حب من النظرة الاولى

البارت الثاني

بيوم العيد شفته من طلعت اعايد حبيبة عمري سارة فات من يمي وجانت دنيا ليل وبقى يروح ويرجع اكثر من مرة بس اخر مرة اشرلي بيده ومافهمته لان جانت جهة السايق بعيد عني ورجع استدار ورجع وگلي شمرت الرقم ووكع بسيارة ابوج وراح اني خفت وارتبكت ومعرفة شسوي عاد سارة گلتلي :امشي ندور عليه ليصير بيد اخوانج او ابوج .
وفعلا رحنا ندور عليه ولگينا وبقيت اباوع عليه كاتب اسمه يوسف ورقمه .
باوعت عليه سارة
وگلتلي :راح تخابري .
گتلها : لا اخاف .واني بداخلي ارجف ومعرفة شبيه تخربطت وطبينا جوة اني وسارة وبقينا نسولف ونضحك لحد ماصار وگت روحتنا لبيتنا ورحنا وبقيت اسبوع صافنه على الرقم وماخابرت ابد لان اخاف لان هو جيران اخواني صح هم جدد بس خفت من حجاية اخاف تصير حجاية عليه .
ومر الاسبوع ورحنا لبيت اخوية واني بسرعة رحت لسارة بقينا گاعدين نسولف وهيه سالتني خابرتي
گتلها:لا اخاف.
گلتلي:تعالي نخابرة من يمنا وبوگتها جان تلفون ارضي ماگو موبايل ...
دگ التلفون وجنت احس قلبي دگ بمكانة .
رفع الخط ولد گتله :الوو ....سكتت وراها شوية گتله يوسف بخوف جنت احجي .
گلي :لا يوسف ماموجود ....وسمعت يمه هواي ولد سديت الخط بسرعة .
انداريت على سارة
گتلها:هذا منطيني رقم محل ماعرف شنو مال صديقة وبقيت ضايجه منه ومقهورة لان هيج سوة .
وبعد ساعة رجعت سارة قنعتني اخابر مرة ثانية وفعلا خابرت ورد عليه ولد ودار هذا الحوار.
گتله:الووو.
گلي :الوو تفضلي .
گتله :يوسف موجود.
گلي :تفضلي اني يوسف .
گتله:عرفتني .
گلي:لا ولاصغرآ بيج منو حضرتج .
گتله : مدام معرفتني اروح اني .
گلي: اوكفي لحظة لتكوليلي البنية الي شمرت الرقم الها قبل اسبوع.
چاوبته :اي اني .
گلي :ليش تاخرتي اسبوع يلا اتصلتي واني جنت انتظرج طول هذا الاسبوع .
معرفة شنو اجاوبة گتله :اعذرني اهلي يصيحوني وسديته على السريع حتى ماسمعته شگال .
وللحكاية بقية