وصل نهار العرس.. كلشي كان فالخدمة ديالي.. البوص فرحان حيت واخيرا غادي يتحقق الحلم ديالو.. اما انا فركابيا كيترعدو.. خايفة من اللي غيوقع.. بغيت نهرب مع ياسر.. هادا هو الحل مبغيتش مال الدنيا.. حتى حاجة متغنيني عليه..داز النهار فالتجهيز وبدا الحفل.. البوص غبر وانا لبيست كسوة دالعرس زوينة .. كنت كنبان بحال شي ملاك.. شفت فالمراية راسي.. كيفاش حتى وليت هاكا وعلاش.. على قبل الفلوس.. هانا وصلت ليهم.. وصلت لمرحلة كبيرة بزاف.. فلوس طائلة تحت يدي.. واش انا فرحانة؟ اكيد لا.. علاش درت هادشي كله.. على قبل ياسر.. اه.. درت خاطرو.. واش الانسان ممكن يلوح راسو فالنار على قبل الحب.. على قبل واحد اخور ممكن يضحي ويعرض حياته للخطر.. اه حيت كتساوى فعينا ديك الساعة الموت والفراق.. كنوليو قادرين نديرو اي حاجة على قبل نكونو مع الحبيب وعلى قبل يعيش هاد الحب.. - انسة لينا.. كيتسناو فيك الناس.. - فين هو البوص.. - حتى هو لتحت.. نزلت وانا خايفة من داكشي اللي غيوقع.. كلشي الناس بداو يصفقو مللي نزلت .. شافو فيا الجمال والاناقة.. طلبو مني نجلس فواحد الطبلة كان فيها العدول والشهود.. في انتظار البوص يجي.. كنت خايفة.. فينك اياسر عتقني.. واش غانسني على وثيقة موتي هنا؟؟ عفاك اجي.. كلشي كيستنى وكلشي كيترقب جاعندي واحد من الخدم وقالي باللي البوص باغيني .. نضت مشيت معاه.. خرجت من القصر تمشيت حتى دخلنا فواحد القبو كبير.. اش هادا.. تصدمت.. - شوفي احبيبة.. ها رسمال حياتنا انا ونتي.. نتي حظي هاد النهار.، - واش صافي استلمتي الشحنة.. - اه ها هي فالحفظ والصون.. وها هما الناس جابوهالي حتى لهنا ..شوية تعالت الاصوات وطلقات النار والغوات بين الحاضرين - شنو واقع هنا..- سلموا انفسكمكانت الشرطة اقتحمات القصر.. البوديكارد ديال البوص بداو يحميونا.. وبدينا نحاولو نهربو بدا كيجر فيا وكنهبطو فشي دروج تما وانا كنطيح حيت الكسوة كانت واسعة.. اطلاق الرصاص كان كثير ومخيف.. تشهدت وعرفت راسي مغنخرجش من هنا سالمة... دخلنا فواحد البلاصة مخيفة وبدا البوص كيهضر فالتلفون لمحاولة منو الهروب من هاد البلاصة.. شوية دوك الرجال اللي معاه طاحو حيت تضربو بالرصاص.. بانلي ياسر جاي وفيدو فردي كيصوب بيه اتجاه البوص.. شوية جبد البوص الفردي ديالو.. يمنى: ياسر .. البوص:كنت عارفك خاين..انا مستعد نعطيك اللي بغيتي.. خليني نهرب.. ياسر: نتا كتحلم.. شحال وانا نخطط .. نجي دابا نطلق منك.، نتا راك حلم حياتي.. البوص: شكون نتا وشنو باغي مني.. ياسر: انا العميد ياسر.. بغيتك نتا.. انا تصدمت ديك الساعة.. عميد!؟!!! كيفاش قاتل مأجور وعميد.. مستحيل.. لا .. ياسر: استسلم احسن لك.. جا من مورا ياسر واحد الضخم ضربو وطاحلو الفردي.. بداو يتضاربو انتهز البوص الفرصة باش يقتل ياسر..
