انا خفت طبعا قرب مني ومسكني من يدي ونادى رجال كده جو اداهم تلفون اتصلو بحسان لو عايز حبيبتك تعيش اقصد اخت مرة اخوك انت لازم تمشي لينا عملنا بنديك مخدرات تخبيو لينا لمده اسبوع لانو ناس مكافحه المخدرات حايمين الايامات دي
حسان: الووو اسمع خلي البت دي والا
المجرم :ياخي نحن م معانا زمن هاك اسمع صوتا لو م مصدق
انا:حسان الحقني ياحسان
حسان:م تخافي يااسراء انا بجيك الوو الوو فصلو الخط طبعا
انا:يا كذاب يا مجرم م قلت لي حسان هنا عملت كده عشان تخفي مخدراتك بس يا تافه يا جبان م تتكلم مع حسان ليه تدي مجرمينك يتكلمو بدلك
ضحك ضحكه اشرار وقالي انا بعمل المستحيل عشانك وعملت كده عشان حبنا حبيبتي
انا : بصقت ليه في وشو تافه متخلف انا بموووت وما بحب واحد زيك ي مجرم
بشير:خلاص يا ستي الليله لو حسان ده ما جاكي حتبتي هنا بس م تخافي ياعسل م ح اهبشك لاني عايزك بالحلال..
شويه وتاني اتصلو لحسان
شنو م عايز تجي نخلى البت معانا ونحن ح نتصرف ونعرف نعمل فيها شنو يا حسان
حسان:عليكم الله م تأذوها طيب انا جاي وح اعمل العايزنو بس انتو خلوها
حسان طلع سريع وركب عربيتو بعد ساعتين حسان جاء وكان الوقت 9 مساء
في البيت:-
سجي:يا جماعه سرو دي بالغت مشت وين من دون م تكلم زول واتأخرت كده
سندس:خلينا نتصل ليها
سندس تتصل وتتصل بس مافي رد
اتصلو لحسان:يا حسان اسراء طلعت من دون م تكلمنا وللان م جات عندك
خبر بتكون وين
حسان م بعرف كده بتصل ليها
طبعا حسان م عايز يخوف ناس البيت
حسان:سرو انتي كويسه
انا:اي انا كويسه
حسان قال لي امش العربيه انا بلحقك مشيت طلعت في العربيه وجسمي كله بيرجف وحسان مشي مع المجرم اتكلم معاه شكله موضوع خطير اتكلمو كده وبعد داك جاء ساق العربيه زي المجنون
حسان:انتي مجنونه سرو كيف بتطلعي من البيت براك
انا:م طلعت براي قالو لو عايزه تعرفي شي بخصوص حسان تعالي لينا سريع
وجاء واحد من المجرمين وساقني من باب البيت ومشيت معاه
انا كنت خايفه عليك عشان كده مشيت معاهم ولاحتى خطر على بالي انو ممكن يكونو مجرمين
يتبع.....
