"ليته يدري ويحس وش بداخلي
والله ان ينصدم بحُب مادرى به."
حطت الطياره على ارض السعوديه وتحديداً الدمام حامله على متنها تنهيدات كبيره من التعب وانهم اخيراً وصلوا بعد سفر دام لعشرين ساعه تقريباً.
وقفوا ثلاثتهم قدام باب المطار ينتظرون سياره تاخذهم.
التفت اليكس لكنان:اتصلت ع احد يجي ياخذنا ولا نروح مع تاكسي!
هز كنان راسه بالايجاب:اي اتصلت ع سواق العايله يجي ياخذنا.
سكتوا شوي قبل ماتوقف قدامهم سياره أودي بيضاء ٢٠١٩ جديده.
ناظرو في السياره بإستغراب وناظرو ببعض قبل يرجعون يناظرون بباب السواق اللي انفتح وطلع منه اللي صدمهم وهو يردف:ماشتقتوا لي!
صاح المارك وهي يرمي شنطته بإهمال ع الارض ويتجه صوبه ويحضنه بقوه :فااااديييي.
ضحك فادي وهو يشد عليه ويردف:عيون فادي.
ابتعد عنه المارك وناظر فيه من فوق لتحت كان لابس شورت بيج لنص فخذه وتيشيرت ابيض ورافع شعره ع فوق وصابغ بعض الخصل ثلجي،تغير شكله عن قبل ست شهور نحف اكثر بس صاير اجمل وطالع له شوية عضلات واضح من يديه انه كان يتمرن.
صفر المارك بإعجاب:اوه طالع مز.
غمز فادي بلعابه:اعجبك.
تقدم صوبه اليكس وحضنه هو الثاني:اشتقتنا لك.
بادله فادي الحضن واردف:وانا بعد.
بعد عن بعض وناظر فادي في كنان اللي باقي مصدوم بمكانه مايقدر يحدد شعوره شوق حنين انبهار اعجاب.
ابتسم فادي بجانبيه:شكلك انت ماشتقت لي!
فتح كنان فمه كذا مره يحاول ينطق يبي يقول الا اشتقت الا مت بعد،لكن صوته ماطلع،لذا قرر يسكر فمه ويتبع خطوات فادي اللي يتقدم له.
وصل عنده فادي وبحركه ماتوقعها كنان ضمه فادي بقوه زي اول واردف:اشتقت لك.
جلس كنان متصنم مكانه ماتحرك ومابادل فادي الحضن كان متوقع ان فادي بيتجاهله او بيسلم عليه بجفاء،لكن انه يحضنه!هذا بحد ذاته صدمه لكنان وعذر يخليه مايبادل فادي الحضن.
بعد فادي من حضنه ودق كتفه بمزح:كنان شفيك كنك شايف جني!"وبوز بعبوس مزيف خلا قلب كنان يطلع من مكانه فوق انه اصلاً موب بمكانه"شكلك صدق ماشتقت لي!
تحمحم كنان واردف بهدوء:كيفك!
هذا كل اللي طلع منه ماقدر يقول اي شي ثاني.
دار فادي حول نفسه وهو يضحك ويقول:شوفني بسم الله علي صاير فتنه.
تحمحم كنان للمره المليون وهمس:اي شايف.
شال شنطته وحطها بصندوق السياره اللي قد فتحه اليكس وعقبها فتح باب السياره الخلفي وركب.
ناظروا كلهم بالسياره اللي ركبها كنان وبعدها توجهت انظار المارك واليكس لوجه فادي اللي طاحت ابتسامته الكبيره وظل يتأمل باب السياره اللي ركب منه كنان.
اخذ نفس عميق بعد فتره قصيره والتفت لإلمارك واليكس اللي كانوا يراقبون حركاته من فتره ورسم اكبر ابتسامه ع وجهه وقال:تو مانورت السعوديه والله.
ضحك اليكس يجاريه:منوره بوجودك.
صفق فادي بيديه:يالله اركبوا الكل ينتظركم بالبيت.
أنت تقرأ
أجبَرني حُبُگ للانحناء
Romanceروايه_أجبرنُي_حُبُــگ_للإنحناءْ ,,,,,,,,,,,,,,,,,,,,,,,,,,,,,,,,,,,,,,,,,,,,,, لا تقول لن احب او سأحب ؛لانك في لحظهٍ ما وفي وقتٍ ما بدون موعد محدد ستجد نفسك واقع بالحب. "الروايه مثليه ان كان لا يعجبك هذا النوع من الروايات لا تقراء+الروايه بالغه العر...
