شلونكم حبايب
عندي استفسار بسيط 😊 قبل لا أختم قصه #نجماتك_رتبه_قلبي
اريد اعرف آرائكم من ناحية السرد وتتابع الأحداث ...
لاتنسون اني مو كاتبه متمرسه وقديمه ... لا اني كاتبه جديده وبعدني بدايه الطريق واعرف اذا اريد اصير من ضمن الكاتبات الناجحات يرادلي وكت وطولت بال وتوفيق من الله 😊
حبيت اعرف شنو رأيكم بالقصه وهاي القصه الثانيه الي اكتبها ... أعترف انو اول قصه إليه #ضياع_طفله مالاقت إعجاب وتفاعل المتابعين لكن كانت بداية إليه بالكتابة
البعض يكول قصتج عبارة عن كتاب صايرة ونقره بي ... هذا أول انتقاد شفته لقصه #نجماتك_رتبه_قلبي
الانتقاد الثاني : البعض يكلي قصتج بيها هواي أحداث عاديه وممله ... زين اوك هي حياة يوميه للعائلة العراقيه يعني روتين يومي ... وما جاي اطوخ بالروتين يعني مرات اختصره
الانتقاد الثالث : تكولون البارتات قليله ... اني مااشوفها قليله يعني زينه تنقري مو كلش طويله وتصير ممله ولا قليله ومايصير بيها تفاعل للبارت وشد المتابع يقره
الشغله الأخيرة : الاغلبيه يسألون الجرائم حقيقية لو خيال ...
سبق وكلت انو القصه حقيقية ممزوجه بخيال ... لكن كل الجرائم الي اكتبها حقيقية وداخذها من الملازم علي
واحنه مو تونه اجينه للدنيا ... ومانعرف شديصير بالشارع العراقي من جرائم يعني هاي شغله الجرائم صارت سهله عدنه وياهو الاجه وقتل ابو أو امه أو عمليه اغتصاب أو غيرها
أنت تقرأ
نجماتك رتبه قلبي
Aksiقصه حقيقيه ممزوجه بالخيال ... ضابط من اهالي الناصرية ... يروي لنا ابشع الجرائم ... في الشارع العراقي ...وتبدأ قصه حبه مع ابنت عمه ...قصه تجمع بين الرومانسية والجرائم
