خطيئة قلب

الفصل الثالث

بصبح عليكوا بفصلين اهه
------------------------------------------------------------

كانت تجلس شارده تتذكر اولادها ... لكن اين هم احدهم هاجر الي ايطاليه بعد وفاة زوجته والاخر مشغول بعمله

-مالك يا فريده هانم قاعده لوحدك ليه

-كده بردو يا أيهم تخضني

-معاش الي يخضك او يزعلك يا ديدة هانم بس برضوا مجوبتيش علي سؤالي

-سؤال ايه يا زفت وتمسك من احد اذنيه

-اه ممكن تسيبي وداني انتي بقيتي من اكلت اذن البشر ولا ايه

-بس يا واد ايه اكله اذن البشر

-اعملك ايه انتي ورمتيلي ودني بس شكلك زعلان

- أخوك وحشني هو بنته اوي

-تصدقي الدمعه هتفر من عينه ايه شغل الابيض واسود وامينه رزق وافلام الستينات يا حاجه

-تصدق انك قليل الادب وانا معرفتش اربي

-انا قليل الادب يا فريده

-ولد

-ولد ايه انا زعلان منك ومعبي اووي اخص عليكي بجد

-طب خلاص يا حبيبي متزعلش

-ايوة كده يا جميا فكيها بكره تروق وتحلي واذا كان علي باسل سافري غيري جو وروحيله

-يا رتني اقدر يا بني وبعدين هسيبك لوحدك هنا

-علي اساس اني بيبي صغير مستني الببرونه ماما انا عندي 30 سنه ومراتي معاايا اي نعم انا مستغناش عنك يا ست الكل بس بردوا ميمنعش انك تغيري جو وتشوفي ابنك وحفيدتك يا فريده يا قمر انتي

- سيبك مني ومن باسل مش ناوي تفرحني يا ايهم

-افرح ايه يا ديده انت جالك الزهايمر ولا ايه ما انا متجوز يا حاجه

-ولد انت عارف قصدي كويس مش ناوي تجدعن انت ومراتك وتجبولي حفيد

-تاني يا ماما انتي مبتزهقيش

-يا ابني ناوي تخلف امتي لما يبقي عندك 60 سنه عاوزة افرح بعيالك وانا عايشه

-يا ماما الموضوع مش في ايدي انتي عارفه مايا شغلها واخد كل وقتها وانا كمان

-مليش دعوة انت الراجل وكلمتك لازم تمشي علي مراتك وبعدين الست مننا ملهاش الا بتها وجوزها وعيالها وبعدبن انت مش مخليها محتاجه حاجه

-حاضر يا امي انا هطلع فوق بقي مش عاوزه مني حاجه

-خدني علي قد عقلي يا ايهم .. انت حر بس متجيش بعد كده تندم وتقولي منصحتنيش ليه يا أمي

-والله يا ماما هفكر في الموضوع

-انت لسه هتفكر عوضي عليك يا رب