بسم الله الرحمن الرحيم و الصلاة و السلام على اشرف الخلق و سيد المرسلين سيدنا محمد و على اله و صحبه و سلم
في الحقيقة مش عارفة اقول اي او اكتب اي دى اول مرة اكتب فيها حاجة .
في الكتاب دا او ايا كان اي هوا هيتناول طبعا نن عنوانه باين انه هيتكلم عن مجموعة معلومات ممكن تفيدنا فحياتنا يعنى حاجات قريتها حبيت اشاركها معاكو (لو يعنى حد حب يقراها) و لقيت ناس كتير بتكره القراية و لا لسا هقرا كل دا دا كتير ياعم فكك حد واخد منها حاجة عشان اضيع وقتى عالقراية ....يعنى هحاول انى اغير فكرتهم عن القراية شوية و انها حاجة جميلة بتعرفنى على افكار الناس و حضارتهم و بتيحلى اسافر فشتى انحاء العالم و انا قاعدة مكانى ( ايوا يعنى استفدت اي لما اعرف حضارات الناس و اعرف افكارهم اي الفايدة؟؟!!!) همممم من خلاص المعرفة دى انا بستفاد منها فحياتى باخد خبرات و تجارب ناس قبلي دا يساعدنى على انى لما اقع في موقف زى دا اعرف اتصرف ردة فعلى تبقي اسرع لعلمى المسبق بالحاجة بتوسع مداركى بتعرفنى حاجات عمرى ما سمعت عنها بتساعدنى في كل حاجة فحياتى دا غير ان الناس بيحترموا المثقف و بيحبوه 😉😉
( طب كدا عرفنا اهميتها بس بردو ما بحبش القراية مش بلاقي كتاب او خاجة تناسبنى ما بعرفش اختار ما بين الكتب و لما اختار بزهق منه و بسيبه😕😕) بس كدا دا حله بسيط و هوا انى خلال الكتاب دا هجيب اسماء الكتب و هديله ملخص بسيط و راي القراء فيه و في اسلوب الكاتب . دا هيديك فكرة عامة عن الكتاب و ساعتها قرر هتقراه و لا لا و بالنسبة للى مش بيحبوا القراية تقدروا تبداوا بالروايات سدقونى هتحبوا القراية جدا بسببها انا عن نفسي بدات كدا كانت رواية قريتها رواية نصف ميت للكاتب المبدع حسن الجندى حببتنى اوى في القراية .ممكن تجرب تبدا زى كدا المهم تقرا .ايا كان اياللى بتقراه مفيد مش مفيد بردو اقرا .... و بسسس
و لان لى عمرا واحدا فقط ساظل اقرأ .
