البارت ١٤ والاخير
السلام عليكم
--------------
صغيرة قلبت كياني
--------------------
انتبهت على نفسي سبحان الله واكف على حيلي واني جنت معاق امي جتي تبوس بيه واني حضنتها وابجي
عمر: يمه شفتي شصار بيها كله من ورايه
ام عمر : لا يمه لتحجي هيج استهدي بلرحمان انته شعليك
عمر : لا كله من وراي اني السبب
ام عمر : استغفر ربك يمه لتضعف اسيل محتاجتك
عمر ضليت بحضنها وانتضرهم يطلعوها وبعد ما مرت ساعه طلعت الدكتورة
الدكتورة : الحمد لله على سلامتها والاطفال حتالتهم كلش زينه واجهنة صعوبه لان الطفل لاف الحبل السري على الطفل الثاني بس الحمد لله هسه حالتهم مستقرة
عمر: واسيل شلونها؟
الدكتورة : حاالتها مستقرة نص ساعه ويطلعوها تشوفوها
عمر : الحمد لله ياربي
ام عمر : شكرا دكتورة الله يحفضج
وضلينه ننتضر عشر دقايق طلعو الاطفال امي وسارة اخذوهم اني ماريد اشوفهم اريد اشوف اسيل بالاول مرت ثلث ساعه وطلعو اسيل تون ونينها سجاجين بكلبي لزمت ايدها وابوس بايدها واتوسلها تكوم ودوها لغرفة مخصصيها الها ورا ساعه كعدت وتصيح جهالي وين جاوبلها الجهال واني من فتحت عينها ملكت الدنيا راحت امي واخذت الجهال ضليت اني ويا اسيل ورهف اختها ويانه اليل كله منمت ضليت سهران يم راسها صار الصبح🌅 واجتي الدكتورة عاينتها وكالت تكدرون تطلعوها راح عمها كامل خلص اجراءات الخروج واني ورهف جهزناها وطلعنه وصلنه للبيت امي تهلهل وتشمر جكليت على روسنه ومرت اشهر والجهال صار عمرهم ٣ اشهر رجعت لدوامي ورجعت اسل تكمل سادس لان العام تركت بسببي وسبب الحمل وداومت والاطفال سميناهم (فاطمة وابراهيم) ضلو يم امي ربتهم وهي تداوم بس تعب سادس وزواج واطفال ثنين مو واحد ويحتاجلهم رعاية وبكلوريا خطيه هواي تعبت صارت نص السنه امتحانات قبل اخر امتحان خابروني من المدرسه كالولي اسيل تخربطت بلمدرسه طلعت بسيارتي ع السريع ووصلتلها مصحيها اخذتها للمستشفى طلعت حامل طبعآ فرحتي متنوصف بس خطية راح يزيد الحمل على اسو رجعتها للبيت وامي حيل فرحت خلصت الامتحانات وخلصت العطله ١٥ يوم ورجعت اسيل تداوم زاد الضغط عليها اكثر فوك ماجهال ودوام وبكلوريا حامل فوكاها تعبت حيل وشدت حيلها وبعدنه الاطفال عنها حتى تشوف مستقبلها وبعدت عني والحمد لله امتحنت ورا فترة طلعت النتائج الحمد لله نجحت بمعدل ٧٨ وانقبلت الكلية الي رادتها تربية انكليزي وداومت كليه صارت بشهر ٥ وعرفنه حامل بتؤام راح يصيرون عندي اربع اطفال بس اسيل حيل حيل تعبت وتمرضت وتركت الكلية وجابت ولد ثنين(امير وايمن ) يخبلون على امهم و خبلوني وخبلو امهم النهار كله يبجون ميخلونه ننام بليل وابراهيم وكح يكتلهم وفاطمه بت امها دلوعه المدللة تتماوع هواي بس اموت عليهم ورجعت داومت اسيل وعشنه احلى ايام حياتنه ويا الاطفال وامي الله يحفضها
بعد ٨ سنوات
كبرو الاطفال فاطمة وابراهيم بل ثاني ابتدائي وامير وايمن بل اول ابتدائي ميحتاج اكوللكم على وكاحتهم ويوميه شكوى من المدرسة مسوين فيلق ويسموهم فيلق المقدم عمر بل ادارة اني اتحولت النقطه مالتي قريب من المنطقة اسيل نزلت درجتها علمود الاطفال وصارت معلمة ابتدائية (قلت الشكاوي على الفيلق مالتي ورا ماصارت امهم معلمة بلمدرسة)ههههه رحت اخذهم من المدرسة بلسارة وكفت وطلعولي
اسيل : ابراهيم لبس اخوك الجنطه ابوك دينتضر
ابراهيم: واني شعلية معنده ايد
فاطمة : اني البسه
وطلعنه ل عمر
فاطمه : بابا بابا
عمر : حبيبة البابا موااح💋
اسيا
انتهت القصة اتمنى تكون عجبتكم
-------------------------------------
العبرة من القصة:
قال تعالى ((عسى ان تكرهوا شيئآ وهو خيرآ لكم))
اسيل كانت رافضة بلبداية بس بعد ماعرفت عمر حبته وعاشت اجمل قصة حب ويا وصار عدها اجمل عائلة[عمر -اسيل-ابراهيم -فاطمة - ايمن- امير]
قال تعالى ((ان الله مع الصابرين ))
عمر صبر سنين على اسيل وبالنهاية صارت زوجتة وام بيته وعاش حياتة ويا عائلتة بسعادة
______ ______ _______ ________
ها صدك نسيت اكوللكم اسيل طلعت حامل بس لاتطلع حامل ب تؤام 😂😂
''''''''''
