إخذوني فصليه

البارت 8

كرار
گعدت الصبح ملاكي نايم على ايدي اباوعلها افكر شلون جذبتي الها.. ضليت العب بشعرها وامشي ايدي على وجهه لحد ماگعدت
.. صباح الخير حياتي
.. صباحي انتي
.. من يمته گاعد
.. صارلي ساعه صافن بهذا الجمال الي صار ملكي
ابتسمتلي وبوستني وراحت للحمام تغسل
اجاني مسج على تليفوني
.. انت شنو تعرف عن مرتك هههه
اني تخبلت شنو يعني شعدها اتصل ومغلق
طلعت من الحمام گلتلها وين تليفونج
حتى مارتبكت او خافت گالت
.. يمك والرمز اسمك وحرفي
فتحته اگلب بي نفضته نفض من الصور ع الملفات كلشي ماكو حتى حجيها ويا صديقاتهه بأدب
گلت مايصير اضلمها اتأكد احسن هي نزلت تسوي ريوگ اتصلت على صديق الي يشتغل بشركة اتصالات وانطيته الرقم وگال يومين وكل المعلومات يمك شكرته وسديته ونزلت اتريگ واباوع عليها مبينه صافيه ماعدها اي شي البنيه لعد اكيد احد يريد يخرب علينه لازم اتماشى ويا واعرف نوايا شنو
ومر اليومين واتصل صديقي
گال
.. هذا خط بأسم وحده
.. شنو اسمها
.. منار كاظم
.. شنووو متأكد انت
.. اي كرار شبيك انت تعرف بهيج اشياء نتأكد الف مرة
.. اسف مو قصدي بس الاسم مو غريب ومشكور تعبتك وياي
.. لا تتأسف والشكر لله اخ وحبيب
.. مع السلامه
.. مع السلامه
لا يا حقيرة تسوين بيه هيج بسيطه انا اراويج
سكتت ع الموضوع گلت خلي نشوف وين توصل بلا وكأني ادري طلعت ثولة مشتريه الخط بأسمها بس انكشفتي يا بنت عمي ودواج عندي
شوية واندگت الباب دخلت مرة عمي ومنار سلمو
.. شلونك يمه شخبارك
.. الحمدلله خاله بخير انتو شلونكم تفضلو
.. شلونك محمد
.. كلش زين وانتي
.. الحمدلله
حياكم
طبو وجان ودي اذبحهه بس ردت اعرف شنو تريد تسوي
گعدو سوالف وضحك هي والبنات اجت مروه قدمتلهم الواجب وكعدت منار تسولف وياها ومنطلقه شوية وطلبت رقمها اخذته من روان لان تليفونها جان فوگ اني حسيت ابالها خراب علاقتي بمروه بس ماتدري كشفتها قبل لا تبدي وراحو صار الغده تغدينه وصعدت انام ومروه شويه واجت وراي غسلت وبدلت وتمددت يمي وصللها مسج
.. حبيبتي وينج ليش گطعتي بيه
هي گمزت
.. كرار شوف هذا المسج
اخذت التليفون شطت نفس الرقم الي راسلني
گلت لمروة كلشي وهي انصدمت اتفقنا نمشي وياها بالخطه بس اني الي احجي وخليت تليفونها يمي
.. بس اني ماعرفك
.. واني اتذكرج وليهسه احبج
وضلت تحجي واني مستمر وياها
وضلت هيج شهرين لحد ما اجه يوم الكارثه جانن مروه و روان راجعات من الدوام وطبگت عليهم سيارة واخذت مروه وانهزمت بيها روان ماتت بمكانها گبل خابرتني اني دمي ضل يغلي وتذكرت اخر كلام ويا مروه انو لازم نطلع بعد المدرسه بدون زوجج لايدري سوت هيج حتى عود هي شردت ايا نذله يا منار سهله
وهي يوميه تجي يمنه تشوف الاوضاع شنو وبيوم الي انخطفت مروه هي اجت هم مابينتلها شي وسالت على مروه گلنالها نايمه تعبانه هي انصدمت گالت
.. هاااا لعد اگعد انتظرها تگعد حتى اشوفهن هي وروان
.. لا مايحتاج ماتگعد هسه هي لليل امشي اوصلج
