فارس احلامي 😘

البارت الخامس

#فارس احلامي #

$البارت الخامس $

حبيت انوه عن شغلة اكتشفتهة موخرا عن ابن عمتي طبعا بعد سنوات طويلة ياللة اكتشفتهة اكتشفت انو هوة واحد ادبسز وسحار ويمشي بدروب عوجة ويسويلي سحورة ونا جنت اشك بيه لزكة ويباوع علية جنت اشك بيه رايدني بس ماكالي ابد لان يشتغل من جوة ليجوة وهوة سبب جيتي لبيتهم ومن اجيت لبيتهم ضل يحجي وية اهله يقنعوني عمتي بوكتهة راحت لاهلي وكالتلهم تعالو اخذو بتكم انة عندي شباب وبتكم بنية طبعا انا كافية خيري شري ماافوت كدامه بلا حجاب وشعر ومكياج انا لابسة حجابي واكعد بغرفة البنات هوة الي مو راحة هية من حجت هيج قصدهة ابنهة مو تمام ولان ماقبلو اهله يقنعوني ع زواج منه يمكن هددهم وكالهم اغتصبهة اني هيج تفكيري المهم حسبي اللة ونعم الوكيل عليه ورة سنين رحت دعيت عليه بالامام الحسين عليه السلام يطلع حوبتي بيه ومرت اخوي المهم رجعت للبيت وستمرت الحياة ومرت اخوي عافت اختي اختي ضلت ماتكعد يمهة مثل قبل ها نسيت من نتحرت ابوي جابلي علاج اشربه من السيد وماخذلي كشفية وكايله عليهة عمل وكايله البيت كله يشرب من العلاج توسل بية ابوي ماقبلت اشرب نوب قبلت وشربت وشربو البيت كله ومرت اخوي ماقبلت تشرب وفرت وجهة وراحت صعدت لغرفتهة كالت لابوي بتكم مريضة شربوهة انة مالي علاقة انة شكو وصعدت  ابتعدنة عنهة انا واختي وضلينة مانهتم الهة يعني فقط سلام وبس  ها نسيت فد شغلة هية من شافتني نتحرت الثولة كومي وراهة بكم يوم روحي شربي دوة وخابري لاختج وكوليلهة نتحرت واختهة كالت لزوجهة يخابر ابوي ويكوله بالي صار ثولة عبالهة لعب الشغلة حتة الانتحار هم مثلته وهية اختي سمعتهة تخابر اختهة سنطت عليهة من الباب سمعتهة تخابر اختهة تكوللهة انا كملت وذيج تكوللهة بلعتي العلاج كله تكوللهة اي كملت تكوللهة اوك انا راح اخابر عمج واكوله انتي منتحرة  الثولة عود اختهة جبيرة اكبر منهة وتفتهم وين اكو اخت هيج تكول لاختهة انتحري  وللة عجيب امرهن المهم من رجعت من المستشفى ابوي سئلهة ليش شنو الاسباب الي خلتج هيج تسوين وهية مدنكة وساكتة تعبانة خلي اروح ارتاح وصعدت فوك ومنها وملينة من المشاكل تركناها ضلينة مانسولف وياها بس مجرد سلام وبس هية من شافتنة هيج كومي وحولي مشاكلج وية اخوي الي هوة زوجهة نوب تطرده من الغرفة نوب تشمر ملابسه برة الغرفة نصعد نلكة الملابس مشمرة وماتغسلهن ابوي يصعد فوك يشوفهن مشمرات مايحجي وياها ماعرف شمسويتله مسكتته وكاضيتهة كعدة بغرفتهة وتقفل باب الغرفة وماتفتحه لاخوي شامرته برة وهوة ينام منا ومنا زين انتي كلتي اكسب بيه ثواب من بعد الزواج شفتي الوضع مايلائمج ليش ماكلتي انا ماكدر استمر هيج ليش هالمشاكل سوت هاي المشاكل كولهة بس علمود احنة نكولهة مانريدج اذيتي ابنة ونريد نطلكج منه حتة الفلوس تروح الهة يعني جانت مخططة من الاول تسوي مشاكل حتة احنة نطلب طلاك وتاخذ الفلوس هية بنت فكر وبلسانهة كالت اخوي من راح يخطب كالو لاهل البنت احنة حالتنة المادية تعبانة عشة مانتعشة ومرة هية مرت اخوي