يوم الخميس بالليل رسلونا انا وضحى(اخت العريس) نمشو الدكان طبعا في الشارع ونحن ماشين اولاد حلتنا بشاغلو في ضحى ساي عاااينو للبت دي كبيره وما لابسه طرحه وكمان لابسه بنطلون وبضحكو ساي .
انا:يعني شنو لو لابسه بنطلون ان شاءالله تمشي عاريه انتو مالكم ومالها
سكتو سااااي طبعا عارفيني مشكلجيه ...
بعد قربنا للبيت قلت ليها اي واحد سألك تعالي كلميني
قامت ضحكت وقالت لي انتي م بتقدري ليهم
انا:ياضحي انا بحب الدراسه عايزه ابقي زيك كده ادخل الجامعه واخلصها ...بس ابوي منعني من المدرسه .
طبعا حسان جا طالع سمع الكلام كله واتأثر شديد طوالي مشي لي لابوي
يا عمو احمد والله بتك دي طموحها عالي انت خليها تقرا وتكمل تعليمها وم ح تندم ان شاءالله ...
طبعا حاج احمد اتردد في البدايه بس تاني قال نشوف الربنا كاتبه
حسان فرح فرح كأنه عمل شي عظيم مشي عشان يكلم إسراء لقاهم قاعدين لسع في الباب وهي كانت بتبكي
حسام: الشافعه بتبكي مالها
اسراء:هوي انا عمري13سنه م تقول لي شافعه
حسان: م اقول ليك شافعه؟ اقول ليك بيبي طيب؟
اسراء:متخلف اب شعرا منكوش
طبعا حسام شعرو طويل ومفلفل
حسام :مش انتي همك كله عايزه تكملي قرايتك خلاص الموضوع دا منتهي ح تقري ان شاءالله كده تمام
طبعا م مصدقه مشيت سألت ابوي قال لي اي ياسرويه بس م تغيبي ظني وخليكي واعيه واهتمي بقرايتك
ياخي فرحت فرح شغاله انطط والعب بشعري ساي
يوم الجمعه الصباح يوم العقد البيت اتملي بالناس لبست فستان بمبي حلووو كده وايمان برضو بس شعري كالعاده امي بتسرح لي ضفيرتين والكل كان مبسوط والعقد تم الحمدلله والناس فطرت ويلا بعد دا مسافرين ....
مشينا الغرفه انا وايمان قعدنا نبكي جات امي حال الدنيا كده يا بنات مافي داعي للبكي وده من اخر وداع وبعدين سندس م ماشه بعيد ماشه الخرطوم واكيد ح تزوروها وتزوركن
ايمان مشت مع امي ودعو سندس بس انا م مشيت جاتني سندس
سرو ماعايزه تودعي اختك ولا شنو
قمت حضنتها وبكينا ،،والله ح نشتاق ليك ي سندس
سندس:وانا كمان ح اشتاق ليكم يلا خلي بالك من نفسك
خلاص سندس مشت وخلتنا
أيمان لسع بتبكي لان سندس وهي عاملات زي التوأم م بفترقو خالص طبعا اليوم دا بقينا لينا طويل كل م اصحى بلقى ايمان برضو صاحيه
فضلنا على الحاله دي لاسبوع كده وبعديها انا مشيت المدرسه ونزلت امتحاني وجيت الاولي كاالعاده وامتحنت ثامن وعملت 260ودخلت الثانوي ويلا لما حصلت ثانيه ثانوي في الاجازه ايمن قال لي امشي الخرطوم اقعدي مع سندس واقري هناك مشينا كلمنا ابوي وافق طوالي م عارفه حسان ده قال ليهو شنو حتى ابوي بقى يوافق في اي شئ بخص التعليم .
وايمن طبعا بقرا في الخرطوم طب السنه الرابعه
انا:واي يا ايمن انا بحلم ولا شنو ح امشي الخرطوم امتحن واقراء والله كأني بحلم ولا بتخيل قبل ثلاثه سنه لامت ايوي منعني من الدراسه قلت خلاص تاني مافي امل بس الحمدلله
ايمن:مهما حصل ليك بالحياه دي ياسرو ما تيأسي اياك واليأس رحمه الله واسعه وربك رحيم بعباده
انا:ربنا يخليك لي يا أيمن كل نجاح انا حققته انت السبب وانت الداعمني ومشجعني دايما
بكره ح نسافر انا وايمن طبعا هو جاء اجازه سمستر ....
يتبع.....
