هذا بارت كامل يعني تصبيره وبين فتره وفتره راح انزل بارت من الي انا كاتبها لين اختم الروايه.
استمتعوا حلويني.
......................
فتح باب الجناح وانفتح معه بسرعه دخل راسه بشويش يدور على اليكس وطاحت عيونه عليه لمن شافه منسدح على السرير ويلعب بجواله بهدوء تنهد ودخل وهو يقفل الباب وراه توجه لسريره ووقف عنده وهو ساكت ويناظر في اليكس الساكت, كان اليكس لابس شورت وبدون قميص.
بلع المارك ريقه قبل لا ينطق بـ:اسف
مارد عليه اليكس وكمل لعب بجواله.
كمل المارك:طلعت انا وفادي لمدينه الالعاب وماحسينا بالوقت واحنا نلعب وما انتبهت انها مرت ثلاث ساعات واننا صرنا مقربين على نص الليل"سكت شوي وبعدها كمل"هي الخطه كانت نرجع قبل لا ترجع بس والله ماحسيت.
مارد عليه اليكس وهو يسوي نفسه مايسمعه.
تأفف المارك وضرب رجله بالارض وكأنه طفل واردف بعصبيه ورجاء:اليكس خلاص اعتذرت بعدين قلت لك نسيت جوالي بالسياره.
رد عليه اليكس اخيرا بس ببرود:روح نام عندنا محاضرات بكرها نسجلها.
عقد المارك حواجبه بضيق:يعني زعلان مني ولا لا؟
مارد عليه اليكس بس سكر جواله وسحب بطانيته ينام.
تكلم المارك بحزن والدموع تجمعت بعيونه:ماتبيني انام معك!
همس اليكس ببرود:طف النور وراك.
ناظر المارك في ظهر اليكس قبل لايطلع من الناح ويقفل الباب بخفيف.
دخل غرفته وانسدح بسريره ودفن وجه بالمخده قبل لا تنزل دموعه وتغرق المخده منها.
لأول مره اليكس يعامله ببرود كذا ويتجاهله وهو اكثر شيء يكره التجاهل ويعوره البرود كثير,الطريقه اللي اليكس عامله فيها اوجعته كثير لدرجه تحولت لدموع كان عادي عنده اليكس يهاوشه بس موب يعامله كذا وكأنه مو مهم.
دموعه وبكاه تحولت من الصوت الخفيف لشهقات الم يحاول يكتمها بس مو قادر.
"عند اليكس"
بعد ماطلع المارك من عنده رجع انسدح على ظهره وحط يده على عيونه وتنهد بعمق, حس بالندم لمن سمع نبره الحزن بصوت المارك وسمع تغير نبرة صوته اللي كانت تدل على انه يبي يبكي كان وقتها يبي يحضنه ويقول له لا تبكي بس الساديه عنده طغت على هذا الشعور فهو شخص يكره ان اوامره تنعصى.
أنت تقرأ
أجبَرني حُبُگ للانحناء
Romanceروايه_أجبرنُي_حُبُــگ_للإنحناءْ ,,,,,,,,,,,,,,,,,,,,,,,,,,,,,,,,,,,,,,,,,,,,,, لا تقول لن احب او سأحب ؛لانك في لحظهٍ ما وفي وقتٍ ما بدون موعد محدد ستجد نفسك واقع بالحب. "الروايه مثليه ان كان لا يعجبك هذا النوع من الروايات لا تقراء+الروايه بالغه العر...
