السََّارقَة

❤✴السارقة 46✴❤

بسيارتو الفارهة وقف قدام قصر ليبنتون وطلب مقابلة السيدة هيلين دخلوه لإحدى القاعات يتسنى وشحال كان يحس بالخنقة فداك الجو العسكري بعد مضي نص ساعة جاتو هيلين من بعد ما لبست أجمل معندها وتزينت باش تعجبو وترضيه بلهفة المشتاقين غير شافتو عنقاتو لكن هو بجمود بعد يديها عليه

هيلين(بضحكة مرارة كتتأمل مسكينة):-.... واش مشتاقيتليش ؟

وليد(ببرودة):- أنا جيت هنا لهدف محدد بغيت نشوف بنتي سارة قبل منسافر

هيلين(امتعضت من كلامو لوات شنافتها بتعنت) :- آه سارة راها فبيتها دبا دقيقة نعطي أمر يوجدوهالك

وليد:- مكان لاش يوجدوهالي أنا باغي نشوف بنتي بشكل طبيعي وتذكري أن هاد الرسميات هي اللي فرقت بيناتنا لذا لو سمحتي بعدي لهيه خليني نمشي نشوف بنتي

هيلين:- منقدرش نسمحلك تكسر بريستيج المكان أوليد ..

مشا وخلاها ضربت غضبا بكعب رجليها على الأرض وتبعاتو وهو كاع مكيسمعلهاش اللي فراسو فراسو فتح باب الغرفة وطارت عندو بنتو اللي كانت كترسم

سارة(عندها 6 سنين):- دادي دادي توحشتك بزاااااااااااف

وليد(شاف فالخدامات اللي خرجو مبعد مأمرتهم هيلين بذلك وهو نزل لمستوى سارة):- هاي دادي ياحبيبة باباك توحشتك الزوينة ديالي

سارة(طلقاتو ومشات تجري هزت واحد الرسم):- شوف أبابا رسمتك لبارح شفتك فأحلامي

وليد(تأثر بزاف وشد الصورة باهتمام مخنوق فخاطرو):- رائع أحبيبتي.. ساريتا باباك جا يسلم عليك قبل ميسافر غادي يمشي لمسقط رأسه

سارة:- المغرب يااااي دادي أنا بغيت نشوفها

وليد:- أوف كورس بيبي غادي تشوفيها لكن ماشي دبا نتي باقية صغيرة حتى تكبري ونمشي أنا وياك فجولة للمغرب نوريك كلشي فيها

سارة(عنقاتو):- ههههه أحبك بابا

وليد(هزها وعنقها بحرارة ونزلها):- أحبك أيضا صغيرتي يالاه كملي رسوماتك وكوني عاقلة ..

ولات سارة كلست على مكتبتها الصغيرة تكمل رسم وخرج من غرفتها مبعد مشاف فيها بأسى

هيلين(قفلت باب بيت بنتها):- وليد خلينا نرجعو سوا كيف ماكنا قبل