• علاوي: مخنوك ومتقزز من نفسي من السويته ويومين اني مااحجي ويااحد وغبت من الجامعه وقافل تلفوني وشامره بالسياره حسيت بذنب جبير اني شلون اتنازل لهاي الوصخه
• بنين : ولج زهراء والله ماعرف شبي ومو ذاك علاوي مخنوك ومقهور عبالنه متعارك وياج
• زهراء : بنونه اذا تحبيني خابري بابا كوليله اني مريضه اريد زهراء تساعدني بالشغل وتعالو اخذوني
• بنين : لج خاف يشك لو ميقبل
• زهراء : لا مو تعرفين بابا يثق بي
• بنين : اتصلت ابابا وجبنه زهراء واجينه وامي توصي بيه ع زهراء هههه
• زهراء : سلمت ع عمي وعمتي وصعدت لعلاوي بغرفتي لان مشتاقتله موت صار يومين مسامعه صوته ولا شايفته....فتحت الباب ع كيف عبالي افاجئه طلع نايم فقررت اسوي المفاجئة مفاجئتين ههه
• علاوي : نايم وع كلبي جبل مال هموم اني متعلم ع حسين يسوي حركات سخيفه من يريد يكعدني
لو يبحش بخشمي لو يجعص بعيني لو يسطرني راشدي عود ع اساس يكعدني
• زهراء: رحت مددت يمه وخليت شعري ع وجهه اريده يكعد ...ماكعد عاد قررت اتجرء شويه واتقرب بحضنه جريت ايده اريد اخليها ع خصري جان يفز
• علاوي : عبالي حلمان كمت افتح وارجع اغمض
بعد روووووحي لج شجابج
• زهراء : شلون كلبك يطاوعك تعوفني يومين
• علاوي : حبيبتي والله تعبان صديقي سوه حادث ومات
• زهراء: الى رحمه الله...خطيه
• علاوي : شو اليوم مداريتني ونايمه بصفي هاي زهراء حبيبتي لو غيرها
• زهراء : من غبت عني يومين اكتشفت اني بدونك مااعيش ومن هسه شفتك نايم احتاجيت حضنك تره ماابالي غير شي
• علاوي : زين كملي فضلج وتعالي اتغطي وياي
• زهراء : اي اتغطه عادي اني اثق بيك حبيبي
• علاوي : ولج شكدوتج انتي هههه
• زهراء : لااني جبيره انت الضخم ومضيعني
• علاوي : هسسه انتي بنص حضني وممكتفي اريد افتح صدري واحضنج اكثر هيج بيه طاقه
• زهراء : اكلك حبيبي تره اختنكت هاي شلون يتحاضنون هواي بالمسلسلات ميختنكون
• علاوي : هههه لا حبيبتي بس اني حاضنج قوي اسف ممصدك
• زهراء : احجيلك شغله
• علاوي : احجي شغلااات مو شغله وحده
• زهراء: عوف الشهوه وسوالف الجنس وكولشي اني بحياتي حسيت براحه واطمئنان وامان بحضنك شو حتى الهوه بحضنك انقه واصفه ههه...بعدني دااحجي وهو يقترب بالزايد....انت شبيك ليش تخرب كلشي بهاي سوالفك
• علاوي : وشمسوي اني اذا عيونج بيهن مغناطيس ويجرني ويجبرني اجيهن...غمضي
• زهراء : هههه علااااوي هاااا مو كتلك اثق بيك
• علاوي : اريد ابوس عيونج ليش كلشي تفهمي غلط
• زهراء : غمضت عيوني وبقه يبوس بوجهي وبشعري وبركبتي نعست هههه
• حسين : اكلج وينهم
• بنين : بغرفتهم
• حسين : اتراهن وياج اذا ما علاوي حبل اختج
• بنين : هههه ...اكلك اني استحي اروحلهم انت روح
• حسين : ادك بالباب مغلس ميفتح اني خفت عالابنيه خطيه صغيره ويقشمرها
• زهراء :علاوي عيب ليش متفتح الباب
• علاوي : انت شبيك شتريد اسمك كاطع رزقي
• حسين : مرتي دزتني تكول اريد اختي
• علاوي : حسين والكعبه اشمرك منا انت ومرتك شبيكم كلما اكعد اني وزهراء تنجلبون
• زهراء : شبيك حبيبي ديشاقه تره