وديتها لبيتهم وطول الطريق ودي اذبحها بس لازم اسايرها حتى اعرف وين مروه
جانت مروه تاخذ تليفونها وتخلي صامت
حجيت وياي بس ماتعرف وين والطريق شلونه حجيتلها شتسوي تضم تليفونها بالفراش لان محد يفتشه لان هو فراشهم وكلت لاهلي كلشي واخذتلها اجازة اسبوع وضليت اراقب منار شفتها تطلع من بيتهم لحگتها وگفت يم بيت خرابه ويمه 3 ولد طبت جوة وبقو همه برة
بقت ساعه وطلعت ورجعت للبيت ضليت اراقبها يوميه مر على غياب مروه اسبوع واني حال الضيم حالي مشتاقلها وبدونها ضعت وخططت لكلشي واتفقت ويا جماعه باجر نروح بس كون منار موجوده حتى الزمها بقينه گبال البيت لحد مااجت منار ماادري شتسوي يوميه تجي خاف جاي تعذب مروه
اخ يا منار خلي اشوف خدش واحد بمروه محد يرحمج من ايديه هي طبت منا واحنا هجمنا منا احنا اكثر منهم خليتهم يتعاركون وياهم واني طبيت جوة لگيتها مربطتهه ومشخطه وجهه وايديها ومگصصه شعرها وجانت جاي تغلط عليها هجمت على منار مثل الوحش ضربتها راشدي طلعت دمها من حلكها خليت حركتها تنشل وفتحت مروه واخذت الحبل وربطت بي منار وديت مروه لسيارة وغطيتها وسحلت منار وهي تصرخ وخليتها بالدبه ورجعت لبيت عمي نزلت مروه تمشي وراي بالكوة واني اسحل بمنار واصيح عليها واغلط واضربها اجه عمي شاف المنظر
.. شكو ابني ليش تضرب بنت عمك
.. بعياط.... هاي بت عم هااااااااي تسوي بزوجتي هيج ولج انتي مامتربيه شو عمي احسن تربيه يربيكم ليش ولج ليييييششششش
.. شنو هالحجي منار احجي ولج
ساكته
.. طبعا ماتحجي لزمتها بالجرم المشهود هاك شوف تليفون مرتي وتليفونها الثاني كعد يقره ركع تليفونها وكام وضربها وكطعها تكطيع لحد ماغمه عليها ومروه بس تبجي اخذتها للمستفشى گبل عالجوها لفو وجهه واني ميت قهر شسوت هاي الحقيرة بمرتي
اجت الدكتورة
.. الحمدلله على سلامتها والحمدلله هي والجنين مابيهم شي بس وجهه لازم عملية تجميل لان حيل متشوه
.. شنو مروه حامل اي كرار شبيك مرتك حامل بالاسبوع الثالث بس رايدلها راحه وراح اكتبلها ابر مثبته وفيتامينات وتصير بخير يلا من رخصتك
رحت عليها وهي بس مصفنه وتبجي گلتلها حبيبتي انتي حامل هي گبل سكتت وگالت
.. گول والله
.. والله
شبگتني وضلت تبجي العصر رجعنه للبيت وامي لگيتها تنتظرنه شافت مروه هيج ضلت تبجي
.. يمه سوده عليه شمسويه بيج هاي الله ينتقم منها
.. حبيبتي مروشه متت خوف عليج الحمدلله على سلامتج
.. الله يسلمج كرار صعدني فوگ اتمدد تعبت
صعدتها للغرفه تمددت غطيتها ونامت ونزلت
بشرت امي وطارت من الفرح وباركتلي هي والبنات
مروه
گعدت لگيت كرار يلعب بشعري ويخلي ايده على وجهي.. شويه وصلت رساله لكرار انگلب وجهة ورا شويه سأل على تليفوني گلتلك يمك وگتله ع الرمز ونزلت سويت الريوگ گعدنه تريگنه اندگت الباب طلعت منار وامهه جايين گعدو يمنه للظهر ومنار طلبت رقمي اخذته من روان استغربت منها وهي تكرهني بس گلت يجوز تغيرت
