فارس احلامي 😘

❤فارس احلامي ❤    

البارت -الاول 
اسمي رنا عمري 29سنة طويلة رشيقة كلمن يشوف طولي يكولي حلو جسمج مثل عارضات ازياء بيضة عيوني خضر عايشة وية عائلتي ماما وبابا وخواني وخواتي جنت بصف اول ابتدائي وجيت من المدرسة
رنا :  ماما شنو هذا الكزاز هاي مراية مكسورة منو كسرها  🤔
ماما : مرت ابوج شمرتهة من طابق الثاني 😑
رنا : طبعا ابوي متزوج ع امي ومرت ابوي مرة شريرة😈 كولش تحب مشاكل وامي فقيرة وواني اكره مرت ابوي لانهة شكلهة يخوف 👻وماارتاحلهة كولش من صغري عندي احساس اذا ارتاح للبشر اسولف وياه والعكس اصح
ماما :  هسة خابرته لابوج وراح يجي 
رنا : وماتذكر شنو صار بس الي اعرفه ابوي يخاف من مرت ابوي لانهة شريرة عشت احلا ايام طفولتي ابصف اول جنت محبوبة من خواتي  جانت اختي تمشطلي وتدرسني ونروح سوة للمدرسة
اختي استبرق : داادرس رنا واجة ابن عم ابوي    ومداتفهم كالي خلي ادرسهة اني ودرسهة وخذت 10من عشرة هههه ضليت صافنة
رنا :  ابن جيرانة ولد طفل بعمري لزكلي يومية يصيحلي خل نلعب نوب كالي تعاي بيتنة نلعب بالمرجوحة اني جنت محبوبة يعني الكل يحبني وحتة مرة رحت بيت عم امي وحدة من بناتهم لبستني فستان عرس وجابت اخوهة الصغير وسوولي زفة واجت امهة وكالت هاي شنو يعني تردوهة اله من يكبر كالن لا بس هيج خافن من امهن
   
بعدين شلنة ابيت ثاني وجانت عندي صديقات هواي نلعب سوةبلشارع  محبوبات كليومية العصر اطلع وياهن نلعب سوة حته نجمع من غير فرع ونلعب 😂😂😂 تدرون فرحة الجاهل بلمة فمرة جاي انسولف اني والبنات جيرانة   وبعد وياهن بنات ماعرفهن يمكن من المنطقة المهم قررو نروح نسبح بالشط

وهنا بدت المعانات تقريبا جنت بصف خامس ابتدائي 
ماما : شعندج رايحة انجبي ابوج مايقبل ماترحين

رنا : ماما خليني اروح عفية وللة وياي صديقاتي 
ماما : ماترحين
رنا :طبعا اني طبعي عنيدة فعاندت امي وطلعت
رنا : اجن صديقاتي وطلعت وياهن ورحت سبحنة والعب بلمي اني والبنات فرحانة كلش فاني جاي اكمز بلمي عثرث وكعدت حسيت روحي راح اغرگ صارت بية خوفة كلش اخاف اول مرة يصير بية هيج احساس خوفة قوية  طبعا محد يدري بيه هية لحظات بس اني عبالك مرت علية ساعات وحدة منهن عبالها اني جاي اتفيك   كالت روحي مناك سبحي وحدج لاتجين يمنة ماعرفهة منو هاي ف رحت خذاني الماي ورة اشوية اجتني صديقتي جرتني سحبتني وكالت شوداج مناك تعالي وجرتني وطلعنة وبالطريق البنات يضحكن واني  بعالم ثاني بعالم الصفنات وحدة كالت ليش ماجبتي وياج شي تلبسيه احسن هيج ملابس مبللة وناس تباوعلج كتلهة امي ماقبلت اجي وماخذيت وياي ملابس علمود لاتدري بية

ماما:  هاي شنو ملابسج مبللا مو كتلج لاترحين ليش رحتي 
رنا : ماما اتصيح علية ومنعتني من الطلعة واللعب وية البنات واني ابجي واتذكر من غركت
  من يومهة والخوفة مافاركت حياتي حياتي جحيم صارت مااكعد وية اهلي ولا اطلع وية صديقاتي مثل قبل ولساني احسه مثل معكود بداخلي اتمنة ارد ع اي اساءة الي بس من الخارج عكس ارادتي شلنة ابيت جديد حياتي نفسهة الم باالم احس اكو حزن اكو يئس من الحياة انو الحياة مو حلوة واني طفلة بصف سادس صرت وصعب اشيل حزن بكلبي من لاشي والناس تحجي هاي شبيهة شو كله معتزلة ماتخالط صديقات ماعندي نفس الشي بس وحدة جنت اروح ادرس يمهة جيرانة وهم ورة فترة تعاوفنة  ماعرف ليش هيج صار بحياتي ذرة امل ماكو

ومرت ابوي كله مشاكل ماتكعد يوم بلا مشكلة من شلنة هية بصف بيتنة ومن صرت بصف ثالث متوسط جنت نايمة ع السطح وجان اسمع ابوي كانما بحلم لان جنت نايمة تعبانة يصيحلي كومي كعدي اختي تكوله نايمة عوفهة جان كال كومي لااشمرج من السطح