• حسين : تعالي زهراء يردونج جوه
• علاوي : انتظري شويه وتنزل عندي حجي وياها
زهراء انتي عقلج جبير وصديقي سألني وماعرف شنو حل مشكلته
• زهراء: كول حبيبي
• علاوي :صديقي متزوج والشيطان لاعب براسه واصدقائه مسويله واهس ورايح نايم ويا وحده وهو متندم يكول شلون اخليها تسامحني اذا عرفت
• زهراء: اتأكدت 80 % هو المسوي هالشي لان مبين عليه واحساسي يكول هو بس غلست.......حبيبي هذا صديقك حيوان واني لو بمكان مرته لااعوفه ولااسامحه ولاادير بال اصلا
• علاوي: شسوين لعد؟
• زهراء : اخونه واذا تحمل خيانتي اكمل حياتي ويا اذا متحمل وماقبلها ع نفسه كلمن بطريقه
• علاوي : هو رجال يختلف هي مره شلون تخون بعقلج شي انتي
• زهراء : الف مره كايلتلك لاتحجيلي بمنطق التخلف
المره تختلف عن الرجال صح لان عاطفيه ومسكينه ومابيدها شي بس الرجال هو القوي والمجتمع يسنده فالمره عاطفيه اكثر من الرجال يعني المفروض نعذرها اذا تخون لان تتبع كلبها والمره بنص عقل بس سولفلي الرجال اذا خان ليش نعذره
حبيبي متأكد صديقك ...لو انت ؟
• علاوي : لاتمسلتين اكلج متزوج شبيج صوج اليسألج
• زهراء : مبين من ارتباكه ورده فعله ....المهم نزلت وبنين تسال بيه وعمتي تسال بيه شبيج كتلها مبيه شي اليوم عندي امتحان وغبت والمدرسه كايله رسبتها
• علاوي : ماقبلت حتى تاكل وصدمتني رده فعلها
• زهراء : يلا بنين رجعوني تره ماما وحدها خطيه وكلت لبابا مااتاخر
• علاوي : عفتها ع راحتها ودخلت بدوامه بس منين تعرف
اهوووو اني شكد صاير ابالغ متزوجين ويخونون شنو السالفه
• زهراء : صعدت بالسياره وبنين وحسين حيوصلوني
• بنين : حسين اريد الاواكس حتى اشغل اغاني
• حسين : شغلي عالبلاتوث
• بنين : لايبقه سنه ميكنك يبقه معلك
• حسين : شوفي يمكن بالجكمجه الاواكس
• بنين : اي هذا .....اكلك حسين هذا تلفونك ؟
نصدمت عبالي تلفون رجلي لان مشايفته ابد
• حسين : انطيني ايااااا لا مو تلفوني
• بنين : وشبيك انهبطت هاااا اذا مو تلفونك ليش تجره من ايدي.....انطيني ايا لو هسه تعوفني يم اهلي
• حسين : لج بابا تلفون علاوي والله
• بنين : اكبر جذاب لان ابد مشايفه هيج تلفون يم علاوي وشجابه هنا
• حسين : صارله سنتين عنده اسالي امي غير انتي ممنتبهه
• بنين : انطيني ايا حتى اصدكك
• حسين : هاج شوفي اصلا بي رمز
• زهراء : اني كاعده ليوره هو راد ينطي لبنين واخذته من ايده
• حسين : اخويا واعرفه متاكد بي شي بس لان بس رمز مطمأن حاولت اخذه منها بالسياسه مقبلت
• زهراء : بنونه حبيبتي صحيح هذا فون علاوي اني شايفته عنده ( كذب ابد مشايفته بس اريد بنين تهده) وصلنه بيتنه ونزلت
• حسين : زهراء صدك جذب تصير بوجهي هسه علاوي يسويله مشكله شكبرها وشكدها
• زهراء : لاكوله زهراء تكول خليت الفون يمي حتى يجي اشوفه اشتاقيتله
• حسين : رجعت للبيت وكلت لعلاوي وأاااااااااابد ابد ابد ممتوقع هيج رده فعله يعني اول مره اشوف اخويا هيج منهار ودفعني وصيح صيح شخط السياره وراح
• زهراء : ماعرف بهاي السوالف شكد حاولت ويا الرمز ماكدرت افتحه ....
