صغيرة قلبت كياني - البارت ٣ -
----------------
صغيرة قلبت كياني
---------------------
الولد : خير اخويه محتاج شي
شافني لابس عسكري كام يخاف ويتلعثم
الولد : العفو سيدي تفضل محتاج شي
عمر : من النهاية ماعيد كلامي تخابر هسه ع اهل البنيه الي خطبتها قبل ساعه وتكوللهم تراجعت ماشي
الولد: خير سيدي ليش
عمر : لان اني متاكد متريد راسك ينفصل عن جسمك
البنيه بت عمي واني ناهي عليها وانته اكيد تعرف شنو ناهي عليها
الولد : العفو سيدي والله ماجنت ادري
عمر : وهسه دريت يله خابرهم كدامي
الولد ماشي وخابر ونهى الموضوع كدامي
عمر: عفيه هيج اريدك
عفته وطلعت لسيارتي وللبيت عدل نزلت تعشيت وكلت لاختي حضريلي عشا
نزلو العشا تعشينه كلتلها يوم محتاجج بشغله انتي ومصطفى ورا العشا كالت يصير خير وكمت كعدت بالاستقبال جوي امي ومصطفى
امي : كول يوم خوفتني صاير شي
مصطفى: عمر خير واكع بمشكله لاسامح الله
عمر : لا خويه لتخاف بس رايدكم بموضوع
امي: كول يوم
عمر: يمه جنتج الضاهر ملازم ننتضرها تكبر لان من هسه ديجوها خطابة وخاف تضيع مني
امي: يمه كللللللللوش واخيرا راح افرح بيك
طبن خواتي يتراكضن
عمر : اي يوم راح تفرحين باجر اريدج جاهزة انتي والبنات وادز مرت عمو عيسى وياج لان تدرين مرت عمر يحتاجلها عشيرة تروح تتقدملها
امي : والله واكثر من عشيرة بس ماكتلي من هيه
عمر : اسيل بت وائل عمها كامل
امي : والله ونعم الاختيار ادب واخلاق وجمال هي تدري راح نروح نتقدملها
عمر : ومنين تدري
امي : غير انته تكوللها
عمر : استهدي بلرحمان يوم شكوللها بحياتي ماحاجي وياها اني عرفتها عن طريق كامل وسارة بس بحياتي محجيت وياها صار سنتين اراقبها من بعيد
امي : ماشي يوم باجر الا اخطبها الك
عمر : اي والله يوم الله يطول بعمرج بست راسها ورحت لفراشي علساس انام واني كل تفكيري بيها خاف متقبل وخاف وخاف حسبه تجيبني وحسبه توديني تالي حلفت لو الي لو متصير لغيري يعني سنتين احبها وتالي يم غيري تنام توكلت ع الله ونمت
كعدت الصبح طبيت امي دتسوي الريوك والبنات ويها بوستها
عمر: صباح الخير حجية
امي: صباح الورد على احلى عريس
عمر : لو هيج الصباح لو مينراد
امي : يله اكعد تريك حتى نروح ناخذ مرت عمك ونطلع ع مرت وليدي
عمر : هههههه من هسه صارت مرت وليدج الله يسمع منج وتقبل
امي : وليش متقبل وين تلكي احسن من عمر ابني الضابط والجمال
عمر: هو هذا الي مخوفني الضابط هسه تكلك ضابط ويموت واترمل
امي : اسم الله عليك يوم ليش هيج تحجي
عمر : ان شاء الله يوم
تريكنه وسارة بس تسمع حجي وتحجي ع اسيل وتمدح بيها كدام امي
كملنه بدلت وطلعت لكيتهن متحضرات طلعت لابس عسكري ورحنه لبيت عمي اخذت مرت عمي الجبيرة ومرت عمي الخ ورحنه وكفنه بباب بيتهم جان اكو مي يطلع من جوا الباب جان مبين ديغسلون الحوش دحجي ويا امي وعيني ع بابهم جان يجي ابن كامل وفتح باب بيتهم وجان تبين لابسه دشداشة سمائي ورافعتها ومبينه رجلها وشعرها ماشاء الله شلال وعلى شهرها رغم هي شادتها ذيل حصان خطفت كلبي وصفنت محسيت الا امي تهز ايدها كدامي دتوعيني وصوتها تصيح ع الجاهل وجتي تسد الباب شافتني ختلت ورا الباب وسدتها
امي : ها ولك شو صفنت
عمر : شفتي جنتج النادرة
امي : انته ع الندارة لو الجمال
وكل الي بلسيارة كامو يضحكون
ونزلو واني بقيت انتضرهم لما دكو الباب وطبو سلمو عليها خلصوها بس يبوسون بيها
واني رحت وبكلبي ادعي يقبلون
نروح ل اسيل
هسه فترة عطله ٣ اشهر كعدت الصبح نضفت اني ورهف وقسمنه شغل البيت وصار غسل الحوش عليه رحت داغسل بي واني رافعه دشداشتي
نفتحت الباب حسين ابن عمو كامل عمر ٧ سنين فتحها صيحت سدها مقبل انهزم رحت اسدها وانزل بدشداشتي شفت سيارة ببابنه وبيها نسوان وواحد لابس عسكري منتبهت ع شكله سديت الباب بسرعه وضليت انتضرهم يروحون لو اشوف سالفتهم شنو وشعدهم بلباب ندكت الباب فتحتها جانن ٣ نسوان كبار بلعمر وثنين صغار اني شايفه ثنين منهن بفاتحه جدو بس متذكرت مننه طبن بوسني عبالك يعرفني صار سنين وطبن كلتلهن تفضلن طبن للصاله وكعدن جتي ماما وكعدت وياهن واختي الجبيرة هم جنت يمنه جتي اني رحت اسويلهن عصير وكيك جتي رهف
رهف : امي تكول تعاي يردوج
اسيل : اني شيسوون بيه
رهف :شمدريني يجوز خطابه
اسيل : تفوو عليج خطابه ياخطابه بعدني صغيرة
رهف: ديله يله امشي
اسيل : طبيت وسلمت وقدمت الجاي والنسوان عبالك يضربني بليزو عيونهن على كل جسمي ويتغامزن وتهامسن بينهن طلعت ورحت للمطبخ اكمل تنضيف
طلعن النسوان بلباب واشوف السيارة نفسها جتي عليهن واخذتهن وهم مانتبهت ع الولد الي بيها
جتي امي وكلتلها ماما منو ذوله النسوان كالت هاي امها لصديقتج سارة واختها ونسوان عمها
اسيل : جوووذب ليش ماجابو سارة وياهم اريد اشوفها
امي :تشبعين منها بعدين
مركزت ع كلامها وكملت تنضيف
نروح ل عمر
عمر رحت بعد ماخابرت امي وكالت تعاي اخذنه وكفت بلباب وطلعو سلمت ع المرة (الي راح تصير حماتي مستقبلآ😁) وصعدن امي وكالت امها تكول نحاجي عمامها وابوها والله كريم
وصلتهم للبيت واني تفكيري بيها وبجواب اهلها شنو راح يكون دخت من التفكير ونمت
كعدت ع صوت دكت موبايلي
