سندريلا عراقيه❤️

بارت الرابع

ودبج وهوسه اضطريت ادنك وابوس ميساء بكصتهاهيج بوسه خطف وبعدين طلعنا سعادونهاد راحن هنه وازواجهن وامي كعدت بصفي بالصدر وبحضنها سلام وابوية وميادة وحنين كعدو بالورةكيفت من صارت كعدت حنين ورايه مباشرة..طول الطريق اباوعلهابالبوكات بالمرايةمال السيارة..خرب..عمي..خرب عمي..شطالعة خبلتني هالبنية..وصلنا للبيت..اريد فرصة حتى اكعدها يمي واباوع عليها براحتي فاول مادخلنا البيت!

صحت عليها:

حنين راسي راح ينفجر..من ورة صوت الموسيقى والحفلة بروح ابوج فد كوب جاي

اي هسه اخدر بس خلي ابدل

يمعودة شتبدلين بسرعة سويلي جاي..وبعدين بدلي..

شفت امي تتخازر وياها..وكالت:

شبيج ثولة متسمعين الولد يكلج راسي يوجعني يلا فوتي سويلة جاي..وبعدين بدلي هدومج طمام عار يطمج طالعة جنج ذني الراكوصات اليركصن بقناة غنوة!!

حنين:::

ركضت للمطبخ اسوي جاي..جنت  مستعجلة اريد اسوي الجاي وانطي لهمام واروح ابدل..لان حيل مستحيه من هدومي..صبيت الجاي ودخلت..لغرفته جان متمدد وبعد ممبدل ملابسه بس خليت الكوب ع الكومدي..محسيت غير..همام يلزم ايدي ويكعدني كبالة خفت ورجف كلبي..عبالي راح يضربني..بس ارتاحيت من ضحكن عيونه العسليات الدافيات وكلي:

ولج..حنين شطالعة اليوم؟؟

هاااه..قصدك ع ملابسي..والله عرفت راح تنتقدني؟؟

ولج شنو انتقدج ولج طالعة كيكة ..موزة..لوزة ..فستقة!!!

ياااا..صدوك..ربي يجبر بخاطرك بعد اختك..تدري ميته بدمي..خصوصا عمتي تتخازر وياي طول الحفلة!!

ههههه اي شفتها!!
استغربت همام لازم ايدي حيل ويسولف ويباوع بوجهي..اوف شكد استحيت اول مرة همام يركز بوجهي هيج..ويضغط ع ايدي بأصابعه..بصراحة كلبي صار مثل الطبل اول مرة احد يلزم ايدي هيج ومو اي احد هذا همام..بس عيونه يخلن الوحدة تذوب..رجفت وردت اسحب ايدي منه..بس هو شد على ايدي حيل وكال:

شبيج حنة شبيج ترجفين..وكلبج يركض..؟؟

هاااه..لا مابيه..بس اريد اروح ابدل وانام..عندي شغل الصبح!!

لاحكة ع النوم وع الشغل حنة .اكعدي خل نسولف شوية!!

غير وكت نسولف همام..هسه اروح..

ومرة ثانية حاولت اسحب ايدي..بس هو حيل ضاغط عليها..وسمعت صوته خفيف يكولي:

حنة انتي..خايفة مني..احس كلبج راح يوكف؟؟

فارتبكت لان
صدوك خفت منه بس مبينت رأسا كلت:

لا ليش اخاف منك همام..بس انت ليش لازم ايدي هيج..