* حسين : انت شسويتلك سالفه الله جاعلك بس مشاكل
* زهراء : اني بعالم ثاني مو ع الكره الارضيه وهذا العالم بس اني وعلاوي بي
* علاوي : فرحان بيها وبجمالها وبخجلها بس مو كولش يعني طبيعي.............اخذولنه صور ووصلنه لمرحله مهمه وهي الكل يصيح بوسها بوسها..... متكولون لحسين ليش بس الي
* حسين : اني بست ورحت
* زهراء : جفون عيني ثكلن من الخجل
* علاوي : شبيج صرتي حمره همزين العرس بعد سنتين لو مثل بنين بعد شهرين تموتين يمكن
* زهراء : ههههه لا بنونه تختلف
* علاوي : بستها من خدها ع كيف علمود الصوره وظليت مخلي شفايفي ع خدها
* زهراء : عزززه بلاقصد ضربته راشدي ع كيف حتى يوخر هههه
* حسين : هههههههااااااي انكتلت من اول يوم مو صارلك ساعه تحجي عليه
* علاوي : ضربتني بس احسها تحارشت بيه هههه عناد بيها رجعت جريت وجهه وبستها كل قوتي من خدها وعضيتها.... اباعلها وجهه صار دم عيونها دمعت
* زهراء : هاي ليش هيج
* علاوي : بنظره عتب وتحجي وحلكها بده ينعوج شلون الاطفال الصغار ... عزززه اسناني ظاله ع خدها اني من بستها حسيت روحي متكفيني بوسه تنأكل مو بس تنباس ... اني اسف حبيبتي تره لاارادياً طلعت مني
* زهراء : عيونه ذبلت واني معندي فكره عن شلون الرجال يريد المره ويتمناها ويا بالفراش بس خالاتي وعماتي نصبن عليه وكامن يكوللة هاي سالمين
* عمتي : يمه انت ازوجك ويااخوك مااخليك منا لسنتين ههههه
* حسين : اني اذا ابقه خاطب سنتين حتى اخلف منها كل عقلك تصبر سنتين
* علاوي: لك حيوان هو الزواج بس نوم قابل طيح الله حضك
* زهراء : فرحانه وبيتنه تحول لقصر وكولشي اله غير طعم وغير لون وغير لذه انتهت الحفله ب7 راحو بقن يمنه عماتي وخالاتي
* عمتي ام مصطفى : اكلج ام زهراء مو استعجلتي عليهم بعدهن صغار
* امي : لاخيه اجتي قسمتهن بعد ومالكه مثل ام علاوي ولاخيرها عليج
* مصطفى (ابن عمتي الثانيه ) :- الو ها يمه شلونج
* عمتي ام مصطفى : زينه يمه انت شلونك خما انقهرت
* مصطفى : زهراء راحت من ايدي بسببج ومااسامحج طول عمري
* ام مصطفى : يمه صغيره شمدريني خالتك بسرعه بسرعه سوتها وحتى ماكالت لاحد وتنطيك الك وتعوف علاوي جاه ومال وجمال
* مصطفى : هاي اعذار واني شناقصني واول وتالي تصير عندي شهاده ويتحسن وضعنه
* زهراء : اعيد بذاكرتي الف مره اتذكر سوالف علاوي من جديد وانظف بالبيت واضحك ويا نفسي
* علاوي : اتوقعت ابقه جامد بداخلي بس زهراء تصرفاتها وسوالفها تدخل بكلبي وجذبتني الها كلش واريد احجي وياها ضروري اشتاقيتلها
* امي: زهراء زهراء
* زهراء : ها ماما
* امي : هاج علاوي وياج عالخط
* زهراء : الو
* علاوي : هلاو
* زهراء : هلاو بيك
* علاوي : انتي صدك ماعندج تلفون ؟
* زهراء : اي صدك لعد كذب
* علاوي : خلي تلفون امج يمج شويه واخابرج........
