أجبَرني حُبُگ للانحناء

P:1

لا تحكم من أول بارت !

................

وصلت البيت وهي مبسوطه وتركض بسرعه طلعت مع الدرج ودخلت غرفتها وخذت جوالها ونطت فوق السرير واتصلت عليه بسرعه وهي مبسوطه وتنتظره يرد عليها.
كان بالجامعه وطلع الحمدلله جاء اليوم اللي ينتظره شوي الا جواله يتصل اخذه لقى اسمها ابتسم وفتح الخط:هلا هلا
ردت هي بسرعه:اليوم تخرجت يالله انت وعدتني لا تخلف وعدك!
ضحك:طيب بسم الله هدي اللعب تنفسي ع الاقل
وهي معقده حواجبها:يالله بسرعه قول اجهز ولا لا!
ابتسم بعباطه:مدري خليني افكر شوي
ردت وهي ماده بوزها:يووه كنان انت وعدتني ترا!
ضحك:طيب طيب لا تموتين علينا يالله تجهزي وانا جايك
ضحكت:يعني اتصل على إيلاف اقولها تتجهز هي وولد خالها!
عقد حواجبه:مين ولد خالها ذا! احنا بس قلنا إيلاف!
ردت:اي ادري بس يعني هو زي اخوها وكذا وابوها ما بيسمح لها تروح معنا الا اذا إلمارك معها.
تنهد:طيب مافيه مشكله يالله خليهم بعد هم يتجهزون بنمرهم وناخذهم.
نطت وهي مبسوطه:الله كناان واخيراً
ابتسم وقفل الخط.
.....................................
في نفس الوقت في مكان ثاني بوسط الامارات بدبي تحديداً
كانوا طالعين من الجامعه بأخر يوم ركبوا السياره وكان مشغول بجواله،ناظرته وسألته:متى نمشي!
نزل جواله وشغل السياره:بالعصر كذا
لبست حزام الامان:تمام بتجهز واذا جاء العصر نتقابل بمكانا المعتاد ومن هناك ع المطار تمام!
هز راسه بالموافقه
....................................
دخل البيت وهي كانت بغرفتها ومجرد ماسمعت صوت الباب انفتح جات نزلت من الدرج بسرعه وهي تصارخ:كنااااااااان
لف كنان وماحس الا وهي حاضنته رجع على ورى خطوه وتمسك بالباب ومسكها وضحك:وش فيه!
ميرلين:متحمسه مرررهههه ياربي الحمدلله عندي ولد عم زيك
كنان ابتسم ومسك خدودها :عمرك مارح تكبرين بتضلين دايماً اختي الصغيره المشاغبه
ميرلين تفك يده من خدها وتمد بوزها وتتكتف:كم مره قلت لك ماتقول لي صغيره! يعني ع اساس من كبرك اللحين!
ضحك كنان:طيب طيب خلاص اسفين؛الا اقول خلصتي!
ميرلين عدلت وقفتها وبحماس:اي خلصت كل شيء
كنان يشوف الساعه:يالله لازم نروح المطار ساعه بالكثير وتقلع الطياره ويادوب بعد نروح ناخذ صاحبتك
ميرلين: اي اصلاً هم صارو جاهزين
كنان وهو يطلع مع الدرج:حلو؛قولي للخدم يطلعون الشنط وانا باخذ شور سريع واطلع
ميرلين هزت راسها بالموافقه وراحت
..........................
اتصلت على إيلاف:يالله احنا برا اطلعوا
اخذت إيلاف شنطتها وطلعت وركبت السياره وبصوت مستحي:السلام عليكم
رد كنان:وعليكم السلام؛وين ولد خالتك بيطلع ولا..
ماامداه يكمل الا إلمارك راكب السياره وبصوت حيوي:سلام
كنان لبس نظارته وبكبرياء:وعليكم السلام
سكر إلمارك الباب بلا مبالاه، ومشى كنان
....................
-في المطار-
كنان بغروره المعتاد:هاذي هي التذاكر والطياره ربع سياره وتقلع شوي ونمشي
إلمارك يهمس لإيلاف:وش فيه ذا متكبر
سمعته ميرلين وردت عليه بضحكه:هو كذا اسلوبه موب اي احد يحبه خله بس يتعرف عليك وصدقني اذا ارتاح لك بتشوف شخص ثاني شخص عاطفي ومتواضع وحبوب لو خليته يحبك راح تشوف روح الطفل اللي بداخله
إلمارك رفع حاجبه وبضحكه:الله الله كل ذا مدح عشانه ولد عمك ولا كلام حقيقي
إيلاف قرصته بيده وهمست له:اش خلاص فشلتنا.
