((((تري يا قلب احببت من))))... بقلم ريحانة الجنة
((الحلقة الرابعة والثلاثون والاخيرة))
في بيت مهاب ونغم
مهاب صحي من النوم مفزوع وبينهج ويزعق لا لا يا نغم نغم ادم لا يا نغم .
نغم: صحيت مفزوعة. خير يا حبيبي مالك في ايه
مهاب: قعد يبصلها ويبص لنفسه ومش مصدق. هو انا ممتش انا عايش صح
نغم: بعد الشر عليك يا روحي لا طبعا انتي بخير مالك ليه بتقول كدة بس
مهاب: يعني عدنان مقتلنيش وانتي متجوزتيش ادم صح
نغم: حطت ايديها علي راسه. حبيبي انت سخن عدنان مات من 4 شهور لما كنا في السخنة وسامح قتله انت نسيت.
مهاب رجع فلاش باك
مهاب ونغم نازلين من اليخت ووصله المرسي ومهاب كان نازل بظهره علشان يخلي باله من نغم. وفاجأة سمعوا صوت رصاص. مهاب طلع مسدسه ولف بسرعة علشان يخبي نغم وراه لقي عدنان واقع مقتول ووراه سامح بيشيل مسدسة ومبتسم
سامح: حبيب قلبي يارب تكون انبسط
مهاب: ايه اللي جابك والزفت ده عرف مكاني ازاي
سامح: اصل مراد كلمني النهاردة وقالي ان جاتلوا معلومات ان الغبي ده عرف انك هنا وجاي يستفرد بيك خت عربيتي وجيت بسرعة وطبعا بتصل بسياتك والمدام تليفونتكم نايمين في العسل زيكم. ولما سألت عليك قالولي انك في البحر قعدت استناك ولمحت الحيوان ده بيصوب عليك ادتهالوا كانت الرصاصة من نصيبه هو.بس ايه رأيك نشين انا صح
مهاب: اخد سامح في حضنه. حبيبي انت صاحب عمري تاني مرة تنقذ حياتي
سامح: انت اخويا مش بس صاحبي والله كنت مستعد اخدها بدالك. المهم دلوقتي انك بخير. الحق نغم مالها
مهاب:جري علي نغم لقاها بتعيط وبتترعش. حضنها مالك يا قلبي في ايه.
نغم:لما صوت سمعت الرصاص افتكرت ان انت اللي انصبت
مهاب: ضمها لي اكتر وابتسم حبيبي للدرجة دي خفتي عليا. بس الحمد لله جات سليمة اهدي بقي انا كويس اهو تعالي علشان نروح الشاليه. سمسم خد الجثة دي في ايدك وانت ماشي
سامح: طيب يا خويا ماناس تروح تتروق وناس تشيل جثث. ربنا يهدك. بقولك ايه بيتوني معاكم النهاردة
مهاب: وحياة امك ما انيمك في وسطينا احسن.
سامح: هههههههه ياريت
مهاب: امشي من قداني بدل ما انيمك جنبه
سامح: هههههههه خلاص ماشي اشوفك في القاهرة سلام
ورجع مهاب من شروده. مهاب: اه صحيح. يعني انتي متجوزتيش ادم مش كدة
نغم: يا مهاب حرام عليك انت بقالك 4 شهور هاريني احلام مهببة. ادم مين ده بس اللي اتجوزه. ده كان حلم يا حبيبي
مهاب: رمي نفسه علي المخدة. اه يا نغم ده كان كابوس مش حلم كل الاحلام اللي فاتت دي كوم والحلم ده كوم تاني يا نهار اسود دانا شوفت بالاواي. وسيادتك عملتيلي فيها حزينة في الاول وبعدين روحتي اتجوزتي ادم. لا وكمان ابني يقولوا يا بابا ده انتي يومك اسود النهاردة
نغم: ههههههه اتجوزت ايه وابنك مين بس. اذا كنت انا حامل في تؤم بنتين
مهاب: اه صحيح انت مش حامل في ولد اومال الواد انس ده جه منين
نغم: من احلامك. اهدي بس كدة وروق
مهاب: وجز علي سنانه. لا وكله كوم والوصية كوم تاني ال انا اوصيكي تتجوزي ادم. يا نهار منيل مع ان الوصية غير كدة خالص
نغم: ليه هو انت كاتب وصية بجد.
