الحب العذري ?

البارت 21

ياسمين:لا وين اصلا متاخره بالنوم اني اليوم كل مره اكعد ب8 صدك ماما اجتي لو بعده

علي:اي اجتي وهي جوه نايمه بالغرفه ترتاح لان الضاهر البارحه تعبت حييل بالمستشفى

ياسمين:الله يساعده خطيه لو اعرف هي ليش مستمره بهذا الشغل اليتعب وتسهر بالمستشفى وتلزم خفارت والله لو تترك احسن
او تقدم ع مطالبه تقاعد بلكي يقبلون يطلعوه تقاعد لان حييل جاي تتعب هيه

علي:حجيت وياهه قبل لاتحجين بس رفضت وكال شغلي ودوامي متركه منا لمن اكمل السنين المسموح الي بيهن دامي واطلع
تقاعد واكعد

سرى:عمتي واعرف بيه اذا رادت شي لازم تسوي مهما يصير وشغله ودوامه هي متعوده عليه موجديد عليه وهي صارله سنين
ادوام بيه لذلك اكيد متركه

علي:خليه براحته منكول بس الله يساعده

ياسمين:يلا اني اكوم انضف البيت وانتي سرى كملي الطبخ وضلي هنا بالمطبخ

سرى:لا اني معندي شي خلي اساعدج بالتنضيف احسن

ياسمين:لا حياتي ضلي هنا بالمطبخ اني متعوده انضف البيت وحدي وهسه راح يكعدون الجهال انتي تحمليهم

سرى:يااااا محسبتله ولج يعني مفكره ذبين الجهال عليه 😨😨

ياسمين:😂😂😂😂 لا والله بس جهالج انتي اعرف بيهم اني ادوخ ومكدر اسكتهم يلا عيني باي كمت من المطبخ رحت نضفت
البيت ومسحت الاخشاب من الغبار كعدت ماما من النوم وراحت يم سرى وعلي صار وقت الاذان دك تلفون ماما ماما ردت صار وجهه
اصفر ونخطف لونه

الام:رجعت للبيت لكيت سرى بالمطبخ هي وعلي كاعدين ومحمد وحسين طالعين لدوامهم رحت ارتاح شويه لان تعبت بالمستشفى والزم
غفاره الليل كول لحد الصبح تخلص غفارتي نمت
شويه وكعدت لكيت ياسمين تنضف ومرت علي هي والجهال وعلي كاعدين بالمطبخ

دخلت عليهم دك تلفوني يمي باوعت ع رقم رقم ابو علي ردت عليه
المتصل:الووو السلام عليكم
الام:وعليكم السلام تفضل منو
المتصل:انتي زوجت ابو علي
الام:اي نعم تفضل ليش

المتصل:اختي ابو علي تخربط ونغمه عليه وهسه احنه بالمستشفى حبيت انطيج علم
الام:حجه الشخص وكالي ابو علي متخربط حسيت نفسي دخت ورجليه مشيلني بسرعه وكعت سمت بس علي صاح يمه وبعده معرف شصار

علي:دك تلفون امي ردت انتبهنه عليه لونه نخطف ووكعت بسرعه كمت ادك ع وجهه متكعد واذب مي ماكو ردت فعل منه ابد بس سمعت
ياسمين صرخت وصاحتلي علي بابا

ياسمين:امي وكعت علي وسرى راح يكعدون بيه ماكو درت فعل منه بس انتبهت ع جهاز خط مفتوح اخذت وحجيت وي المتصل كالي بابا
بالمستشفى متخربط حسيت الدنيا وكعت ع راسي وصحت علي بابا رحت اله ولك علي بابا بالمستشفى وكمت ايجي

علي:ياسمين كالتلي بابا بالمستشفى مفهمت شي منه دخت امي وكعت وياسمين تصيج بابا بالمستشفى والجهال ضلو يصارخون صحت بيهن
كتلهم كاافي اسكتو خلي افهم شكو اخذت جهاز امي دكيت ع رقم ابويه رد عليه شخص وكالي متخربط وهو بالمستشفى بالبصره