☆ ذنـــــبٌ بـــلا ذنـــــب ☆

² الــــبــــارت الـــثـــانـي ²

- وين موديتني يمة فدوة

- اضمج عنهم يمة اضمج

-  متضميني من اهلي مينضم عنهم شي يمة يطلعوني من جوا الگاع

بحيرة و الم تجرجرها امها تمشي بيها بعيد تدخل بستان بعيده

- اگعدي هنا بين الزرع لا تخلين احد يشوفج حتى  سمعتي صوت يمة

- و انتي ،  تعوفيني يمة لا متروحين اخاف وحدي يمة متعوفيني هنا

- ما اعوفج ارجعلج سري شلون اعوف روحي

تلزمها سري و تبجي
- لا تروحين و النبي اموت فدوة يمة
تخلي الشيلة على وجهها و تبجي على بنتها

- تحملي يوم لخاطري ماريد اعوفج بس ماريد اهلج يذبحوج يمة گليبي
اگعدي هنا ما تطلعين الا من تسمعين صوتي 
تگعدها تبوسها و تبجي وياها

- ترجعين يمة مو

ببكاء - ارجع يمة ارجع

تتركها و تمشي تترنح من التعب و الالم تبجي و تحجي وية نفسها

- اريد اخذج يمة وياي اريد اجعج للبيت سري يمة مو اني الي اعوفج لكن يذبحوج سري يذبحوني و لا يذبحوج

تختفي امها عن بصرها تنهار بالبجي سري اول مرة وحدها بمكان غريب و خالي - يمة ،  اريد امي  لا تعوفيني يمة 

ترجع الام للمكان تمشي و تتعثر من التعب حيلها مهدود تشوف الدم توگع و تلطم يمه
- اويلي عليج يمة اويلي ولدي اويلي
يرجعون سلمان و سالم يشوفون امهم تلطم يركضون عليها يلزمها سلمان من ايدها و يصرخ
- شبيج يمة شصاير ،  يشوف الدم ينهار - وين سري وينها يمة

تزيد الام بالنوح بالم و تحجي - سلمان اويلي علية اويلي يمة

يصرخ سالم - شبيج فهميني

سلمان يصرخ  -بنتج وين يمة

تلطم وجهها و تبجي - اويلي على اختكم اويلي يمة اخذوها ظلام النفس يمة اخذوها

يصرخون منهارين - منوو وينهاا احجي يمة
- زلمة هجم عليها و اخذهاا

يصرخ - سالم شحاي تحجي امي فهمني مو تخبلت
سالم يصرخ - منو يمة شلون اخذها و انتي وين جنتي 

- حاولت و هجمت و صرخت ضربني يا ناس يا عالم انجدوني يا خلق الله بنتي راحت كدام عيني اخذ شرفها ماتت بين ايدي و خذاها
تضرب على صدرها منهارة بالبجي - سودة علية سري سودة يمة تصيح عليكم ماكو نجدتكم لما هلكت يمةة 

يركض سالم بالارجاء منهار يبحث
سلمان يصرخ - شفتي الرجال تعرفي من يا عرب احجي يمة احجي

- عيونه زرك يمة مو من اي عرب احمراني يمةةة ما هو عربي

- الكفار ،  الكفار  ،  يترك امه متهستر و يركض يصرخ - سري ،  سرري ،  وينج خيتي

بعد ساعات من البحث رجعو لامهم يسندوها و يصعدها السيارة

- لانهد المقر على روسهم النگسين ما يبقون هنا بعد
بديوان بيت عمه الحبير يطب سالم على ابو و عمامه يلطم على راسه و يصيح

- الحگ يابة  الحگ شرفنا ضاع

يصرخ - شجاي تحجي سالم شصاير

يصرخ سلمان - الامريكان يابة كسرو سري الكفار
يركض ابو على السلاح يبجي و يصيح باسم بنته يطلع وراه اخوانه و ولده يطبون بيتهم يصرخ
- بنتج وين مديحة وينها سري
تلطم الوجه و تنوح بدون رد يدور الاب بالبيت و يصرخ سري  يرجع على زوجته

- طلعيها مديحة لا تضميها طلعيها اطهرها صارت ذنب ،  ينهار بالبجي - طلعي روحي خلي ادفنها
يگعد بالگاع و يبجي بصوت عالي يرفع بسلاحه - طلعي بنتي خلي اذبحها و اطهر شرفها

تصرخ ببجي - ذبحوها ابو سلمان ذبحوها بنتك

باحد الطرقات الترابية بين البساتين جبار و مالك اخوان سري يسرحون بالغنم راجعين للبيت

مالك - اليوم الجو نار ،  عندك مي

جبار - هاك

يتلگاهم سالم يركض باتجاههم
- هذا سالم

- اي والله ،  شبي يركض بسلا صاير شي

يصرخ سالم - جبار ،  مالك عجلوا عجلوو

- شصاير ،  شكو

- عرضنا جبار عرضنا راح

مالك- شبيها سري

جبار يشمر العصا و يركض للبيت مگلوب بعمامه و امه تلطم يسخب الجلاب من حزامه و يصيح
- وينها سري اليوم اذبحها ،  وينها

تبجي الام و تعيط - ماكو بنيتي اخذوها جثة

يصيح - شجاي تحجين يمةة وين اخذوها

- مادري ،  مادري سودة علية سري سودة علية احترگ گلب ابوج و اخوتج عليج يمة

- اليوم اهجم المقر على روسهم احرگ الامة يابة

يطلعون بدم حامي و صدور محترگة يدخلن نسوان المنطقة عليها يبجن عليها  بعد ساعات تسمع اصوات اطلاقات نارية  تنهض الام و تصيح
- بعد ما اتحمل يمة سري ،  اريدها وين بنتي

- اگعدي ام سلمان وين رايحة الزلم يدوروها

تصيح بصوت يرجف - لا ما اگعد و لا ارتاح بعدها اني اروح ادورها شبر شبر ،  اريد بنيتي

تطلع تركض يتلگاها ابن اختها شاكر  يحجي بالم
- خالة  شصاير وين سري صدك الي سمعته
- امشي وياي يمة ،  وديني
- وين خالة ،  وين تردين ؟ فهميني الي صار صدك سري ماتت ؟
- وديني بالطريق افهمك يمة فدووة
يصعدها بالسيارة بالطريق تحجيله كلشي صار شاكر شخصية حنينة و افكاره عصرية جان المشجع الاول لسري و يعاونها بدروسها
- اذا لگوها يدفنوها ،  وين راح توديها عربنا ما ينضم بيها شي
تبجي و تحجي بانفعال- مادري يمة اني بحال كافر مينحط بي
- خالة العرب تاكل وجوههم و اعرفهم ولدج دمهم حار مايرتاحون الا يطهرون الشرف بدمها
- ادري ،  ادري لعد ليش ردتك تساعدني
- شنو الي ابالج فهميني
- ماعندي حل غير نهربها للولاية ،  ما اريد اخسرها و اخسر ولدي

سري بين الشجيرات تسمع صوت الرمي تتشاهد و ترجف من الرعب
- اكيد اهلي ، راح يذبحوني ، يمة وينج يمة

يحل الظلام تصدح اصوات الحشرات في كل مكان هدوء مخيف فقط صوت انين بكاءها يسمع
- وينج يمة ،  وينج راح اموت وحدي هنا ،  شسويت اني ربي شسويت شنو ذنبي ، اموت اذا بقيت هنا
مو گلتي ارجع وينج ،  يمةة فدوة لا تعوفيني