سمعتها كتقوليها إياد خلاني أسارة .. .. .. صافي مبقاش بغاني وقالي هادي آخر مرة نعاود نشوفك قدامي .. ومنين سولتو قالي لقيت لي كنت نقلب عليها وأنا كنبغيها أما أنا كنت غي نزوة فحياتو .. منكدبش عليكم فرحت وبديت كنفرنس .. هاديك لي كتصايب ليا ظفاري مفهمتةوالو .. قتليها هه كتهريني فصباع يديا .. ولكن شوية هي دير ليا طن فراسي .. راه يمكن كيهدر على قبل هاديك لي هزها من المحطة قبيلة .. صافي تما تصدمت أنا نقول راني غي كنحلم .. لخرا مزال كتهدر فالتلفون .. كانت كتقول لصحابتها والله لا بقات فيه .. .. غي بلاتي صافي ساليت وخرجت .. وشديتها طريق وحدة حتال دارنا .. وأنا غادة عند الولد باش نرد ليهه الطونبيل .. لقيت هداك لي خدام عند إياد واقف ورا طونبيلتي .. .. بقيت كنموت بالضحك أكيد كان معول يتبعني ولكن قولبتو .. حيت منين مشيت عند الولد باش ناخد السوارت .. حطيت الطنبيل حدا باب العمارة .. وطلعت عند الولد دارو .. باش نسلم على ماماه حيت كنعرفها .. وباش ناخد السوارت حيت كان عاد فاق مافيه مينزل منين خديت سوارت .. .. نزلت نيشان الكراج وهزيت الطونوبيل .. والخرجة ديال الكراج من لور ديال العمارة .. إذن مشفونيش هادو لي كيتبعوني .. وحتا أناس الصديق ديالي منين بغا يخرج هز الطونوبيل ديال باباه .. إذن طونوبيلتي متحركاتش من بلاصتها .. وهدوك لي تابعيني عند بالهم أنا راه منين دخلت للعمارة مخرجت .. ههه ماعلينا جيت حطيت الطونوبيل ديال أناس حدا طونو بيلتي ونازلة كنضحك .. لاخر لي حاضيني تخبع وهو مصدوم. جا أناس عطيتو الطونوبيل .. .. وشكرتو قالي غي شرحي ليا قتليه حتال من بعد ونشرح ليك .. غي دخلت للدار بدا تليفوني كيصوني .. إياد هو لي كيصوني إياد هو لي كان كيصوني هه بديت كنضحك .. .. .. جاوبت ألو قالي ألو درتيها بيا هاد المرة .. قتليه بغيت نفهم علاش داير لي يتبعوني .. قالي صافي إيلا قلقاتك هاد القضية كنواعدك مغادي ندير حتى حد لي يتبعك .. غادي نبقى تابعك غي أنا .. قتليه حتى نتا متبعنيش .. قالي لا سمحيلي هادي منقدرش نواعدك بيها .. .. سكت وهو يقول علاش درتي هادشي وعلاش تبادلتي بالطونوبيل .. قتلو حيت كنت بغيت نتأكد من شي حوايج وصافي تأكدت منهم .. .. .. قالي شناهما قتليه شفتك وليتي كدخل فيا بزاف .. وأنا كنهدر معاه .. كنسمع شي وحدة كتعيط إياد إياد .. قالي سمحي ليا أنا شوية نعاود نعيطلك .. قتلو لا متعاودش تعيط وهاد النمرة غادي نحيدها .. إيمان الله يهديك إيما .... طيط طيط طيط .. قطعت عليه وطفيت لتلفون. هاي هاي على كحل العفطة مكيمركش ... كيهدر معايا وحداه صحباتو .. يخ من الرجال وميجي منهم .. صافي على غد ليه مشيت لافاك .. كنت بغيت نمشي نتغدا .. .. بغيت نتمشى شوية خليت الطونوبيل حدا لافاك ومشيت نتغدا على رجلي. . تغديت ومشيت بقيت كندور على رجلي تبعني واحد الواحد .. .. .. زين زين نجي ولا تجيني فراس .. ختي واحد الدقيقة عفاك .. .. أنا تعصبت وقفت نشوف طاكسي صغير نرجع بحالي وقف عليا .. .. قالي غي دقيقة عطيني غي نم ة .. مجاوبتش وزدت شدني فيدي ..
ديال الأفلام وزدت .. .. شدني من يدي قالي أجي فين غادا راه الطريق خاوية دابا يتلقى ليك شي حد .. أجي طلعي نوصلك .. أنا غادا ساكتة ومكنجاوبش .. هو يقول طلعي بخاطرك ولا نطلعك بزز .. جا جرني من يدي و طلعني .. قتليه آش هاد البسالة عنداك يسحاب ليك أنا بحال هادوك صحباتك .. لي كل مرة طالعة معاك وحدة فشكل ..بقا كيضحك .. .. زدنا مشينا قالي عاد فهمت فين كنتي البارح قالي تبعتيني .. .. قتليه آه تبعتك باش نتأكد و باش من لمكش منين نحكم عليك .. وجبدت التلفون وريتو التصاور .. هو يتعصب و سكت .. قتليه وعرفت بيلا كنتي على علاقة بهاديك خيتي وتخليتي عليها .. وشفت هاديك لي هزيتي من المحطة زاد تعصب .. .. قتليه أنا راه عرفتك نتا أشمن نوع. . وراه أنا وياك مستحيل غادي نكونو بجوج غي هني راسك .. .. وحبس عليا هاد الأفلام ديال الرومانسية الخاوية .. .. قالي ساليتي قتليه صافي سليتي وقلت لي عندي .. قالي دابا سمعيني مزيان
