صغيرة قلبت كياني - البارت ٢ -
---------------
صغيرة قلبت كياني
---------------------
عمر : هاي منو ؟
كامل: اسيل بت اخوية وائل
عمر: اها الله يحفضها
كامل: تسلم اكلك صدك كالو علمود التطويعات مال جيش مفتوحه وضلو يحجون ،ترخص عمر وراح لبيتهم
راح للبيت بليل صاح على اخته سارة( سارة لان الصغيرة المدللة وخصوصآ عمر كلش مدللها )
عمر:سارررة
سارة :ها عموري
عمر: تعاي وين مختفيه
سارة :😑اني مختفيه لو حضرتك
عمر :تمام فهمت ،شلونج بلدوام؟
سارة : الحمد لله وانته ؟
عمر : الحمد لله ، سرو اريدج بموضوع بس كون تضبطين لسانج ومتطلع كلمه منج
سارة : عيب عليك اني تطلع مني حجاية
عمر :ادري بيج والله لوما ادري جان مجيت احجيلج
سارة : لا والله ما احجي كول
عمر :اكو بنية وياج بلمدرسة اتوقع صديقتج
سارة : منيه؟شسمها؟منين تعرفها؟وليش تسأل عليها؟
عمر :الله اكبر شوي انلصمي دفهمج
سارة :اوك كمل
عمر : شفتهة بلصدفه وصراحه نعجبت بيها واريدج تشوفيلها اخلاقها صار ٤ ايام اراقبها ومشفت شي غلط عليها بس من شفتها سلمت عليج كلت خلي اعرفها منج احسن
سارة : ولك يعني شكد عمرها اذا صديقتي١٥ سنه وانته٣٣ يعني فرق ١٨ سنه بينكم متستحي تباوع ع وحده صغيرة
عمر : ياصبر ايوب الخمج هسه واعلمج شلون تحجين ويا اخوج الجبير ، بعدين مو صوجج صوج الي يحاجيج كومي
سارة : لا عموري الله يخليك احجي كمل والله ماحجي بعد
عمر: كومي سارة لتخليني ابتلي بيج
سارة : الله يخليك عمر احجي بعدين شكو بيها اذا ١٨ سنه بينكم المهم تحبها
عمر : همزين شغلتي دماغ العصفور مالج
سارة : شكرا المهم احجيلي عليها وشسمها
عمر :سارة ديري بالج تحجين كدامها وتجفصين بلحجي
سارة : استغفر الله فهمني ششايفني حتى اجفص
عمر: تمام الي اعرفه اسمها اسيل و
سارة : اسيل وائل يا الله يا الله
عمر :وسم وزقنبوت الصمي راح تفضحيني
سارة: اوك اوك
عمر : اي هي اسيل وائل تعرفيها مو
سارة : شكرا شكرا شكرا ياربي شكرا عمر
عمر : شبيج الله اكبر ع شنو تشكريني
سارة : لان حبيت اسو
عمر : الله ياخذج شنو حبيت اني محبيت احد كتلج عجبتني مو عمرالي يتمعشك
سارة:اهووو بدينه
عمر :😒
سارة : فهمنه كمل
عمر: اي شتعرفين عنها
سارة : كول شنو الي متعرفي عنها
عمر : شلون يعني ؟
سارة : هاي صديقتي صار ٣ سنين واعرف الصغيرة قبل الجبيرة عليها خوش بنيه ومحترمه ومؤدبة وشاطرة واهم شي صديقتي😁
عمر : كلش زين اريدج تضلين قريبه منها وتشوفين خوما عدها سوالف منا منا
سارة : والله لوما اخويه وجبير جان حجيت وياك غير حجي هي اسيل هم ينحجي هيج عليها بحياتها مرفعت عينها بعين ولد 😾
عمر : هسه اني شكتلج قابل كتلج شفتها ويا الولد كتلج بس شوفيها
سارة : تمام الحمد لله ياربي واخيرا راح اشوف جهال اخويه
عمر : كومي لا اطيح حضج جهال اخويه ياجهال وهي بعدها جاهلة
سارة: لاحول ولاقوة الا بالله لعد شناوي تسوي
عمر :خلي تكبر تصير فد ٢٠ سنه
سارة :شنوووو ٢٠ يعني انته ٤٠ لو تموت متاخذك
عمر : كومي سارة كومي خليني محترمج
سارة: كمت كمت
وراحت لغرفتها وهو ضل يفكر بيها ونام
كعد الصبح ونزل يتريك من ٧ نزل لكه سارة كاعد تحضر الريوك لنفسها
عمر: صباح الخير
سارة: ياهلا بهل صباح كلبي يكلي اليوم انته توديني للمدرسه
عمر : صحيح
سارة: يمه فديت
عمر : يله كملي ع السريع
سارة : اووه اوك
كملت وطلعت وصلو نزلت ونفس الوكت جتي اسيل
سلمت عليها سارة وراحن واني عيني عليها لما طبت
وضلت ع هل حال سنتين وهسه صارت بلخامس اعدادي جنت بلواجب دك الموبايل
عمر : هلو كامل شلونك؟
كامل بحزن : والله مو زين
عمر :خير ان شاء الله
