سندريلا عراقيه❤️

بارت الآۆلْ

اني حنين20سنه..عايشةابيت عمي..ماماوبابا استشهدو
بانفجار..ابغدادجان عمري12سنه من استشهدو..ماماجانت حامل بشهر السابع بابا اخذها للدكتورة حتى تجيك وضعها..بس راحو..وبعد مرجعو..بعد استشهادهم..ب3ايام اجمعوا خوالي وعمامي كولمن يريدني اعيش عنده بس عمي الجبير فض السالفة وكال البنية راح تعيش عندي ويه بناتي..اني عمها الجبير واحق منكم بتربيتها..فاخذني عمي عنده جنت ناجحة من السادس للاول متوسط..جنت بس ابجي طول الطريق الى ان وصلنا لبيت عمي مجنت رايحتلهم قبل لان مجنت اطلع بس وية ماما وماما مجانت تروح لبيت عمي..من دخلت لبيتهم جنت اتصور عدهم بس..ثنين بنات بس من دخلت بيتهم عرفت عدهم بعد بنت ثالثة وطفل عمرة4سنوات..بالاضافة الى ابن عمي الجبير همام الى جان عمره 20سنه بوكتها

اول اسبوع جنت مثل الخطار عدهم يعاملوني معاملة زينه وجنت اكعد وية بنات عمي ناكل سوه ونسولف سوه جانن يتعاركن ع التنظيف وع غسل المواعين وع ترتيب البيت ومرت عمي جانت حيل صعبه لازمة صوندة بأيده وتخوف بيهن..وملتهية بس بالطفل الزغير كل شوية تبدلة وترتبة وتبوس بيه..وجانت تطلع هواية للسوك ولصديقاتها وللجوارين ولخواتها ومن ترجع تلزم الصوندة للبنات وتدور اخاف اكو تراب لو وصخ منا..منا.جانن يخافن منها..كولش..بعد مخلصت اسبوعين يمهم كامت مرت عمي..تعاملني مثلهن تصيح علية وتخوفني..بس اني جنت احس نفسي وحيدة وغريبة عدهم فلازم اطيعها حتى متكرهني جنت انظف واني ساكته وشوية شوية علمنتي ارتب البيت واطبخ واستعمل الغسالة وبالاعياداغسل الزوالي بالطرمة..الى ان صار شغل البيت كله عليه خصوصا من انخطبن بنات عمي..جانت مرت عمي طايرة من الفرح لان انخطبن اثنينهن سوه وخلصت من مسؤوليتهن وبيوم زفتهن .جنت اتصور اروح وياهم
وافرح بالزفة وابدل مثل كل البنات بس مرت عمي صيحت عليه وكالتلي:

شوفي ولج حنين العصر الزفة مال البنات اريد البيت يلمع مثل المراية..واني وميادة وسلام راح نبات ويه العرايس بالفندق انتي راح تبقين تنظفين البيت وتسوين عشه لعمج وهمام..مفهوم؟؟

بس..عمه ام همام..اني اريد اروح وياكم اشوف العرس؟؟

ولج وين ترحين..وشلون ترحين يعني شغلي عقلج المحجر قابل اخذج بهاي جرودج حتى تفشلينه؟؟

عمه ام همام البس اي شي من البنات..فدوة خليني اروح؟؟؟

اللهم طولج ياروح...ولج لتعصبيني عندي هواي شغل ما الي خلكج.كتلج نظفي البيت وديري بالج على عمج وانطي علاجة ولتخلين همام ينام بلا..عشه..

عمه ام همام...فدوة؟؟

ولج اني اليوم فرحانه ولو ما فرحانه جان هسه كطعت الصوندة على ظهرج..ولج...امشي من كدامي...

وعافتني واخذت ميادة وسلام وراحت..

ومن..ذاك اليوم بده العذاب يزيد..لان البنات تزوجن..وبقينا بس اني وميادة..ميادة طالبة بالاعدادية واني بالمتوسطة...وكامت مرت عمي تتعمد تغيبني من المدرسة حتى ابطل رغم اني جنت اشتغل وادرس بس هيه تتحجج كل يوم حتى تغيبني وفعلا انفصلت بسبب الغيابات وبقيت بالبيت اشتغل من الصبح لليل ومعاجبها وعمي...صحته كامت تتراجع...وخله همام يديرالمحلات بمكانه لان همام تخرج من الكلية ومتعين فعمي خلا بالمحلات بمكانه..ورغم عمي شخصية وكلمته مسموعة بين اخوانه بس مجان يكدر ع لسان مرت عمي ووكاحتها...جان اذا يكولها خطية ساعدنها...لحنين تكلب الدنيا..واسمعها..تكوله ها...تخاف عليها تخاف على بنت الحبيبة..مجنت افهم هي.شنو جانت لازمة عليه...كولما يحجي جانت تتخازر وياه وتسكته الى ان كبرت عدهم بالعذاب والهم وصار عمري18سنه وكمت افهم ليش جانت مرت عمي تعيره..وعرفت من نسوان عمامي انه عمي..جان يحب ماما قبل..ميزوجها

