كان يا زمان فتاة جميله صغيره تعيش مع اب وام متعجرفون انانيون لا يكفون عن الشجار امام هذي الطفله
وفي يوم من الايام قررا الانفصال ولم يفكرو قط ما يكون مصيره هذه الطفله التي ذنبها انها ابنتهم
مرحبا اني ودق عمري 16 سنه موصفاتي قصيره وبشرتي بيضه وعيوني سود والاحله صاحبة غمازات فضيعه 😁 اعيش ويه ابويه وزوجة ابويه ووعندي اخ واحد عمره 12 سنه واختين عمرهن 9 سنه و6 سنوات
كنت زغيره لما انفصلو امي وابويه لحضه ارجعكم بالزمن ليوره علمود تعرفون قصتي عدل
كاظم.. لج بنت الكلب شعليج بيه اروح ارجع معليج اني الرجال ومحد اله كلمه عليه
هناء.. لا والله يابه خاف متقبل واني هنا كاعده شنو خراعة خضره مو زين اني متزوج واحد مثلك خلك موضف لا تجيب ولا تودي
كاظم.. هيج اوكفيلي لعد (وانهد عله امي بالضرب ) واني جنت كاتله بالكنتور ومخليه اديه عله اذاناتي لحته ما اسمع عياطهم اخاف من الصوت العالي وجان عمري 4 وبس ابجي اخاف اطلع وانضرب ويه امي اجو اهل امي سمعتهم يحجون مديت راسي من الباب واباوعلهم شيحجون ومخليه اصابعي بحلكي اعض باضافري من الخوف ومن الطريقه التهجميه اللي يحجون بيها بيناتهم
جدي.. والله بعد ما ابقيها هنا يمك دقيقه كلب لو بيك خير تكتلها كبالي مو وراي
كاظم.. والله حجي تسوي فضل عسا درب السد ما رد اللي يشوفها يكول اني محضوظ بيها لو ما فڪر ومخلفتلي بنيه شتسوي خل تاخذ بتها والله وياها ورقة طلاكها توصلها للبيت
جدي.. والله بنتي ممضطره تتحمل خلفتك انته تحملها لبنتك بنتي بعدها زغيره والف واحد يتمناها تروح ترتبط بخلفتك. شفت امي لبست عبايتها تخبلت لان رادت تطلع واني طفله متعوده عليها وين متروح اروح وياها ركضت عليها ابجي ماما اريد اروح وياج دفعتني دفعه قويه وشمرتني بالكاع
&
&
يتبع تصويت بنات ومتابعة للقصه
