في اليوم التالي بمحل الألبسة
مريم:- وكان غير خيطتي شي حوايج باش تحضري بيهم للعرس قفطان على تكشيطة ..
ناديا:- معليش تانا بغيت الواجد معندي خاطر لطليع وهبيط عند الخياطة
مريم:- هووووه سوليني يانا هبلتني بين ماكملتلي صوالحي كاملين ديال الجهاز
ناديا:- وكتقوليلي وكان خيطتي معليش كيبالي هنا ليموديل واعرين غاناخد شحال من حاجة للحنة ولنهار العرس والتقييل حتى هوا
مريم(بدلال):- نعم نعم طبعا خت العروس ندوشتي ديما الأحلى
ناديا(وهي كتشير براسها لبلاصة لباسات لعرس):- هههه حمقة ويالاه شنو كتسناي ؟
مريم:- أففف قلبي كيضرب بزااااف هادشي كيبالي كاع زين بصح غالي يا ناديا علاش قتلك خليني نكريه أحسن
ناديا:- واانا قلت غاتشريه وهنينا دبا ختاري شي واحد وسيري قيسيه خليني نشوف شي حاجة ليا حتى أنا
مريم:- يا ناديا راه بزاف عليك تحملي كلشي أووو راه ...
ناديا:- أنا ختك لكبيرة وغادي ناخذوه عجبك عجبك معجبكش نجيبلك ابراهيم هو اللي يفهملك
مريم:- اممم شحال عنيدة ويالاه ختاري معايا يبالي كلشي زوييين بحال للي كنا نشوفو فالمجلات شحال هادي وكنحلمو بيه
ناديا(بابتسامة بريئة):- وهاوا واحد الحلم غايتحقق
مريم:- امممم يالاه خليني نختار شي واحد اممم هادااا كتافو نازلين لالا هادا صدرو نازل لالا هادا معندوش الظهر هااااااااااداااا ندخل نقيسو ههههه
ناديا:- هههه مجنونة
دخلت مريم تقيس وبقات ناديا كتشوف مابين لي موديل ديال تكاشط وقفاطن وهزت فيدها واحد القفطان فاللون الغوزي فونصي ومطرز بالذهبي وفوقيتو فالكحل حزامتها ذهبية قالت لديك العاملة اللي تما باللي غاتقيس هادا باش توجدولها في حين كانت عاملة أخرى كتعاون مريم باش تقيس لباس العرس
العاملة:- آنسة تفضلي معايا
ناديا:- ميرسي ختي
دخلت تقيسو فواحد الغرفة خاصة بالتبدال جاها زوين بزااف بقات تشوف راسها فالمراية وابتسمت ابتسامة حزن وخرجت تشوف برا وتوريه لمريم
العاملة:- واووو جا معاك يهبل أختي
ناديا رفعت راسها تشكر العاملة على كلامها الزوين لكن تفاجئت بالخيال اللي شافتو من برا واقف كيشوف فيها حطت فيد العاملة بلا مبالاة حوايجها ومسكت القفطان ملتحت وخرجت تجري تشوف واش داك اللي لمحاتو حقيقي ولا غير كيتهيألها لكن ملقات والو فراغ فديك البلاصة وعرفت أنه فقط تخيلت وضحكت على راسها ببلاهة ورجعت تأسفت من العاملة ولقات مريم مقيسة اللباس وخرجت توريهلها
أنت تقرأ
السََّارقَة
Acciónهاواحد السلام عليكم أنا ماغيبتش بزاف رجعتلكم حيت مسخيتش بيكم وجبت معايا رواية واعرة فمنطولش عليكم إليكم روايتي بعنوان : ~ السََّارقَة ~وباللهجة المغربية أيضا بسم الله