• علاوي : ماعرف شصار بيه من عرفت التلفون يم زهراء اني مااخاف لا زهراء تعرف بالعكس اخاف لا اخسرها مستحيل اتقبل حياتي بدونها حتى مااكدر اتخيل هالشي
• زهراء : اني مصدومه بعلاوي يعني هو مجرد تلفون بي رمز وحتى اذا خايني هم ماتوقعته هيج وجهه صاير دم من الاعصاب وعيونه اطفر نار ويريد مني التلفون
• بابا: يالتلفون خالو
• ماما: شبيكم يمه ...روحي جيبي مي
• زهراء : رحت اجيب مي ولحكني للمطبخ
• علاوي : انطيني التلفون زهراء
• زهراء : اني ماريده طبعا انطي الك بس بشرط تفتح الرمز واشوف ليش مسوي تلفون سري ومخفي شعندك بي قابل وحتى اذا خاييني هم افاحه وعد اسامحك
• علاوي : بقيت مُصر مبي شي وهي فقيره يعني حسيتها تقريباً بدت تصدكني
حبيبتي وغلات عيونج مخلي لجماعتي السرسريه وللخط والمحاظرات سوالف ولد وعدنه كروبات الفيس وعالفايبر كلشي ينزلون بيها شلون افتحه الج وتشوفين قابل ماعندي غيره اني وبعدين منو الجنت يمي جوه البطانيه وتكول اثق بيك شو طلعتي بس حجي
• زهراء : اقتنعت وخجلت من تصرفي ....عندي احساس بداخلي هالشي تمثيل بس حبي غلب احساسي
• علاوي : قررت قرار وقفلت عليه.....يابه زوجني منا لراس الشهر
• ابو علي : عادي ازوجك بس غير اعرف شنو سبب هالقرار المفاجئ
• علاوي : ابويا ظل يلح وشك عباله اني واكع ويا زهراء وماخذها
اخير شي كتله يابه البالك صحيح ...شبعت محاضرات دينيه واخلاقيه + رزايل + تفله
• ابوعلي : واذا اهلهه ماقبلو
• علاوي : ككلهم حلمت اجاني نبي اجاني امام ويكول زوج علاوي
• ابو علي : اكلك صدك كل جبير بعير يعني هم جهال وكبل يصدكون بيه مو
• علاوي : شسالفه سويتهه قصه رهمها من يمك
• ابو زهراء : وعليكم السلام ورحمه الله وبركاته هلا بأبو علي
• ابو علي: شلونكم ان شاء الله بخير
• ابو زهراء : بخير الحمدلله اذا انتو بخير
• ابو علي : بدون مقدمات عدنه امانه يمك ناخذها منا لراس الشهر
• ابو زهراء : امانتكم بالحفظ والصون بس زهراء هسه عدها دراسه انتظرو للعطله عالاقل
• ابو علي : لا التأجيل مو من صالحنه وسالفه الدراسه تنحل
• زهراء : انصدمت من سمعت لان ممفكرين بهل الموضوع ولاابالنه نهائياً اتصلت بعلاوي خاف صاير شي
• علاوي : ها حبيبتي كولشي ماكو والله بس رجعت من يمج مددت اتذكرت موقف البطانيه كتلهم هسه تزوجوني وابويا كال لراس الشهر اني مزوجك وهاي السالفه كلها
• بنين : ممقتنعه بس مغلسه خلي يتزوجون واخلص من هلقلق
• حسين : حجيت ويا كتله اذا عندك شي كوللها قبل متتزوج حلف ماعنده شي
• زهراء : اقتنعت بس شايله هم لدراستي
• علاوي : كملت التحضيرات وكولشي ديصير مثل مااريد الحمدلله ربي لان سهلتها وكل هالفتره ديما معافتني وتعلقت بيه بالزايد ولزكت بالزايد بكل الطرق ماكدرت ابعدها
• زهراء : حجزت صالون وبدله وعلاوي راد بفندق بس مااحب بفندق هو بيتهم فارغ وعاداتهم حلوة فما داعي اله.... حنتي صارت احلى حنه سويتها مختصره ماعزمت هواي ناس لان مااحب الهوسه وركصنه اني وعلاوي بالحنه لحدما فحطنه هههه الفرحه مواسعتني واخيراً الله تممها ع خير
• علاوي : فرحان و متغصغص وخايف بس من اشوف زهراء انسه الدنيا طبعا حنتنه مميزه اني وجماعتي حجزت بقاعه بس للحنه وكولش متونس وفرحان ورنه حنينه زهراء....طالعه ملكه هنيالي عليها
• زهراء : اجه يوم العرس مقهوره ع ماما وبابا واحسهم ميتلهم احد من الحزن حيرجعون وحدهم ومتعلمين علينه وع هوستنه ....وصلني حسين للصالون اني وبنين ومن رجعت لكيت امي وابويا كاعدين بالحديقه ويبجون بجيت وانقهرت كلش
وموقف صعب الله يساعدهم يعني ربونه وكبرونه تالي يرجعون وحدهم هم ع بنين انهارو وماتحملو يبقه مكانها فارغ بالبيت وجنت اني اصبرهم
