سندريلا عراقيه❤️

بارت الخامس

دنحجي اني وامي بصوت عالي واندكت الباب وجتي ميادة تركض..

يوم..يوم النسوان..وصلن راح ادخلهن للاستقبال

امي صاحت..ع حنين
ولج استعجلي النسوان اجن..والتفتت عليه

همام يمه بعدين نسولف خلي اروح يم النسوان

عافتني وراحت دخلت..للاستقبال..اني كلبي ينعصر عصر ما اكدر ادخل يمهن واطردهن..لان عيب اطرد نسوان بقيت كاعد بالصالة وكلبي يفور واحس دماغي راح يطك من القهر..ورة شوية طلعن ميادة وحنين من الغرفة ..حنين لابسة نفنوف كشميراسود جوة الركبة وطالعات سيقانها الحلوات المعضلات وفاتحة الشعر..وركبتها تتلامع من فتحة النفنوف..حسيت..روحي راحت من شفتها..شلون قابل اضل ساكت منا لما ياخذوها مني..هالكد اني ضعيف وماعندي كلمة ولاشخصية حتى اضل ساكت بس لا والله....لا والله ورسوله بعد ما اسكت واليصير يصير..ورة نص ساعة طلعن النسوان وسمعت امي تكول لميادة:

هاي هيه باجر العصر تجي مشية الزلم..

فكرت بيني وبين نفسي باجر يصير خير..باجر اخلي النقاط ع الحروف وافهمهم حنين الي ومحد يمس منها شعرة لو انطبكت السما ع الكاع

واجه باجر يركض والتمو عمامي وابوية بالاستقبال منتظرين المشية واني احترك واصبر بروحي منتظر الوقت المناسب عبالك قنبلة ومضمومة جواية واريدها تنفجر باي لحظة المهم اجوي الزلم باوعت بينهم مشفت واحد شاب مثلا بعمري لو بعمرها كولهم زلم فوك الاربعين..فكرت لازم العينتين ماجاي وياهم..داز بس عمامة بس من ..كعدوا يسولفون تفاجأت حجه رجال جبير بموضوع الخطبة وعمامي بس يسمعون بعدين كام واحد يسولف اسمعه يكول

والله ادللها..

فكرت يمكن هذا ابو العريس..وسمعته يكمل

بيتي جبير..وراح تكعد بالطابق الفوك..وما اريدكم تفكرون لان مرتي مشلولة صارلها سنتين..يعني البيت كله

راح يصير بيدها..وماعدها احد بس جهالي3اريدها ادير بالها عليهم همه وامهم المكرودة..واني بنفسي بعد اخلف كم طفل..

تخبلت واني اسمعه هذا شديخرط..يعني هو هذا العريس واحد عمره فوك 48سنه ومتزوج وعنده جهال ويريدها خدامة لمرته وجهاله..يعني هو هذا نصيبها من داهيه لدولاب..لا ياالله وشلون شكل عليه مسلوع واديه مجفطات..ومبين يشتغل بحي الصناعي لان وجهه محروك من الشمس وادية كلهن اثار مال دك..جواكيج..

وكبل ميحجي ابوية لو واحد من عمامي طفرت؛

اها...يعني انت العريس مو..تريدها خدامة لعيالك..والله انعل ابوك...لا ابو الينطيك مرة شكالولك ما عنده لكمة خبز..كوم..كوم اطلع برة انت وهاي الكلاشات الجايبهه وياك ..

طفر عمي صادق:

شبيك بوية همام تخبلت ع الزلمة شنو هالحجي..المخربط؟؟