكبر منه بعشرين سنه
زينب... عمي ال سول( ص ) كان عمره عشرين سنه مو مثل امير 13سنه
عمي..وافقي يابنتي وخلي زواجكم يبقى على الورق اذا تحبين محد يجبرج على شي ولله كريم اني هذا الي عندي وعمتج مصره ومراح تغير فكره
زينب. ..عرفت عمي مايكدر يساعدني اني جنت متأكدة من هذا الشي بس كلت خلي احاول عسى ولعل يسوي شي
كمت من يمه وفكرت اذا ردت اطلع وين اروح واذا ردت اشتكي شكول واني مااعرف كرايب الي واروح الهم امي جانت الوحيده لهله وابويه ترك اهله وجاجه لبغداد ع مود العيشه هو وامي ولفقير محد يسأل عنه وجان يشتغل ياسس بواري وياسس كهرباء للبيوت ويوم من الايام وهو صاعد يسوي كهرباء لناس متكهرب وميت وبعد وفاته انكطعت علاقت امي باهل ابويه وجنا صغار ما شفناهم ولا عرفناهم وحتى لو اعرفهم شلون اروح عليهم ومنو يتحمل 3 نفرات
كلت خلي أوافق ولله هو يدبرهه بمعرفته خلي تجي عمتي واكول له بس عندي شرط لازم توافقين عليه بالاول واجت عمتي
زينب ..عمه اني موافقه اتزوج أمير بس بشرط اذا وافقتي علي
عمتي أي وشنو شرطة بله
زينب ...إذاعقدنه ما نبقه بهاذا البيت نطلع ما اكدر اذا اتزوج وبل المنطقه شدكول الناس عليه قشمرت عياله واخذت حماه وهو صغير
عمتي ..ولج هو أول وتالي راح ينطونكم بيت واكيد راح نشيل بي وهذا البيت مالته راح ناجره هاي دنيا مامضمونه نبقي بس انتي وافقي ولباقي عليه زين
عمتي ماصدكت كامت تركض منا ومنا كبرت أمير صار عمره مثل عمري وعقدنه واستلمنا كل الحقوق وانتقلنا لبيتنا الجديد ولقديم أجراناه
وره فتره طلعتلي بشغله جديده لازم تسوي عرس ولو عائلي
قصده اشهار كدام الناس اني اعترضت بس هي ما همه وراحت عزمت وسوت عشه وخلو أبال أمير راح تأخذ مرت اخوك وهو صغير كان يضحك مايعرف شي حتى من يباركون يخجل ويصير وجه احمر ياااارب مدري اضحك مدري ابجي ههههههه ولله بلوووووه
هاي تريد تقنع الناس مثل ماقنعت نفسه ابنه كبر ويمكن الناس إلي اجت تبارك ويه نفسهم يضحكون علينه 😃😃😃
والي يجي يبارك النه هي تكلهم نفس الكلام حتى بوقته كلت خطيه راح يطبق صوته من😂😂 الشرح نفس الكلام لو اسجله بمسجل وتفتح لكل واحد أو وحده من الي يجي يبارك النه مو احسن 😂😂
الي يجي .مبروك أم محمد بزواج أمير
عمتي الله يبارك بيكم ولله كلت هاي مرة ابني وبعده صغيره وحلوه والف واحد يتمناها واخاف تتزوج ويرحون جهال محمد برجلين واني تدرون ماعندي غير أمير وهو أحق بمرة اخوه وجهاله ويربيهم ويانه ولا يحسون همه يتامه ولا يفترقون عنه وهي فقيرة وتعودنه عليه وماله أحد بالدنيا والدنيا تخوف هذا الحجي كل واحد يجي تجي وتعيد
وأول ما طلعو الناس اخذت جهالي يمها وطلبت من أمير يروح ينام بغرفتي يمي وتحاول تفهمه هاي مرتك هو اصلا متعود ماينام اله بحضن ابوه من هو صغير واني بالغرفه طببته وسدت الباب وهو ضل واكف ويفرك بايدي ومدنك راسه نقهرت عليه هاي شجاي تفكر وين تريد توصل وعمي وين حجيه
كمت وجبت له ملابس انطيته اله هو بدل كتله أمير جوعان كال لا تعشيت
كتله تعال نام واشرتله على الجرباية هو اجه نام واني اخذت مخده وغطه ونمت بل الكاع اني ضليت ابجي على حالي وضميت راسي جوه الغطه حتى لا يسمعني أو يشوفني أمير ابجي وهو خطيه ما اشوفه نام لا بس اسمع صوت الجربايه من يتحرك يمكن هو متعود بنوته يتحرك أو ما يكدر ينام وما اعرف شلون غفيت وصحيت الصبح على الأذان ردت اصلي اباوع ما لكيت أمير بفراشه طلعت لغرفت عمي وعمتي وجان الباب نصةمفتوح واشوف أمير نايم بحض ابوه وحاضنه شكد نقهر عليه سديت الباب واني مبتسمه ورجعت صليت ونمت بغرفتي
عمتي على اساس ماخذه الاطفال ومنومتهم يمه خطيه انضربت بوووري😂😂😂
وما احس الصبح كعدت علىاصياحه عليه وهي تكد بيه
