《انا خالد حسنى 28 سنة خريج كلية تجارة منذ ستة اعوام بلدى هو البهوفريك التابع لمحافظة الدقهلية و اليوم رفض بزواجى من حبيبتى للمرة الثامنة》 علقها خالد بجوار 7 ورقات اخرى يبدو انها قد علقت سابقا .
بعد كل المحاولات من خالد انو يرضي ابو منى المجنون اللى عايز لبنته واحد خارق غريب الاطوار قرر خالد يخوض مغامرة كان دايما يسمع عن منطقة مهجورة سرداب فوريك .السرداب اللى اشتهر عنه انه مسكون بالاوراح و الجن .نفسه اللى حاول جد خالد ينزله و لكن فشل يكمل عبوره .
يستعد خالد لرحلته للسرداب و بعد محاولات مستمتية كانت هتودى بحياته يعبره السرداب و يلاقي نفسه فوسط صحرا ساعته وقفت و لله الحمد .
يلاقي تاجر معدى بعريبته يطلب يوصله لاقرب مدينه مقابل مبلغ هوا كل اللى معاه الراجل يبصله و يرميهم و يمشي 《مجنون صح 》 ...... بعدين يوصل لبلد اسمها زيكولا يلاقيهم بيتعاملوا بوحدات الذكاء البلد اللى تحسها متاخرين عن عالمنا مئات السنين يلتقي خالد بيامن يبقو اصحاب و طبيبة زيكولا الاولى اسيل و تبدى رحلة خالد ان يحاول يرجع لبلده ....خلال رحلة بحثه عن كتاب واحد نزل قبله خلال رحلته يكتشف ان اهله اللى توفو من لما كان طفل كانوا عايشين فى المكان دا و ان عندو اخ هلال اللى قتل اهله بس عشان يورث وحدات الذكاء اللى عند اهله لان في عادة عند اهل زيكولا انهم بيدبحوا اقفر واحد فيهم في يوم الاحتفال اللى بيتعمل كل سنة و اللى بيتفتح فيه باب زيكولا و اللى كان نفسه اول يوم دخل فيه خالد زيكولا ...و بعدين خالد يفضل شهرين يشتغل عشان يجمع تمن الكتاب اللى فيه الطريق اللى هيرجعه بلده و اللي صادف ان كان مع اهله و اللى ورثه هلال و طبعا هلال هيبعه لخالد مقابل 400 وحدة ذكاء .
في الوقت اللى بيعلن ان زوجة الملك حامل .........و تدور الاحداث و التشويق يزيد و يكون خالد قرب فقد كتير من وحدات ذكاءه و اللى يفاجئ ان زوجة الملك وضعت وريث المملكة في الشهر السابع و اللي هيقوموا فيها باحتفالات و هيتفتح باب زيكولا و يشاء القدر ان خالد يكون ذبيح زيكولا .......يا ترى يموت ؟؟؟؟!!
روايه ارض زيكولا للكاتب عمرو عبد الحميد .من اروع الروايات اللى قريتها و اجملها ( طبعة انا سبت احداث كتير في الملخص دا عشان ما احرقش الرواية للى حابب يقراها) بصراحة الكاتب ابدع فعلا انا بديها 9/10 .
ليها جزء تانى بعنوان اماريتا ارض زيكولا 2 ( الجزء التانى احلى بكتير من الاول)
للى مش حابب يتعب نفسه بالقراية فيه نسخة صوتية منها اليوتيوب .اللى حابب يسمعها ممكن يكتبلي في تعليق و بحط اللينك بتاعها .او ممكن يدور علي اليوتيوب هيلاقيها .
مستنية اراكوا فيها اذا قريتوها و لو حابين انزل ملخص الجزء التانى اكتبولى في التعليقات ...
قراية ممتعة ...
و بس....