جاء كنان:يالله امشوا
إيلاف:بروح من مطار الشرقيه لمطار دبي صح!
كنان:اي صح
إيلاف هزت راسها بالفهم وطلعوا الطياره.
.........................
بمكان اخر بعيداً عن الخليج والعرب بعيدً عن ضوضاء هذه المدن في مدينه هادئه لا يسكنها الكثير بمدينه اشبه بقريه لا ترى بمنتصف الليل الا القليل هدوء تلك المدينه مخيف وضلمه ليلها حالك وممراتها خاليه،كانت تركض بخوف وسرعه وتناظر خلفها تتمنى توصل لاحد يساعدها كانت تصيح بـ:النجده،
في نهايه الممر شافت رجل واقف راحت له بسرعه وتمسكت بقميصه وناظرت لعيونه وعيونها مليانه بالدموع:ارجوك ساعدني!
مسك يدها:مابك!
ردت عليه بخوف ومن بين دموعها:هناك اشخاص يطاردوني يريدون اختطافي
وبدون ما يسألها اي سؤال ثاني مسك بيدها وخذاها لبيته.
كانت تحس بالخوف لكن ماتدري ليش حست بالأمان مع هذا الشخص من بين كل الناس.
لمن وصلت لبيت هذا الشخص كان بيته قصر وكان من الواضح ان هذا الشخص غني فتح الخدم الباب له وفك يدها وقال وهو يناظر للخادمه:احضري لها بعض الملابس.
ناظرت لوجهه وكان شاب جميل ابتسمت له بشكر وتعب ثم اغمى عليها من التعب.
(بعد مرور ساعه)
لمن صحت من النوم انصدمت لمن شافت انها بغرفه كبيره ووسيعه وحلوه وملابسها كانت نظيفه وكانت منسدحه ع سرير جلست بخوف وسحبت رجولها لصدرها وحاوطتها بيدينها وحاولت تتذكر وش صار الا دخل عليها الشاب اللي جات معه وبدت تتذكر اللي صار.
تقدم لها خطوه فشدت على نفسها عرف انها خايفه فوقف بمكانه واردف:عشاءك جاهز ومن الواضح انكِ لم تأكلي شيئاً منذ ايام
ناظرته بإستغراب انو اول مره احد يعاملها بهالاسلوب اللطيف وهزت راسه بالفهم.
طلع من الغرفه وسكر الباب وراه
قامت من السرير وناظرت نفسها بالمرايه كان عليها بجامه بيضاء ووردي وكانت نظيفه صح انها هي باقي شكلها مبعثر بس انها اول مره تلبس شيء نظيف اعجبتها البجامه وجلست تناظر بنفسها شوي وبعدين تذكرت كلام الشاب وفتحت الباب وهي تنزل بخطوات بطيئه وتشوف اذا فيه احد او لا شافته كان جالس على الطاوله ويتفرج بجواله وينتظرها تنزل عشان تاكل معه نزلت بهدوء وجلست ع الكرسي حتى هو ماحس فيها جلست تناظر بطاوله الاكل المليانه من كل ماتشتهيه حست انها بالجنه موب بالارض جلست دقايق كذا ولاحظت انه ماانتبه لها تنحنحت بشويش،رفع راسه من الجوال وانتبه لها نزل جواله وعدل جلسته وناظر لها:ابدئي بالاكل
هزت راسها بالموافقه وبدت تاكل بشراهه وهو كان يناظر لها كيف كانت تاكل ويبتسم
........................
(في مطار دبي)
وصلوا للمطار من عشر دقايق وقالهم كنان ان الطياره الثانيه راح تكون بعد نص ساعه يعني ع العصر.
كان إلمارك جالس مع إيلاف وميرلين وكانوا يسولفون طفش وهو يسمع سوالف البنات وبنفس الوقت حس بالجوع لف ع إيلاف واردف:انا جوعان بروح ادور لي شيء اكله
إيلاف:طيب بس لا تنسى ترا ٢٠دقيقه ونطلع الطياره
إلمارك:انا باكل واذا مرت عشرين دقيقه وانا ماجيت يعني اننا بنتقابل بالطياره
إيلاف:طيب بس انتبه لا تتأخر ترا اعرفك اذا طحت عند الاكل معد تقوم
إلمارك ضحك:لا ماعليك بجي
راح إلمارك واشترى له اكل وفعلاً ماحس بالوقت شوي الا يسمع النداء الاخير لرحلته قام بسرعه وهو يركض يبي يلحق ع الطياره وبنفس الوقت كان فيه شخص ثاني يبي يمشي بس بسرعه وبالصدفه ضرب كتف إلمارك بكتف الشخص هذا وطاح إلمارك وبعصبيه قال:ماتشوف انت!