راحو ورة شويه اجاني مسج انصدمت منه وانطيت تليفوني لكرار شو كرار انخطف وجهه بس گلي هاي منار وهيج وهيج اني حيل انصدمت بيها واتفقنا انو احنه نكشفها وبقت تتراسل وياي وكرار يحجي وياها لحد ما يوم جنه طالعين اني وروان من المدرسه وهنا صارت الكارثه اجت سيارة خطفتني وماحسيت الا واني بغرفه ومربوطه بكرسي وحلگي عليه صمغ اجه واحد فتح حلگلي گلتله الحمام اريد الحمام بسرعه بسرعه
فتحني واخذني للحمام واشرلي على الباب وطلع ضل واكف يم الباب من برة كمت افتش على تليفوني وين وين لگيته بجيب المخفي بجنطتي فتحته ودزيت مسج لكرار بس جنت ماادري اني وين گلي ضمي تليفونج عدل
المهم طبيت للحمام وطلعت اجه ربطني وخله اللزگه على حلگي وراح ورة شويه انفتح الباب جنت مدنگه راسي وحده لابسه كعب تمشي وكعبها يطگ بالارضيه رفعت راسي
بگلبي... مناااااااار..  شلون..  ليش.. شتريد
.. ها ست مروه هسه زوجج مايدور عليج لان الرسايل يمه وانتي تردين تشردين ويا حبيبج راح يكرهج واني راح اصبرة ويصير الي وهذا وجهج لازم يتغير جابت سجينه وضلت تشخط وجهي ذبحني الالم حسيت روحي تروح ويا كل جرة سجين بوجهي
وجهي ضل يصب دم تالي شگگت ملابسي وهم جرحت جسمي وايديه وگصت شعري اخ يا شعري واني من عمري 5 سنين ماما ماگصته بعد بطولي صار اخخخخخخ ووجهي الي شوهته جان بودها تشلع حتى عيوني ضلت يوميه تجي تسوي بيه هيج لحد ماوجهي تخدر ماعرف شكد بقيت اسبوع مدري اكثر بيوم جانت توها جايه وصار هجوم ع البيت حيل فرحت وشفت كرار شبعها ضرب انوب فتحني ورجع ربطها وشالني للسيارة تالي رجع جابها سحل خلاها بالدبه مالت السيارة وطلع على بيت عمه وطلع كل الادله وموتها كتل وابوها هم كتلها وامها بس تغلط عليه اخذني للمستشفى داوو جروحي زين وجروح گلبي اكيد كرار راح يداويهن ادري بي يحبني شويه وكف يم الدكتورة واجه وگلي حامل
واني هنا طرت من الفرح وبليل رجعنه للبيت تلگتنه عمتي وتبجي وتبوس بيه وباركتلي
وصعدني كرار لغرفتي بدل ملابسي وغطاني ونمت من التعب..

كرار
نزلت يم اهلي وحجيتلهم كلشي گالت امي
.. الله اكبر على راسها شنو هاي شنو من بشر وشلون سوت كل هذا ومنين هاي الجرأه عمك شسوه بيها
.. راد يذبحها بس گلتله خليها تعاني واحبسها بغرفتها
روان.. تستاهل لو ذابحها الحقيرة
نهى..  لك هاي شنو من بشريه والي يحب يحب هيج خرب الله ينتقم منها
.. اكو شغله ثانيه لازم اسفر مروه للاردن تتعالج من جروحها وجهه لازمه عملية تجميل وجسمها هم حيل متضرر ومنا حملها ضعيف وهناك دكاترة زينه نبقه سنه ونرجع اخذت اجازة بدون راتب وماحددت يمته ارجع وهي هم باجر اروح للمديرة اشرحلها ونسافر الاسبوع الجاي
.. اي يمه روحو وهم تغير جو وتتغير نفسيتها بس شلون وولادتها
.. من تدخل شهرها اجيبج يمي وتبقين ونرجع سوه خوش حجي
.. اي يمه خوش ريحتني واهلها شنو راح تگللهم
.. اكلهم اندعمت وهيج صار والله كريم
كملت الاجراءات خلال اسبوع سافرنه للاردن..

#يتبع
#بنت_الشيخ
ولاتنسون انتظر تشجيعكم..