رجعت السودان ولقيت الناس محتفلين بقدومي واستقبلوني استقبال عظيم ما كنت قايله جمهوري كتييير كده
حسان تم السبع سنوات ولسع مافي منو خبر
مشيت القسم وسألت منو قالو يمكن نفو في حته تانيه قلت ليهم طيب ادوني عنوانو الاول مشيت سألت هناك قالو لي حسان امس حولنا مكان تاني قعدت ابكي مكاني قلت ليهم المحكمه حكمت ليه بسبع سنوات كيف تاني تنقلو لحته تانيه
الشرطي:قومي ما تبكي لينا هنا اطلعي بره خلينا نشوف شغلنا
انا:ما طالعه من هنا الا اعرف حسان وديتو وين؟؟
قاعده اربع ساعات بعد ما لقووو مافي فائد وروني بمكانوو
قمت سوقت عربيتي باقصى سرعه وماشه شايفه عربيه مظلله سوداء قدامي ماشه بسرعه البرق قربت الحقهم كده وقفو العربيه شفت ليك بشه سايق العربيه
اتخيلو بشه سبع سنوات المرت حاول يصل لي ماقدر لما عرف اليوم البيطلع فيه حسان سبقني شكلو دفع رشوه للشرطه
انا:وين حسان يامجرم
بشه:حضرة المذيعه الصبورة انتظرتي حبيبك سبع سنوات بس م ح اخليك ليهو يا اما اقتلك يا اما بقتلووو م ح اخليكم تتهنو ...
قامو اتنين من المجرمين المعاه طلعو حسان وماسكنو قالو لي شيفوه لاخر مره
حسان:سرو م تخافي انا معاك
انا :حسان وجريت حضنتو
حسان:يا بشه عليك الله ضميرك سمح ليك تعمل كده في صديقك
بشه:انا عملت كده عشان انتقم منك انا لمن حبيت ديمه وقلت ماشي اعترف ليها بحبي قالت هي بتحبك وانت اصلا م بتحبها ومع ذلك ما خليتا وانا برضو عملت زيك لامن حبيت اسراء حبيت احرمها منك عشان تعيش وتدوق الانا عشتو
انا مافاهمه شي من الحصل بس كل البعرفو انو حسان بحبني والباقي ما يهمني وفضلنا ماسكين بيدين بعض قام بشه طلع مسدسو وضربني انا في رجلي وحسان ما اتاذي كتير بس انا اغمي علي طوااالي وهو وجماعتو هربو وبعد داك الشرطه جات ونقلونا المستشفي الحمدلله رجلي بس اتكسر جبروه لي وجينا البيت راجعين وماسكين بيدين بعض كلهم جو مسكو حسان وبكو حتى هو بكي معاهم
حسان:يا جماعه بكفي بكي عندي ليكم خبريه حلووة عايزين نعمل عرسنا انا واسراء في الاسبوع ده وم عايزين لاحفله ولاشي
سندس والطيب فرحو لينا شديد بعد مرور سبع سنه انتظار واخيرا ح يتزوجو
والزواج كان بالمحكمه بس بدون عزائم وتكاليف
طلعنا من المحكمه كده عدد كبير من الصحفين لمو فينا وبسألوني.....
ده المجهول الحكيتي عنو قبل سنتين في البرنامج؟
انت مذيعه عالميه وعندك مكانه مرموقه كيف تتزوجي مجرم
انا:ما عندي اجوبه لاسئلتكم بس ده البتقولو عنو مجرم ده ضحي بحياتو عشاني وحكيت كل الحصل لما خطفوني كنت مغبونه وحكيت كل الجواي والخبر انتشر ....
وبعد ما قبضو بشه واعترف بكل عمايلووو ولقي نفسو في مأزق ما ح يقدر يطلع اولا موضوع المخدرات وثانيا الرشوه وثالثا محاوله اغتيال ....
وحسان بعد ما رجعنا قال ما ح يقدر يعيش هنا لازم نسافر وسافرنا السعوديه لناس خالتو زينب واسعد
ديمه واسعد جابو توام حلوين عمرهم سنه
ونا يومي مستضيفني في برنامج واشتهرت شهره واسعه وابرامجي دايما بتتصدر اغلفه جميع المجلات وبعد كم شهر تبين انو انا حاااامل والله فرحنا فرح
حسان: سرو حبيبتي فعلا انتي قويه واجهتي كل الصعاب ووصلتي لحلمك وكمان وفيتي بوعدك انتظرتيني سبع سنوات ياريت لو الناس تتعلم منك معني الوفاء
حضنتو وبكينا وعاينت للمرايه ابتسم لي قال لي قرضه بس ضحكت وقلت ليه عسسسل انا
قال صلي الله عليه سلم:"الرجل على دين خليله،فلينظر احدكم من يخالل"
الرجل على دين خليله بمعني على عاده صاحبه وطريقته
فأختارو الرفقه الصالحه
مهما واجهك من صعاب في هذه الحياه لاتيأس فهناك رب كريم لطيف بعباده لاينسي احد....
...... الـنـهـايـة ........