ضحك الشخص:انت اللي ماتشوف!جالس تركض تقول مجنون!
إلمارك قام ونفض ملابسه:موب فاضي لك انا طيارتي بتروح علي
رد عليه الشخص: ع اساس انا اللي ميت ع الهواش معك
طنش إلمارك كلامه وكمل مشي عشان يوصل الطياره
ركب الطياره وجلس بمقعده وبراحه:اهخ الحمدلله مافوتها
قامت ايلاف من كرسيها وضربته ع راسه ورجعت جلست:قلت لك انك بتتأخر بس انك ماتصدقني
إلمارك وهو يحك راسه:اهخ انتي وش مجلسك وراي
إيلاف ضحكت:عشان اضربك
طلب الكابتن من الكل يجلس مكانه ويربط حزام الامان ربط الكل حزام الامان وكان إلمارك يربط الحزام حس بشخص يجلس بجنبه مااهتم وكمل يربط للحزام ويعدل جلسته وغمض عيونه لمن حس ان الطياره بطير مره ثانيه لانه يخاف من الطيارات وكذا
اقلعت الطياره وبدو الناس اللي ينسدح واللي يشغل له فيلم واللي يحط السماعات بإذنه لف إلمارك يبي ينسدح بس انصدم من اللي شافه وبصوت عالي قال:.هذااا انتتتتت!
كانت علامات الصدمه والعصبيه ع وجههم الاثنين
رد عليه بنفس نبره الصوت:اي انااا
إلمارك استحقره ونادى ع المضيفه
جات المضيفه وكانت شاميه:اخدمك بإيه!
إلمارك:مستحيل اجلس جنب هذا الشخص
المضيفه:اسفه بس مافيش اماكن فاضيه
ناظر أليكس فيه:لا تكون طياره ابوك!
إلمارك:اي،لايكون موب عاجبك!
أليكس طنشه وحط السماعات بإذنه ورجع راسه ع ورى وغمض عيونه.
إلمارك تنرفز من حركته وقال بنفسه:ع ايش شايف نفسه هذا!
ونام
...........................
(نطلع من الخليج مره ثانيه وتحديداً بكندا)
خلصوا الاكل وجلسوا ع الاريكه وطلب من الخادمه شاي وجات الخادمه شاي رفع كاسه الشاي واردف:ماسمك!(اذا تكلمت باللغه العربيه اعرفو انن اللغه بالانقلش بس ذي الترجمه🌚)
نزلت عيونها بالارض:اسمي إليزابيث ولكن اصدقائي ينادوني بإليزا
ابتسم:هل اعتبر من اصدقائك لاني اريد ان اسألك بعض الاسئله!
ناظرت بعيونه:انت منقذي ويحق لك سؤالي ماتريد
نزل كاسه الشاي:اعرفك بنفسي اولاً انا اسمي سام والان،لماذا كنتي تركضين هكذا!
إليزا:لقد هناك مجموعه من الاشخاص يلاحقوني ويريدون اختطافي
سام:لماذا!
إليزا:انا وحيده بدون ام وأب واعيش في الميتم
سام بتردد:اي..لقـ..
إليزا ابتسمت بحزن:اجل لقيطه
سام وهو يناظر لها عشان تكلم كلامها
إليزا وهي تفرك يدينها ببعض:هناك ٣شباب لقد تورطت معهم
سام:وماهي تلك الورطه!
إليزا:لقد اخذت منهم ١٠٠٠٠دولار
سام فتح عيونه بصدمه:لماذا!
إليزا وهي تناظر عيونه:لقد احتجتها من اجل ان ادفع نصف المبلغ لدخول الجامعه وبعدها كنت سأعمل لارد لهم دينهم واكمل مصاريف الجامعه
سام وهو يرفع حاجب:وهل استطعتي ان تردي الدين!
إليزا بحزن:لا؛ولهذا هم كانوا يريدون اختطافي
سام:ولكن لمماذا! ماذا سوف يستفدون من اختطافك
إليزا والدموع بعيونها:جسدي
سام بصدمه:هل تقصدين انهم سوف ينتهكونك ثلاثتهم
إليزا وهي تبكي:اجل لان الصفقه كانت ان لم اعد لهم مالهم فسأخذون جسدي
سام  قام وبعصبيه:وكيف لكي ان توافقي!