بابا..جان كولش يحبها بس جدي جبر عمي يتزوج من عمتي ميعاد الي هي ام همام..لان ابوها جان صديقه لجدي وانطا..كلمة...وبعد زواج عمي..ب6سنوات بابا خطب ماما بس عمي مسكت سوه مشكله جبيرة والكل عرف انه عمي جان رايدها لماما..بس جدي جان حيل عنودي فخطب ماما..لبابا وزوجهم بعناد عمي..ومن ذاك اليوم عمتي ام همام تكره ماما...ومن..استشهدت مامافرحت..ومن صرت عدهم..بدت تعاملني هالمعاملة وتعتبرني..مجرد عاله عليهم ويومية تعير عمي بيه وخصوصا من كبرت وصرت شابة صارت تكرهني اكثر.وتكولي صرتي تشبهين امج..صرتي حلوة مثلها.لازم ما انطيج عين الله اليعلم جم رجال تقشمرين بحلاتج؟؟؟وحتى ملابس حلوة متخليني البس جانت تنطيني ملابسها القديمة وتكولي دبري حالج بيهن..وشكم مرة طلبت من عمي يدزني لخوالي اعيش عدهم بس مجان يقبل لان خوالي عايشين بكربلاء يكولي خوالج..ميتحملوج لان انتي بزرنا مو بزرهم..جان يقنعني كلما يشوفني كاعدة وابجي لو يشوف ملابسي مبللة وغاطة بالمطبخ..جان يتألم علية بس بسكته..جنت انقهر عليه خصوصا من تراجعت صحته وكام يكضيها نايم وميطلع هواية..جان يكولي تحملي بابا...هسه يجيج ابن الحلال يزوجج ويدللج ويخلصج من شرها..بس شلون يجيني ابن الحلال واني محبوسة بهالبيت بس اكنس وامسح واطبخ وانفخ..وين راح يشوفني ابن الحلال..وحتى اذا اني حلوة منو راح يهتم الي البنات يلبسن اشكال والوان..مكياج وبنطرونات وتسريحات..واحذية حلوة وجنط وطلعةوروحة واني كولشي مشايفة من الدنيا حتى ملابسي كبار علية والوانهن رايحة من الغسل..جان عمي من يشتريلي نفنوف عمتي تكلب الدنيا..وتكولي لاتلبسية عمج مشتريه
غالي ومن تطبخين ينترس دهن خليه عاد من يجون عيال البنات لبسي كدامهم خاف يكولون مخليج ع الجرود..وفعلا جنت البسه بس كدام عيال سعاد ونهاد بنات عمي

اني همام28سنه...من بغدادعايش ويه عائلتي...امي وابوية..واخواتي واخويه..الزغير سلام..خريج كلية..اداب بس ممتعين...وحاليا اشتغل بمحلات ابوية ..ناس تسميها محلات وناس تسميها مولات واكف ع رجليه طول النهار..هههه ابوية طلع الدلال مال المراهقة من عيوني بس خلصت كلية..بصراحة جنت مدوخ بنات الكلية..اووف كومة علاقات بنات..حلوات وجو كلية واني شخصية طويل وجسم لحية وتسريحة وكذا....الخ..لا وعيوني عسلية ادوخ!!باختصار البنات يتعاركن علية...المهم خلصت الكلية وراحت ذيج الايام الحلوة وهسه واكف بالمحل واكسر الخاطر اشتغل مثل الزمال المربوط بساكية وتالي الليل اروح للبيت اذب نفسي ع الجرباية مثل الميت..امي صوتها عالي وطلباتها متخلص..يومية تسير ع اخواتي المتزوجات تتكشخ وتاخذلهن كومة علاليك ع اساس تتباهة كدام عيالهن..واختي ميادة 24ساعةبغرفتها ع اساس تدرس..واختي حنين بالمطبخ لو واكفة ع الغسالة خطية..رغم هي اصغر وحدة بالبنات بس البيت كله عليها تشتغل بسكته خطية حتى واحنا نايمين بالليل تدخل غرفنا وتلم هدومنا وتطلع..كلشي بالبيت متعلق بيها ملابسنا اكلنا شربنا كولشي نريدة نصيح حنين تجي تركض...وتنفذ...اعرف هي بنت عمي مو اختي بس الله شاهد حاسبها مثل اختي ومعزتها اكثر منهن لان هي اطيب وحدة بالبيت..بنية هادئة وحبابة وعايشة بلكمتها حتى ما اشوفها تبدل مثل البنات 24ساعة لافة شعرها كباية ولابسة دشاديش امي لو تفانيف قديمة وتكرب جنت اكول لامي والله خطية اخذيها للسوك اشتريلها هدوم حلوة خطية هي صارت شابه تكولي اسكت لاتتدخل ولتحجي هيج كدامها...هاي التكول عليها خطية بس نتطيها عين تهجم بيوت..مثل..امها..جنت اسكت..لان امي تتحسس منها كولش ومتحب اي واحد يوكف بجانبها..فجنت اتجنب المشاكل وما ادخل..