نجماتك رتبه قلبي

البارت الأخير

#نجماتك_رتبه_قلبي
البارت 12 والأخير
#Rehab
عمار،، نقلوا علي لغير غرفه ... بقينه كاعدين يمه ... اني واحمد ... وابوي رجع للبيت وياه هشام

خطيه تعب الليل كله ... كاعد خفت عليه ... لا يتخربط عليه ... وره ساعه تقريبا

حسيت علي بده يحرك ... باصابع ايده ويفتح عيونه ... ويسدهن طفرت يمه ... سلامتك خويه ... درت ع أحمد

أحمد روح صيح الدكتور ... يجي يشوفه ... راح أحمد يركض ... شويه واجه الدكتور وياه

وخرت عن علي ... وبده الدكتور يفحصه ... دك موبايلي طلعت اخابر

عمار،، الووو هااا بويه شلونك

ابوي،، هلا عمار ... هااا بشر اخوك شلونه

عمار،، الحمد لله كعد ... وهسه الدكتور يمه جاي يفحصه

ابوي،، الحمد لله ع كل حال ... يلا هسه شويه ونجيكم

عمار،، ان شاء الله ... سديت الموبايل ورجعت يمهم ... كمل الدكتور فحص

الدكتور،، لا الحمد لله ... ماكو اي شي وطلعت كدها ... عدت سلامات ... بس انتبهوا اذا ... بده يشكي من راسه راجعوا اختصاص

وان شاء الله ماكو شي ... وايدك أن شاء الله هم تطيب ... بس التزم بالعلاج

عمار،، ان شاء الله دكتور ... زين شوكت نكدر نطلعه

الدكتور،، خلي حالته تستقر ... ونتأكد من الفحوصات ... يعني حسبت كم يوم ... ويكدر يطلع بس يحتاجله راحه

عمار،، طلع الدكتور ... هااا خويه شلونك هسه

علي،، الحمد لله بس راسي يأذيني شويه ... وايدي هم توجعني ... اكلك عمار شجابني هنا

عمار،، مسوي حادث وخلفله ... ع ولد الحلال ناقلك للمستشفى ... وخابرني بلغني بالحادث

اكلك انت شطلعك فوك ال 1 ... ماكدرت تبقى للصبح يلا ترجع 

علي،، عمار سيارة عكست عليه ... ماكدرت أتخلص منها ... وصار الي صار

عمار،، يعني شنو يردون يكتلونك ... تقصد عمليه اغتيال ... ورادوا يتخلصون منك لو شنو

علي،، لا مااعتقد جانت عمليه مدبره ... لان من قربت السيارة يمي ... الي بيها جانوا بحاله سكر يعني سكرانين

عمار،، استغفرالله ربي ... الحمد لله ع كل حال ... نص ساعه وأجوا اهلنه

خابرني هشام ... طلعت تلكيتهم ... جان جاي ابوي وامي وهشام ورنيم

سحبت هشام من ايده ... وهمست بأذنه ... ماتكلي المن جايب النسوان وياك

هشام،، امي كامت تبجي ... تريد تجي وكابلتها رنيم وياهم ... ابوي كال خلي ناخذهن ويانه

عمار،، اوووف يلا شنسوي ... وصلنه للغرفه دخلت ... امي كامت تبجي ... شبكت علي وتبجي بصوت عالي