ياسمين:رحت اني واخواني ع بابا نبوس بيه ونبجي وهو يريد يحجي مايكدر اجه علي دخلنه جوه بالبيت ضليت اني كاعده يم رجل بابا وابجي اباوع لاامي دك وتطلم ع صدره اتمنيت ميته ولااشوف بابا بهالي الحاله بس ماكو اعتراض ع حكم الله الحمدلله والشكر ع كل حال مرت الايام وبابا نفس حالته بس نلاحظ عليه مكسور نشوفه متغير حييل وماما لمن اشوفه هجي تتعب حالته حييل عليه علاوي خطيه كل سبوع يطلعه ويغير عليه جو ومرات بالسبوع يطلعه مرتين حسب فرغته خلص حسين امتحاناته والحمدلله طلع ناجح بس هو مأجل درس واحد لان مداوم بيوم الامتحان ومحمد كذلك نجح والحمدلله وكذلك هو كان مأجل درس بس امتحنه بعد الامتحانات فورا لذلك ماضل عليه درس ممتحنه حسين امتحن بالشهر 9 الدرس الي ممتحنه
حسين:بعد الي صار لوالدي حالت البيت تعبت حيل واشوفه لوالدي مكسور نكعد مرات نذكر شلون لمن جحان يدخل للبيت بهيبته ضلينه نداري مثل الماي بالصينيه صح ميكدر يحجي بس نفهم عليه بسرعه كملت امتحاناتي وامتحنت الدرس الي ممتحنته ونجحت والله مضيع تعبي وهنا قررت اسافر اجه علي للبيت وكلت خلي احاجي افظل
علي:بعد وكعت والدي اتحملت المسوليه عليه وردت ارجع اسكن بالبيت وي اهلي بس امي مقبلت والدي طلعت اله راتب تقاعد شهري لان هو اله اكثر من 30 سنه يخدم بعمله ومباقي اله بس كم سنه ويطلع تقاعد لذلك وافقو ع راتب التقاعد ضليت استلمه اني واخليه بيد والدتي وضليت ع تواصل وي اهلي دائما وع فرغتي اجي اخذ والدي واطلعه حتى يغير جو بيوم من الايام رحت لبيت اهلي فتحت الي الباب ياسمين
علي:شلونج يسومه شخبارج ياسمين:هلا علاوي حبيبي تمام بخير انته شلونك علي:عسااج بخير الحمدلله اني ياسمين:شنو ليش مجبت سرى وياك علي:والله مجبته لان ادري الجهال بكلبون البيت وابوي منا مريض لذلك ماجبته ياسمين:😒😒 جيبه المره الجايه وياك لان مبقه شي ع دوام علي:ان شاء الله يدلل الحلو وين امي وابوي ياسمين:تعال جوه كلهم مجتمعين علي:دخلت السلام عليكم الكل كاعد الام:هلايمه هلا يبعد امك علي:بعد عمري يمه رحت بس ابوي براسه وامي براسه شلونكم شخباركم الام:يبعد امك بخير الحمدلله انته شلونك مريتك جهالك شلونهم علي:الحمدلله يمه بخير يبوسون ايدج الام:بعد يمه الله يحفظهم علي:كعدت اسولف وي اهلي عن البيت والجهال والشغل باوعت ع حسين اشرلي نكوم اشرتله براسي اي حسين:اجه حسين كعد يسولف قررت احاجي بموضوع سفري اشرتله يكوم واترخصت منهن ورحت للحديقه ورى البيت علي:اني اشويه واجي ماطوول الام:براحتك يمه روح علي:رحت لغرفه حسين لكيته مموجود رحت للحديقه لكيته كاعد ومنتضرني ضريته ع جتفه هااولك حسين:هلا خويه تعال اكعد علي:اي صار كعدت كباله خير حسوني احس اكو شي حسين:حبيبي سلامتك بس اريد احجي بموضوع علي:خير حبيبي احجي شنو محتاج فلوس شي حسين:لا يالغالي ممحتاج فلوس عندي خير من الله وصارلي فتره اشتغل بس اريد اكلك ع موضوع السفر علي:حسين قصدك ع سفرك حسين:اي علاوي امتحانات وكملت الحمدلله ونجحت وامتحنت الدرس الامأجله لذلك اريد اسافر اعرف الضروف شويه صعبه بس علاوي مجاي اكدر اتجاهل هل شي ومجاي اكدر انساهه علي:والله حسوني عادي واهلي اني اتكفل بيهم بس شلون تقنعهم وخصوصا امي حسوني:،علاوي احجي كلشي الهم واني بس اتخرج ارجع والله هم انساهه وهم ادرس هناك واخذ شهادتي مناك واجي علي:،هاي هي حسون التشوفه صح سوي حسين:بعد عمري خويه الله يحفظك يلا تعال نكول الهم بس انته احجي الهم علي:يلا امشي دخلنه للبيت لكيناهم ع كعدتهن كعدنه كعدت