كامل: الوالد انطاك عمره
عمر : الى رحمة الله مسافه الطريق وجايك
كامل : لا عمر دوامك لتعوفه
عمر : عيب عليك يادوام واني الي معتبرة ابويه ديطببو جوا التراب جايك وسديت الموبايل
وطلعت بسيارتي عدل بملابسي العسكريه
ورحت دكيت ع محمد بلطريق كتله روح اخذ سارة من المدرسة وجيبها لهل عنوان كالي ليش كتله معليك بس جيبها وفعلا اني نزلت للبيت مال صديقي كامل وكف اخويه وجاب سارة كتلها سارة جدها ل اسيل مات واريدج تنتضريها لان اذا جتي تنصدم والبيت هوسه محد بحالها اريدج تسانديني ، سارة كامت تبجي وتكول ماشي
رحت طبيت البيت هوسه وصياح وعياط ونسوان تملخ بنفسها شلنا دنطلع صارت بوجهي اسيل وعيونها مدمعه صحت سااااااارة
نروح ل اسيل
اسيل : كعدت ك العاده رحت لبيت جدو سلمت ع بيت جدو وطلعت للمدرسه بلدرس الخامس اجتي المعاونه كالت سارة محمود يردوها اهلها جوي عليها طلعت سارة واني ضليت للحله وطلعت لكيت الطرف هوسه وبيت جدو مفتوح الباب امشي وابوع للناس وكلبي مقبوض واشوف الجوارين الله يرحمه وهل سوالف افتهمت جدي ميت طبيت باب الحديقه باوعت شايلين الجنازة صار بوجهي واحد لابس عسكري وعيوني مغوشه ميزته من لبسه سمعت احد يصيح سارة وبعد محسيت ع نفسي
نرجع ل عمر
عمر باوعت اسيل كدامي صحت سااارة وكعت اسيل ركضت عليها وكعت بحضني والناس هوسه محد بحال احد جتي سارة كلتلها مو كتلج عينج عليها وشلتها وديتهة لبيتهم اني وسارة واختها رهف وطبعا البنات بس يبجن طببتهة وغسلنه وجهة صحت وكامت تبجي وتصيح وسارة تهدي بيها واني واكف صفح مادري شسوي تالي عفتهم وطلعت ويا الزلم
اسيل : حسيت احد ديغسلي فتحت عيني شفت ضابط عسكري واكف وسارة ورهف يغسلولي بديت اصيح واعيط اخذوني لبيت جدي
عمر : طلعت ورا عشر دقايق طلعن البنات وراحن لبيت الجد
صارت الفاتحه واني وسارة معفناهم ٣ ايام وامي جتي واختي واخوتي يوم الثالث هوسه وديوزعون الاكل شفت اسيل تخدم بلفاتحه ويا البنات بس مصفره ادري بيها مدتاكل ولا تنام من سارة كالتلي
رحت داخذ المواعين منها جان توكع شلتها وطبيت من باب الورا لان من كدام نسوان وعيب اطب خابرت ع سارة كلتلها تعاي بلكراج واني كاعد احاول اكعدها جتي سارة شهكت هاي شبيها كلتلها اني المفروض اسألج ليش تخلوها تشتغل وهي تعبانه عاد اخذتلي طريق واجه عمها اخذها من ايدي ديطببها واني ولا اريد اعوفها المهم خلصت الفاتحة و مر اسبوع رجعت اسيل تداوم ورجعت امي لسوالفها الي متجوز منها شوكت تزوج وكبرت واخوك الصغير راح يتزوج وانته بعدك تالي كلتلها انتضري يوم جنتج تكبر امي ضحكت عزة العزاك شنو تكبر شكد عمرها كلتلها ١٧ كالت يوم شنو ١٧ بعدها صغيرة كلتلها مو دكلج انتضرها تكبرر كالت يعني انته متكبر بس هي كلي منو هيه وهسه اخطبها بكوة هديت ب امي ورا شهرين اجتي اختي كالت الحك سمعت جايين خطابه ل اسيل اني فارت اعصابي مدري شسوي كلتلها شمدريج كالت رحت وياها لبيتهم ولكينه سيارات بلباب وكالو بنات عمها جايين خطابه ل اسيل
شلت موبايلي وخابرت كامل
عمر : هلو كامل شلونك ؟
كامل : هلا خويه الحمد لله
عمر :دومك اكلك اذا ممشغول تكدر تطلعلي واجيك نسولف
كامل: والله خويه ياريت بس مو هسه عدنه خطار
عمر : خير اخويه خوما صاير شي
كامل : لاسلامتك بس جايين خطابه ل اسيل بت اخويه وعيب اعوفهم
اني نسدت بوب الدنيا بوجهي كتله ماشي اخويه الله يقدم الي بي الخير وسديت الموبايل واني اعصابي فايرة مادري شسوي
صعدو سيارتي وطلعت وكفت براس طرفهم طلعو السيارات ولحكتهم وضليت ورا سيارة الي علساس العريس كسرت عليه ونزلت وهو هم نزل
