البارت الخامس
(بقلمي ريتاج الكعبه)
واجه يوم ماكان على بالي ابد
هذا الوقت صدر قرار الي يأخذ زوجة اخوه اله منحه ماليه وبيت ومخصصات زوجيه حتى غرفه ينطونه وعلى كل طفل ينطون مبلغ من المال سواء الأطفال الشهيد أو الأطفال الي يجون وره الزاوج من اخوي الشهيد بعد الزواج
عمتي..تعالي زينب اريدج بموضوع اكيد سمعتي بهذا القرار الي يأخذ مرت اخوه
زينب ...أي عمه سمعت
عمتي ...واني قررت تزوجين
زينب..اتزوووج
عمتي. أي .تزوجين امير
زينب ..شنووو شنووو اتزوج منوووو
عمتي ..الي سمعتي
زينب..عمه أمير طفل والفرق بيني وبينه 10 سنوات واني حاسبته مثل مهند ابني انتي شجاي تحجين
هيج الطمع كتلج ووخلاج بحيث مفكرتي بهذا الطفل كله عمره 13سنه يعني صغير حرام عليج
واني مره أكبر منه وعندي اطفال
عمتي ..بنت الفكر هيج ترا ديني 👌👌👋👋 ولج خسرت ابني ولازم اخذ حقه وحق اني طماعه أي طماعه وانتي لازم توافقين على كلامي وأمير راح انطي فلوس واكبر عمره ويصير عمره بكد عمرج ويتزوجج
زينب.. مو بكيفج راح اخذ جهالي واطلع
عمتي... جربي وشوفي واذا آنتي اطلعين اطلعي بس انتي متاخذين جهال ابني واذا حاولتي مجرد محاوله اطع عليج عشرين شغله واكول هاي مو كفو تربي اطفال ابني الشهيد واخلي الحكومه تتجازه وياج
وهذا الباب يوسع جمل يله اطلعي بررره برررره بررررره
وطلعتي بره وشمرت عباتي ورايه
وهي تعرف كلش زين اني مالي أحد لا عمام ولا خوال قريبين عليه واروح عليهم
طلعت وين اروح المن التجي شافتني جيرانه ابجي وصاحت عليه
أم مهند خاله شبيج تعالي
زينب لاخاله مابيه شي هيج تحاجينه اني وعمتي وطلعت
الجاره... تعالي خاله لا ترحين لاهلج وتكبر الشغله احنه هم اهلج هسه شويه ويجون عليجي لو اني اوديج
زينب ....أي خاله مثل ماتكولين
هو اني لو عندي أهل ما جان أم محمد هيج سوت وياي طبعا هذا الكلام ويه نفسي وضليت محتاره شسوي وشلون قابل راح ابقه يم الناس وعمي اكيد هسه رجع بس اعرف عمي لا يحل ولا يربط
الجاره ...هذا عشه يله تعشي اني كلت اكيد ماراح تاكلين ويه الولد وابوهم ونسوانهم لأن تستحين فخليتلج وحدج
زينب ...ولله العظيم خاله ما اشتتهي العسل رحم الله والديج وكثر خيركم
الجار.ه .زينب اجيبلج جاي
زينب اذا جاي اشرب ماراح اردج
الجاره. .وهذا الجاي مراح تحجيلي شبيه عمتج وياج
زينب ..مابيه شي علمود الجهال وتحاجينه هي ضربتهم واني ماتحمل أحد يضربهم
الجاري. .خاله تره هي بيبيتهم ماتكرهم ولو هيه عصبيه
زينب أي خاله اعرف بس اني ماتحملت اعرف نفسي غلطانه
الجاره. .تردين اخذج توكعين على عمتج وتعتذرين منه
زينب لا خاله مو هيه هم ضربني وغلطت عليه واكيد هسه بعده أعصاب خلي تهداء واني اروح عليه بس خليني اليوم يمكم
زينب.. شلون ياربي هاي المره تلح حتى جناينه سلمن عليه وحده تباوع بوجه الثانيه عبالك خايفات مني على رجولتتن اذا بقيت اني اريد أبقه بس للصبح واروح لعمي بل المحل واشوف شيكلي وهي طلعتني حتى فلوس ما عندي
يارب من عندك الحل اني مالي غيرك استر عليه
وبقيت عدهم للصبح ماغمضت عيني خطيه المرأه اجت نامت يمي
اندك بابهم الصبح وحسيت على الدكه ما ادري شلون غفيت واجت المره عليه الضاهر هي مو صله خبر لعمتي اني مو جوده عدهم
الجاره. .خاله زينب هذا حماج أمير يكول امي تريد زينب شايفته داخله عدكم
زينب ..أي أي خاله رايحه رحم الله ولديج الله يحفظ راعي بيتج
اني اشكرك
طلعت .وأمير يمشي كدامي اني وراه وباوع عليه صدك جذب هاي عمتي شلون تفكر هيج ولله صغير وطفل بعده وبري يمكن ما بالغ الحلم مثل مايكلون
ودخلت عمي مدنك جهالي تلكوني وعمتي كاعده ودايره وجه عبالك مو بشر كدامه اخذت جهالي ورحت لغرفتي طلعت صورت محمد وبجيت بصوت حسيت بوجع ماحاسته قبل واحس راسي راح ينفجر وشفت جهالي يبجون على بجيبي سكتت لخاطرهم بس الصوت خفيته دموعي تصب لحد مانمت على دموعي وكعدت للعصر لكيت جهالي مو يمي ردت اخذ ثوب واطلع اسبح لأن صار يومين ما سابحه وبنفس الملابس فتحت الكنتور لكيته مثل الي أحد لاعب بي وعرفت عمتي ماخذه كل اوراقي الثبوتية وجناسي أطفالي يعني ما بقيه شي عندي حتى كم فلس عندي ماخذتها طلعت ماحجبت شي ورحت سبحت واني جوه المي بس احس جسمي وراسي يطلع نااااار♨
