الحب العذري ?

البارت 20

سرى:اي صح خويه ع كولت ابو المثل اتعب تلعب وان شاء وره تعبك هذا فرحه

حسين:الله كريم خويه ان شاء الله تعبي ميروح

علي:شفت حسين اجه كعد يمنه اجت ابالي موضوع سفره بعده مقرر ع سفره لو لا حاجيته حسوني حبيبي تعالي نطلع نفتر اشوي

حسين:كاعد وحاجاني علاوي كلي خلي نطلع نفتر شوي عرفت عنده شي لذلك طلب مني هذا الشي اي والله ياريت نطلع شوي

لان مليت من البيت والقرايه اريد اطلع اغير اشوي وطلعت اني وياهه نتشمه

علي:حسوني طلبت منك نطلع سوه حتى يصير النه مجال سوه واحجي وياك

حسين:اي اعرف خير علاوي كول اكو شي

علي:لا خويه سلامتك بس اريد اعرف بعدك ع قرارك مال السفر لو بطلت بعد متريد تسافر

حسين:جريت حسره اوووووف علاوي اي بعدني ع قراري ومنتضر بروح تخلص الامتحانات حتى اسافر لان بالكوه جاي اتحمل منضرهم

سوه حتى ابتعدت عنهن لان خاف سجاد يكشفني حاط عيني ع خطيبته وتصير مشكله

علي:الله كريم خويه اذا هذا الشي تشوفه يريحك سوي وارتاح بس شوكت مفكر تكول لاامي وابويه ع سفرك

حسين:كلت بس اخلص امتحانات اكول الهم و عادي اكول الهم ع موضوع واكيد همه راح يتفهموني

علي:هاي هي ان شاء الله خير وضلينه نتمشه سوه ومرينه ع مرطبات اخذنه ايس كريم ورجعنه للبيت الساعه ب11 لكينه الجهال نايمين

بس ياسمين وسرى كاعدات بالحديقه

حسين:هااااا بعدجن ع كعدتجن والجهال وين

ياسمين:اي والله بعدنه ع كعدتنه جاي نسولف والجهال نامو

علي:تفضلووو اكلو عيني وبردو كلوبكم وضلينه نسولف ونضحك  ومحمد طلع هم كعد ويانه ويضل يحشش شبعنه ضحك ورحت اني

وحسين للغرفه نام حسين طلع الي برموده وانطاهه الي ونمنه

ياسمين:شبعنه ضحك ع سوالف محمد وتحشيشه تاخر الوقت صارت ب12 وربع محمد راح لغرفته وعلي راح ينام وي حسين

بغرفته واني وسرى صعدنه لغرفتي فرشت لسرى فراش ع كاعد يم جهاله وانطيت اله ثوب قصير لبسته ونامت يم جهاله واني

نمت ع جربايه ويمي جوري ورغد وضلينه نسولف سوه منا لمن خفينه فزيت من النوم ثاني يوم الساعه ب9 لكيت الجهال بعدهم

نايمين بس سرى نازله كنت بدلت وغسلت ونزلت لكيت سرى كاعده بالمطبخ تغسل ماعين والولد طالعين وعلي موجود ماخذ اجازه

ياسمين :صبااااااح الخير ياحلوين

علي:صباااح الخيرات ياقمر ليش كعدتي لو ضاله نايمه احسن الج

ياسمين:لا وين اصلا متاخره بالنوم اني اليوم كل مره اكعد ب8 صدك ماما اجتي لو بعده