* زهراء : صارله ساعه و ماكو ماخابر واني الدقيقه تمر عليه بسنه
* علاوي : الووو
* زهراء : ليييش تأخرت مو كلت شويه واخابرج
* علاوي : باعي اطلعيلي بالباب
* زهراء : بابا بالاستقبال ماكدر اطلع اذا مااكوله
* علاوي : مااحب البنيه الجبانه وانتي مرتي تره مو صاحبتي
* زهراء : طلعت بهالاثناء الساعه بالعشره بالليل وكولش خايفه لااحد يشوفنه
* علاوي :تعالي اصعدي
* زهراء : عزززه وين نروح
* علاوي : منروح اكعدي نسولف وانزلي
* زهراء : مااكدر علاوي شبيك انت شيكولون الجوارين
* علاوي : تصعدين لو اروح ؟
* زهراء : صعدت بس ممقتنعه
* علاوي : هاج هذا فون وشريحه هديتج حتى ناخذ راحتنه ونسولف لان من هسه بديت اشتاقلج
* زهراء : علاووووي
* علاوي : شنو هالدلع ولج
* زهراء : لا مو دلع بس دتخجلني ودتفرحني اني كولش فرحانه بيك علاوي والله شكرا من كل كلبي
* علاوي : اني شسوي بالشكراً حبيبج وزوجج جابلج مفاجئه غير تفاجئينه همينه
* زهراء : ماعرف والله يعني شسوي مثلا
* علاوي : ممممم تعالي اتقربي اكثر وباوعي عليه خلي اشبع من نظراتج
* زهراء : اتقربت واباوع بعيونه عيونه ذبلن.... اكلك علي انت قبل شويه عيونك هم صارن هيج جنك واحد نعسان ليش عود
* علاوي : غمضي وارجعي فتحي ويروح النعاس منهن
* زهراء : غمضت
* علاوي : ماقاومت شفايفها ابد ابد ورديات ومدبدبات هي غمضت اني بستها
* زهراء : رجعت ليوره ومصدومه شلون هيج يسوي
* علاوي : رجعت ليوره وعقدت حواجبها .... انتي مرتي تره لاتضوجيني منج ...خليت ايدي وره راسهه وسحبتها عليه ورجعت بستها وماوخرت
* زهراء : جنت اكدر اوخر بس ارتباك ع مراهقه ع شي حلو واريد اجربه
* علاوي : حسيت بنفسي بديت افقد وخرت وكبل كتلها زهراء نزلي بسرعه والحلو بيها سمعت كلامي
* زهراء : عبالي اخد شافنه بسرعه نزلت وبيدي الفون محد انتبه بس جهال خالتي بالطرمه وكبل ها زهراء وين جنتي كتلهم هنا ذبيت الزباله وكعدت بالحديقه اريد اشوف الفون واكلب وكذا هههه فرررررحانه حيل
* بنين : يمنه خطار البيت متروس وهاي الفاهيه هم اختفت ... يمه وينها زهراء خلي تجي بس تنظف المطبخ واني افرشلهم
* امي : زهراء زهراء
* الجهال كالولها دتذب بالزباله بره واجتي
#تكمله_البارت_الثاني
* بنين : مبينه السالفه جاييها علاوي وطلعتله بالباب
ركضت بره زهرااااااااااااااء
* زهراء : يمه هااااا شكو
* بنين : انجبي لج عااااااااااا تلفون يمه كلبي لحكولي يمه ضغطي هبط سكري صعد
* زهراء : انتي شبيج فهميني كبر فضحتيني صدك جذب
* بنين : يماااااي كلكسي 3 اخر اصدار هذا
* امي : شكو شبيج انتي شوكت تعقلين ليش تعيطين عياط
* بنين : يمه انطيني تلفونج اليوم حتى كعده عشاير اسويها لعد عمتي شمرت عليه المابي خير وانطتها السبورتي
* امي : هسه شيكولون ماشايفات خزيتني
* زهراء : ماما اني ماطلبت منه هو جابه الي والله
* امي : بالعافيه وبنين انتي ممنوع تكولين لحسين هو خلي يجيبلج
* بنين : بالليل خابر حسين وحجيت ويا
* حسين : الو ها خالتي شلونج
* امي : هلو عيني حسوني تريد بنين مو هههه
* حسين : يمكن اول مره بحياتي اخابرج فأكيد علمود بنين ههههه
* زهراء :الساعه ب11 ونص صارت كلمن مدد بفراشه وبنين ادردم هههه
* بنين : هايمه ..... الو ها حسين عيني اني معندي فون واستحي اخذ فون يلا باي امي تريد الفون