تتفيك كدام امي تكوللهة احنة مانسوي عشة نجيب  كباب جبن اي شي كاضيهة كله كباب شوي مشويات هههه طبعا هسة تضحكون لان ماكو ربط هية تكول يوم نتعشة ويوم لا المهم ابوي كال مليت من المشاكل وشكلهة هية ملت بس ماتريد تطلب الطلاك تريدنة احنة نطلبه حتة تاخذ الفلوس صعد لغرفتهة وكاللهة تردين طلاك كالت اي بساع بدون تردد ومن الطرائف الي صارت ادري بيكم ضجتو ونقهرتو خل اضحكم هية مو جانت تقفل الباب عن زوجها لايدخل الغرفة مرة صعدت فوك واشوفهة تدك بالباب علك القفل عليهة هههه وتدك وتدك ونا ميتة ضحك عليهة  كلت بكلبي حل من حفر حفرة لاخيه وقع فيها وطلكت واخذت كولشي حتة فلوس الغرفة نطينا الهة ومن راحت ياااللة مامصدكة انة يعني من صدك هم ونزاح شمرت سبع حجارات وراها كضيت ايام سودة من بعد التخرج جنت لاهية بالدراسة وبنات هسة لهيت بالمشاكل كلت اقدم كلية بس مايقبلون الاشهادة صف سادس اعدادي رحت اهلية ماقبلو بوكتهة جاي قرار جديد الاشهادة سادس  ياربي وين اروح تعيين ماكو وكعدة البيت تضوج ضل ابوي كل سنة يقدملي ع تعيين بوكتهة جان تعيين ع قرعة يذبون الاسامي وعليك يااللة انتة وحضك وكل سنة يدخلوني قرعة ومااطلع انة من جنت بالمعهد جنت اشوف بالمنام ولد طول بعرض جسمه مثل فارس الاحلام يعني لابس ملابس مثل فارس الاحلام شايفين المكسيك يلبسون مثل بوت طويل ويخلون بنطرون جواته تقريبا طوله للركبة والسترة تصير مشرشبة شفته من البوت لحد سترته بس وجهة ماشفته  ونا جنت بالمنام حلمت جنت ضايجة من مشاكل البيت وشرت بالشارع نص الليل اركض وابوي واخوي يركضون وراي يدورون عليه يصيحولي رجعي   واشوف فارس الاحلام كبالي وحضنته كاانما هوة رحمة الي من اللة هواي اتطمنت وحسيت براحة وهم انزاح من حضنته  فزيت ماجنت مهتمة للحلم لان انة جنت محطمة شجابني ع فارس الاحلام وجنت اشوف بالمنام من عافني حبيبي الاول وخلصت السالفة وماقبلو اهله يزوجني جنت اشوفه بالحلم يكول اذا ارجع اخطبج مرة ثانية توافقين واشوفه يتوسل بناس هواي علمود اقبل وصدفة نفس الحلم خواتي شافنه واجن كالولي فلان تذكرينه اذا اجة خطبج توافقين عليه ضحكت كوتلهة اي اوافق هيج اجذب عليهة لان هذا الانسان مو كفو وحدة مثلي تحبه كالت حلمت بيه كال روحي كولي لاختج تقبل اخطبهة واختي الصغيرة هم نفس الحلم حلمت كلت معقول هذا يرجع بعد كل هالسنين هذا صدك مختل عقليا نوب انا ضجت كل مااقدم تعيين ماكو ضليت كاعدة بالبيت ثلاث سنوات الشهر الاخير من السنة الثالثة جاي اكلب بغراضي وشفت تلفوني القديم الي جنت اراسل بيه حبييي الاول وفتحته وصدفة واشوف رقمه كلت ياربي انة مو مسحته شجابه هنا معقولة شو كلت خلي ادز مسج خاف مو رقمه وصدك طلع رقمه كلت هلو  منو علي كال اي كتله انة فلانة كال اهلا وسهلا  شو رجعت حنيت لايام قبل اراسل بالكوة يرد وضلت مراسلات مكالمات يمكن مرتين وقليلة لان مو مال واحد بعده يحبني ويريدني مال واحد جذاب المهم اخر رسالة غلط بيهة علية ونا كلش تندمت لان راسلته وضجت وقررت اعوفه المهم اجو ايرانيين خطار لبيتنة وكالو