Hindi sana sinabi
Nang hindi sana pinagsawaan
Hindi sana inisip
Nang hindi sana naguluhan
Hindi sina nagmahal
Nang hindi sana nasaktan
Hindi sana isunulat
ang mga salitang matagal nang nasa isipan.
Ngunit kinailangang isalin
Upang puwede nang limuti...
Oops! Ang larawang ito ay hindi sumusunod sa aming mga alituntunin sa nilalaman. Upang magpatuloy sa pag-publish, subukan itong alisin o mag-upload ng bago.
sa pagpatak ng huling luha sa paglipas ng bawat segundo sa huling pagyabag ng mga paa at sa huling paglabas mo ng pinto
alam kong darating ang oras na magsasawa ka din sa akin sa aking pagsuyong walang wakas oo, alam kong mapapagod ka din.
kung kaya't sa oras na ito gusto ko lamang ipaalam sa iyo na bago pa man tayo makarating sa ating dulo
nais kong isalin ang buhol-buhol na alapaap na salitang dati'y di ko masabi-sabi sa isang kumpletong pangugusap na sana'y iyong mapakiwari.
sa unti-unting pagdating natin sa dulo ayaw ko mang pagsisihan ang mga bagay-bagay ngunit hahantong lang din doon ang tibok ng puso na sana'y di ko ginawa't inialay
nagsisisi ako. pinagsisisihan ko ito. nagsisisi ako sa lagi kong paglapit at magsisi ka sa lagi mong pag-iwas
nagsisisi ako. guto kong ibalik ang oras. nagsisisi ako sa mabilis kong pagpatawad at magsisisi ka sa hindi mo pagsuyo.
nagsisisi ako. kung puwede ko lamang burahin. nagsisisi ako sa lagi kong pagsulyap at magsisisi ka sa hindi mo pagpansin.
nagsisisi ako. sana 'di ko na lang binigkas. nagsisisi ako sa mga matatamis kong salita at magsisisi ka sa mga pabiro mong tugon.
nagsisisi ako. ang tanga-tanga ko. nagsisisi ako sa mga bagay na ginawa ko para sa'yo at magsisisi ka sa kailanma'y di mo pagsubok na iparamdam sa akin.
nagsisisi ako. bakit lagi na lang kasing ako? nagsisisi ako sa lagi kong pagsakripisyo at magsisisi ka sa hindi mo pag-alay kahit konti.
nagsisisi ako. oo, nagsisisi na ako. nagsisisi ako sa patuloy kong pagkapit at magsisisi ka sa hindi mo pagpapanatili ng aking paghawak.
nagsisisi ako sa oras na lagi kong sinubukang ipadama sa'yo ang atensyon, oras at pagmamahal na pagsisisihan mong 'di mo pinadama sa akin.
ayos lang pala. ayos na sana. ang pagtatapos nating dal'wa, ang pagdating natin sa dulo't hangganan kung wala tayong mga bagay na pinagsisisihan.