إليزا زاد بكائها وشهقاتها:لقد كنت بحاجه للمال؛ولماذا تصرخ علي ليس من حقك
سام جلس وحس على نفسه:لم اقصد ذلك انا اسف جداً
إليزا وهي تحاول تهدي من شهقاتها حطت يدها على فمها.
سام طلع من عندها ودخل مكتبه وجلس ع الكرسي وهو يتنهد وشايل هم إليزا اللي شاف البرائه بعيونها مايدري ليش قاعده تذكره فيها مايدري اصلاً ليش هو خايف عليها لذا القد معقوله عشان عيونها تشبه عيونها!
غمض عيونه وهو يحاول يركز شوي
.................
وصلت طائرتهم للمكان المحدد وكل واحد نزل وهو يتأفف من الثاني كنان عطاء كل واحد منهم عنوان القصر حقهم اللي بيعشون فيه دامهم هنا وقالهم انه بيروح يرتاح بما انه تعبان واللي يبي يروح يرتاح يرتاح واللي يبي يتمشى يروح.
وقف له تاكسي وجاء بيفتح الباب بس فجاءه حس بأحد يمسك قبضه الباب لف وانصدم وقال بعصبيه:هذا انت!
رد عليه ببرود:اي يعني مثلاً خيالي
إلمارك تنرفز وفتح الباب وقال:انا لقيته اول
رفع حاجب:ويعني!
إلمارك عصب من بروده:يعني انا اللي بركب
غمض عيونه وتنهد ومشى.
إلمارك ابتسم بإنتصار وفتح الباب وركب بس تفاجئ من اللي فتح الباب وركب جنبه
إلمارك بعصبيه:نعمممم!
مارد عليه وكلم السايق:من فضلك خذني لهذا العنوان"ومد له الورقه"
عصب إلمارك وقال لسايق:انزلني عند اقرب مطعم
السايق هز راسه بالموافقه ومشى
إلمارك ناظر له وهو يطلع اوراقه وماسك الاب توب وواضح انه يشتغل اردف بفضول:شتسوي!
رد عليه ببرود:مايخصك
عصب إلمارك:ما بموت ترا اذا ماعلمتني "ولف وجهه لشباك وجلس يناظر بشوارع فانكوفر وتحديداً بكندا ثالث اكبر مدينه بالعالم."
وقف السايق عند مطعم ودفع له إلمارك الحساب ونزل بعصبيه وقبل لا يقفل الباب قال:يارب ماتطلع بوجهي ثاني مره جيت هنا عشان استانس وخربتها علي ونكدت علي
ناظر فيه وابتسم له ابتسامه مستفزه خلت إلمارك يقفل الباب بعصبيه تحركت السياره ودخل إلمارك المطعم وجلس على اقرب طاوله وبداء يطلب اكل كثير عشان ينفس عن غضبه .
..................
وصل للقصر واتجه لجناحه عشان يرتاح اخذ شور ولبس له بجامه عشان ينام انسدح ع السرير ونام بسرعه.
جت فتحت الباب تدور له بعيونها وشافت الغرفه كيف ظلام وبارده وتكلمت بهمس:كنان!
ماسمعت رد ابتسمت وعرفت انه نام طلعت ودخلت جناحها وغيرت ملابسها ونزلت لإيلاف اللي كانت تنتظرها تحت
ركبت وقفلت الباب وتحرك السايق واردفت:اي وين تبين نروح!
إيلاف وهي تناظر بالجوال:اول شيء نروح نسويه اقص شعري انتي شايفه كيف طال!
ميرلين بضحكه:اصلاً شكلك غريب وشعرك كذا نازل ع اكتافك
إيلاف ابتسمت:طيب وبعدها وين نروح!
ميرلين:اكيد بروح نشتري لنا ملابس جديده ونفرفر بشوارع كندا
إيلاف هزت راسها بالموافقه
ملاحظه(إيلاف موب تمبوي بس تحب النوع هذا من القصات)
...............
مرت يومين من غير احداث مهمه كان كل واحد يرتب حاله ويحاول يتأقلم على الوضع الجديد لانهم بيطولون هنا؛وسام قال لإليزا تجلس عنده لين يلقى حل لمشكلتها والحقيقه هي انه ماله نيه يخليها تروح من بيته لانه يحس انه تعلق فيها ويحب عيونها اللي تشبه عيون اخته وصار يعتبرها مثل اخته الصغيره وحاب يعتني فيها بس باقي يبي يكلم إليزا عشان ياخذ موافقتها تستقر معه.
...
نزل من الدرج بحماس وحيويه وابتسامته اللي شاقه وجهه وماتفارقه ابداً جلس على الطاوله وبصوت عالي شوي:صباح الخير.
