السيرة النبوية

#الإحسان

الله اكبر
الحمدلله
سبحان الله
أشهد أن لا اله الا الله و أن محمدا رسول الله
استغفر الله

السلام عليكم و رحمة الله و بركاته ❤🌹

موضوع اليوم و هو الاحسان و مثل ما جاء فى القرآن  إن الله يحب المحسنين

و هذه قصة عن الإحسان

بنت سألت فكهانى قاعد على الأرض فى الشارع فين الاقى اقرب مقلة لب؟ كانت لسة قابضة وعايزه تجيب لب وحاجات لأهلها المهم قالها تمشى ازاى وقالها بهزار "متنسينيش بقى فى لب سوبر" وابتسم ابتسامه خفيفه ...
راحت جابت وفعلاً جابتله لب ورجعت تانى ادتهوله .. الشاب الفكهانى ده فرح اوى وضحك قالها انا كنت بهزر والله وراح مديها تفاحة وهى تحلف متخدهاش وهو يحلف تاخدها يا إما مش هياخد اللب "رغم ان التفاحه تمنها اكتر من اللب بس هو عاملها بكرم!" راحت أخدت التفاحه وهى ماشية شافت عامل نظافه راحت ادتهاله الراجل فرح وشكرها بس لقيته راح مديها لست واقفه بتشحت راحت فرحت ودعتله ...
نقف هنا "تفتكروا إن ممكن تكون الست الشحاتة دى نفسها فى التفاح وربنا سخر كل ده يحصل علشان التفاحة توصلها؟"
ولا ممكن عامل النظافة كان نفسه يتصدق لكن مش معاه فلوس ولما صدق حاجه جاتله راح يتصدق بيها؟
أول فكره وعبره ناخدها من القصه دي إن "الرزق اللي هو رزقك هيجيلك ومتسألش ازاى ومنين ، أصلاً هو هيلف ويوصلك بطريقة متتخيلهاش!!"
تانى موقف ...
نفس البنت بتقول "دايماً بيكون معايا حاجه أفرح بيها حد زي مثلاً أدى لسواق الميكروباص حاجة حلوه" بتقول كذا مره اعمل لحد حاجة ويرد بحاجه كويسه اكتر من اللى عملتها ...
مره سواق الميكروباص علشان اديته حلويات مرضيش ياخد الأجره وقالها أنا قبلت منك الحلو اقبلى مني دى حاجه بسيطه ... مره تانيه واحد بتاع قصب يدلها كوبايه كبيره بدل الصغيره ويقُلها يعنى انتى عايزه تكرمينا ومنكرمكيش؟
وهكذا كتير بس اغرب موقف بتقول اتعلمت منه كان بياع تين شوكى ولما ادته ملبسه راح مديها تنتين زياده عن اللي اشترته وهى كالعاده بتفضل ترفض وقدام الإصرار بتاخد بس وهى بترفض بتقُله لا والله مش هينفع بعدين دى ملبسه راح قالها (هل جزاء الإحسان الا الإحسان كفايه فرحتينى)
نقف هنا عند الإحسان "الحاجة الكويسه اللى انت بتعملها وانت مش مستنى حاجة غير إنك تفرح اللى قدامك هتتردلك بأكتر من الكرم هتترد بإحساااان"
ادخلوا الفرحة على قلوب الناس ومتستنوش اى مقابل .. اعملوها وقولوا فى سركم "لعلها المنجية" يمكن ده يكون سبب ان ربنا يحسن اليك وينجيك من مصيبة فى الدنيا او من نار الأخره
احسنوا 👐
إن_الله_يحب_المحسنين