وحسين كعد كدامي ممكن تنتبهون الي عندي موضوع وياكم الام:هااا يمه شكو شصاير علي:لتخافين يمه ماكو شي بس اريد احجي موضوع وهل موضوع يخص حسين الام:احجي يمه شكو علي:يمه حسين يريد يسافر الام:يااايمه وين يريد يسافر ولك يمه حسين وين تريد تسافر علي:يمه حسين يريد يسافر بسبب معين الام:خير يمه شكو شنو السبب علي:بمه حسين جان يحب بنيه وياهه بالكليه وراد يصارحه بس يخجل وبسبب خجله وتأخريه خسره للبنيه لان صديقه سجاد خطبه للبنيه وهو مايكدر يشوفه كدامه وهي وي اعز صديق عنده وهذا حسين كدامج واسئلي الام:يمه حسين صدك حسين:اي يمه صدك يمه اريد اسافر حتى انساهه واكمل دراستي هناك الام:يمه الدنيا كومه بنات بيه وهاي الدنيا متوكف عليه وانته الف وحده وحده تتمناك حسين:يمه مو بيدي والله هذا الشي والله اتمنه الموت ولااشوفه لازم ايد سجاد ومااكدر اخلي عيني عليه وهي خطيبه اعز صديق عندي لذلك يمه اريدكم توكفون وياي وساعدوني الام:والله يايمه مابودي تسافر بس شسوي اريد راحتك حسين: بعد عمري يمه فدوه اروحلج الام:وين يمه ناوي تسافر المن حسين:ان شاء الله اسافر المانيا هناك احسن دراستهم الام:هاي هي يمه الله يوفقك حسين:قبلو اهلي ع سفري رحت ثاني يوم سويت جواز بعد سبوع استلمته حضرت اوراق السفر صار سفري يوم ثلاثاء يصادف اشتريت كم شغله منا الاحتاجهن واخذ وياي اجه يوم الاثنين حضرت جنطي واوراقي اجه علي هو وزوجته وجهاله يسلمون عليه واجه صديقي سجاد هو وخطيبته هم يسلمون تمنيته مااجتي خطيبته لان اني راح ابتعد واسافر لحتى انساهه صارت الساعه ب7 بالليل اريد اطلع لمطار بغداد لان من بغداد سفري نزلت لكيت امي تبجي هي وياسمين ماكدرت اسيطر ع نفسي بجيت وياهن يمه ديري بالج ع نفسج وع ابويه لتضوجين الام:يمه معرف شلون راح اكدر ع فراكك حسين:بعد عمري يمه اني هم والله بس شسوي مو بيدي ادعي الله يوفقني الام:يمه الله يوفقك ويفتحه بوجهك 😢😢 حسين:ياسمين حبيبتي ديري بالج ع نفسج وع دراستج لتخلين امي تتعب اهم شي دراستج هاي السنه سادس وبكلوريا ياسمين:حبيبي ان شاء الله من عيوني انته هم دير بالك ع نفسك 😢😢 حسين:باوعت لاابوي رحت كعدت يم رجليه يابه اني رايح اريد رضاتك عليه وسامحني وادعي الي الله يوفقني و اذا بيوم من الايام ضوجتك 😢😢 احجي وابجي اباوع اله هو هم ضل يبجي بس ايده وراسه سلمت ع كل وطلعت صعدت اني وعلي بسياره راد يوصلني للمطار مقبلت لان الدنيا لليل وطريق بغداد صعدني بسياره وصعدت اني ودموعي تصب دخليك ياربي اوكف وياي وي اهلي وصبرني ع فراكهم
ياسمين:سافر حسبن وامي ضلت يوميه تكعد تبجي ع فراكه اني مابيدي شي اسوي هي ام وكلبه مثل كلب كل ام متتحمل فراك ابنه اكعد اهون عليه واصبره بده الدوام وهاي السنه كلش صعبه لان سادس وبكملوريا واني علمي داومت اول يوم مااخذنه شي بس اسلمنه الكتب بعده بيومين بدينه بالدروس ضليت ارجع من المدرسه للبيت انضفه واكمل واكعد اقره واذا دوامي صباحي انضف بالليل وانام حتى الصبح ماكو شي يحتاج تنضيف وماما حولت دوامه خلته بس بنهار اداوم ضليت اقره بدروسي ومحمد كذلك بده مرحله جديده بالكليه وخطيه هم يتعب مرات اذا ماافتهم شي اروح اله يعلمني عليه الي ان اجه يوم اني كاعد اقره واندك الباب رحت افتحه صحت منو كال اني كتله منو انته كال اني ياسر صديق محمد محمد هنا كتله فد لحظه اصيحه الك
ولحد هنا خلص البارت شتتوقعون راح تبدي قصه ياسمين وياسر لو لا ☺😊 زهراء الغرابي .......
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