مهاب: مسح شعره. بصراحة اه بس طبعا مش كدة. انا اول مرة كتبتها يوم كتب كتابنا. كنت موصيكي لو انا مت قبل ما نتجوز وانتي لسة بكر. متتجوزيش من بعدي قصاد انك تورثي كل حاجة. علشان انا مش عايزك تكوني لغيري ابدا.
نغم :بحنية. وانت كنت متخيل اني ممكن اتجوز غيرك. مستحيل
مهاب: باس ايديها.انا بغير عليكي من نفسي يا نغم بس انا كمان قبل ما نسافر السخنة اخر مرة روحت وعدلتها
نغم: ليه.
مهاب: فاكرة اليلة اللي قضنها مع بعض عند مامتك لما جيت اصالحك.وانتي ليليتها قولتيلي انك حامل في تؤم بنتين
نغم: ايوة فاكرة
مهاب:تاني يوم قبل لما اجيلك روحت لكريم وكتبت وصيه جديدة. بوصيكي انك ماتتجوزيش راجل تاني وتخليه يربي بناتي من بعدي. وكمان انا عايزك تفضلي كدة لحد ما اقبلك في الجنة عايزك مراتي في الدنيا والاخرة لانك لو اتجوزتي من بعدي هتكوني في الجنه لاخر راجل اتجوزتيه في الدنيا
نغم: حضنته اوي. حبيبي انا بحبك ووالله عمري ما هفكر في راجل تاني ابدا مهما حصل
مهاب:ضمها اكتر نغم انا بحبك وبغير عليكي اوي اوي حتي لو مت ومش هبقي معاكي غيران من دلوقتي
نغم : متخفش عمرها ما هتحصل ويارب انا اموت قبلك
مهاب:متقوليش كدة انا مقدرش اعيش من غيرك.
نغم:ابتسمت. قولي بقي ايه حكاية ادم وليه هو بالذات اللي كل شوية تحلم اني اتجوزته
مهاب:جز علي سنانه. وليه السيرة المنيلة دي ده انا هاين عليا اخنقك بقي رايحة تحمية وتاخديه في حضنك
نغم:ههههههههه انا والله مظلومة
مهاب:بتضحكي. لا والا بقي وانتي حاجزاله في الفندق وعملاله جو رومانسي. جايباله ورد وشموع ده يومك مش طالعله شمس النهاردة ده انتي عمرك ما عملتيها معايا
نغم: هههههههه وانا مالي انت اللي كنت بتحلم
مهاب: اه يا نغم ده كان حلم منيل وربنا. والابقي ابن فريال وحياة امه لربيه
نغم: مالوا سامح هو كمان انت مش سايب حد
مهاب:ده يومه مش معدي. كان ظايت علي الاخر وقاعد يحب فيكي ويبوس في ايدك. وكان نفسه يتجوزك
نغم:هههههههههه. ده علي اساس انك كنت متجوز كيم كاديشيان
مهاب: شدها وحضنها.احلي منها كمان انتي موزة. وكمان هي عمليات ونفخ لكن انتي طبيعي يا قلبي
نغم:ابتسمت. اممم طيب مش هتقولي شوفتني انا وادم بنعمل ايه في الحلم خلاك قايم متغاظ كدة
مهاب:ماتتلمي بدل ماارزعك قلم اولدك دلوقتي
نغم:هههههه خلاص خلاص. بس قولي هو لون عنيك بيبقي حلو ليه وانت متنرفز كدة
مهاب:هههههههه اه يابنت اللذين بقيتي مشكلة ومصيبة
نغم:بدلع. لا بجد عنيك حلوة قوي
مهاب: شكلي كدة هقولك انا شوفت ايه في الحلم بس بطريقتي
نغم: بخبث. تؤتؤتؤ انا اللي هوريك
مهاب:تيجي نشوف................