ردو عليه:صباح النور
اخذ خبزه وجلس ياكل بعدين قال:اي بروح مكان اليوم ولا كالعاده تسحبون علي!"يأشر على ايلاف وميرلين"انتي وياها مع بعض"ويأشر على كنان"وذا النفسيه بشغله كالعاده وانا يا جالس بجناحي يا جالس مع الخدم بالمطبخ اسولف حتى هم احسن منكم يسولفون معي"تكتف"
كنان رفع راسه وقال بهدوء المعتاد وإلي مل منه إلمارك:بروح للبحر
إلمارك ابتسم:جد! ومتى!
كنان:بعد الفطور قلت للخدم يجهزون كل شيء معد بس الا تطلعون تاخذون لكم كم لبسه لاننا بنجلس يومين استاجرت لنا بفندق مطل على البحر شقتين شقه لي ولك وشقه للبنات
ميرلين انبسطت ومسكت خدود كنان:وزينهم ياناس اللي يخططون بدون ماادري
كنان ابتسم ونزل يديها وقام:يالله انا طالع بخلص لي كم شغله ارجع القاكم جاهزين لاننا بروح بسيارتي بدون السايق.
هزو روسهم بالموافقه وطلعوا.
إلمارك نقز من مكانه وبخفه:يوه اخيراً بنطلع من ذا القصر من جيت وانا طفشان"وطلع الدرج بسرعه وراح جناحه يجهز له كم لبسه.
إيلاف وميرلين نفس الشيء قاموا واتجهو وكل وحده راحت لجناحه تجهز ملابس لها.
كان يقلب بالاوراق دخلت عليه وواضح انه ماانتبه لها جلست قدامه واردفت:طفشت
رفع راسه:وش تبين اسوي طيب!"ورجع نزل راسه بالاوراق اللي بيده
لانا تكتفت وحطت رجل على رجل:وش رايك نروح البحر
أليكس بهدوء:طيب
لانا قامت بفرحه:خلاص بروح اجهز لي ملابس وبقول للخدم يجهزون لك انت بعد
أليكس:تمام
طلعت من عنده والفرحه موب واسعتها واخيراً بتطلع طفشت وهي جالسه بالشقه
................
وصلوا للبحر نزلو ونزل إلمارك وبخباله الدايم راح بسرعه ودخل البحر بدون ماينتظرهم
ضحكوا عليه وجو خدم الفندق اخذو شناطهم واغراضهم يطلعونها للفندق توجهو لإلمارك اللي يلعب على الشاطىء
إلمارك بصوت عالي شوي وهو يلوح لهم:تعالو بسرعه
راحت إيلاف وهي تركض له ودفته ودخلت معه بالبحر وتبللت لحقتها ميرلين وجلسوا يغرقون بعض بالمويه وهم يضحكون
جاء كنان وجلس على الشاطىء شافه إلمارك واتجهه له وسحبه من يده:قوم قوم يالنفسيه استانس شوي
كنان مارد عليه ومشى وراه دخل البحر بس تفاجىء باليد اللي دخلت راسه بالمويه طلع راسه وهو يضحك ناظر له كنان وقال بعصبيه:مجنون انت!
إلمارك وهو يوخر عنه:اضحك يالنفسيه
كنان:اوريك من النفسيه"ونقز فوق ظهره ودخله جوات المويه"
صار إلمارك يقاومه وفكه ورجع غطس وجه كنان بالمويه وجلسوا يضحكون إلمارك ابتسم:واخيراً شفت ضحكتك حسبتك ماتعرف تضحك
كنان ضحك:ليه وش شايفني حجر
إلمارك حك راسه:شكيت والله انك حجر متحرك بس الحمدلله طلعت بشري
كنان فطس ضحك من كلمته وابتسم إلمارك
جلسوا يلعبون بالبحر وماحسوا بالوقت لين غابت الشمس طلعو من البحر وتوجهوا للفندق،كنان وإلمارك دخلوا شقتهم وميرلين وإيلاف نفس الشيء
دخل كنان الحمام اول وتروش وطلع وناظر لإلمارك اللي يلعب بجواله:ادخل تروش خلصت
قام إلمارك واخذ منشفته واتجه للحمام يتروش
"الساعه١٠"
كانوا يتعشون تحت بالمطعم حق الفندق ويسولفون بهدوء ويضحكون قام إلمارك:بروح الحمام واجي لف وجاء بيمشي بس فجاءه وبدون ماينتبه......  !

"انتهى البارت"
رايكم!
فوت وكومنت لطفاً!