• بنين : متت من البجي عليهم كاعدين ويبحون كلبو العرس مناحه رغم اني مانزلتلي ولادمعه من تزوجت هههه
• المعازيم كامو يحجون عليهم ويصبرون بيهم لحدما اجتي الزفه
• علاوي : وصلنه لبيت زهراء شو هاي من البجي تشهك شلون الجهال والله لو واحد كاتلها منعنع عضامها متسوي هيج ومااسولفلكم عالمكياج
حبيبي شدعواج وين حبج الي اني انتظرت هذا اليوم بفارغ الصبر يوم الي ننجمع بي تحت سقف واحد هو احلى يوم المفروض وانتي هيج كالبتها نعي وبجي صدك جذب
• زهراء : خانكتني العبره اصلا ماكدر احجي بس شويه هديت حتى نفسي احسه انكطع.....الاحلى من كولشي والي خلاني صدوك احس نفسي اسعد انسانه واكثر انسانه محضوضه هو تعامل علي وياي شلون احتواني وشلون هدئني اقاربه كامو يعيبون دفن حرامات مكياجها راح وحرامات خرب المكياج من البجي
• علاوي : اي اني احب اشوف اميرتي عالطبيعه احلى بهواي
• عمتي وعمي حجو ويا اهلي وكالولهم بنتك بأيدي امينه وامانه الله والرسول ومنحرمكم منهن ويوميه اندزلكم وحده شتردون بعد
• علاوي : يمه كبل صعدوها تره حيل تعبانه
• عمتي : اي يمه اني هم هيج كلت
• بنين : زهورتي حنصعدج كبل حتى ترتاحين
• زهراء : صعدت لغرفتي وغسلت وجهي وكلمه اشكرك واحمدك ياربي مافاركت لساني لان مالكه مثل علاوي ومثل حنيته وثقافته
• بنين : اكلج زهراء شو انتي مخايفه اصلاً
• زهراء : وليش اخاف؟
• بنين : انتي ماخذج علاوي مو ؟
• زهراء : وداعه امي وداعتج لا بس احنه اتفقنه ع كلشي اني وعلاوي وهو وعدني يخليني براحتي
• بنين : الله يسعدج لعد اني شأريد غير راحتج اليوم اله سعادتي كملت من اجيتي انتي جنت احس بنقص مو طبيعي بدونج
• زهراء : اروحلج فدوة اني
• علاوي : زفوني وامي وابويه مأيسين مني ومانتظرو النيشان اصلا لان عبالهم استعجلت بالعرس لان واكع وياها
• زهراء : جنت مدايره بال بس من سمعت صوتهم يهوسون وكولات واجه ارتبكت بحيث اول مافتح الباب سألته
• علاوي : هستوني طبيت لغرفتي شو هاي كبل كامت وكفت وتكولي ع اتفاقنه مو لو ناسي .هههه فديتها الخايفه
• زهراء : لاحبيبي مااخاف منك
• علاوي : خلص لعد ماريد لاخوف ولاقلق ولاتوتر اريد ابتسامه وبس لان كل الجنت اتمنى هو نصير تحت سقف واحد والله يحبني وحققلي هالحلم
• زهراء : باسني من راسي وباس ايدي وكالعاده هاي الحضنه القويه التخنك الواحد ههه
جنت اكول وين اكو واحد يعوف عروسته براحتها بس طلع اكو هههه
علاوي : اكلت وهي ماقبلت تاكل تكول شبعانه وكلتها غصب وسولفنه لحدما نمنه خليتها براحتها بس امثل كوه مسيطر ع نفسي والتزمت بالوعد لحد الفجر نفذ كل ماعندي من صبر
زهراء :ظليت كاعده بالي يم ماما وبابا ومتغيره نومتي ماكدرت انام ظليت مكنكه ...كام يحوص علاوي كمت الوليله واطبطب ع جتفه ع حتى يرجع ينام هههه
علاوي : احلى يوم بحياتي ويبقه احلى يوم بحياتي هو هاليوم (قريتلها وخليتها تجي للدرب قنعتها كوه اقتنعت الا اخذتها ) طلع الصبح احنه كاعدين اجتي عمي ام زهراء جابت الكيمر والعسل والصمون
اكلج يمه شو ماسألتي عالنيشان
عمتي : اني وابوك نعرف مصخمها للبنيه يانيشان تزوجت وبعدك تمثل وتجذب
علاوي : وغلاوتج لا غير اخذتها .....صعدت جبتلها النيشان انصدمت هههههه
ابو علي : لك ملعون طلعت صدك مستعجل واني فهمتك غلط هههه بالولد الصالح حببيبي
علاوي : البيت انكلب هلاهل وبعدها امها موجوده ظلو يسألون شكو
بنين : شكو عمه
عمتي : ع نيشان زهراء
بنين : ياااااا زهراء بنيه ؟
علاوي : هههههه امدااااج هاي عود اختج وتشكين بيها
بنين : الف مبروك ظنيت بيكم سوء
